𞤀 𞤆𞤉𞤏 𞤁𞤌𞤐𞤀𞤂 𞤚𞤈𞤌𞤆𞤃 𞤖𞤉𞤁𞥆𞤌𞥅 𞤉 𞤊𞤉𞤂𞥆𞤋𞤐𞥋𞤁𞤋𞤈𞤌
𞤁𞤮𞤲𞤢𞤤 𞤚𞤪𞤮𞤥𞤨⹁ 𞤸𞤮𞥅𞤪𞤫𞥅𞤶𞤮 𞤳𞤭𞤯𞥆𞤮 𞤀𞤥𞤫𞤪𞤭𞤳⹁ 𞤲𞤮 𞤧𞤮𞤪𞤼𞤢𞥄 𞤫 𞤤𞤫𞤴 𞤨𞤫𞤼𞥆𞤫 𞤨𞤭𞤲𞤳𞤢 𞤸𞤢𞤲𞤳𞤭 𞤫 𞤸𞤮𞤪𞤦𞤭𞤪𞥆𞤫 𞤻𞤢𞤤𞤲𞤣𞤫 𞥑𞥓 𞤃𞤮𞤪𞤧𞤮 𞥒𞥐𞥒𞥔.
𞤑𞤮 𞤤𞤮𞥅𞤱𞤢𞤲𞤯𞤫 𞤬𞤫𞤼𞥆𞤭𞤲𞤢𞥄 𞤫 𞤥𞤮𞥅𞤩𞤼𞤮𞤲𞤣𞤭𞤪𞤢𞤤⹁ 𞤲𞤺𞤢𞤤 𞤁𞤮𞤲𞤢𞤤 𞤚𞤪𞤮𞤥𞤨 𞤱𞤮𞤲𞤵𞤲𞤮𞥅 𞤱𞤢𞤯𞤵𞤣𞤫 𞤫 𞤧𞤢𞤸𞤪𞤫 𞤭𞤲𞥆𞤫𞤼𞤫𞥅𞤲𞤣𞤫 𞤄𞤮𞤼𞤤𞤫𞥅𞤪 𞤫 𞤲𞤣𞤫𞤪 𞤤𞤢𞤪𞤢𞤤 𞤆𞤫𞤲𞤧𞤭𞤤𞤱𞤢𞤲𞤭𞤴𞤢𞥄 𞤶𞤫𞤴𞤢𞥄𞤲𞤺𞤢𞤤 𞤫 𞤤𞤫𞤧𞤣𞤭 𞤀𞤥𞤫𞤪𞤭𞤳.
𞤐𞤮 𞤩𞤢𞤣𞤲𞤭 𞤤𞤮𞥅𞤱𞤢𞤲𞤯𞤫 𞤧𞤢𞤨𞥆𞤮 𞤬𞤫𞤼𞥆𞤭𞤲𞤢𞥄𞤯𞤫 𞤳𞤮𞤲𞤮 𞤲𞤮 𞤱𞤢𞤴𞤭 𞤱𞤢 𞤧𞤭 𞤯𞤫 𞤬𞤭𞤯𞤢𞥄𞤲𞤮 𞤚𞤪𞤮𞤥𞤨 𞤳𞤮 𞤼𞤭𞥅𞤯𞤭 𞤩𞤢𞤴𞤼𞤭 𞤮 𞤼𞤢𞤥𞤨𞤢𞥄𞤤𞤭 𞤳𞤮 𞤬𞤢𞤲𞤼𞤭. 𞤑𞤮𞤲𞤮 𞤲𞤮𞤱𞤪𞤵 𞤥𞤢𞤳𞥆𞤮 𞤲𞤣𞤵𞤲 𞤬𞤭𞤯𞤢𞤲𞤮 𞤩𞤢𞤴𞤼𞤭 𞤲𞤣𞤵 𞤴𞤭𞤴𞤢𞤲𞤮 𞤳𞤢 𞤯𞤮𞤱𞤤𞤭 𞤸𞤭𞤲𞥋𞤣𞤵 𞤥𞤮𞤣𞥆𞤭 𞤰𞤭𞥅𞤰𞤢𞤥.
