𞤂𞤀𞥄𞤏𞤑𞤀 𞤑𞤀 𞤖𞤌𞥅𞤈𞤉𞥅𞤔𞤌 𞤏𞤀𞤘𞤐𞤉𞤈 𞤌𞤐 𞤏𞤀𞤍𞥆𞤋𞤐𞤌𞥅 𞤐𞤌 𞤊𞤓𞤑𞥆𞤋𞥅 𞤈𞤌𞥅𞤅𞤋𞤒𞤀
𞤒𞤉𞤜𞤘𞤉𞤐𞤋 𞤆𞤈𞤋𞤘𞤌𞤟𞤋𞤐⹁ 𞤸𞤮𞥅𞤪𞤫𞥅𞤶𞤮 𞤣𞤫𞤲𞤼𞤢𞤤 𞤁𞤵𞤲𞤳𞤫𞥅𞤩𞤫 𞤏𞤀𞤘𞤐𞤉𞤈 𞤩𞤫𞤲⹁ 𞤲𞤮 𞤼𞤢𞤱𞤢𞥄 𞤫 𞤱𞤢𞤯𞥆𞤭𞤲𞤮𞥅𞤩𞤫 𞤤𞤢𞥄𞤱𞤳𞤢 𞤬𞤵𞤳𞥆𞤭𞥅𞤳𞤢 𞤳𞤢𞤲 𞤸𞤢𞤲𞤣𞤫 𞤫 𞤐𞤔𞤫𞤧𞤤𞤢𞥄𞤪𞤫⹁ 𞤻𞤢𞤤𞤲𞤣𞤫 𞥒𞥓 𞤔𞤵𞤳𞤮 𞥒𞥐𞥒𞥓. 𞤑𞤮 𞤯𞤵𞤥 𞤤𞤢𞥄𞤥𞤵 𞤈𞤮𞥅𞤧𞤭𞤴𞤢 𞤲𞤺𞤵𞤲 𞤸𞤮𞤤𞥆𞤭𞤼𞤭.
𞤑𞤮 𞤫 𞤸𞤮𞤯𞤮 𞤭𞤲𞥆𞤫𞤼𞤫𞥅𞤲𞤺𞤮 𞤑𞤵𞥁𞤫𞤲𞤳𞤭𞤲𞤮⹁ 𞤲𞤣𞤫𞤪 𞤈𞤮𞥅𞤧𞤭𞤴𞤢⹁ 𞤤𞤢𞥄𞤱𞤳𞤢 𞤳𞤢𞤲 𞤬𞤵𞤳𞥆𞤭𞥅. 𞤖𞤢𞤪𞤭 𞤳𞤢 𞤭𞤱𞤪𞤭 𞤃𞤮𞤧𞤳𞤵 𞤬𞤭𞥅 𞤴𞤢𞤸𞤪𞤵𞤺𞤮𞤤 𞤅𞤫𞤲 𞤆𞤫𞤼𞤫𞤪𞤧𞤦𞤵𞤪. 𞤐𞤮 𞤼𞤭𞤶𞥆𞤢𞥄 𞤳𞤢 𞤴𞤭𞤥𞤩𞤫 𞤧𞤢𞤨𞥆𞤮 𞤱𞤢𞤯𞥆𞤭𞤲𞤮𞥅𞤩𞤫 𞤤𞤢𞥄𞤱𞤳𞤢 𞤳𞤢𞤲 𞤸𞤫𞤣𞥆𞤭𞥅 𞤫 𞤴𞤮𞤪𞤴𞤮𞤪𞤼𞤢𞤤 𞤲𞤺𞤢𞤤. 𞤑𞤮𞤲𞤮⹁ 𞤳𞤮 𞤬𞤵𞤪𞤫𞥅𞤶𞤭 𞤶𞤫𞥅𞤼𞤢𞤼𞤭 𞤨𞤫𞤼 𞤴𞤭𞥅𞤼𞤢𞥄 𞤼𞤢𞤸𞤮. 𞤀𞤲𞤣𞤢𞥄𞤳𞤢 𞤧𞤭 𞤆𞤪𞤭𞤺𞤮𞥁𞤭𞤲⹁ 𞤸𞤮𞥅𞤪𞤫𞥅𞤶𞤮 𞤏𞤢𞤺𞤲𞤫𞤪 𞤮𞤲⹁ 𞤲𞤮 𞤼𞤢𞤱𞤢𞥄 𞤫 𞤩𞤫𞤲. 𞤉 𞤦𞤭𞤴𞤮𞤤 𞤢𞤲𞤼𞤵𞤩𞤫⹁ 𞤶𞤵𞤸𞤢𞤼𞤢𞥄 𞤳𞤢𞤣𞤭 𞤧𞤭 𞤼𞤢𞤱𞤭𞥅 𞤆𞤪𞤭𞤺𞤮𞥁𞤭𞤲 𞤣𞤢𞤯𞤵𞤲𞤮.
