𞤃𞤀𞤑𞤌𞤈𞤌𞤐 𞤏𞤌𞥅 𞤊𞤀𞤈𞤀𞤐𞤅𞤋 𞤓𞤊𞤐𞤌𞤚𞤌 𞤊𞤀𞥄𞤖𞤋𞤐⹁ 𞤏𞤌𞥅 𞤒𞤌 𞤙𞤀𞤃𞤀𞥄𞤂𞤉 𞤀𞤊𞤈𞤋𞤑𞤀𞥄 𞤍𞤉𞤐 𞤃𞤌𞤃𞤚𞤉.

𞤉𞤥𞤢𞤲𞤵𞤴𞤫𞤤 𞤃𞤢𞤳𞤮𞤪𞤮𞤲⹁ 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤊𞤢𞤪𞤢𞤲𞤧𞤭 𞤲𞤣𞤭𞤲⹁ 𞤫 𞤴𞤫𞤱𞤼𞤫𞤪𞤫 𞤲𞤣𞤫 𞤮 𞤱𞤢𞤯𞤭 𞤫 𞤢𞥄𞤩𞤵𞤲𞥋𞤣𞤫⹁ 𞤻𞤢𞤤𞤲𞤣𞤫 𞥑𞥓 𞤅𞤫𞤯𞤼𞤮⹁ 𞤣𞤵𞥅𞤥𞤭𞤲𞤭𞥅 𞤵𞤬𞤲𞤢𞤺𞤮𞤤 𞤬𞤢𞤪𞤢𞤲𞤧𞤢𞥄𞤩𞤫 𞤩𞤫𞤲 𞤬𞤢𞥄 𞤻𞤢𞤤𞤣𞤲𞤫 𞥑𞥑 𞤁𞤵𞥅𞤶𞤮.

𞤘𞤭𞤤𞤢 𞤲𞤣𞤫𞤲 𞤻𞤢𞤤𞤲𞤣𞤫⹁ 𞤣𞤢𞤲𞤳𞤮𞤪𞤯𞤫 𞤬𞤢𞤴𞤩𞤫 𞤯𞤫𞤲 𞤫 𞤣𞤵𞤯𞤫 𞤶𞤢𞤲𞤺𞤭𞤪𞤯𞤫 𞤯𞤫𞤲⹁ 𞤵𞤣𞥆𞤭𞤼𞤭𞤪𞤢𞤴 𞤧𞤫𞥅𞤯𞤢 𞤧𞤫𞥅𞤯𞤢. 𞤑𞤮𞤲𞤮 𞤶𞤢𞤲𞤺𞤢𞤲𞤢𞥄𞤳𞤵𞥅𞤩𞤫 𞤣𞤵𞤯𞤫 𞤥𞤢𞤱𞤯𞤫 𞤯𞤫𞤲 𞤥𞤢𞤩𞥆𞤭𞤼𞤭𞥅 (𞤵𞤣𞥆𞤭𞤼𞤭𞥅) 𞤱𞤮𞥅 𞤳𞤢 𞤷𞤫𞥅𞤯𞤵. 𞤑𞤢𞤤𞤢 𞤳𞤢𞤣𞤭 𞤲𞤮𞤳𞥆𞤵𞥅𞤶𞤫 𞤼𞤮 𞤶𞤢𞤥𞤢𞥄𞤶𞤫 𞤴𞤭𞤥𞤩𞤫 𞤥𞤮𞥅𞤩𞤮𞤼𞤮𞥅⹁ 𞤱𞤢𞤲𞤮 𞤳𞤢 𞤷𞤵𞥅𞤯𞤭 𞤻𞤢𞥄𞤥𞤭𞤪𞤯𞤭⹁ 𞤱𞤫𞥅𞤪𞤭𞥅𞤪𞤯𞤭 𞤫 𞤳𞤢 𞤬𞤭𞤶𞤭𞤪𞤯𞤭⹁ 𞤯𞤭𞤲 𞤯𞤮𞤲 𞤵𞤣𞥆𞤭𞤼𞤢𞤼𞤢𞥄 𞤻𞤢𞤤𞤲𞤣𞤫 𞥑𞥑 𞤣𞤵𞥅𞤶𞤮.