𞤇𞤢𞤴𞤼𞤭 𞤤𞤮𞥅𞤱𞤢𞤲𞤯𞤫 𞤯𞤫𞤲 𞤬𞤫𞤼𞥆𞤭𞥅⹁ 𞤪𞤫𞥅𞤲𞤮𞥅𞤩𞤫 𞤥𞤮 𞤩𞤫𞤲 𞤺𞤭𞤣𞥆𞤭 𞤴𞤢𞤸𞤭 𞤦𞤵𞥅𞤥𞤭 𞤥𞤮 𞤬𞤭𞥅 𞤸𞤭𞤱𞤵𞤺𞤮𞤤 𞤥𞤮. 𞤒𞤭𞤥𞤩𞤫 𞤩𞤫𞤲 𞤰𞤵𞥅𞤱𞤭𞥅 𞤥𞤢𞤤𞥆𞤢 𞤰𞤮𞤩𞤭𞥅⹁ 𞤴𞤮𞤺𞤢 𞤫 𞤥𞤢𞤩𞥆𞤫 𞤳𞤢𞤣𞤭 𞤱𞤢𞥄𞤤𞤭𞥅 𞤳𞤢 𞤤𞤫𞤴𞤣𞤭 𞤲𞤮 𞤧𞤭𞥅𞤳𞤢⹁ 𞤲𞤮 𞤱𞤮𞤴𞤢.
𞤔𞤮𞥅 𞤄𞤢𞤴𞤣𞤫𞤲⹁ 𞤸𞤮𞥅𞤪𞤫𞥅𞤶𞤮 𞤀𞤥𞤫𞤪𞤭𞤳 𞤮𞤲 𞤸𞤵𞤥𞤨𞤭𞤼𞤢𞥄𞤥𞤢 𞤳𞤮 𞤬𞤫𞤰𞥆𞤭 𞤳𞤮𞤲 𞤸𞤮𞥅𞤪𞤫 𞤮𞥅 𞤥𞤮 𞤮 𞤱𞤮𞤲𞤭 𞤬𞤮𞥅𞤤𞤮𞤼𞤭𞤪𞤣𞤫 𞤬𞤭𞥅 𞤸𞤮𞥅𞤪𞤢𞥄𞤺𞤵 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤲𞤣𞤭𞤲 𞤫 𞤧𞤵𞤩𞤲𞤺𞤮 𞤧𞤢𞥄𞤼𞤭𞥅𞤲𞤺𞤮 𞤫 𞤤𞤫𞤱𞤪𞤵 𞤔𞤮𞤤𞤮 𞥒𞥐𞥒𞥔.
𞤑𞤮 𞤸𞤫𞥅𞤱𞤭 𞤫 𞤣𞤢𞤱𞤪𞤮𞥅𞤩𞤫 𞤳𞤢𞤻𞤵𞤲 𞤫 𞤳𞤮𞥅𞤸𞤮𞥅𞤩𞤫 𞤢𞤥𞤫𞤪𞤭𞤳 𞤩𞤫𞤲 𞤽𞤭𞤻𞤭𞥅⹁ 𞤢𞤴𞤳𞤭𞤲𞤭𞥅 𞤲𞤣𞤫𞥅 𞤱𞤮𞤲𞤫𞤪𞤫.
𞤑𞤮 𞤭𞤲𞥆𞤫𞤼𞤫𞥅𞤯𞤮 𞤚𞤮𞤥𞤢𞥄𞤧 𞤃𞤢𞥄𞤼𞤭𞤱 𞤑𞤪𞤵𞤳𞤧 𞤱𞤮𞤲𞤭 𞤬𞤫𞤤𞥆𞤵𞤯𞤮 𞤮𞤲. 𞤑𞤮 𞤧𞤵𞤳𞤢 𞤥𞤮 𞤣𞤵𞥅𞤩𞤭 𞥒𞥐 𞤶𞤫𞤴𞤢𞥄𞤯𞤮 𞤫 𞤤𞤢𞤪𞤢𞤤 𞤆𞤫𞤲𞤧𞤭𞤤𞤱𞤢𞤲𞤭𞤴𞤢𞥄 𞤲𞤺𞤢𞤤. 𞤑𞤮 𞤫 𞤲𞤣𞤫𞤪 𞤬𞤫𞤤𞥆𞤭𞤲𞥋𞤣𞤭𞤪𞤮 𞤸𞤢𞤳𞥆𞤵𞤲𞥋𞤣𞤫 𞤥𞤢𞤳𞥆𞤮 𞤫 𞤪𞤫𞥅𞤲𞤣𞤢𞤪𞤭𞥅𞤩𞤫 𞤩𞤫𞤲 𞤮 𞤱𞤢𞤪𞤢𞥄. 𞤀𞤲𞤣𞤢𞥄𞤳𞤢 𞤲𞤮𞤲 𞤼𞤢𞤸𞤮 𞤳𞤮 𞤱𞤮𞤲𞤭 𞤧𞤮𞤥𞤦𞤮 𞤲𞤺𞤮 𞤮 𞤬𞤫𞤤𞥆𞤭𞤪𞤢𞤲𞤭 𞤁𞤮𞤲𞤢𞤤 𞤚𞤪𞤮𞤥𞤨.
