𞤖𞤌𞤂 𞤚𞤌 𞤔𞤌𞤐 𞤃𞤀𞤘𞤓𞤊𞤓𞤂𞤋 𞤏𞤌𞤐𞤋؟

𞤚𞤭𞤥𞥆𞤭𞥅 𞤶𞤮𞤲𞤼𞤫 𞤯𞤭𞤯𞤭 𞤺𞤭𞤤𞤢 𞤸𞤮𞥅𞤪𞤫𞥅𞤶𞤮 𞤚𞤢𞤲𞤧𞤢𞤲𞤭𞤴𞤢 𞤮𞤲 𞤥𞤵𞤼𞤭. 𞤑𞤮 𞤺𞤭𞤤𞤢 𞤻𞤢𞤤𞤲𞤣𞤫 𞥒𞥗 𞤷𞤮𞤤𞤼𞤮 𞤔𞤮𞤲 𞤃𞤢𞤺𞤵𞤬𞤵𞤤𞤭 𞤱𞤢𞤴𞤪𞤢𞥄 𞤴𞤭𞤫𞥅𞤣𞤫 𞤫 𞤶𞤢𞤥𞤢𞥄. 𞤘𞤭𞤤𞤢 𞤯𞤵𞤥⹁ 𞤸𞤢𞥄𞤤𞤢 𞤸𞤢𞥄𞤤𞤼𞤢 𞤥𞤢𞤤𞥆𞤢 𞤸𞤢𞥄𞤤𞤼𞤭 𞤯𞤭𞤲 𞤯𞤵𞥅𞤯𞤭𞥅 𞤫 𞤤𞤫𞤴𞤣𞤭 𞤲𞤣𞤭𞤲.

𞤆𞤫𞤣𞤤𞤫 𞤤𞤭𞤣𞥆𞤭𞥅𞤯𞤫 𞤯𞤫𞤲 𞤤𞤢𞥄𞤥𞤵 𞤲𞤺𞤵𞤲 𞤤𞤢𞤲𞤣𞤭𞤳𞤫 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤 𞤴𞤮 𞤩𞤢𞤲𞤺𞤭𞤲𞤢𞤲 𞤴𞤭𞤥𞤩𞤫 𞤩𞤫𞤲 𞤲𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲 𞤬𞤫𞤱𞤲𞤣𞤮𞤪𞤭. 𞤄𞤵𞤴 𞤲𞤮 𞤧𞤮𞤺𞤭𞤼𞤭𞥅 𞤱𞤮𞤲𞤣𞤫𞤥𞤢 𞤳𞤮 𞤻𞤢𞤱𞤵 𞤑𞤮𞤾𞤭𞤣-𞥑𞥙 𞤲𞤺𞤵𞤲 𞤪𞤢𞥄𞤩𞤭 𞤥𞤮. 𞤉 𞤸𞤭𞤲𞤤𞤫 𞤔𞤮𞤲 𞤃𞤢𞤺𞤵𞤬𞤵𞤤𞤭 𞤲𞤮 𞤼𞤢𞤱𞤢𞥄 𞤫 𞤶𞤢𞤤𞤳𞤭𞤼𞤮𞥅𞤩𞤫 𞤩𞤫𞤲 𞤲𞤺𞤵𞥅 𞤻𞤢𞤱𞤵. 𞤌 𞤦𞤵𞤺𞤭𞤼𞤭𞤲𞤮 𞤫𞤩𞥆𞤮𞥅𞤶𞤫 𞤪𞤫𞤲𞤼𞤮𞤪𞤯𞤫 𞤯𞤫𞤲⹁ 𞤮 𞤱𞤭𞤭 𞤱𞤮𞤲𞤣𞤫 𞤥𞤢 𞤶𞤵𞥅𞤤𞤵𞤺𞤮𞤤 𞤼𞤵𞤲 𞤴𞤮𞤲𞤭𞥅 𞤳𞤮 𞤣𞤢𞤯𞤭𞤲𞤢 𞤮𞤲𞤼𞤭𞤺𞤭 𞤲𞤺𞤵𞥅 𞤻𞤢𞤱𞤵.

