𞤁𞤌𞤐𞤀𞤂 𞤚𞤈𞤌𞤃𞤆 𞤐𞤌 𞤚𞤋𞤑𞥆𞤀𞤐𞤋 𞤋𞤜𞤀𞤐𞤑𞤀 𞤚𞤈𞤌𞤃𞤆
𞤁𞤮𞤲𞤢𞤤 𞤚𞤪𞤮𞤥𞤨 𞤲𞤮 𞤼𞤭𞤳𞥆𞤢𞤲𞤭 𞤩𞤭𞤯𞥆𞤮 𞤥𞤢𞤳𞥆𞤮 𞤣𞤫𞤦𞥆𞤮 𞤮𞤲 𞤋𞤾𞤢𞤲𞤳𞤢 𞤚𞤪𞤮𞤥𞤆 𞤫 𞤥𞤮𞥅𞤣𞤭 𞤥𞤵𞤲 𞤔𞤢𞤪𞤫𞤣 𞤑𞤵𞥃𞤲𞤫𞥅𞤪.
𞤑𞤮 𞤱𞤮𞤲𞤭 𞤧𞤢𞤦𞤵 𞤯𞤵𞤥⹁ 𞤳𞤮 𞤼𞤢𞤱𞤣𞤫 𞤋𞤾𞤢𞤲𞤳𞤢 𞤫 𞤥𞤮𞥅𞤣𞤭 𞤥𞤵𞤲 𞤸𞤮𞤤𞥆𞤭𞥅 𞤬𞤢𞥄𞤤𞤫 𞤼𞤢𞤱𞤫𞤺𞤮𞤤 𞤳𞤢 𞤶𞤢𞤩𞥆𞤮 𞤬𞤭𞥅 𞤶𞤮𞤯𞥆𞤭𞤲𞤺𞤮𞤤 𞤔𞤮𞥅 𞤄𞤢𞤴𞤣𞤫𞤲. 𞤑𞤢𞤲𞤳𞤮 𞤤𞤫 𞤁𞤮𞤲𞤢𞤤 𞤚𞤪𞤮𞤥𞤨⹁ 𞤮 𞤸𞤮𞤤𞥆𞤭𞥅𞤲𞤮 𞤱𞤮𞤲𞤣𞤫𞤥𞤢 𞤮 𞤼𞤢𞤱𞤫𞤼𞤢𞥄𞤳𞤫 𞤳𞤢 𞤄𞤢𞤴𞤣𞤫𞤲 𞤤𞤢𞥄𞤥𞥆𞤭𞤲𞤼𞤫𞥅. 𞤘𞤭𞤤𞤢 𞤔𞤮𞥅 𞤄𞤢𞤴𞤣𞤫𞤲 𞤬𞤮𞥅𞤤𞤭 𞤥𞤮⹁ 𞤮 𞤧𞤢𞤤𞤭𞤳𞤫 𞤶𞤢𞤩𞤵𞤺𞤮𞤤 𞤳𞤮 𞤴𞤢𞤤𞤼𞤭 𞤫 𞤧𞤵𞤩𞤮 𞤲𞤺𞤮𞤲.