𞤀𞤣𞤮 𞤚𞤪𞤮𞤥𞤨 𞤬𞤫𞤼𞤤𞤫𞥅𞤣𞤫 𞤸𞤢𞤲𞤳𞤭⹁ 𞤸𞤢𞤪𞤭 𞤖𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳 𞤫 𞤣𞤢𞤪𞤭𞤲𞤮𞥅𞤩𞤫 𞤬𞤭𞥅 𞤸𞤮𞥅𞤪𞤢𞥄𞤺𞤵 𞤯𞤵𞥅𞤯𞤵𞤩𞤫 𞤬𞤫𞤼𞤤𞤢𞥄𞤥𞤢. 𞤒𞤮𞤺𞤢 𞤫 𞤥𞤢𞤩𞥆𞤫 𞤣𞤢𞤯𞤭⹁ 𞤱𞤮𞥅𞤼𞤩𞤫 𞤸𞤫𞤣𞥆𞤭𞥅 𞤫 𞤥𞤵𞥅𞤲. 𞤐𞤮 𞤼𞤢𞤱𞤢𞥄 𞤫 𞤩𞤫𞥅𞤲 𞤱𞤢𞤪𞤢𞥄𞤩𞤫⹁ 𞤸𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳 𞤲𞤢𞤴𞤮 𞤱𞤢𞤪𞤭𞤪𞤢𞥄𞤩𞤫 𞤨𞤭𞤲𞤳𞤢.
𞤑𞤮 𞤀𞤦𞤪𞤢𞤸𞤢𞤥 𞤂𞤭𞤲𞤳𞤮𞤤𞤲⹁ 𞤸𞤮𞥅𞤪𞤫𞥅𞤶𞤮 𞤧𞤢𞤨𞥆𞤮-𞤫-𞤶𞤫𞥅𞤺𞤢𞤩𞤮 𞤀𞤥𞤫𞤪𞤭𞤳 𞤮𞤲⹁ 𞤱𞤮𞤲𞤭 𞤢𞤪𞤢𞤲𞤮 𞤫 𞤸𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳 𞤱𞤢𞤪𞤢𞥄𞤩𞤫 𞤩𞤫𞤲. 𞤑𞤮 𞤻𞤢𞤤𞤲𞤣𞤫 𞥑𞥔 𞤅𞤫𞥅𞤯𞤼𞤮 𞥑𞥘𞥖𞥕 𞤮 𞤱𞤢𞤪𞤢𞥄 𞤸𞤢𞤪𞤭 𞤮𞤥𞤮 𞤬𞤵𞤯𞥆𞤭𞥅 𞤸𞤢𞤨𞥆𞤵 𞤥𞤢𞤳𞥆𞤮 𞤯𞤭𞤯𞤢𞤩𞤵 𞤲𞤺𞤵𞤲 𞤸𞤢𞤴 𞤼𞤭𞤥𞥆𞤢𞥄𞤤𞤭 𞤤𞤫𞤦𞥆𞤭 𞤯𞤭𞤯𞤭. 𞤐𞤮 𞤸𞤭𞤳𞥆𞤭𞥅 𞤥𞤮 𞤫 𞤱𞤢𞤪𞤢𞥄𞤩𞤫 𞤩𞤫𞤲⹁ 𞤔𞤫𞤥𞤧 𞤘𞤢𞤪𞤬𞤭𞤤𞤣⹁ 𞤸𞤮𞥅𞤪𞤫𞥅𞤶𞤮 𞤲𞤮𞥅𞤺𞤢𞤴𞤢𞤩𞤮 𞤀𞤥𞤫𞤪𞤭𞤳 𞤮𞤲. 