𞤚𞤵𞤲𞤣𞤵 𞤂𞤭𞤧𞤵⹁ 𞤸𞤮𞥅𞤪𞤫𞥅𞤶𞤮 𞤬𞤫𞤣𞥆𞤫 𞤥𞤢𞤱𞤲𞤣𞤫 𞤤𞤭𞤣𞥆𞤮 𞤲𞤺𞤮𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤮 𞤸𞤵𞤥𞤨𞤭𞤼𞤭𞤳𞤫 𞤃𞤢𞤺𞤵𞤬𞤵𞤤𞤭 𞤲𞤮 𞤲𞤢𞤩𞤢𞤲𞤮𞥅 𞤑𞤫𞤲𞤭𞤴𞤢 𞤻𞤢𞤱𞤲𞤣𞤢𞤺𞤮𞤤⹁ 𞤳𞤮𞤲𞤮 𞤩𞤢𞥄𞤴𞤼𞤭 𞤮 𞤲𞤣𞤭𞤳𞥆𞤢𞥄𞤤𞤭⹁ 𞤮 𞤲𞤢𞤩𞤭𞤪𞤢𞥄𞤥𞤢 𞤋𞤲𞤣𞤭𞤴𞤢.

𞤖𞤫𞤧𞤤𞤮𞥅𞤩𞤫 𞤑𞤫𞤲𞤭𞤴𞤢 𞤩𞤫𞤲 𞤸𞤮𞤤𞥆𞤵𞤲𞤮 𞤫 𞤢𞥄𞤩𞤵𞤲𞥋𞤣𞤫 𞤱𞤮𞤲𞤣𞤫𞤥𞤢 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤶𞤢𞤲𞤢𞤲𞤭𞤪𞤭 𞤲𞤮 𞤢𞤪𞤵𞤲𞤮𞥅 𞤻𞤢𞤱𞤲𞤣𞤢𞤺𞤮𞤤 𞤳𞤢 𞤤𞤫𞤴𞤣𞤭 𞤥𞤢𞤩𞥆𞤫. 𞤑𞤮𞤲𞤮 𞤩𞤫 𞤩𞤢𞤲𞤺𞤭𞤲𞤢𞥄𞤤𞤭 𞤳𞤮 𞤸𞤮𞤥𞤦𞤮. 𞤐𞤮 𞤼𞤢𞤥𞤰𞤭𞤲𞤢𞥄 𞤶𞤮𞥅𞤲𞤭 𞤳𞤢 𞤼𞤢𞤱𞤭 𞤳𞤮 𞤔𞤮𞤲 𞤃𞤢𞤺𞤵𞤬𞤵𞤤𞤭.

𞤃𞤢𞤺𞤵𞤬𞤵𞤤𞤭 𞤩𞤵𞤪𞤲𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤶𞤫𞥅𞤺𞤮𞤮 𞤫 𞤺𞤮𞤮. 𞤑𞤮 𞤫 𞥒𞥐𞥑𞥕 𞤮 𞤢𞤪𞤭 𞤳𞤢 𞤤𞤢𞥄𞤥𞤵 𞤚𞤢𞤲𞤧𞤢𞤲𞤭𞤴𞤢.  

𞤅𞤭 𞤼𞤢𞤦𞤭𞤼𞤭𞥅 𞤱𞤮𞤲𞤣𞤫𞤥𞤢 𞤮𞤥𞤮 𞤱𞤮𞤲𞤣𞤭 𞤫 𞤑𞤮𞤾𞤭𞤣-𞥑𞥙⹁ 𞤸𞤢𞤪𞤢𞤴 𞤺𞤢𞤱𞤥𞤭 𞤱𞤢𞤯𞤭𞥅 𞤧𞤢𞤦𞤵𞤲𞤢 𞤮 𞤶𞤢𞤤𞤳𞤭𞤼𞤭𞥅 𞤲𞤺𞤵𞥅 𞤻𞤢𞤱𞤵 𞤳𞤮 𞤯𞤵𞥅𞤯𞤭.

