𞤘𞤓𞤘𞤌𞤂 𞤇𞤉𞤒𞤁𞤋𞤚𞤋𞥅 𞤍𞤉𞤐𞤍𞤉 𞤀𞤊𞤈𞤋𞤑 𞥓𞥑
𞤘𞤵𞤺𞤮𞤤 𞤩𞤫𞤴𞤣𞤭𞤼𞤭𞥅 𞤯𞤫𞤲𞤯𞤫 𞤀𞤬𞤪𞤭𞤳 𞥓𞥑 𞤫 𞤲𞤶𞤵𞤩𞥆𞤵𞤣𞤭 𞤬𞤭𞤪𞤼𞤭𞤪𞤣𞤲𞤣𞤭 𞤯𞤫𞤲𞤯𞤫 𞤢𞤲𞤣𞤭𞤪𞤢𞥄𞤲𞤣𞤭 𞤘𞤵𞥅𞤺𞤮𞤤 𞤚𞤪𞤢𞤲𞤧𞤤𞤢𞤼 (Google Translate).
𞤐𞤮 𞤼𞤢𞤱𞤢𞥄 𞤫 𞤯𞤫𞤲𞤯𞤫 𞤩𞤫𞤴𞤣𞤭𞤼𞤢𞥄𞤯𞤫 𞤯𞤫𞤲⹁ 𞤆𞤵𞤤𞤢𞤪 𞤱𞤭𞤲𞤣𞤭𞤪𞤢𞥄𞤲𞤺𞤢𞤤 𞤦𞤭𞤲𞤣𞤭 𞤤𞤢𞤼𞤫𞤲 𞤥𞤢𞤤𞥆𞤢 𞤪𞤵𞥅𞤥𞤭𞤴𞤢𞤲𞤳𞤮 𞤳𞤢𞤻𞤵𞤲 𞤫 𞤃𞤢𞤲𞤣𞤭𞤲𞤳𞤮𞥅𞤪𞤫 𞤱𞤭𞤲𞤣𞤭𞤪𞤼𞤫𞥅𞤲𞤣𞤫 𞤦𞤭𞤲𞤣𞤭 𞤐𞤑𞤌 𞤯𞤭𞤲 (NKo).
𞤀𞤣𞤮 𞤯𞤵𞤲⹁ 𞤸𞤢𞤪𞤭 𞤴𞤢𞤱𞤼𞤭𞥅 𞤣𞤵𞥅𞤩𞤭 𞤯𞤭𞤯𞤭⹁ 𞤺𞤭𞤦𞤭 𞤄𞤢𞥄𞤥𞤢𞤪𞤢𞥄𞤳𞤮𞥅𞤪𞤫 𞤲𞤣𞤫𞤲 𞤩𞤫𞤴𞤣𞤭𞤼𞤢𞥄 𞤳𞤢 𞤘𞤵𞤺𞤮𞤤 𞤚𞤪𞤢𞤲𞤧𞤤𞤫𞤼. 𞤑𞤮𞤲𞤮 𞤼𞤢𞤱𞤭 𞤸𞤢𞥄 𞤶𞤮𞥅𞤲𞤭 𞤳𞤮 𞤦𞤭𞤲𞤣𞤭 𞤂𞤢𞤼𞤫𞤲 𞤯𞤭𞤲 𞤩𞤫 𞤱𞤮𞤲𞤭 𞤸𞤵𞥅𞤱𞤼𞤮𞤪𞤣𞤫.
