𞤑𞤀𞤐𞤑𞤀𞤂𞤋𞤄𞤀 𞤐𞤌 𞤇𞤉𞤒𞤁𞤀 𞤕𞤉𞤂𞥆𞤀𞤂

𞤖𞤢𞤲𞤣𞤫⹁ 𞤦𞤵𞤴 𞤫 𞤥𞤫𞤫𞤲 𞤲𞤮 𞤸𞤵𞤼𞤭𞥅 𞤻𞤢𞥄𞤥𞤯𞤭 𞤫 𞤲𞤶𞤢𞤪𞤫 𞤳𞤮 𞤥𞤢𞤱𞤩𞤫 𞤥𞤫𞤲 𞤸𞤵𞥅𞤱𞤼𞤮𞤪𞤢𞤴𞤲𞤮𞥅. 𞤔𞤮𞥅𞤲𞤭⹁ 𞤸𞤫𞥅𞤱𞤵𞤩𞤫 𞤫 𞤥𞤫𞤫𞤲⹁ 𞤳𞤮 𞤻𞤢𞥄𞤥𞤯𞤭 𞤶𞤢𞤲𞤢𞤲𞤭 𞤯𞤭𞤲 𞤩𞤵𞤪𞤢𞤲𞤭 𞤩𞤫. 𞤚𞤫𞤲𞤼𞤭𞤲𞤭𞥅 𞤧𞤮 𞤼𞤢𞤱𞤭𞥅 𞤳𞤮 𞤤𞤫𞤴𞤯𞤫 𞤨𞤮𞤪𞤼𞤮 𞤯𞤭 𞤭𞤱𞤪𞤭⹁ 𞤸𞤢𞤪𞤢 𞤮𞤲𞤼𞤭𞤺𞤭 𞤲𞤮 𞤧𞤭𞤳𞥆𞤭 𞤳𞤮 𞤯𞤵𞤲 𞤱𞤮𞤲𞤭 𞤨𞤭𞤲𞤢𞤤.
𞤒𞤢𞤤𞥆𞤭 𞤮𞤯𞤮𞤲 𞤢𞤲𞤣𞤭 𞤳𞤮 𞤸𞤫𞥅𞤱𞤭 𞤫 𞤻𞤢𞥄𞤥𞤫𞤼𞤫𞥅𞤯𞤭 𞤥𞤫𞤲 𞤯𞤭𞤲⹁ 𞤲𞤮 𞤱𞤮𞤲𞤣𞤭 𞤫 𞤲𞤢𞤬𞤮𞥅𞤶𞤫 𞤯𞤫 𞤢𞤤𞤢𞥄 𞤫 𞤻𞤢𞥄𞤥𞤯𞤭 𞤭𞤱𞤢𞤴𞤯𞤭 𞤯𞤭𞤲 𞤤𞤫𞤴𞤯𞤫 𞤨𞤮𞤪𞤼𞤮؟
𞤸𞤫𞥅𞤱𞤭𞥅 𞤫 𞤻𞤢𞥄𞤥𞤯𞤭 𞤥𞤫𞤲 𞤱𞤮𞤲𞤣𞤵𞤯𞤭 𞤫 𞤷𞤫𞤤𞥆𞤢𞤤 𞤫 𞤲𞤢𞤬𞤮𞥅𞤶𞤫 𞤯𞤫 𞤸𞤢𞥄𞤯𞤼𞤭𞤪𞤣𞤫 𞤥𞤵𞥅𞤲 𞤢𞤲𞤣𞤢𞥄𞤳𞤢 𞤼𞤢𞤸𞤮. 𞤖𞤢𞤪𞤢 𞤫𞤯𞤫𞤲 𞤢𞤲𞤣𞤵𞤲𞤮𞥅 𞤲𞤢𞤬𞤮𞥅𞤶𞤫 𞤥𞤵𞤵𞤲⹁ 𞤫𞤲 𞤥𞤫𞥅𞤥𞤢𞤼𞤢𞥄 𞤫𞤲 𞤥𞤫𞥅𞤯𞤢𞤼𞤢𞥄 𞤳𞤮 𞤺𞤮𞥅𞤼𞤯𞤮 𞤺𞤮𞤮 𞤳𞤮𞤲 𞤢𞤷𞥆𞤫𞤲 𞤳𞤮 𞤥𞤫𞤫𞤲 𞤳𞤮𞤲.