𞤊𞤭𞥅 𞤳𞤢𞤤𞤢 𞤤𞤢𞥄𞤥𞤵 𞤈𞤮𞥅𞤧𞤭𞤴𞤢 𞤲𞤺𞤵𞤲 𞤬𞤢𞥄𞤤𞤫𞤼𞤫 𞤬𞤢𞤱𞤵𞤣𞤫 𞤓𞤳𞤪𞤢𞤴𞤲𞤢 𞤲𞤺𞤮𞥅 𞤥𞤢𞤧𞤭𞥅𞤦𞤮⹁ 𞤯𞤵𞤥 𞤸𞤢𞤯𞤢𞤼𞤢 𞤳𞤢 𞤯𞤵𞥅𞤯𞤵𞤩𞤫 𞤯𞤢𞤩𞥆𞤭𞤼𞤭𞤪𞤢 𞤦𞤢𞤲𞤽𞤫 𞤃𞤮𞤧𞤳𞤵 𞤳𞤮 𞤱𞤮𞤲𞤭 𞤧𞤢𞤦𞤵 𞤬𞤵𞤳𞥆𞤢𞤺𞤮𞤤 𞤳𞤢𞥄 𞤤𞤢𞥄𞤱𞤳𞤢.
𞤖𞤢𞤪𞤭 𞤆𞤪𞤭𞤺𞤮𞥁𞤭𞤲 𞤯𞤵𞥅𞤯𞤢𞥄𞤳𞤢 𞤴𞤭𞤴𞤫𞥅𞤣𞤫 𞤫 𞤳𞤫𞤲𞤫 𞤺𞤭𞤦𞤭 𞤣𞤵𞤲𞤳𞤫𞥅𞤩𞤫 𞤥𞤢𞤳𞥆𞤮 𞤩𞤫𞤲 𞤥𞤵𞤪𞤼𞤢𞤲𞥆𞤮 𞤤𞤢𞥄𞤥𞤵 𞤆𞤵𞤼𞤭𞤲 𞤲𞤺𞤵𞤲 𞤫 𞤑𞤮𞤪𞤧𞤮 𞤧𞤢𞥄𞤤𞤭𞥅𞤲𞤺𞤮. 𞤍𞤵𞤥 𞤱𞤮𞤲𞤢𞤲𞥆𞤮 𞤆𞤵𞤼𞤭𞤲 𞤸𞤫𞤪𞤧𞤢 𞤥𞤢𞤱𞤳𞤢.
