𞤐𞤖𞤀𞤒𞤓𞥅𞤔𞤋 𞤃𞤀𞤈𞤌𞤑 𞤍𞤋𞤐 𞤐𞤋𞤇𞥆𞤋𞤐𞤋𞥅 𞤑𞤌𞥅𞤁𞤉 𞤚𞤀𞤐𞤡𞤀𞤐𞤋𞤒𞤀 𞤍𞤉𞤐

𞤖𞤢𞤲𞤳𞤭 𞤫 𞤐𞤶𞤫𞤧𞤤𞤢𞥄𞤪𞤫 𞥑𞥗 𞤅𞤭𞥅𞤤𞤭⹁ 𞤳𞤮 𞤨𞤭𞤶𞤫 𞤯𞤭𞤯𞤭 𞤱𞤢𞤯𞤭 𞤳𞤢 𞤧𞤢𞤸𞤪𞤫 𞤅𞤀𞤐 𞤆𞤉𞤁𞤈𞤌.

𞤑𞤢 𞤲𞤶𞤢𞤥𞤣𞤭 𞥑𞥗:𞥐𞥐⹁ 𞤃𞤢𞤪𞤮𞤳 𞤤𞤢𞥄𞤼𞤭𞥅𞤲𞤮𞥅𞤩𞤫 𞤩𞤫𞤲 𞤲𞤢𞤴𞤢𞤩𞤵𞤲 𞤳𞤢 𞤬𞤮𞥅𞤤𞤮𞤼𞤭𞤪𞤮 𞤤𞤢𞤼𞤮-𞤥𞤵𞤤𞥆𞤫𞤪𞤫 𞤢𞤣𞤵𞤲𞤢𞤴𞤢𞤲𞤳𞤮𞥅𞤪𞤫 𞤱𞤢𞤯𞤵𞤲’𞤣𞤫 𞤑𞤀𞤚𞤀𞤈 𞤸𞤢𞤱𞤪𞤭 𞤫 𞤚𞤢𞤲𞤧𞤢𞤲𞤭𞤴𞤢. 𞤐𞤺𞤢𞤴𞤵𞥅𞤶𞤭 𞤀𞤼𞤤𞤢𞤧 𞤃𞤢𞤪𞤮𞤳 𞤯𞤭𞤲 𞤨𞤭𞤴𞤭 𞤑𞤮𞥅𞤣𞤫 𞤚𞤢𞤴𞤬𞤢 𞤚𞤢𞤲𞥁𞤢𞤲𞤭𞤴𞤢 𞤯𞤫𞤲 𞤳𞤵𞥅𞤤𞤫 𞤼𞤢𞤼𞤭.

𞤑𞤮 𞤖𞤮𞥅𞤪𞤲𞤢𞤤𞥆𞤮 𞤃𞤢𞤪𞤮𞤳 𞤮𞤲⹁ 𞤈𞤌𞤃𞤉𞤐 𞤅𞤀𞤒𞤅 𞤲𞤢𞥄𞤣𞤭 𞤳𞤵𞥅𞤤𞤢𞤤 𞤢𞤪𞤢𞤲𞤢𞤤 𞤲𞤺𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥓𞥐.

𞤇𞤢𞤴𞤼𞤭 𞤩𞤫 𞤬𞤵𞤯𞥆𞤭𞤼𞤭𞤳𞤫 𞤩𞤢𞥄𞤱𞤮 𞤬𞤫𞤷𞥆𞤮 𞤢𞤪𞤢𞤲𞤮 𞤲𞤺𞤮𞤲⹁ 𞤐𞤌𞤜𞤀𞤚𞤋𞤅 𞤃𞤋𞤈𞤌𞤡𞤋⹁ 𞤬𞤭𞤶𞤢𞤲𞤮𞥅𞤱𞤮 𞤚𞤢𞤲𞤧𞤢𞤲𞤭𞤴𞤢 𞤮𞤲 𞤸𞤫𞤩𞤭 𞤳𞤫𞤩𞥆𞤢𞤤 𞤦𞤮𞤯𞤫𞤱𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥗𞥐𞤩𞤫𞤪𞤫. 𞤑𞤮 𞤬𞤭𞤶𞤮𞥅𞤩𞤫 𞤧𞤢𞤨𞥆𞤮⹁ 𞤚𞤢𞤲𞤧𞤢𞤲𞤭𞤴𞤢 𞤤𞤢𞤲𞥆𞤭𞤼𞤮𞤪𞤭 𞤸𞤢𞤪𞤮 𞤲𞤺𞤮𞤲.