𞤘𞤭𞤤𞤢 𞤻𞤢𞤤𞤲𞤣𞤫 𞥑𞥑 𞤁𞤵𞥅𞤶𞤮⹁ 𞤲𞤢𞤴𞤫𞥅𞤩𞤫 𞤥𞤢𞤤𞥆𞤢 𞤲𞤣𞤮𞤼𞥆𞤭𞥅𞤩𞤫 𞤩𞤫𞤲⹁ 𞤫 𞤳𞤢𞤤𞤢 𞤩𞤫𞤲 𞤱𞤮𞤲𞤣𞤵𞤩𞤫 𞤫 𞤻𞤢𞤦𞥆𞤫𞥅𞤤𞤭 𞤼𞤭𞥅𞤯𞤵𞤯𞤭⹁ 𞤩𞤫𞤲 𞤯𞤮𞤲 𞤲𞤫𞤱𞤲𞤢𞤲𞤼𞤢𞥄𞤳𞤫 𞤴𞤢𞤤𞤼𞤵𞤺𞤮𞤤 𞤩𞤢𞥄𞤱𞤮 𞤧𞤵𞥅𞤥𞤭𞤪𞤯𞤵𞤲 𞤸𞤮𞤲𞤣𞤵𞤳𞤮 𞤫 𞤳𞤭𞤲𞤢𞤤. 𞤊𞤭𞥅 𞤳𞤢𞤤𞤢 𞤴𞤭𞤥𞤩𞤫 𞤩𞤫𞤲 𞤲𞤮 𞤲𞤫𞤱𞤲𞤢𞥄𞤲𞤢𞥄 𞤴𞤢𞤤𞤼𞤵𞤺𞤮𞤤 𞤺𞤭𞤤𞤢 𞤲𞤣𞤫𞤲 𞤻𞤢𞤤𞤲𞤣𞤫⹁ 𞤳𞤫𞥅𞤪𞤭 𞤤𞤫𞤧𞤣𞤭 𞤊𞤢𞤪𞤢𞤲𞤧𞤭 𞤯𞤭𞤲 𞤵𞤣𞥆𞤭𞤼𞤢𞤲𞤼𞤢𞥄𞤳𞤫 𞤧𞤮 𞤱𞤮𞤲𞤢𞥄 𞤤𞤫𞤧𞤯𞤫 𞤉𞤪𞤮𞤨 𞤯𞤫𞤲.

𞤃𞤢𞤳𞤮𞤪𞤮𞤲 𞤸𞤮𞤤𞥆𞤭 𞤳𞤢𞤣𞤭 𞤫 𞤴𞤫𞤱𞤼𞤫𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤱𞤮𞤲𞤣𞤫 𞤺𞤭𞤤𞤢 𞥑𞥑 𞤁𞤵𞥅𞤶𞤮⹁ 𞤺𞤮𞤲𞤥𞤲𞤢𞤼𞤫𞥅𞤪𞤭 𞤥𞤢𞤳𞥆𞤮 𞤲𞤣𞤭𞤲 𞤫 𞤢𞤪𞤣𞤭𞥅𞤩𞤫 𞤺𞤵𞤪𞤫 𞤯𞤫𞤲 𞤸𞤵𞥅𞤱𞤮𞤲𞥋𞤣𞤭𞤪𞤢𞤴 𞤲𞤮 𞤩𞤫 𞤱𞤫𞥅𞤩𞤭𞤲𞤭𞤪𞤢𞤲𞤢 𞤳𞤢𞤤𞤢 𞤬𞤢𞤪𞤢𞤲𞤧𞤭𞥅𞤶𞤮 𞤸𞤫𞤩𞤵𞤺𞤮𞤤 𞤧𞤵𞥅𞤥𞤭𞤪𞤯𞤵𞤲 𞤸𞤵𞤲𞤣𞤵𞤳𞤮 𞤫 𞤳𞤭𞤲𞤢𞤤.  

𞤃𞤢𞤑𞤮𞤪𞤮𞤲 𞤱𞤭𞤭 𞤳𞤢𞤣𞤭 𞤮 𞤤𞤢𞤲𞤣𞤭𞤳𞤫 𞤥𞤢𞤲𞤳𞤭𞤪𞤯𞤫 𞤊𞤪𞤢𞤲𞤧𞤭 𞤯𞤫𞤲⹁ 𞤴𞤮 𞤯𞤫 𞤬𞤢𞤩𞥆𞤭𞤼𞤢𞤲 (𞤲𞤫𞥅𞤩𞤲𞤭𞤼𞤢𞤲) 𞤻𞤢𞤱𞤤𞤭𞥅𞤩𞤫 𞤩𞤫𞤲⹁ 𞤸𞤢𞤨𞥆𞤵 𞤻𞤢𞤥𞤢𞥄𞤤𞤫 𞤯𞤫 𞤩𞤫 𞤰𞤫𞤼𞥆𞤭 𞤯𞤫𞤲. 𞤌 𞤸𞤮𞤤𞥆𞤭 𞤳𞤢𞤣𞤭 𞤱𞤮𞤲𞤣𞤫 𞤺𞤮𞤥𞤲𞤢𞤼𞤫𞥅𞤪𞤭 𞤲𞤣𞤭𞤲 𞤲𞤮 𞤸𞤭𞤼𞥆𞤭𞤲𞤭 𞤬𞤭𞥅 𞤸𞤫𞤩𞤵𞤺𞤮𞤤 𞤤𞤫𞤳𞥆𞤭 𞤸𞤭𞤱𞤭𞤪𞤳𞤭 𞤳𞤢𞤻𞤵𞤲 𞤫 𞤤𞤫𞤳𞥆𞤭 𞤻𞤢𞤱𞤲𞤣𞤭𞤪𞤳𞤭 𞤑𞤮𞤾𞤭𞤣-𞥑𞥙.

