𞤑𞤌 𞤑𞤀𞤃𞤀𞤂𞤀 𞤖𞤀𞤈𞤋𞤅 𞤏𞤌𞤐𞤋 𞤑𞤌 𞤄𞤀𞤒𞤁𞤉𞤐 𞤅𞤓𞤇𞤋𞥅
𞤔𞤮𞥅 𞤄𞤢𞤴𞤣𞤫𞤲⹁ 𞤣𞤢𞤪𞤮𞤼𞤮𞥅𞤯𞤮 𞤮𞤲 𞤫 𞤭𞤲𞤣𞤫 𞤬𞤫𞤣𞥆𞤫 𞤣𞤫𞤥𞤮𞤳𞤢𞤪𞤢𞥄𞤩𞤫 𞤩𞤫𞤲 𞤤𞤭𞤣𞥆𞤵 𞤁𞤮𞤲𞤢𞤤𞤣 𞤚𞤪𞤮𞤥𞤨𞤵⹁ 𞤩𞤢𞤲𞤺𞤭𞤲𞤭𞥅 𞤸𞤢𞤲𞤣𞤫 𞤥𞤮 𞤮 𞤣𞤢𞤪𞤮𞤣𞤢𞤼𞤢 𞤮𞤲.
𞤑𞤮 𞤑𞤢𞤥𞤢𞤤𞤢 𞤖𞤢𞤪𞤭𞤧 𞤱𞤮𞤲𞤭 𞤳𞤮 𞤮 𞤧𞤵𞤩𞤭𞥅 𞤳𞤮 𞤤𞤢𞥄𞤼𞤮𞥅 𞤷𞤵𞤳𞥆𞤮-𞤸𞤮𞥅𞤪𞤫𞥅𞤶𞤮 𞤮𞤲 𞤳𞤢 𞤧𞤵𞤩𞤮 𞤧𞤢𞥄𞤼𞤭𞥅𞤲𞤺𞤮 𞤀𞤥𞤫𞤪𞤭𞤳𞤢𞥄 𞤫 𞤥𞤢𞤱𞤦𞤢𞥄𞤪𞤫 𞤻𞤢𞤤𞤲𞤣𞤫 𞥒 𞤔𞤮𞤤𞤮 𞥒𞥐𞥒𞥐.
𞤑𞤢𞤥𞤢𞤤𞤢 𞤖𞤢𞤪𞤭𞤧 𞤼𞤭𞤥𞥆𞤭𞤲𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤫 𞤶𞤮𞤱𞤭 (𞥕𞥕). 𞤑𞤮 𞤮 𞤼𞤫𞥅𞤳𞤮 (𞤧𞤫𞤲𞤢𞤼𞤮𞥅𞤶𞤮) 𞤤𞤢𞤪𞤢𞤤 𞤑𞤢𞤤𞤭𞤬𞤮𞤪𞤲𞤭𞤴𞤢 𞤳𞤢 𞤚𞤫𞥅𞤳𞤵𞥅𞤪𞤵 (𞤧𞤫𞤲𞤢𞥄𞤪𞤵) 𞤀𞤥𞤫𞤪𞤭𞤳𞤢𞥄. 𞤄𞤫𞤲 𞤥𞤢𞤳𞥆𞤮 𞤳𞤮 𞤩𞤢𞤤𞤫𞥅𞤶𞤮 𞤥𞤮 𞤭𞤱𞤣𞤭 𞤔𞤢𞤥𞤢𞤴𞤳𞤢. 𞤒𞤵𞤥𞥆𞤢 𞤥𞤢𞤳𞥆𞤮 𞤳𞤮 𞤤𞤫𞤧𞤣𞤭 𞤋𞤲𞤣𞤭𞤴𞤢 𞤱𞤮𞤲𞤭 𞤳𞤮 𞤭𞤱𞤪𞤭. 𞤀𞤣𞤮 𞤮 𞤱𞤮𞤲𞤣𞤫 𞤼𞤫𞥅𞤳𞤮⹁ 𞤸𞤢𞤪𞤭 𞤳𞤮 𞤸𞤢𞤲𞤳𞤮 𞤤𞤢𞥄𞤼𞤭𞥅𞤲𞤮𞥅 𞤙𞤢𞥄𞤱𞤭𞤲𞤣𞤮𞤼𞤮𞥅𞤯𞤮 𞤤𞤢𞤪𞤢𞤤 𞤑𞤢𞤤𞤭𞤬𞤮𞤪𞤲𞤭𞤴𞤢𞥄 𞤲𞤺𞤢𞤤.