𞤖𞤮𞤶𞤮𞤥𞤢𞥄𞤶𞤫 𞤶𞤫𞥅𞤯𞤭𞤯𞤭 𞤩𞤢𞥄𞤱𞤮 𞤯𞤵𞤲⹁ 𞤃𞤢𞤪𞤮𞤳 𞤴𞤭𞥅𞤼𞤭 𞤤𞤢𞥄𞤱𞤮𞤤 𞤸𞤵𞥅𞤤𞤭𞤪𞤣𞤫 𞤲𞤣𞤫𞤲 𞤳𞤢𞤣𞤭. 𞤑𞤮 𞤀𞤟𞤉𞤁𞤋𞥅𞤐 𞤓𞤐𞤀𞤖𞤋 𞤯𞤭𞤯𞤥𞤭𞤼𞤢𞤲𞤭 𞤩𞤫 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥗𞥗. 𞤖𞤮𞤶𞤮𞤥𞤢𞥄𞤶𞤫 𞤼𞤢𞤼𞤭 𞤨𞤫𞤼 𞤩𞤢𞥄𞤱𞤼𞤭 𞤯𞤵𞤥⹁ 𞤒𞤓𞥅𞤅𞤓𞤊 𞤀𞤐𞥆𞤀𞤅𞤋𞥅𞤈𞤋⹁ 𞤩𞤫𞤴𞤣𞤭 𞤳𞤵𞥅𞤤𞤢𞤤 𞤼𞤢𞤼𞤢𞤩𞤢𞤤 𞤲𞤺𞤢𞤤 𞤲𞤣𞤫 𞤀𞤡𞤈𞤀𞤊 𞤖𞤀𞤑𞤋𞥅𞤃𞤋𞥅 𞤬𞤫𞤰𞥆𞤭𞤲𞤢𞤲𞤭 𞤥𞤮 𞤥𞤵𞤤𞥆𞤫𞤪𞤫 𞤲𞤣𞤫𞤲.

𞤑𞤮 𞤸𞤮𞥅𞤪𞤫 𞥓-𞥐 𞤩𞤫 𞤧𞤫𞥅𞤣𞤭.

𞤇𞤢𞥄𞤱𞤼𞤭 𞤯𞤵𞤲 𞤳𞤮 𞤑𞤌𞤐𞤘𞤌 𞤫 𞤟𞤀𞤃𞤄𞤋𞤒𞤀 𞤲𞤢𞤲𞤺𞤮𞤲’𞤣𞤭𞤪𞤲𞤮𞥅. 𞤇𞤫 𞤧𞤫𞥅𞤣𞤭 𞤸𞤮𞥅𞤪𞤫 𞥑-𞥑.

𞤑𞤮 𞤡𞤀𞤃𞤄𞤋𞤒𞤀 𞤢𞤣𞤭𞥅 𞤲𞤢𞥄𞤣𞤵𞤣𞤫 𞤳𞤵𞥅𞤤𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥒𞥓𞤩𞤫𞤪𞤫. 𞤑𞤮 𞤑𞤋𞤐𞤘𞤅 𞤑𞤀𞤐𞤘𞤓𞤏𞤀⹁ 𞤬𞤭𞤶𞤮𞥅𞤱𞤮 𞤅𞤫𞤪𞤦𞤭𞤴𞤢 𞤲𞤢𞥄𞤣𞤭 𞤲𞤺𞤢𞤤. 𞤑𞤮𞤲𞤮 𞤲𞤫𞥅𞤩𞤼𞤢𞥄𞤤𞤭 𞤸𞤢𞤪𞤭 𞤑𞤮𞤲𞤺𞤮 𞤱𞤵𞤪𞤼𞤭𞥅 𞤲𞤺𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥒𞥗𞤩𞤫𞤪𞤫 𞤫 𞤤𞤫𞤴 𞤳𞤮𞤴𞤲𞤺𞤢𞤤 𞤒𞤌𞤏𞤀𞤐𞤉 𞤏𞤋𞤅𞤀.

𞤔𞤮𞥅𞤲𞤭 𞤳𞤭𞤨𞥆𞤭 𞤯𞤭𞤲 𞤬𞤮𞤨 𞤬𞤭𞤶𞤭𞥅 𞤳𞤢 𞤢𞤬𞤳𞤮𞤲 𞥒𞥓.

𞤑𞤌𞤐𞤘𞤌 𞤑𞤋𞤐𞤡𞤀𞤡𞤀 𞤫 𞤃𞤀𞤈𞤌𞤑 𞤬𞤮𞤼𞥆𞤢𞤴 𞤫 𞤪𞤫𞤬𞤦𞤭𞤪𞥆𞤫 𞥒𞥑 𞤅𞤭𞥅𞤤𞤮. 𞤐𞤣𞤫𞤲 𞤻𞤢𞤤𞤲𞤣𞤫 𞤳𞤢𞤣𞤭 𞤟𞤀𞤃𞤄𞤋𞤒𞤀 𞤫 𞤚𞤀𞤐𞤟𞤀𞤐𞤋𞤒𞤀 𞤬𞤭𞤶𞤢𞤴.

𞤒𞤮𞤼𞥆𞤭𞤲𞤢𞤲𞤣𞤫 𞤀𞤴𞥃𞤢 𞤅𞤮𞥅