𞤉 𞤸𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤉𞤥𞤢𞤲𞤵𞤴𞤫𞤤 𞤃𞤢𞤳𞤮𞤪𞤮𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤊𞤢𞤪𞤢𞤲𞤧𞤭 𞤲𞤮 𞤸𞤢𞥄𞤲𞤭 𞤱𞤢𞤤𞥆𞤭𞤼𞤢𞥄𞤣𞤫 𞤀𞤬𞤪𞤭𞤳𞤢𞥄 𞤫 𞤦𞤢𞤲𞤽𞤫 𞤸𞤢𞤩𞤵𞤺𞤮𞤤 𞤲𞤺𞤵𞥅 𞤻𞤢𞤱𞤵 𞤳𞤢𞤻𞤵𞤲 𞤫 𞤳𞤢 𞤦𞤢𞤲𞤽𞤫 𞤥𞤢𞤪𞤢𞤤. 𞤑𞤢 𞤦𞤢𞤲𞤽𞤫 𞤥𞤢𞤪𞤢𞤤⹁ 𞤮 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤊𞤢𞤪𞤢𞤲𞤧𞤭 𞤦𞤫 𞤉𞤪𞤮𞥅𞤨⹁ 𞤲𞤮 𞤸𞤢𞥄𞤲𞤭 𞤥𞤮𞤲𞤼𞤢𞤲𞤣𞤫 𞤤𞤫𞤧𞤯𞤫 𞤀𞤬𞤪𞤭𞤳𞤢𞥄 𞤯𞤫𞤲 𞤻𞤢𞤥𞤢𞥄𞤤𞤫 𞤯𞤫 𞤯𞤫 𞤶𞤮𞤺𞤢𞤲𞤭 𞤤𞤫𞤴𞤯𞤫 𞤩𞤢𞤥𞤼𞤭𞥅𞤯𞤫 𞤯𞤫𞤲.

𞤀𞤣𞤮 𞤃𞤢𞤳𞤮𞤪𞤮𞤲 𞤴𞤮 𞤤𞤢𞤲𞤣𞤮 𞤯𞤵𞤥⹁ 𞤸𞤢𞤪𞤭 𞤑𞤮𞥅𞤸𞤮𞥅𞤶𞤮 𞤳𞤢𞤼𞤮𞤤𞤭𞤳𞤭𞥅𞤩𞤫 𞤩𞤫𞤲⹁ 𞤤𞤢𞤲𞤣𞤭𞤲𞤮 𞤯𞤵𞤥 𞤻𞤢𞤤𞤲𞤣𞤫 𞤶𞤵𞥅𞤤𞤣𞤫𞥅𞤪𞤫 𞤆𞤢𞤧𞤳𞤢 𞤲𞤣𞤫𞤲. 𞤃𞤢𞤲𞤳𞤭𞤪𞤺𞤢𞤤 𞤀𞤣𞤵𞤲𞤢𞤴𞤢𞤲𞤳𞤫𞤱𞤢𞤤 𞤫 𞤲𞤶𞤵𞤩𞥆𞤵𞤤𞤭 𞤴𞤮𞤺𞤢𞥄𞤶𞤭⹁ 𞤤𞤢𞤲𞤣𞤭𞤲𞤮 𞤯𞤵𞤥 𞤲𞤣𞤭𞤺𞤢 𞤤𞤫𞤱𞤪𞤵 𞤐𞤥𞤮𞥅𞤴𞤮.   