𞤆𞤵𞤤𞤢𞤪 𞤲𞤺𞤢𞤤 𞤳𞤢𞤣𞤭 𞤬𞤵𞤯𞥆𞤮𞤪𞤭𞥅 𞤄𞤭𞤲𞤣𞤭 𞤤𞤢𞤼𞤫𞤲 𞤯𞤭𞤲 𞤲𞤣𞤫 𞤼𞤢𞤱𞤵𞤲𞤮𞥅 𞤀𞤁𞤂𞤢𞤃 𞤺𞤢𞤧𞤢𞥄𞤤𞤭 𞤸𞤫𞤦𞤤𞤫𞥅𞤣𞤫 𞤼𞤢𞤸𞤮. 𞤉𞤯𞤫𞤲 𞤼𞤢𞤥𞤰𞤭𞤲𞤭𞥅 𞤲𞤣𞤫 𞤀𞤁𞤂𞤢𞤃 𞤼𞤢𞤱𞤲𞤢𞥄 𞤴𞤫𞥅𞤧𞤮 𞤧𞤭 𞤘𞤫𞤲𞤮 𞤮𞤲 𞤥𞤵𞥅𞤴𞤭𞥅. 𞤘𞤮𞤤𞥆𞤫 𞤀𞤁𞤂𞤢𞤃 𞤲𞤮 𞤶𞤮𞤳𞥆𞤭𞤪𞤢𞥄 𞤷𞤫𞤲𞤯𞤫 𞤯𞤵𞥅𞤯𞤵𞤯𞤫 𞤳𞤢 𞤦𞤢𞤽𞥆𞤫 𞤬𞤭𞤪𞤮 𞤸𞤢𞥄 𞤫 𞤳𞤮 𞤴𞤢𞤱𞤼𞤭 𞤯𞤵𞤥.
𞤍𞤵𞤲 𞤬𞤮𞤨 𞤳𞤮 𞤨𞤮𞥅𞤤𞤺𞤢𞤤 𞤥𞤢𞤱𞤲𞤺𞤢𞤤 𞤱𞤮𞤲𞤢𞤲𞤣𞤫 𞤯𞤫𞤲𞤯𞤫 𞤀𞤬𞤪𞤭𞤳 𞤯𞤫𞤲.
𞤐𞤮 𞤶𞤢𞤪𞤭 𞤢𞤲𞤣𞤭𞤲𞤼𞤭𞤲𞤣𞤫 𞤱𞤮𞤲𞤣𞤫𞤥𞤢 𞤀𞤁𞤂𞤢𞤃 𞤲𞤢𞥄𞤣𞤢𞤲𞤮𞥅𞤥𞤢 𞤫 𞤲𞤶𞤵𞤩𞥆𞤵𞤤𞤫 𞤫𞤱𞤲𞤮𞤪𞤯𞤫 𞤫 𞤬𞤮𞥅𞤺𞤭𞤪𞤯𞤫 𞤬𞤮𞤨. 𞤀𞤁𞤂𞤢𞤃 𞤲𞤮 𞤫 𞤘𞤵𞤺𞤮𞤤⹁ 𞤲𞤮 𞤫 𞤀𞤨𞤮𞤤⹁ 𞤲𞤮 𞤫 𞤃𞤢𞤴𞤳𞤮𞤪𞤮𞤧𞤬𞤼. 𞤉𞤯𞤫𞤲 𞤸𞤫𞥅𞤪𞤭𞤲𞤢𞤲𞤢𞥄 𞤳𞤢𞤣𞤭 𞤼𞤢𞤨𞥆𞤭𞤪𞤯𞤫 𞤫 𞤯𞤫𞥅 𞤲𞤶𞤵𞤩𞥆𞤵𞤤𞤫 𞤬𞤮𞤨. 𞤘𞤫𞤩𞤢𞤤 𞤲𞤺𞤢𞤤 𞤯𞤫𞤲𞤯𞤫 𞤫 𞤦𞤭𞤲𞤣𞤭 𞤯𞤵𞥅𞤯𞤵𞤯𞤭 𞤴𞤫𞤯𞤢𞥄𞤳𞤢 𞤼𞤢𞤸𞤮. 𞤐𞤮 𞤼𞤢𞤱𞤢𞥄 𞤲𞤮𞤲 𞤫 𞤳𞤮 𞤸𞤫𞤣𞥆𞤭𞥅 𞤺𞤢𞤧𞤢𞥄𞤤𞤭 𞤼𞤢𞤸𞤮 𞤚𞤪𞤢𞤲𞤧𞤤𞤫𞤼. 𞤑𞤮𞤲𞤮 𞤳𞤮 𞤼𞤢𞥄𞤩𞤢𞤲𞤣𞤫 𞤼𞤢𞥄𞤩𞤢𞤲𞤣𞤫.