𞤉 𞤯𞤮𞤱𞤤𞤵 𞤴𞤢𞤤𞤼𞤭𞤲𞤢𞤲𞤮𞥅𞤲𞤺𞤵 𞤻𞤢𞤤𞤲𞤣𞤫 𞥒𞥔 𞤑𞤮𞤪𞤧𞤮⹁ 𞤦𞤭𞤥𞤦𞤭 𞤥𞤵𞤪𞤼𞤢𞤤 𞤲𞤺𞤢𞤤⹁ 𞤆𞤵𞤼𞤭𞤲 𞤴𞤢𞤤𞤼𞤭 𞤮𞤥𞤮 𞤼𞤭𞤳𞥆𞤭 𞤳𞤮 𞤼𞤭𞥅𞤯𞤭. 𞤌 𞤱𞤭𞤴𞤭 𞤥𞤵𞤪𞤼𞤢𞤤 𞤲𞤺𞤢𞤤 𞤳𞤮 𞤶𞤢𞤲𞤬𞤢 𞤣𞤮𞤱 𞤸𞤮𞤣𞤮𞥅𞤪𞤫. 𞤄𞤢𞤼𞥆𞤫 𞤯𞤵𞤥⹁ 𞤯𞤵𞥅𞤯𞤵𞤩𞤫 𞤱𞤭𞤴𞤭𞤲𞤮⹁ 𞤆𞤪𞤭𞤺𞤮𞥁𞤭𞤲 𞤳𞤮 𞤬𞤵𞤪𞤫𞥅 𞤱𞤮𞤲𞤭 𞤫 𞤧𞤫𞤨𞥆𞤵𞤣𞤫⹁ 𞤧𞤢𞤦𞤵𞤲𞤢 𞤧𞤭 𞤼𞤢𞤱𞤵𞤲𞤮 𞤮𞤥𞤮 𞤬𞤢𞤺𞥆𞤭𞥅 𞤦𞤢𞥄𞤤𞤯𞤫 𞤥𞤢𞤳𞥆𞤮⹁ 𞤮 𞤣𞤢𞤪𞤼𞤮𞤼𞤢𞤲𞤮𞥅𞤳𞤮 𞤆𞤵𞤼𞤭𞤲 𞤢𞤲𞤣𞤭𞤪𞤢𞥄𞤯𞤮 𞤥𞤵𞤼𞤭𞤲𞤺𞤮𞤤 𞤫 𞤼𞤮𞥅𞤳𞤭𞤲𞤺𞤮𞤤 𞤳𞤢𞤤𞤢 𞤣𞤢𞤪𞤼𞤭𞥅𞤯𞤮 𞤥𞤮.
𞤑𞤮 𞤫 𞥒𞥐𞥑𞥔 𞤬𞤫𞤣𞥆𞤫 𞤏𞤢𞤺𞤲𞤫𞤪 𞤲𞤣𞤫𞤲 𞤧𞤭𞤲𞤷𞤢𞥄. 𞤘𞤭𞤦𞤭 𞤮𞤲𞤼𞤵𞤥𞤢 𞤳𞤮 𞤲𞤣𞤫𞤲 𞤬𞤫𞤣𞥆𞤫⹁ 𞤤𞤢𞥄𞤥𞤵 𞤈𞤮𞥅𞤧𞤭𞤴𞤢 𞤲𞤺𞤵𞤲 𞤱𞤮𞤲𞤭 𞤼𞤵𞥅𞤺𞤮𞤪𞤣𞤫 𞤫 𞤸𞤢𞤪𞤫𞥅𞤶𞤭 𞤲𞤣𞤫𞤪 𞤀𞤬𞤪𞤭𞤳 𞤫 𞤓𞤳𞤪𞤢𞤴𞤲𞤢. 𞤂𞤫𞤴𞤯𞤫 𞤀𞤊𞤪𞤭𞤳 𞤱𞤢𞤲𞤮 𞤃𞤢𞤤𞤭 𞤫 𞤅𞤢𞤲𞤼𞤪𞤢𞤬𞤪𞤭𞤳⹁ 𞤳𞤮 𞤣𞤵𞤲𞤳𞤫𞥅𞤩𞤫 𞤏𞤢𞤺𞤲𞤫𞤪 𞤱𞤮𞤲𞤭 𞤱𞤢𞤤𞥆𞤭𞤼𞤮𞤪𞤣𞤫 𞤫 𞤸𞤢𞤪𞤫𞥅𞤶𞤭 𞤥𞤵𞤵𞤲.