𞤌𞤲 𞤳𞤢𞤣𞤭⹁ 𞤳𞤮 𞤻𞤢𞤤𞤲𞤣𞤫 𞥒 𞤃𞤮𞤪𞤧𞤮 𞥑𞥘𞥘𞥑𞤮 𞤱𞤢𞤪𞤢𞥄 𞤸𞤢𞤪𞤭 𞤸𞤢𞤴 𞤮 𞤼𞤭𞤥𞥆𞤭𞤲𞤢𞥄𞤤𞤭 𞤤𞤫𞤦𞥆𞤭 𞤲𞤢𞤴𞤭 𞤸𞤮𞥅𞤪𞤫 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤲𞤣𞤭𞤲. 𞤁𞤵𞥅𞤩𞤭 𞥑𞥙 𞤩𞤢𞥄𞤱𞤮 𞤲𞤺𞤮𞥅𞤲 𞤱𞤢𞤪𞤲𞤺𞤮⹁ 𞤳𞤮 𞤏𞤭𞤤𞤭𞤴𞤢𞤥 𞤃𞤢𞤳𞤭𞤲𞤤𞤭𞥅⹁ 𞤸𞤮𞥅𞤪𞤫𞥅𞤶𞤮 𞤲𞤮𞥅𞤺𞤢𞤴-𞤫-𞤲𞤶𞤮𞤱𞤢𞤩𞤮 𞤀𞤥𞤫𞤪𞤭𞤳 𞤮𞤲 𞤱𞤮𞤲𞤭 𞤳𞤮 𞤱𞤢𞤪𞤢𞥄 𞤻𞤢𞤤𞤲𞤣𞤫 𞥖 𞤅𞤭𞤤𞤼𞤮 𞥑𞥙𞥐𞥑.
𞤑𞤮 𞤔𞤮𞥅𞤲 𞤑𞤫𞤲𞤫𞤣𞤭𞥅 𞤱𞤮𞤲𞤭 𞤖𞤮𞥅𞤪𞤫𞥅𞤶𞤮 𞤀𞤥𞤫𞤪𞤭𞤳 𞤧𞤢𞤳𞥆𞤭𞤼𞤢𞥄𞤯𞤮 𞤬𞤫𞤼𞤤𞤫𞥅𞤣𞤫 𞤱𞤢𞤪𞤫𞥅. 𞤑𞤮 𞤫 𞤃𞤢𞤱𞤲𞤣𞤫⹁ 𞤻𞤢𞤤𞤲𞤣𞤫 𞥒𞥒 𞤔𞤮𞤤𞤮 𞤫 𞤸𞤭𞤼𞤢𞥄𞤲𞤣𞤫 𞥑𞥙𞥖𞥓 𞤮 𞤬𞤫𞤼𞤤𞤢𞥄.
𞤴𞤢𞤱𞤼𞤭 𞤩𞤫𞥅 𞤲𞤢𞤴𞤮 𞤱𞤢𞤪𞤢𞥄𞤩𞤫 𞤤𞤭𞤥𞤼𞤢𞥄𞤩𞤫 𞤯𞤮𞥅⹁ 𞤸𞤮𞥅𞤪𞤫𞥅𞤩𞤫 𞤯𞤭𞤯𞤮 𞤸𞤭𞤧𞤭𞥅 𞤩𞤢𞥄𞤱𞤮 𞤩𞤫 𞤬𞤫𞤼𞤤𞤫𞥅𞤣𞤫. 𞤇𞤫𞤲 𞤳𞤮 𞤚𞤫𞤱𞤮𞤣𞤮𞥅𞤪 𞤪𞤮𞥁𞤫𞤱𞤫𞤤𞤼 𞤳𞤢𞤻𞤵𞤲 𞤫 𞤈𞤮𞤲𞤢𞤤 𞤈𞤫𞤺𞤢𞤲. 𞤑𞤮 𞤚𞤪𞤮𞤥𞤨 𞤼𞤭𞤥𞥆𞤭 𞤼𞤢𞤼𞤢𞤩𞤮 𞤫 𞤸𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳 𞤦𞤢𞤪𞤥𞤭𞤲𞤭𞤪𞤢𞥄𞤩𞤫 𞤤𞤮𞥅𞤱𞤢𞤲𞤯𞤫. 𞤑𞤮𞤲𞤮 𞤼𞤢𞤱𞤭 𞤳𞤢𞤲𞤳𞤮 𞤮 𞤭𞤱𞤭𞥅𞤲𞤮 𞤳𞤢 𞤤𞤢𞥄𞤥𞤵. 𞤇𞤫𞤴𞤢 𞤯𞤭𞤯𞤮 𞤬𞤫𞤼𞤤𞤢𞤲𞤮 𞤬𞤫𞤱𞤲𞤣𞤮 𞤤𞤢𞥄𞤥𞤭𞥅.