𞤚𞤢𞤱𞤲𞤵𞤺𞤮𞤤 𞤯𞤫𞥅 𞤯𞤫𞤲𞤯𞤫 𞤀𞤬𞤪𞤭𞤳 𞤫 𞤦𞤭𞤲𞤣𞤭 𞤥𞤵𞥅𞤯𞤵𞤲 𞤱𞤢𞤲𞤮 𞤐𞤳𞤮⹁ 𞤘𞤫𞥅𞥁 (𞤀𞤥𞤸𞤢𞤪𞤭𞥅 𞤫 𞤚𞤭𞤺𞤭𞤪𞤭𞤲𞤴𞤢𞥄)⹁ 𞤩𞤫𞤴𞤣𞤭𞥅 𞤸𞤮𞤤𞥆𞤵𞤣𞤫 𞤫𞤲 𞤱𞤮𞤲𞤣𞤫𞤥𞤢 𞤳𞤮 𞤺𞤢𞤧𞤢𞤼𞤢 𞤳𞤮𞤲 𞤫 𞤯𞤫𞤴𞤢 𞤯𞤫𞤲𞤯𞤫⹁ 𞤳𞤢𞤻𞤵𞤲 𞤫 𞤯𞤭𞤴𞤢 𞤦𞤭𞤲𞤣𞤭⹁ 𞤲𞤮 𞤺𞤢𞤧𞤢 𞤫 𞤯𞤫𞤲𞤯𞤫 𞤥𞤫𞥅𞤯𞤫𞤲 𞤯𞤫𞤲 𞤳𞤢𞤻𞤵𞤲 𞤫 𞤦𞤭𞤲𞤣𞤭 𞤥𞤫𞥅𞤯𞤫𞤲 𞤯𞤭𞤲. 𞤋𞤼𞥆𞤭𞤪𞤭 𞤼𞤭𞥅𞤯𞤲𞤢𞥄𞤪𞤫 𞤥𞤫𞥅𞤯𞤫𞤲⹁𞤸𞤢𞥄𞤯𞤼𞤭𞤪𞤣𞤫 𞤩𞤢𞤥𞤼𞤢𞥄𞤪𞤫 𞤥𞤫𞥅𞤯𞤫𞤲.
𞤑𞤮𞤲𞤮 𞤲𞤮 𞤸𞤫𞤪𞤧𞤭𞤲𞤢𞤲𞤭𞥅 𞤤𞤢𞥄𞤥𞤩𞤫 𞤥𞤫𞥅𞤯𞤫𞤲 𞤩𞤫𞤲⹁ 𞤲𞤣𞤫 𞤼𞤢𞤱𞤭 𞤯𞤫𞤲𞤯𞤫 𞤥𞤫𞥅𞤯𞤫𞤲 𞤯𞤫𞤲 𞤫 𞤦𞤭𞤲𞤣𞤭 𞤥𞤫𞥅𞤯𞤫𞤲 𞤯𞤭𞤲 𞤲𞤮 𞤩𞤢𞤲𞤼𞤮𞤪𞤣𞤫 𞤳𞤢 𞤶𞤢𞤲𞤢𞤲𞤭𞤪𞤭 𞤩𞤵𞤪𞤭 𞤳𞤢 𞤲𞤣𞤫𞤪 𞤤𞤫𞤴𞤯𞤫 𞤥𞤫𞥅𞤯𞤫𞤲. 𞤉𞤲 𞤸𞤫𞤩𞤼𞤢𞤼𞤢𞥄𞤤𞤫 𞤲𞤣𞤭𞤥𞤵 𞤥𞤫𞥅𞤯𞤫𞤲 𞤲𞤺𞤵𞤲 𞤫 𞤼𞤫𞤣𞥆𞤵𞤲𞥋𞤺𞤢𞤤 𞤥𞤫𞥅𞤯𞤫𞤲 𞤦𞤭𞤲𞥆𞤢𞥄𞤥𞤢 𞤫𞤯𞤫𞤲 𞤣𞤮𞥅𞤤𞤲𞤮𞤪𞤣𞤫 𞤤𞤵𞤩𞤢𞥄𞤯𞤫 𞤫 𞤤𞤵𞤩𞤢𞥄𞤯𞤭 𞤢𞤷𞥆𞤫𞤲 𞤳𞤮 𞤶𞤮𞤺𞤢𞤲𞤭𞤯𞤫𞤲 𞤸𞤮𞥅𞤪𞤫 𞤥𞤫𞥅𞤯𞤫𞤲.