𞤐𞤮 𞤶𞤢𞤪𞤭 𞤢𞤲𞤣𞤭𞤲𞤼𞤭𞤲𞤣𞤫 𞤱𞤮𞤲𞤣𞤫𞤥𞤢 𞤏𞤀𞤘𞤐𞤉𞤈 𞤲𞤮 𞤼𞤢𞤱𞤢𞤲𞤮𞥅 𞤱𞤢𞤤𞥆𞤭𞤼𞤢𞤺𞤮𞤤 𞤧𞤮𞥅𞤪𞤭𞥅𞤩𞤫 𞤃𞤢𞤤𞤭 𞤩𞤫𞤲 𞤫 𞤲𞤦𞤢𞤪𞤤𞤫 𞤱𞤢𞤯𞤵𞤲𞤫𞥅𞤯𞤫 𞤯𞤫𞤲 𞤃𞤵𞤪𞤢⹁ 𞤫 𞤲𞤣𞤫𞤪 𞤤𞤫𞤴𞤣𞤭 𞤃𞤢𞤤𞤭 𞤲𞤣𞤭𞤲. 𞤑𞤮 𞤴𞤢𞤱𞤼𞤭 𞤴𞤭𞤥𞤩𞤫 𞤼𞤫𞥅𞤥𞤫𞤯𞥆𞤫 𞤲𞤶𞤮𞤱𞤮 𞤱𞤢𞤪𞤢𞤲𞤮 𞤫 𞤲𞤺𞤮𞤲 𞤸𞤮𞤯𞤮 𞤊𞤵𞤤𞤩𞤫.
𞤌𞥅 𞤳𞤮 𞤲𞤫𞤯𞥆𞤮 𞤤𞤮𞤪𞥆𞤵𞤯𞤮 𞤴𞤭𞤥𞤩𞤫 𞤢𞤬𞤪𞤭𞤳𞤭⹁ 𞤳𞤮𞤲𞤮 𞤩𞤢𞤴𞤪𞤵 𞤳𞤮 𞤺𞤮𞤯𞥆𞤮 𞤼𞤮𞥅𞤱𞤭 𞤱𞤮𞥅 𞤮 𞤴𞤢𞤲𞤢𞤴⹁ 𞤳𞤮 𞤳𞤮 𞤩𞤫 𞤱𞤭𞤭 𞤳𞤮𞤲⹁ 𞤸𞤢𞤪𞤭 𞤮 𞤶𞤵𞤤𞥆𞤭𞤲𞤭𞤳𞤫 𞤥𞤢𞤴𞤣𞤫 𞤥𞤢𞤳𞥆𞤤 𞤲𞤣𞤫𞤲⹁ 𞤯𞤵𞤲 𞤱𞤢𞤯𞤭 𞤱𞤭𞤵𞤲𞤮𞥅𞤩𞤫 𞤳𞤮 𞤬𞤵𞤪𞤫𞥅 𞤱𞤮𞤲𞤭 𞤫 𞤶𞤭𞤲𞤣𞤵𞤣𞤫 𞤩𞤫𞤲 𞤬𞤫𞤲𞤢𞥄𞤤𞤭.
𞤑𞤮 𞤩𞤫 𞤮 𞤱𞤢𞤯𞥆𞤮𞤣𞤭 𞤥𞤢𞥄𞤴𞤵𞤩𞤫 𞤩𞤫𞤲 𞤥𞤭𞤲 𞤱𞤮𞤲𞤭 𞤴𞤵𞤪𞤥𞤭𞤤𞤢𞤲⹁ 𞤸𞤭𞤲𞤢𞥄 𞤳𞤢𞤲𞤳𞤮⹁ 𞤧𞤢𞤦𞤵 𞤈𞤵𞥅𞤧𞤭𞤴𞤢 𞤬𞤭𞤶𞤭𞤪𞤼𞤢𞥄𞤳𞤫 𞤸𞤢𞤪𞤫 𞤺𞤵𞤲𞤣𞤮𞥅.