𞤅𞤭 𞤩𞤫 𞤬𞤮𞥅𞤤𞤭𞥅 𞤳𞤢 𞤧𞤵𞤩𞤮 𞤧𞤢𞥄𞤼𞤭𞥅𞤲𞤺𞤮⹁ 𞤸𞤢𞤪𞤢𞤴 𞤳𞤮 𞤸𞤢𞤲𞤳𞤮 𞤱𞤮𞤲𞤭 𞤢𞤪𞤢𞤲𞤮 𞤫 𞤪𞤫𞤱𞤩𞤫 𞤩𞤫𞤲 𞤤𞤢𞥄𞤼𞤢𞥄𞤺𞤮𞤤 𞤷𞤵𞤳𞥆𞤮 𞤲𞤣𞤭𞥅 𞤤𞤫𞤧𞤣𞤭⹁ 𞤫 𞤢𞤪𞤢𞤲𞤮 𞤳𞤢𞤣𞤭 𞤫 𞤩𞤢𞤤𞤫𞥅𞤩𞤫 𞤩𞤫𞤲. 𞤖𞤢𞤪𞤭 𞤸𞤢𞥄 𞤸𞤢𞤲 𞤩𞤢𞤤𞤫𞥅𞤶𞤮 𞤥𞤢𞥄 𞤣𞤫𞤦𞥆𞤮 𞤱𞤮𞤲𞤢𞥄𞤤𞤭 𞤷𞤵𞤳𞥆𞤮-𞤸𞤮𞥅𞤪𞤫𞥅𞤶𞤮 𞤫 𞤤𞤫𞤧𞤣𞤭 𞤀𞤥𞤫𞤪𞤭𞤳𞤢𞥄.
𞤘𞤭𞤤𞤢 𞤬𞤫𞤱𞤲𞤣𞤮 𞤬𞤮𞥅𞤤𞤭𞤼𞤭𞤪𞤮 𞤸𞤢𞤳𞤵𞤲𞥋𞤣𞤫 𞤣𞤫𞤥𞤮𞤪𞤢𞤳𞤢𞥄𞤩𞤫 𞤩𞤫𞤲⹁ 𞤄𞤢𞤴𞤣𞤫𞤲 𞤬𞤮𞤣𞤵𞤲𞤮 𞤱𞤮𞤲𞤣𞤫 𞤧𞤭 𞤳𞤮 𞤳𞤢𞤲𞤳𞤮 𞤧𞤵𞤩𞤢𞥄 𞤳𞤮 𞤣𞤢𞤪𞤮𞥅⹁ 𞤳𞤮 𞤣𞤫𞤦𞥆𞤮 𞤮 𞤧𞤵𞤩𞤮𞤼𞤮𞥅 𞤳𞤮 𞤱𞤮𞤲𞤢 𞤷𞤵𞤳𞥆𞤮 𞤥𞤢𞤳𞥆𞤮. 𞤐𞤣𞤫 𞤼𞤢𞤱𞤲𞤮𞥅 𞤲𞤮𞤲 𞤳𞤮 𞤩𞤢𞤤𞤫𞥅𞤩𞤫 𞤩𞤫𞤲 𞤬𞤢𞥄𞤦𞤭𞥅 𞤥𞤮 𞤬𞤫𞤱𞤲𞤣𞤮 𞤬𞤮𞥅𞤤𞤮𞤼𞤭𞤪𞤮 𞤲𞤺𞤮𞤲⹁ 𞤯𞤵𞥅𞤯𞤵𞤩𞤫 𞤲𞤮 𞤼𞤢𞤥𞤰𞤭𞤲𞤭𞤲𞤮𞥅 𞤲𞤣𞤫 𞤮 𞤧𞤵𞤩𞤭𞥅 𞤣𞤫𞤦𞥆𞤮 𞤩𞤢𞤤𞤫𞥅𞤶𞤮. 𞤅𞤢𞤦𞤵𞤲𞤢 𞤧𞤭 𞤱𞤮𞤲𞤢𞥄 𞤩𞤢𞤤𞤫𞥅𞤩𞤫 𞤩𞤫𞤲⹁ 𞤳𞤮 𞤄𞤫𞤪𞤲𞤭𞥅 𞤅𞤢𞤲𞤣𞤫𞤪𞤧 𞤤𞤢𞥄𞤼𞤮𞤼𞤮𞤲𞤮𞥅 𞤣𞤢𞤪𞤭𞥅𞤯𞤮 𞤫 𞤭𞤲𞤣𞤫 𞤬𞤫𞤣𞥆𞤫 𞤁𞤫𞤥𞤮𞤳𞤢𞤪𞤢𞥄𞤩𞤫 𞤩𞤫𞤲.
