𞤃𞤀𞤂𞤋: 𞤅𞤌𞥅𞤈𞤋𞥅𞤇𞤉 𞤇𞤉𞤐 𞤐𞤀𞤐𞤘𞤋𞥅 𞤋.𞤄.𞤑
𞤃𞤀𞤂𞤋: 𞤅𞤮𞥅𞤪𞤭𞥅𞤩𞤫 𞤩𞤫𞤲 𞤳𞤢 𞤁𞤢𞥄𞤳𞤮𞤪𞤣𞤫 𞤑𞤭𞤼𞤢 𞤲𞤢𞤲𞤺𞤭𞥅 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤃𞤢𞤤𞤭 𞤲𞤣𞤭𞤲 𞤳𞤢𞤻𞤵𞤲 𞤫 𞤄𞤵𞥅𞤦𞤵 𞤅𞤭𞥅𞤧𞤫 𞤢𞤪𞤣𞤮 𞤥𞤢𞤳𞥆𞤮 𞤮𞤲.
𞤑𞤮 𞤦𞤭𞤥𞤦𞤭 𞤤𞤢𞤱 𞤸𞤢𞤲𞤣𞤫 𞤫 𞤥𞤢𞤱𞤦𞤢𞥄𞤪𞤫⹁ 𞥑𞥘 𞤔𞤵𞤳𞤮⹁ 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤬𞤵𞤯𞥆𞤭 𞤬𞤫𞤼𞥆𞤭𞤲𞤣𞤫 𞤤𞤮𞥅𞤱𞤢𞤲𞤯𞤫 𞤳𞤢 𞤲𞤣𞤫𞤪 𞤣𞤢𞥄𞤳𞤮𞤪𞤣𞤫 𞤱𞤭𞤫𞤼𞤫𞥅𞤲𞤣𞤫 𞤅𞤵𞤲𞤶𞤢𞤼𞤢 𞤑𞤫𞤴𞤼𞤢 𞤱𞤮𞤲𞤣𞤫 𞤼𞤮 𞤧𞤢𞥄𞤪𞤫 𞤑𞤢𞤼𞤭 𞤳𞤢 𞤧𞤫𞤪𞤢𞥄𞤪𞤭 𞤤𞤢𞥄𞤥𞤮𞤪𞤣𞤫 𞤄𞤢𞤥𞤢𞤳𞤮. 𞤇𞤢𞤱𞤼𞤭 𞤯𞤵𞤥⹁ 𞤩𞤫 𞤲𞤢𞤲𞤺𞤭 𞤴𞤮𞤺𞤢 𞤫 𞤸𞤮𞥅𞤪𞤫𞥅𞤩𞤫 𞤩𞤫𞤲 𞤳𞤢 𞤳𞤮𞤲𞤵 𞤫 𞤳𞤢 𞤣𞤢𞤱𞤪𞤢⹁ 𞤱𞤢𞤲𞤮 𞤸𞤮𞥅𞤪𞤫𞥅𞤶𞤮 𞤧𞤵𞥅𞤣𞤵 𞤧𞤢𞤪𞤴𞤭𞤲𞤮𞥅𞤪𞤵 𞤲𞤣𞤵𞤲⹁ 𞤳𞤢𞤻𞤵𞤢𞤲 𞤫 𞤶𞤢𞥄𞤺𞤮𞤪𞤢𞥄𞤩𞤫 𞤩𞤫𞤲 𞤳𞤢 𞤥𞤵𞤪𞤢𞥄𞤯𞤭 𞤶𞤢𞤲𞤢𞤲𞤭𞤪𞤭⹁ 𞤫 𞤳𞤢 𞤲𞤺𞤢𞤤𞤵⹁ 𞤫 𞤳𞤢 𞤻𞤢𞥄𞤱𞤵𞥅𞤺𞤮𞤤⹁ 𞤳𞤢𞤻𞤵𞤲 𞤫 𞤳𞤢 𞤳𞤭𞤱𞤢𞤤 (𞤦𞤢𞤺𞤮𞤪𞤢𞤤).