𞤒𞤮𞤺𞤢 𞤫 𞤩𞤢𞤣𞤭𞥅𞤩𞤫 𞤋𞤾𞤢𞤲𞤳𞤢 𞤚𞤪𞤮𞤥𞤨 𞤩𞤫𞤲⹁ 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤸𞤮𞤥𞤮 𞤢𞥄𞤲𞤭 𞤱𞤮𞤼𞤢 𞤣𞤢𞤪𞤲𞤣𞤫 𞤦𞤢𞥄𞤦𞤢 𞤥𞤢𞤳𞥆𞤮 𞤲𞤣𞤫𞤲 𞤬𞤢𞥄𞤣𞤫 𞤫 𞤦𞤢𞤯𞤼𞤢𞤤 𞤧𞤵𞤩𞤮 𞤲𞤺𞤮𞤲 𞤱𞤮𞤲𞤵 𞤧𞤢𞤦𞤵 𞤸𞤢𞥄 𞤥𞤵𞤪𞤢𞥄𞤯𞤭 𞤥𞤢𞤳𞥆𞤮 𞤯𞤭𞤲 𞤴𞤫𞥅𞤦𞤮𞥅. 𞤍𞤵𞥅𞤯𞤵𞤩𞤫 𞤫 𞤩𞤫 𞤸𞤮 𞤸𞤵𞥅𞤱𞤮𞤲𞥋𞤣𞤭𞤪𞤼𞤢 𞤩𞤫𞤲⹁ 𞤳𞤮 𞤦𞤢𞤥𞤦𞤢𞤥𞤩𞤫 𞤔𞤮𞥅 𞤄𞤢𞤴𞤣𞤫𞤲. 𞤖𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤐𞤭𞤱 𞤒𞤮𞤪𞤳⹁ 𞤧𞤢𞥄𞤪𞤫 𞤳𞤢 𞤩𞤫 𞤭𞤱𞤭 𞤯𞤮𞤲⹁ 𞤳𞤮 𞤄𞤢𞤴𞤣𞤫𞤲 𞤩𞤵𞤪𞤢𞥄 𞤴𞤭𞤯𞤫𞥅𞤣𞤫. 𞤉 𞤸𞤭𞤲𞤤𞤫 𞤳𞤢𞤣𞤭⹁ 𞤋𞤱𞤢𞤲𞤳𞤢 𞤫 𞤥𞤮𞥅𞤣𞤭 𞤥𞤵𞤲 𞤔𞤢𞥄𞤪𞤫𞤣 𞤲𞤮 𞤬𞤢𞥄𞤤𞤢𞥄 𞤵𞤳𞥆𞤢𞥄𞤣𞤫 𞤫 𞤣𞤢𞤱𞤪𞤮. 𞤑𞤮 𞤯𞤵𞤥 𞤱𞤢𞤯𞤭 𞤩𞤫 𞤬𞤢𞥄𞤤𞤢𞥄𞤳𞤢 𞤴𞤮 𞤭𞤲𞤯𞤫 𞤥𞤢𞤩𞥆𞤫 𞤦𞤮𞤲𞤵.
𞤘𞤭𞤤𞤢 𞤴𞤭𞤥𞤩𞤫 𞤚𞤪𞤮𞤥𞤨 𞤩𞤫𞤲 𞤥𞤵𞤪𞤼𞤭 𞤫 𞤲𞤶𞤫𞤧𞤤𞤢𞥄𞤪𞤫 𞤬𞤫𞤰𞥆𞤵𞤲𞥋𞤣𞤫 𞤴𞤢𞤲𞤭 𞤫 𞤲𞤦𞤢𞤼𞤵 𞤧𞤢𞤪𞤭𞤴𞤭𞤲𞤮𞥅𞤩𞤫 𞤩𞤫𞤲⹁ 𞤯𞤵𞤯𞤵𞤩𞤫 𞤱𞤮𞤯𞥆𞤭𞤼𞤭𞤳𞤫 𞤥𞤮. 𞤖𞤢𞤴 𞤴𞤮𞤺𞤢 𞤫 𞤳𞤮𞥅𞤸𞤮𞥅𞤩𞤫 𞤬𞤫𞤣𞥆𞤫 𞤥𞤢𞤳𞥆𞤮 𞤲𞤣𞤫𞤲 𞤲𞤮 𞤽𞤭𞤻𞤵𞤣𞤫 𞤥𞤮 𞤶𞤮𞥅𞤲𞤭. 𞤍𞤵𞥅𞤯𞤵𞤩𞤫 𞤳𞤢𞤣𞤭 𞤼𞤮𞤪𞤭𞤳𞤫 𞤴𞤮 𞤮 𞤭𞤱𞤵 𞤳𞤢 𞤤𞤢𞥄𞤥𞤵 𞤬𞤭𞥅 𞤳𞤢𞤤𞤢 𞤳𞤮 𞤴𞤮𞤲𞤼𞤫𞤪𞤫 𞤼𞤢𞤲 𞤸𞤫𞤣𞥆𞤭𞥅 𞤸𞤢𞤨𞥆𞤵 𞤥𞤢𞤳𞥆𞤮 𞤲𞤺𞤵𞤲 𞤼𞤭𞤥𞥆𞤢.