𞤉 𞤲𞤣𞤫𞤪 𞤯𞤭𞥅 𞤣𞤵𞥅𞤩𞤭 𞤧𞤢𞤨𞥆𞤮 𞤧𞤢𞤳𞥆𞤭𞤼𞤭𞥅𞤯𞤭 𞤯𞤮𞥅 𞤼𞤵𞤲⹁ 𞤻𞤢𞤥𞤢𞥄𞤲𞤣𞤫 𞤀𞤬𞤪𞤭𞤳𞤢𞥄 𞤲𞤣𞤫𞤲 𞤯𞤭𞤥𞥆𞤭𞤼𞤭𞥅 𞤸𞤢𞥄 𞤲𞤣𞤫 𞤴𞤮𞤼𞥆𞤭𞤳𞤫 𞤁𞤢𞤤𞤢𞥄𞤶𞤭 𞤣𞤵𞤶𞤵𞤲𞤫 𞤼𞤫𞥅𞤥𞤫𞤯𞥆𞤫 𞤼𞤢𞤼𞤭 𞤫 𞤷𞤢𞤨𞥆𞤢𞤲𞤯𞤫 𞤶𞤫𞥅𞤺𞤮𞤮 𞤫 𞤶𞤮𞤱𞤭 (𞤣𞤵𞤶𞤵𞤲𞤫 𞥓𞥖𞥕).

𞤙𞤢𞤥𞤢𞥄𞤤𞤫 𞤯𞤫𞤲 𞤳𞤮 𞤣𞤮𞤲𞤺𞤢𞤤 𞤼𞤭𞥅𞤯𞤵𞤲𞥋𞤺𞤢𞤤 𞤱𞤮𞤲𞤢𞤲𞤣𞤫 𞤤𞤫𞤴𞤯𞤫 𞤀𞤬𞤪𞤭𞤳𞤢𞥄 𞤯𞤫𞤲. 𞤉 𞤥𞤭𞤧𞤢𞤤⹁ 𞤲𞤮 𞤬𞤢𞤱𞤭𞥅 𞤤𞤫𞤧𞤣𞤭 𞤘𞤭𞤲𞤫 𞤲𞤣𞤭𞤲 𞤴𞤮𞤩𞤵𞤺𞤮𞤤 𞤳𞤮 𞤩𞤢𞤣𞤭𞥅 𞤁𞤢𞤤𞤢𞥄𞤶𞤭 𞤣𞤵𞤦𞤵𞤲𞤫 𞤼𞤫𞥅𞤥𞤫𞤣𞤫𞤪𞤫 𞤫 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭 (𞤣𞤵𞤦𞤵𞤲𞤫 𞥑𞥓𞥐$ ). 𞤍𞤵𞤥 𞤲𞤮 𞤩𞤵𞤪𞤭 𞤳𞤮 𞤘𞤭𞤲𞤫 𞤫𞤩𞥆𞤭 𞤬𞤫𞥅 𞤸𞤫𞤩𞥆𞤭𞤼𞤢𞤺𞤮𞤤 𞤘𞤢𞤲𞤣𞤫 𞤼𞤮𞥅𞤱𞤯𞤫 𞤫 𞤱𞤭𞤯𞤼𞤮. 𞤐𞤮 𞤩𞤵𞤪𞤣𞤭 𞤳𞤢𞤣𞤭 𞤷𞤮𞤱𞤢𞤤𞥆𞤫 𞤳𞤮 𞤘𞤭𞤲𞤫 𞤫𞤩𞥆𞤭 𞤳𞤮𞤲 𞤬𞤭𞥅 𞤣𞤫𞤥𞤢𞤤. 𞤑𞤢 𞤦𞤢𞤲𞤽𞤫 𞤣𞤫𞤥𞤢𞤤⹁ 𞤘𞤭𞤲𞤫 𞤲𞤮 𞤫𞤩𞥆𞤭 𞤣𞤵𞤦𞤵𞤲𞤫 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭 𞤫 𞤶𞤫𞥅𞤯𞤭𞤯𞤭. 𞤍𞤵𞤥 𞤴𞤮𞤲𞤢𞥄 𞤸𞤢𞤴 𞤲𞤢𞤴𞤢𞤩𞤢𞤤 𞤷𞤮𞤺𞥆𞤵 𞤻𞤢𞤥𞤢𞥄𞤲𞤣𞤫 𞤲𞤣𞤫𞤲.

𞤅𞤮 𞤻𞤢𞤥𞤢𞥄𞤤𞤫 𞤯𞤫𞤲 𞤥𞤮𞤥𞤼𞤢𞥄𞤥𞤢⹁ 𞤷𞤮𞤺𞥆𞤵 𞤻𞤢𞤥𞤢𞥄𞤲𞤣𞤫 𞤲𞤣𞤫 𞤲𞤮 𞤱𞤢𞥄𞤱𞤢𞥄 𞤸𞤵𞥅𞤱𞤼𞤮𞤪𞤫𞥅𞤣𞤫 𞤫 𞤲𞤮𞤳𞥆𞤵𞥅𞤶𞤫 𞤸𞤭𞤼𞥆𞤢𞤲𞤯𞤫 𞤴𞤭𞤥𞤩𞤫 𞤩𞤫𞤲.