𞤘𞤮𞥅𞤼𞤵𞤲 𞤫 𞤯𞤭𞤲 𞤻𞤢𞥄𞤥𞤯𞤭 𞤥𞤢𞥄 𞤲𞤶𞤢𞤪𞤢𞤥𞥆𞤫 𞤳𞤮 𞤱𞤮𞤲𞤣𞤢𞤲𞤭 𞤫𞤲 𞤫 𞤲𞤢𞤬𞤮𞥅𞤪𞤫 𞤩𞤵𞤪𞤭 𞤸𞤢𞤴 𞤳𞤮 𞤭𞤱𞤢𞤼𞤢 𞤳𞤮𞤲 𞤶𞤢𞤲𞤢𞤲𞤭𞤪𞤭⹁ 𞤳𞤮 𞤑𞤀𞤐𞤑𞤀𞤂𞤋𞤄𞤀. 𞤉𞤯𞤫𞤲 𞤤𞤭𞤥𞤼𞤢 𞤤𞤫𞤴 𞤯𞤮𞤮 𞤴𞤮𞤺𞤢 𞤫 𞤲𞤢𞤬𞤮𞥅𞤶𞤫 𞤳𞤢𞥄𞤳𞤭 𞤫 𞤲𞤶𞤢𞤪𞤢𞤲 𞤥𞤢𞤳𞥆𞤢.
𞥑. 𞤑𞤢𞤲𞤳𞤢𞤤𞤭𞤦𞤢 𞤣𞤢𞤲𞤣𞤢𞤴 𞤲𞤫𞤯𞥆𞤮 𞤲𞤢𞤲𞤱𞤲𞤢𞥄𞤪𞤫 𞤤𞤫𞤱𞤻𞤵 𞤢𞤲𞤣𞤭𞤪𞤢𞥄𞤲𞤣𞤫 “𞤶𞤢𞤦𞤫𞥅𞤼𞤭”⹁ 𞤲𞤣𞤫 𞤴𞤮𞤺𞤢𞥄𞤩𞤫 𞤫 𞤥𞤫𞤫𞤲 𞤲𞤮𞤣𞥆𞤭𞤼𞤭𞤪𞤼𞤢 “𞤻𞤢𞤱𞤵 𞤧𞤵𞤳𞥆𞤢𞤪”. 𞤙𞤢𞤱𞤵 𞤤𞤫𞤱𞤻𞤵 𞤲𞤮 𞤦𞤮𞤲𞤢𞤲𞤭 𞤱𞤮𞤲𞤣𞤵𞤯𞤮 𞤫 𞤥𞤵𞤵𞤲 𞤬𞤮𞤼𞤢 𞤧𞤭 𞤲𞤺𞤵 𞤻𞤢𞤱𞤲𞤣𞤢𞥄𞤳𞤢 𞤤𞤢𞤱. 𞤑𞤫𞤲𞤫𞤲⹁ 𞤲𞤺𞤵 𞤶𞤵𞤳𞥆𞤭𞤲𞤢𞤴 𞤲𞤫𞤯𞥆𞤮. 𞤐𞤺𞤵 𞤱𞤮𞤲𞤢 𞤧𞤢𞤦𞤵 𞤼𞤢𞤰𞤮 𞤼𞤫𞤪𞤫 𞤫 𞤳𞤮 𞤲𞤢𞤲𞤣𞤭 𞤫 𞤯𞤵𞤥.