𞤘𞤭𞤤𞤢 𞤫 𞤢𞥄𞤩𞤵𞤲𞥋𞤣𞤫⹁ 𞤼𞤫𞥅𞤳𞤵𞤲𞥆𞤢𞥄𞤩𞤫 𞤩𞤫𞤲 𞤥𞤢𞤤𞥆𞤢 𞤧𞤢𞤪𞤴𞤭𞤲𞤮𞥅𞤩𞤫 𞤩𞤫𞤲 𞤲𞤮 𞤼𞤭𞤲𞤼𞤵𞤣𞤫 𞤲𞤺𞤢𞤥 𞤸𞤫𞥅𞤪𞤼𞤭𞤲𞤺𞤮𞤤 𞤻𞤢𞥄𞤱𞤮𞥅𞤶𞤫 𞤨𞤢𞤱𞤫 𞤬𞤮𞤤𞥆𞤭𞤪𞤯𞤫 𞤚𞤪𞤮𞤥𞤨. 𞤐𞤮 𞤼𞤭𞤶𞥆𞤢𞥄 𞤳𞤢 𞤯𞤫𞤲 𞤻𞤢𞥄𞤱𞤮𞥅𞤶𞤫 𞤼𞤢𞤦𞤭𞤼𞤢⹁ 𞤧𞤢𞤦𞤵 𞤳𞤮 𞤣𞤫𞤥𞤮𞤳𞤢𞤪𞤢𞥄𞤩𞤫 𞤩𞤫𞤲 𞤶𞤮𞤺𞤭𞥅 𞤣𞤮𞥅𞤤𞤫 𞤳𞤢 𞤧𞤵𞥅𞤣𞤵 𞤧𞤢𞤪𞤴𞤭𞤲𞤮 𞤤𞤫𞤴𞤪𞤵. 𞤖𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤴𞤮𞤺𞤢 𞤫 𞤪𞤫𞤨𞤭𞤦𞤭𞤤𞤭𞤲𞥆𞤢𞥄𞤩𞤫 𞤩𞤫𞤲 𞤲𞤮 𞤼𞤢𞤱𞤼𞤭 𞤫𞤩𞥆𞤮𞥅𞤪𞤫 𞤬𞤭𞥅 𞤬𞤮𞤤𞥆𞤵𞤺𞤮𞤤 𞤚𞤪𞤮𞤥𞤨.
𞤅𞤭 𞤧𞤵𞥅𞤣𞤵 𞤤𞤫𞤴𞤪𞤵 𞤲𞤣𞤵𞤲 𞤼𞤢𞤦𞤭𞤲𞤼𞤭𞤲𞤭𞥅 𞤨𞤢𞤱𞤫 𞤯𞤫𞤲⹁ 𞤩𞤫 𞤬𞤫𞤰𞥆𞤭𞤲𞤢𞤴 𞤯𞤫 𞤳𞤢 𞤧𞤵𞥅𞤣𞤵 𞤣𞤮𞤱𞤪𞤵 (𞤧𞤫𞤲𞤢𞥄). 𞤑𞤮 𞤯𞤮𞤲 𞤚𞤪𞤮𞤥𞤨 𞤻𞤢𞥄𞤱𞤫𞤼𞤫𞥅. 𞤅𞤭 𞤼𞤢𞤼𞤢𞤩𞤫 𞤯𞤭𞤯𞤭 𞤧𞤢𞤪𞤴𞤭𞤲𞤮𞥅𞤩𞤫 𞤩𞤫𞤲 𞤻𞤭𞥅𞤩𞤭𞤲𞤭𞥅 𞤨𞤢𞤱𞤫 𞤯𞤫𞤲⹁ 𞤸𞤢𞤪𞤢𞤴 𞤚𞤪𞤮𞤥𞤨 𞤬𞤮𞤤𞥆𞤢𞥄𞤥𞤢. 