𞤇𞤢𞤱𞤼𞤭 𞤯𞤵𞤥⹁ 𞤳𞤢 𞤩𞤢𞥄𞤱𞤮 𞤬𞤢𞤲𞤢𞥄⹁ 𞤧𞤮𞤪𞤭𞥅𞤩𞤫 𞤩𞤫𞤲 𞤸𞤢𞤥𞥆𞤢𞤲𞤭 𞤱𞤫𞥅𞤪𞤣𞤫 𞤋𞤦𞤪𞤢𞥄𞤸𞤭𞥅𞤥𞤢 𞤄𞤵𞥅𞤦𞤢𞤳𞤢𞤪 𞤑𞤫𞤴𞤼𞤢 𞤲𞤣𞤫𞤲. 𞤇𞤢𞤴𞤼𞤭 𞤩𞤫 𞤸𞤫𞤱𞤼𞤭𞥅 𞤯𞤮𞤲⹁ 𞤩𞤫 𞤼𞤢𞤱𞤭 𞤮𞤥𞤮 𞤱𞤮𞤲𞤣𞤭 𞤫 𞤩𞤭𞤯𞥆𞤮 𞤥𞤢𞤳𞥆𞤮 𞤮𞤲⹁ 𞤑𞤢𞤪𞤭𞥅𞤥 𞤑𞤫𞤴𞤼𞤢⹁ 𞤳𞤢𞤻𞤵𞤲 𞤫 𞤄𞤵𞥅𞤦𞤵 𞤅𞤭𞥅𞤧𞤫 𞤢𞤪𞤣𞤮 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤. 𞤇𞤫 𞤲𞤢𞤲𞤺𞤭 𞤩𞤫 𞤬𞤮𞤨⹁ 𞤩𞤫 𞤪𞤵𞤼𞥆𞤮𞤣𞤭 𞤫 𞤥𞤢𞤩𞥆𞤫 𞤳𞤢 𞤣𞤢𞥄𞤳𞤢 𞤅𞤵𞤲𞤶𞤢𞤼𞤢 𞤑𞤫𞤴𞤼𞤢 𞤑𞤢𞤼𞤭.
𞤒𞤭𞤥𞤩𞤫 𞤯𞤵𞥅𞤯𞤵𞤩𞤫 𞤴𞤢𞤤𞤼𞤵𞤲𞤮 𞤳𞤢 𞤤𞤢𞥄𞤱𞤭 𞤸𞤮𞤤𞥆𞤵𞤺𞤮𞤤 𞤱𞤫𞤤𞤼𞤢𞥄𞤪𞤫 𞤥𞤢𞤩𞥆𞤫 𞤫 𞤶𞤢𞤪𞤲𞤵𞤺𞤮𞤤 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤦𞤢𞤯𞤼𞤢𞤲𞤫 𞤲𞤢𞤲𞤺𞤵𞤺𞤮𞤤 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤃𞤢𞤤𞤭 𞤲𞤣𞤭𞤲. 𞤍𞤵𞥅𞤯𞤵𞤩𞤫 𞤳𞤢𞤣𞤭 𞤲𞤢𞥄𞤼𞤵𞤲𞤮 𞤳𞤢 𞤸𞤵𞤩𞤫𞥅𞤪𞤫 𞤥𞤢𞤳𞥆𞤮⹁ 𞤩𞤫 𞤴𞤭𞤪𞤦𞤭𞤲𞤭 𞤲𞤣𞤫.
𞤖𞤢𞤲 𞤶𞤮𞥅𞤲𞤭 𞤧𞤮𞥅𞤪𞤭𞥅𞤩𞤫 𞤩𞤢𞤲𞤺𞤭𞤲𞤢𞥄𞤤𞤭 𞤬𞤢𞥄𞤲𞤣𞤢𞥄𞤪𞤫 𞤥𞤢𞤩𞥆𞤫. 𞤉𞤩𞤫 𞤼𞤭𞤶𞥆𞤮𞤪𞤢𞤲𞤮𞥅 𞤣𞤢𞤣𞤭𞤼𞤮𞤤 (𞤳𞤵𞤯𞤮𞤤) 𞤸𞤢𞤲𞤣𞤫 𞤶𞤫𞤥𞥆𞤢 𞤯𞤮𞥅⹁ 𞤳𞤮𞤲𞤮 𞤸𞤢𞤲 𞤶𞤮𞥅𞤲𞤭 𞤯𞤵𞤥 𞤱𞤢𞤯𞤢𞥄𞤤𞤭.𞤏𞤭𞤢𞥄𞤥𞤢 𞤱𞤮𞤲𞤣𞤫 𞤫𞤩𞤫 𞤼𞤭𞤲𞤼𞤵𞤣𞤵𞤣𞤫 𞤫 𞤴𞤢𞥄𞤳𞤮𞤪𞤢𞥄𞤩𞤫 𞤼𞤫𞤲𞤼𞤵𞤩𞤫 𞤲𞤺𞤢𞤥 𞤢𞤷𞥆𞤵𞤼𞤵𞤺𞤮𞤤 𞤋𞤦𞤪𞤢𞥄𞤸𞤭𞥅𞤥𞤢 𞤄𞤵𞥅𞤦𞤢𞤳𞤢𞤪 𞤑𞤫𞤴𞤼𞤢 𞤫 𞤄𞤵𞥅𞤦𞤵 𞤅𞤭𞥅𞤧𞤫 𞤸𞤢𞤪𞤢 𞤳𞤢𞤣𞤭 𞤧𞤮𞥅𞤪𞤭𞥅𞤩𞤫 𞤲𞤢𞤲𞤺𞤵𞤩𞤫 𞤩𞤫 𞤩𞤫𞤲 𞤲𞤢𞤲𞤺𞤢𞥄𞤳𞤢⹁ 𞤻𞤢𞥄𞤱𞤢𞥄𞤳𞤢.