𞤒𞤮𞤺𞤢 𞤫 𞤸𞤮𞥅𞤪𞤫𞥅𞤩𞤫 𞤱𞤮𞥅𞤼𞤩𞤫 𞤱𞤮𞥅𞤨𞤢𞤲𞤮 𞤳𞤢𞤻𞤵𞤲 𞤳𞤢𞤣𞤭⹁ 𞤥𞤢𞤤𞥆𞤢 𞤬𞤫𞤱𞤶𞤢𞤲𞤢𞥄 𞤬𞤫𞤼𞤤𞤫𞥅𞤣𞤫. 𞤐𞤮 𞤼𞤢𞤱𞤢𞥄 𞤫 𞤩𞤫𞤲 𞤱𞤮𞥅𞤨𞥆𞤢𞥄𞤩𞤫⹁ 𞤔𞤫𞤪𞤢𞤤 𞤊𞤮𞤪𞤣. 𞤌 𞤣𞤢𞤯𞤵𞤲𞤮 𞤱𞤢𞤪𞤫𞥅𞤣𞤫 𞤤𞤢𞥄𞤦𞤭 𞤯𞤭𞤯𞤭 𞤫 𞤲𞤣𞤫𞤪 𞤸𞤭𞤼𞤢𞥄𞤲𞤣𞤫 𞥑𞥙𞥗𞥕. 𞤇𞤢𞥄𞤱𞤼𞤭 𞤥𞤢𞤳𞥆𞤮⹁ 𞤔𞤭𞤥𞤭𞥅 𞤑𞤢𞤪𞤼𞤫𞥅𞤪⹁ 𞤄𞤭𞥅𞤤 𞤑𞤤𞤭𞤲𞤼𞤮𞤲⹁ 𞤔𞤮𞤪𞤶 𞤄𞤵𞥅𞥃 𞤫 𞤄𞤢𞤪𞤢𞥄𞤳 𞤌𞤦𞤢𞤥𞤢𞥄 𞤫𞤩𞥆𞤢𞤲𞤢𞤲𞤮 𞤱𞤢𞤪𞤲𞤺𞤮. 𞤑𞤮𞤲𞤮 𞤢𞤥𞥆𞤢𞥄 𞤤𞤢𞥄𞤥𞤵 𞤲𞤺𞤵𞤲 𞤸𞤵𞤥𞤨𞤭𞤼𞤭𞥅 𞤬𞤭𞥅 𞤨𞤫𞤱𞤶𞤫 𞤯𞤫𞤲 𞤱𞤵𞤪𞤼𞤭𞤲𞤭 𞤯𞤫 𞤥𞤢𞤤𞤢𞥄 𞤯𞤫 𞤩𞤫𞤲𞤣𞤢𞥄𞤲𞤮.
𞤑𞤮𞥅 𞤳𞤮 𞤬𞤫𞤰𞥆𞤭𞤯𞤮𞥅 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤨𞤭𞥅𞤶𞤭 𞤬𞤭𞥅 𞤲𞤣𞤵𞥅 𞤢𞤣𞤵𞤲𞤢𞥄𞤪𞤵 𞤲𞤮 𞤸𞤢𞤱𞤲𞤭 𞤥𞤢𞥄𞤨𞤭𞤲𞤭⹁ 𞤥𞤭𞤪𞤭𞤳𞥆𞤭 𞤫 𞤰𞤫𞤤𞥆𞤭𞤼𞤢𞥄𞤣𞤫 𞤥𞤵𞥅𞤯𞤵𞤲 𞤸𞤵𞤥𞤨𞤭𞤼𞤮𞥅 𞤸𞤢𞤴 𞤳𞤮 𞤬𞤫𞤰𞥆𞤢𞤼𞤢 𞤳𞤢 𞤲𞤣𞤫𞤲𞤳𞤢 𞤥𞤢𞥄𞤶𞤫⹁ 𞤥𞤢𞥄 𞤳𞤮 𞤴𞤭𞤮𞤼𞤮𞥅 𞤳𞤢 𞤰𞤫𞥅𞤥𞤫𞤤 𞤳𞤢𞤥𞥆𞤵𞤲 𞤼𞤢𞤱𞤢 𞤳𞤮 𞤤𞤢𞥄𞤥𞤯𞤮 𞤥𞤢𞤳𞤩𞤫 𞤧𞤮𞤪𞤼𞤫𞤼𞤫𞥅 𞤫 𞤤𞤫𞤴 𞤤𞤢𞤩𞤵𞤲 𞤸𞤢𞤲𞤣𞤫 𞤳𞤢 𞤬𞤫𞤱𞤦𞤣𞤭𞥅 𞤯𞤮𞥅⹁ 𞤯𞤵𞤲 𞤯𞤮𞥅 𞤳𞤮 𞤬𞤭𞥅𞤲𞤢𞤲𞤣𞤫 𞤱𞤮𞤲𞤢𞤲𞤣𞤫 𞤳𞤢𞤤𞤢 𞤫 𞤲𞤫𞤯𞥆𞤢𞤲𞤳𞤫.