𞤌 𞤭𞤼𞥆𞤫𞤼𞤫 𞤳𞤢 𞤶𞤵𞤤𞥆𞤫𞤪𞤫⹁ 𞤃𞤢𞤴𞤳 𞤆𞤫𞤲𞤧⹁ 𞤷𞤵𞤳𞥆𞤮 𞤥𞤢𞤳𞥆𞤮 𞤮𞤲 𞤤𞤮𞤲𞤼𞤮𞥅 𞤥𞤮. 𞤌 𞤸𞤢𞤯𞤫𞤼𞤫 𞤸𞤫𞤩𞤵𞤺𞤮𞤤 𞤳𞤢𞤤𞤢 𞤼𞤫𞤣𞥆𞤵𞤲𞥋𞤺𞤢𞤤 𞤸𞤫𞥅𞤪𞤼𞤭𞤲𞤢𞤲𞤢𞥄𞤲𞤺𞤢𞤤 𞤸𞤮𞥅𞤪𞤫𞥅𞤶𞤮 𞤳𞤭𞤯𞥆𞤮 𞤱𞤢𞤲𞤮 𞤸𞤭𞤱𞤮𞥅𞤩𞤫 𞤳𞤮 𞤸𞤭𞤤𞤲𞤮𞥅 𞤬𞤭𞥅 𞤳𞤭𞤧𞤢𞤤 𞤥𞤢𞤳𞥆𞤮⹁ 𞤫 𞤵𞤶𞤵𞤲𞤫 𞤼𞤫𞥅𞤥𞤫𞤯𞥆𞤫 𞤯𞤭𞤯𞤭 𞤣𞤢𞤤𞤢 𞤳𞤮 𞤸𞤮𞥅𞤪𞤫𞥅𞤩𞤫 𞤸𞤭𞤩𞥆𞤫 𞤩𞤫𞤲 𞤴𞤮𞤩𞤫𞤼𞤫𞥅 𞤸𞤭𞤼𞤢𞥄𞤲𞤣𞤫 𞤳𞤢𞤤𞤢⹁ 𞤳𞤢𞤻𞤵𞤲 𞤫 𞤬𞤫𞥅𞤪𞤫 𞤲𞤮 𞤮 𞤴𞤭𞥅𞤤𞤮𞤪𞤢….
𞤋𞤾𞤢𞤲𞤳𞤢 𞤚𞤪𞤮𞤥𞤨 𞤲𞤮 𞤥𞤢𞤪𞤭 𞤺𞤮𞥅𞤲𞤺𞤢! 𞤏𞤮𞤼𞤢 𞤳𞤮 𞤬𞤫𞤰𞥆𞤢𞤼𞤢 𞤬𞤫𞤰𞥆𞤭𞤲𞤮𞤪 𞤸𞤮⹁ 𞤧𞤢𞤦𞤵 𞤦𞤫𞤲 𞤸𞤢𞤳𞥆𞤮 𞤤𞤢𞤲𞥆𞤭𞥅 𞤴𞤢𞤲𞤵𞤣𞤫.
𞤋𞤱𞤢𞤲𞤳𞤢 𞤲𞤮 𞤼𞤫𞤣𞥆𞤭𞤲𞤭 𞤣𞤫𞤥𞤮𞤳𞤪𞤢𞥄𞤳𞤵 𞤧𞤥𞤫𞤪𞤭𞤳 𞤲’𞤺𞤵𞤲⹁𞤳𞤮𞤲𞤭𞥅 𞤸𞤢𞥄𞤲𞤭 𞤳𞤢𞤤𞤢 𞤼𞤢𞤱𞤫𞥅 𞤴𞤮 𞤴𞤭𞤯𞤭 𞤺𞤮𞥅𞤲’𞤺𞤢.