𞤐𞤣𞤫𞥅 𞤲𞤢𞤱𞤲𞤢𞥄𞤪𞤫 𞤤𞤫 𞤳𞤮 𞤺𞤮𞥅𞤲𞤺𞤢. 𞤐𞤣𞤫 𞤼𞤢𞤱𞤵𞤲𞤮𞥅 𞤲𞤣𞤫 𞤢𞤤𞤢𞥄 𞤤𞤫𞤳𞥆𞤭⹁ 𞤨𞤢𞤣𞥆𞤵𞤤𞤫 𞤯𞤫𞤲 (𞤱𞤢𞤳𞤧𞤫𞤲) 𞤳𞤢𞤣𞤭 𞤱𞤫𞥅𞤩𞤢𞤲𞤢𞥄𞤤𞤭 𞤴𞤭𞤥𞤩𞤫 𞤩𞤫𞤲 𞤬𞤮𞤱 𞤼𞤢𞤸𞤮⹁ 𞤳𞤮 𞤪𞤫𞤲𞤼𞤢𞤺𞤮𞤤 𞤫 𞤪𞤢𞥄𞤩𞤭𞤲𞤢𞤴𞤯𞤭 𞤯𞤭𞤲 𞤩𞤵𞤪𞤭 𞤫 𞤥𞤵𞤰𞥆𞤵𞤣𞤫.

𞤍𞤭𞤲 𞤳𞤮:
𞥑 – 𞤔𞤓𞥅𞤍𞤉 𞤍𞤉𞤐, 𞤤𞤮𞥅𞤼𞤢 𞤯𞤫 𞤧𞤮𞥅𞤲𞤮 𞤳𞤢𞤤𞤢. 𞤌𞤲𞤼𞤭𞤺𞤭 𞤧𞤮𞥅𞤯𞤮𞤪𞤢 𞤧𞤢𞥄𞤦𞤵𞤲𞤣𞤫 𞤫 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲
𞥒 – 𞤅𞤌𞤇𞥆𞤓𞤐𞥋𞤁𞤓 𞤐𞤁𞤓𞤐⹁ 𞤯𞤮𞤶𞥆𞤢 𞤥𞤢𞥄 𞤭𞥅𞤤𞤢 𞤫 𞤲𞤣𞤫𞤪 𞤥𞤢𞤴𞤪𞤵.
𞥓 – 𞤒𞤉𞥅𞤅𞤌 𞤐𞤘𞤌𞤐⹁ 𞤱𞤮𞤼𞤢 𞤮𞤲𞤼𞤭𞤺𞤭 𞤥𞤫𞥅𞤥𞤵 𞤲𞤺𞤮⹁ 𞤼𞤫𞤲𞤼𞤭𞤲𞤭𞥅 𞤧𞤮 𞤶𞤵𞥅𞤯𞤫 𞤯𞤫𞤲 𞤤𞤢𞥄𞤩𞤢𞥄.
𞥔 – 𞤚𞤉𞤆𞥆𞤉 𞤚𞤀𞤚𞤋⹁ 𞤴𞤮 𞤯𞤵𞤥 𞤱𞤮𞤲𞤵 𞤸𞤢𞤳𞥆𞤵𞤲’𞤣𞤫 𞤮𞤲𞤼𞤭𞤺𞤭 𞤫 𞤴𞤭𞤥𞤩𞤫 𞤩𞤫𞤲.
𞥕 – 𞤃𞤌 𞤅𞤌𞤋𞥅 𞤲𞤢𞤱𞤲𞤵𞤣𞤫⹁ 𞤴𞤮 𞤤𞤵𞤼𞥆𞤫𞥅 𞤳𞤢 𞤧𞤵𞥅𞤣𞤵 𞤥𞤵𞤲.
𞥖 – 𞤅𞤓𞥅𞤃𞤀 𞤳𞤭𞤲𞤢𞤤 𞤲𞤺𞤢𞤤 𞤫 𞤸𞤵𞤲𞤣𞤵𞤳𞤮 𞤳𞤮𞤲 𞤧𞤮 𞤼𞤢𞤱𞤭𞥅 𞤮𞤲𞤼𞤭𞤺𞤭 𞤴𞤢𞤤𞤼𞤢𞤴.