𞤍𞤫𞤲𞤺𞤢𞤤 𞤩𞤵𞤪𞤢𞥄 𞤯𞤫𞤲𞤺𞤢𞤤. 𞤘𞤢𞤲𞤣𞤢𞤤 𞤸𞤵𞤥𞤢𞥄𞤳𞤭 𞤫 𞤯𞤫𞤲𞤺𞤢𞤤 𞤸𞤢𞤴 𞤫 𞤺𞤮𞥅𞤼𞤢𞤤. 𞤅𞤭 𞤼𞤢𞤱𞤲𞤮 𞤺𞤢𞤲𞤣𞤢𞤤 𞤲𞤮 𞤸𞤵𞤥𞤭𞥅 𞤫 𞤯𞤫𞤲𞤯𞤫 𞤉𞤪𞤮𞤨𞤲𞤢𞥄𞤩𞤫 𞤩𞤫𞤲⹁ 𞤕𞤢𞤴𞤲𞤢 𞤫 𞤐𞤭𞤨𞤮𞥅𞤲 𞤩𞤢𞤥𞤼𞤮𞤼𞤢𞤲𞤮𞥅𞤳𞤮. 𞤘𞤢𞤲𞤣𞤢𞤤 𞤸𞤵𞤥𞤢𞥄𞤳𞤭 𞤳𞤢𞤣𞤭 𞤫 𞤦𞤭𞤲𞤣𞤭 𞤚𞤵𞤦𞤢𞥄𞤳𞤮𞥅𞤩𞤫 𞤩𞤫𞤲. 𞤅𞤭 𞤳𞤮 𞤲𞤮𞥅𞤲 𞤲𞤵𞤲⹁ 𞤕𞤢𞤴𞤲𞤢 𞤫 𞤑𞤮𞥅𞤪𞤫𞤴𞤢 𞤥𞤢𞤤𞥆𞤢 𞤐𞤭𞤨𞤮𞥅𞤲 𞤫 𞤤𞤫𞤴𞤯𞤫 𞤀𞥄𞤪𞤢𞤦𞤫𞥅𞤩𞤫 𞤩𞤫𞤲⹁ 𞤩𞤢𞤥𞤼𞤮𞤼𞤢𞤲𞤮𞥅𞤳𞤮. 𞤉𞤪𞤮𞤨 𞤫 𞤯𞤵𞥅𞤯𞤵𞤣𞤫 𞤤𞤫𞤴𞤯𞤫⹁ 𞤤𞤫𞤧𞤣𞤭 𞤳𞤢𞤤𞤢 𞤳𞤮 𞤫 𞤯𞤫𞤲𞤯𞤫 𞤴𞤭𞤥𞤩𞤫 𞤥𞤵𞥅𞤯𞤵𞤲 𞤶𞤢𞤲𞤺𞤢𞤼𞤢. 𞤀𞥄𞤧𞤭𞤴𞤢 𞤫 𞤯𞤵𞥅𞤯𞤵𞤣𞤫 𞤤𞤫𞤴𞤯𞤫 𞤫 𞤤𞤫𞤰𞥆𞤭⹁ 𞤬𞤢𞤴𞤣𞤢 𞤥𞤮𞤲𞤭 𞤳𞤢𞤤𞤢 𞤳𞤮 𞤯𞤫𞤲𞤺𞤢𞤤 𞤥𞤵𞥅𞤯𞤵𞤲 𞤫 𞤦𞤭𞤲𞤣𞤮𞤤 𞤥𞤵𞥅𞤲 𞤱𞤮𞤲𞤭 𞤸𞤵𞥅𞤱𞤼𞤮𞤪𞤣𞤫.
𞤑𞤮 𞤧𞤫𞤲𞤣𞤭 𞤫𞤲𞤫𞤲 𞤀𞤬𞤪𞤭𞤳𞤲𞤢𞥄𞤩𞤫 𞤩𞤫𞤲 𞤫 𞤯𞤫𞥅 𞤤𞤫𞤧𞤯𞤫 𞤀𞥄𞤧𞤭𞤴𞤢𞤲𞤳𞤮𞥅𞤩𞤫 𞤩𞤫𞤲⹁ 𞤳𞤮 𞤨𞤭𞤲𞤢𞤤 𞤫 𞤷𞤵𞥅𞤷𞤢𞤤 𞤪𞤫𞥅𞤣𞤵 𞤤𞤢𞥄𞤥𞤩𞤫 𞤥𞤢𞤩𞥆𞤫 𞤩𞤫𞤲 𞤳𞤢𞤻𞤵𞤲 𞤫 𞤺𞤭𞤯𞤺𞤮𞤤 𞤲𞤺𞤮𞤤 𞤩𞤫 𞤶𞤮𞤺𞤢𞤲𞤭𞥅 𞤤𞤫𞤴𞤯𞤫 𞤥𞤢𞤩𞥆𞤫 𞤯𞤫𞤲.