𞤘𞤵𞤲𞤣𞤮𞥅 𞤬𞤫𞥅𞤻𞤭𞥅 𞤯𞤮𞤮⹁ 𞤥𞤭𞤪𞤭𞤲 𞤭𞤱𞤭 𞤫 𞤩𞤫𞥅.
𞤀𞤣𞤤𞤢𞤥
Bonjour
,𞤴𞤮𞤮 𞤧𞤵𞤩𞤵 𞤳𞤮𞤮 𞤱𞤮𞤱𞤤𞤢𞤼𞤢 𞤬𞤭𞥅 𞤴𞤫𞥅𞤧𞤮.
𞤋𞤣𞤪𞤭𞥅𞤧𞤢 𞤔𞤢𞤤𞥆𞤮
𞤒𞤢𞤤𞥆𞤭 𞤭𞤯𞤮𞤲 𞤬𞤢𞤤𞤼𞤭𞥅 𞤱𞤮𞤲𞤣𞤫 𞤩𞤵𞤪𞤩𞤫 𞤼𞤮𞥅𞤱𞤵𞤺𞤮𞤤 𞤺𞤢𞤲𞤣𞤢𞤤 𞤳𞤢 𞤨𞤮𞤪𞤼𞤮𞥅𞤩𞤫 𞤩𞤫𞤲 𞤣𞤵𞤯𞤭𞤳𞤫 𞤫 𞤲𞤣𞤫𞤪 𞤤𞤫𞤧𞤣𞤭 𞤩𞤢𞤤𞤫𞥅𞤪𞤭 𞤲𞤣𞤭𞤲⹁ 𞤀𞤬𞤪𞤭𞤳𞤭 𞤱𞤢𞤲𞤮 𞤆𞤭𞤤𞤢𞤼𞤮𞤲 𞤲𞤣𞤫𞥅 𞤸𞤢𞥄𞤼𞤭𞤥𞤫𞤪𞤫 𞤨𞤭𞤼𞤢𞤺𞤮𞥅𞤪𞤫 (𞤼𞤫𞤱𞤮𞤪𞤫𞥅𞤥 𞤣𞤫 𞤨𞤭𞤼𞤢𞤺𞤮𞥅𞤪𞤫) 𞤲𞤮 𞤢𞤲𞤣𞤢𞤲𞤮𞥅 𞤫 𞤲𞤣𞤫𞤪 𞤢𞤬𞤪𞤭𞤳𞤭 𞤣𞤵𞥅𞤩𞤭 𞥑𞥐𞥐𞥐 𞤢𞤣𞤮 𞤶𞤭𞤦𞤭𞤲𞤫𞤺𞤮𞤤 𞤨𞤭𞤤𞤢𞤼𞤮𞤲… 𞤘𞤢𞤲𞤣𞤢𞤤 𞤳𞤮 𞤳𞤢 𞤲𞤶𞤮𞥅𞤪𞤲𞤣𞤭 𞤩𞤢𞤤𞤫𞥅𞤪𞤭 𞤲𞤣𞤭𞤲 𞤬𞤵𞤲𞤼𞤭.
Recherchez nombre Pi africain, GOOGINDHO A NEW YORK CITY
faabondiren ka ngourndan, mo woorii nafaali aybinte