𞤔𞤮𞥅 𞤄𞤢𞤴𞤣𞤫𞤲 𞤼𞤭𞤥𞥆𞤭𞤲𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤶𞤫𞥅𞤯𞤭𞤯𞤭 𞤫 𞤶𞤫𞥅𞤯𞤭𞤯𞤭 (𞥗𞥗).
𞤀𞤱𞤢 𞤳𞤮 𞤆𞤵𞤤𞥆𞤮 𞤸𞤭𞤳𞥆𞤮𞤴𞤼𞤢 𞤯𞤮𞤮 𞤲𞤢𞤲𞤭.
𞤃𞤫𞤯𞤫𞤲 𞤱𞤫𞤤𞤼𞤮𞤪𞤭 𞤼𞤢𞤦𞤢𞤤𞤣𞤫 𞤲’𞤣𞤫𞤲
𞤑𞤮 𞤶𞤫𞤳𞥆𞤫 𞤱𞤮𞤲𞤭 𞤧𞤢𞤦𞤵 𞤶𞤮𞥅𞤦𞤢𞤴𞤣𞤫𞤲 𞤼𞤮𞤯𞥆𞤢𞥄𞤣𞤫 𞤸𞤮𞥅 𞤧𞤮𞤲𞥆𞤢𞥄𞤶𞤮 𞤫 𞤼𞤢𞤱𞤣𞤫 𞤳𞤢𞤣𞤭 𞤣𞤢𞤱𞤪𞤮 𞤲𞤣𞤫𞤪𞤱𞤮 𞤀𞤃𞤉𞤈𞤋𞤑 𞤲𞤺𞤮𞤲 𞤲𞤢𞤲𞤣𞤢𞥄 𞤫 𞤤𞤫𞤧𞤣𞤭 𞤱𞤮𞥅 𞤴𞤫𞤯𞥆𞤵𞤺𞤮𞤤⹁ 𞤳𞤮 𞤦𞤮𞤲𞤭 𞤫 𞤥𞤢𞤴𞤪𞤭 𞤱𞤮𞥅 𞤳𞤮 𞤣𞤢𞤱𞤪𞤮 𞤥𞤢𞤩𞥆𞤫 𞤲𞤺𞤮𞤲 𞤳𞤢 𞤴𞤢𞥄𞤧𞤭⹁ 𞤳𞤮𞤲𞤮 𞤬𞤮𞤱 𞤫 𞤥𞤵𞤲 𞤥𞤭𞤲 𞤥𞤭 𞤧𞤭𞤳𞥆𞤭𞤼𞤢𞥄𞤳𞤭 𞤧𞤭 𞤶𞤮𞥅𞤦𞤢𞤴𞤣𞤫𞤲 𞤣𞤢𞤪𞤼𞤮𞤣𞤭𞥅 𞤫 𞤼𞤮𞤪𞤮𞤥𞤨𞤵 𞤳𞤮 𞤨𞤫𞤤𞥆𞤫𞤼 𞤱𞤮 𞤤𞤢𞥄𞤥𞤮𞤼𞤮 𞤳𞤮 𞤬𞤭𞥅 𞤼𞤮𞤪𞤮𞤥𞤨𞤵 𞤲𞤮 𞤢𞤻𞤢𞥄 𞤬𞤮𞤼𞤢 𞤬𞤫𞤱𞤲𞤣𞤮 𞤯𞤮𞥅 𞤼𞤮𞤲…
𞤌𞤲𞤮𞤲 𞤳𞤢𞤣𞤭 𞤮𞤲 𞤱𞤫𞤤𞤼𞤢𞤲𞤢𞥄𞤥𞤢 𞤫 𞤲𞤺𞤢𞤤 𞤳𞤵𞤥𞤨𞤭𞤼𞤢𞤤 𞤥𞤮𞤲.
𞤖𞤭𞤲𞤮 𞤥𞤮𞤷𞥆𞤭! 𞤃𞤭 𞤼𞤮𞤪𞤭𞤳𞤫 𞤀𞤤𞤤𞤢 𞤴𞤮𞤩𞤫 𞤬𞤮𞥅𞤤𞤵 𞤼𞤪𞤮𞤲𞤨…