𞤉𞤲𞤫𞤲 𞤳𞤢𞤣𞤭⹁ 𞤩𞤫𞤴𞤣𞤫𞤲 𞤱𞤢𞤳𞥆𞤭𞤤𞤢𞥄𞤣𞤫⹁ 𞤼𞤭𞥅𞤯𞤲𞤮𞤯𞤫𞤲 𞤫 𞤺𞤮𞤤𞥆𞤫 𞤯𞤫𞤲. 𞤒𞤭𞤯𞤢𞤲𞤫𞤲 𞤸𞤮𞥅𞤪𞤫 𞤥𞤫𞥅𞤯𞤫𞤲 𞤳𞤮 𞤸𞤫𞤣𞥆𞤭𞥅𞤩𞤫 𞤩𞤫𞤲 𞤴𞤭𞤯𞤢𞤲𞤭 𞤸𞤮𞥅𞤪𞤫 𞤥𞤵𞥅𞤯𞤵𞤲. 𞤅𞤫𞤥𞤦𞤭𞤲𞤭𞤪𞤫𞤲 𞤸𞤮𞥅𞤪𞤫 𞤥𞤫𞥅𞤯𞤫𞤲 𞤺𞤮𞤤𞥆𞤭𞤪𞤺𞤮𞤤 𞤯𞤫𞤲𞤯𞤫 𞤥𞤫𞥅𞤯𞤫𞤲.
𞤏𞤭𞤲𞤣𞤫𞤲 𞤶𞤢𞤲𞤺𞤫𞤲 𞤫 𞤸𞤢𞥄𞤤𞤢 𞤥𞤫𞥅𞤯𞤫𞤲 𞤫 𞤦𞤭𞤲𞤣𞤭 𞤥𞤫𞥅𞤯𞤫𞤲.
𞤉𞥅𞤴 𞤕𞤫𞤪𞤲𞤮 𞤉𞤲 𞤖𞤢𞤪𞤢𞤴 𞤖𞤭𞤯𞤮𞤲 𞤏𞤫𞤤𞤼𞤢𞤲𞤢𞥄 𞤏𞤫𞤤𞤼𞤮𞤪𞤢𞥄 𞤐𞤢𞤲𞤭 𞤘𞤮𞤤𞥆𞤫 𞤃𞤮𞤲𞤯𞤫𞤲 𞤒𞤮𞥅𞤯𞤭𞥅 𞤊𞤫𞥅𞤱𞤭𞥅 𞤂𞤢𞤦𞤢𞥄𞤥𞤢 𞤧𞤢𞤲𞥆𞤫 𞤖𞤢𞤪𞤢𞤴 𞤑𞤮 𞤏𞤢𞤳𞥆𞤭𞤤𞤢𞤺𞤮𞤤 𞤇𞤢𞤴 𞤏𞤢𞤳𞥆𞤭𞤤𞤢𞥄𞤪𞤫 𞤳𞤮 𞤳𞤢𞥄𞤬𞤢 𞤘𞤫𞤲𞤮 𞤳𞤢 𞤃𞤫𞤼𞥆𞤢𞤼𞤢𞥄 𞤢𞤣𞤤𞤢𞤥𞤪𞤫 𞤊𞤵𞤤𞤬𞤵𞤤𞤣𞤫 𞤑𞤮 𞤀𞤣𞤮𞤤𞤢𞤥 𞤃𞤭 𞤊𞤫𞤰𞥆𞤭𞤼𞤨𞤥𞤢𞥄 𞤢𞤣𞤤𞤢𞤥 𞤑𞤮 𞤴𞤫𞥅𞤧𞤮 𞤚𞤵𞤲 𞤊𞤢𞤱𞤭 𞤢𞤣𞤤𞤢𞤥𞤪𞤫 𞤊𞤵𞤤𞤬𞤵𞤤𞤣𞤫 𞤑𞤮 𞤁𞤮𞤱