𞤊𞤭𞥅 𞤳𞤢𞤤𞤢 𞤪𞤫𞤲𞤣𞤮 𞤃𞤢𞤤𞤭 𞤲𞤺𞤮𞤲 𞤲𞤮 𞤱𞤫𞤤𞤼𞤮𞤪𞤭 𞤲𞤢𞤲𞤺𞤫𞥅𞤣𞤫 𞤋𞤄𞤑⹁ 𞤤𞤫𞤧𞤯𞤫 𞤀𞤥𞤫𞤪𞤭𞤳𞤢𞥄 𞤫 𞤊𞤢𞤪𞤢𞤲𞤧𞤭 𞤯𞤫𞤲⹁ 𞤳𞤢𞤻𞤵𞤲 𞤫 𞤁𞤫𞤐𞤘𞤖𞤀 (𞤁𞤫𞤲𞤼𞤢𞤤 𞤐𞤺𞤢𞤤𞤵𞤲𞤳𞤫𞤱𞤢𞤤 𞤖𞤭𞤪𞤲𞤢 𞤀𞤬𞤪𞤭𞤳𞤢𞥄) 𞤽𞤭𞤻𞤭𞥅 𞤳𞤵𞥅𞤯𞤫 𞤧𞤮𞤪𞤭𞥅𞤩𞤫 𞤩𞤫𞤲. 𞤇𞤫 𞤼𞤮𞤪𞤭𞤳𞤫 𞤴𞤮 𞤷𞤢𞤪𞤼𞤭 𞤣𞤫𞤥𞤮𞤳𞤢𞤪𞤢𞥄𞤳𞤵 𞤯𞤭𞤲 𞤻𞤭𞥅𞤩𞤲𞤫.
𞤀𞤱𞤢⹁ 𞤧𞤭 𞤼𞤢𞤱𞤭𞥅 𞤳𞤢𞤤𞤢 𞤬𞤢𞥄𞤤𞤢𞥄𞤯𞤮 𞤤𞤵𞤲𞤣𞤢𞥄𞤲𞤣𞤫 𞤣𞤮𞤧𞤼𞤫𞤪𞤫 𞤤𞤫𞤧𞤣𞤭 𞤥𞤵𞤲 𞤲𞤣𞤭𞤲 𞤬𞤭𞥅 𞤥𞤵𞤪𞤼𞤢𞤲𞤺𞤮𞤤 𞤺𞤫𞤩𞤢𞤤 𞤼𞤢𞤼𞤢𞤩𞤢𞤤 (𞥓𞤥𞤢𞤲𞤣𞤢𞥄) 𞤳𞤮 𞤫 𞤲𞤺𞤮𞤤 𞤤𞤢𞥄𞤱𞤮𞤤 𞤯𞤮𞥅 𞤪𞤫𞤱𞤲𞤫𞤼𞤫𞥅 𞤸𞤢𞤪𞤢𞤴 𞤥𞤭𞤯𞤮 𞤬𞤫𞤤𞥆𞤭𞤼𞤭 𞤩𞤫𞥅 𞤲𞤣𞤵𞤲𞤣𞤢𞤪𞤢𞤲𞤳𞤮𞥅𞤩𞤫 𞤢𞤬𞤪𞤭𞤳𞤭 𞤲𞤫𞤮𞤼𞤮 𞤲𞤫𞥅𞤣𞤭 𞤼𞤭𞤥𞥆𞤵𞤲’𞤣𞤭.
𞤌𞤲 𞤶𞤢𞥄𞤪𞤢𞥄𞤥𞤢 𞤬𞤮𞤼𞤢 𞤲𞤮𞤲.
𞤍𞤵𞤥 𞤲𞤮 𞤧𞤫𞤤𞥆𞤭 𞤷𞤫𞤪𞤲𞤮𞥅𞤩𞤫. 𞤂𞤢𞥄𞤥𞤯𞤮 𞤦𞤮𞤲𞤯𞤮 𞤳𞤮 𞤻𞤢𞤱𞤵 𞤤𞤫𞤴𞤣𞤭. 𞤂𞤫𞤳𞥆𞤭 𞤥𞤵𞤲⹁ 𞤳𞤮 𞤴𞤮 𞤮 𞤬𞤮𞤤𞥆𞤫
𞤘𞤭𞤲𞤫 𞤳𞤢𞤣𞤭 𞤧𞤭𞤺𞤢 𞤯𞤵𞤲 𞤩𞤫 𞤬𞤮𞤼𞤭 𞤱𞤢𞤯𞤵𞤣𞤫.
𞤉 𞤸𞤮𞤱𞤪𞤫 𞤩𞤫 𞤱𞤮𞤲𞤵𞤩𞤫 𞤣𞤭𞤲𞤨𞤢𞤣𞤫 𞤫 𞤥𞤫𞤲.