𞤉𞥅 𞤯𞤵𞤲 𞤳𞤮 𞤱𞤫𞤤𞤮𞤱𞤫𞤤𞤮 𞤲𞤫𞥅 𞤸𞤭𞤯𞤮𞤲 𞤱𞤫𞤤𞤼𞤢𞤲𞤢𞥄 𞤬𞤮𞤼𞤢 𞤺𞤮𞤤𞥆𞤫 𞤯𞤫𞤲 𞤂𞤀𞤄𞤀𞥄𞤃𞤀
𞤀𞤱𞤢 𞤷𞤫𞤪𞤲𞤮𞥅𞤩𞤫 𞤮𞤲 𞤱𞤫𞤤𞤼𞤢𞤲𞤢𞥄𞤥𞤢 𞤧𞤢𞤲𞥆𞤫 𞤧𞤢𞤲𞥆𞤫
𞤑𞤵𞤯𞤮𞤤 𞤲’𞤺𞤮𞤤 𞤲𞤮 𞤴𞤮𞥅𞤯𞤭 𞤼𞤭𞤥𞥆𞤭⹁ 𞤫 𞤳𞤢𞤣𞤭 𞤭𞤲’𞤺𞤮𞤤 𞤴𞤫𞤱𞤼𞤭 𞤳𞤮 𞤤𞤢𞥄𞤩𞤭⹁ 𞤮𞤲 𞤱𞤫𞤤𞤪𞤢𞤲𞤢𞥄𞤥𞤢 𞤷𞤫𞤪𞤲𞤮𞥅𞤩𞤫
𞤌𞤲 𞤲’𞤦𞤫𞤤𞤼𞤢𞤲𞤢𞥄𞤥𞤢 𞤧𞤢𞤲𞥆𞤫
𞤌𞤲 𞤏𞤫𞤤𞤼𞤢𞤲𞤢𞥄 𞤥𞤢 𞤧𞤢𞤲𞥆𞤫
𞤏𞤮𞥅𞤯𞤭𞥅
𞤒𞤢𞤤𞥆𞤭 𞤭𞤯𞤮𞤲 𞤬𞤢𞤤𞤼𞤭𞥅 𞤱𞤮𞤲𞤣𞤫 𞤩𞤵𞤪𞤩𞤫 𞤼𞤮𞥅𞤱𞤵𞤺𞤮𞤤 𞤺𞤢𞤲𞤣𞤢𞤤 𞤳𞤢 𞤨𞤮𞤪𞤼𞤮𞥅𞤩𞤫 𞤩𞤫𞤲 𞤣𞤵𞤯𞤭𞤳𞤫 𞤫 𞤲𞤣𞤫𞤪 𞤤𞤫𞤧𞤣𞤭 𞤩𞤢𞤤𞤫𞥅𞤪𞤭 𞤲𞤣𞤭𞤲⹁ 𞤀𞤬𞤪𞤭𞤳𞤭 𞤱𞤢𞤲𞤮 𞤆𞤭𞤤𞤢𞤼𞤮𞤲 𞤲𞤣𞤫𞥅 𞤸𞤢𞥄𞤼𞤭𞤥𞤫𞤪𞤫 𞤨𞤭𞤼𞤢𞤺𞤮𞥅𞤪𞤫 (𞤼𞤫𞤱𞤮𞤪𞤫𞥅𞤥 𞤣𞤫 𞤨𞤭𞤼𞤢𞤺𞤮𞥅𞤪𞤫) 𞤲𞤮 𞤢𞤲𞤣𞤢𞤲𞤮𞥅 𞤫 𞤲𞤣𞤫𞤪 𞤢𞤬𞤪𞤭𞤳𞤭 𞤣𞤵𞥅𞤩𞤭 𞥑𞥐𞥐𞥐 𞤢𞤣𞤮 𞤶𞤭𞤦𞤭𞤲𞤫𞤺𞤮𞤤 𞤨𞤭𞤤𞤢𞤼𞤮𞤲… 𞤘𞤢𞤲𞤣𞤢𞤤 𞤳𞤮 𞤳𞤢 𞤲𞤶𞤮𞥅𞤪𞤲𞤣𞤭 𞤩𞤢𞤤𞤫𞥅𞤪𞤭 𞤲𞤣𞤭𞤲 𞤬𞤵𞤲𞤼𞤭.