𞥒. 𞤑𞤢𞤲𞤳𞤢𞤤𞤭𞤦𞤢 𞤲𞤮 𞤻𞤢𞤱𞤲𞤣𞤢 𞤴𞤮𞥅𞤪𞤵 𞤪𞤫𞥅𞤣𞤵. 𞤑𞤢𞤤𞤢 𞤱𞤮𞤲𞤣𞤵𞤯𞤮 𞤫 𞤴𞤮𞥅𞤪𞤵 𞤪𞤫𞥅𞤣𞤵 𞤲𞤮 𞤢𞤲𞤣𞤭⹁ 𞤯𞤵𞤲 𞤲𞤮 𞤱𞤮𞤲𞤣𞤭 𞤫 𞤥𞤵𞥅𞤧𞤫𞥅𞤲𞤣𞤭 𞤬𞤢𞤲𞤼𞤵𞤲’𞤣𞤭. 𞤐𞤣𞤫 𞤼𞤢𞤱𞤲𞤮𞥅⹁ 𞤴𞤮𞤺𞤢 𞤫 𞤳𞤮 𞤻𞤢𞥄𞤥𞤢𞥄 𞤳𞤮𞤲 𞤦𞤫𞥅 𞤴𞤢𞤤𞤼𞤢⹁ 𞤧𞤭 𞤯𞤵𞤥 𞤲𞤮𞤲 𞤱𞤢𞤯𞤢𞥄𞤤𞤭⹁ 𞤲𞤮 𞤼𞤢𞤥𞤨𞤭𞤲𞤢 𞤮𞤲𞤼𞤭𞤺𞤭. 𞤒𞤢𞤪𞤵𞤺𞤮𞤤 𞤳𞤢𞤲𞤳𞤢𞤤𞤭𞤦𞤢 𞤲𞤮 𞤸𞤮𞤴𞤲𞤢 𞤪𞤫𞥅𞤣𞤵.
𞥓. 𞤑𞤢𞤲𞤳𞤢𞤤𞤭𞤦𞤢 𞤲𞤮 𞤱𞤢𞤤𞥆𞤢 𞤳𞤢𞤣𞤭 𞤱𞤮𞤲𞤣𞤵𞤯𞤮 𞤫 𞤢𞤲𞤺𞤢𞤤 𞤯𞤢𞥄𞤲𞤢𞤺𞤮𞤤 𞤲𞤮 𞤮 𞤸𞤫𞤩𞤼𞤭𞤪𞤢 𞤯𞤮𞤴𞤲𞤺𞤮𞤤 𞤥𞤢𞤳𞥆𞤮.
𞥔. 𞤒𞤢𞤪𞤵𞤺𞤮𞤤 𞤳𞤢𞤲𞤳𞤢𞤤𞤭𞤦𞤢 𞤲𞤮 𞤱𞤮𞤲𞤣𞤢𞤲𞤭 𞤫 𞤸𞤫𞤴𞤪𞤫 𞤲𞤣𞤫𞤲 𞤲𞤢𞤬𞤮𞥅𞤪𞤫 𞤥𞤢𞤱𞤲𞤣𞤫. 𞤖𞤫𞤴𞤪𞤫 𞤲𞤮 𞤼𞤢𞤱𞤢𞥄 𞤫 𞤼𞤫𞤪𞤯𞤫 𞤩𞤵𞤪𞤯𞤫 𞤸𞤭𞤼𞥆𞤵𞤣𞤫 𞤯𞤫𞤲 𞤫 𞤲𞤣𞤫𞤪 𞤩𞤢𞤤𞤲𞤣𞤵 𞤲𞤫𞤯𞥆𞤢𞤲𞤳𞤫. 𞤍𞤵𞥅𞤯𞤵𞤩𞤫 𞤫 𞤥𞤫𞤫𞤲 𞤲𞤢𞤱𞤲𞤢𞤴 𞤥𞤢𞥄 𞤥𞤢𞥄𞤴𞤢 𞤧𞤢𞤦𞤵 𞤻𞤢𞤦𞥆𞤵𞥅𞤤𞤭 𞤲𞤢𞤲𞤺𞤢𞤴𞤯𞤭 𞤸𞤫𞤴𞤪𞤫 𞤲𞤣𞤫𞤲⹁ 𞤸𞤢𞤪𞤢 𞤮𞤲𞤼𞤭𞤺𞤭 𞤸𞤢𞤴 𞤢𞤲𞤣𞤢𞥄𞤤𞤭. 𞤚𞤭𞥅𞤲𞤣𞤢𞤺𞤮𞤤 𞤫 𞤴𞤢𞤪𞤵𞤺𞤮𞤤 𞤳𞤢𞤲𞤳𞤢𞤤𞤭𞤦𞤢 𞤲𞤮 𞤩𞤫𞤴𞤣𞤢𞤲𞤢 𞤖𞤫𞤴𞤪𞤫 𞤲𞤣𞤫𞤲 𞤷𞤫𞤤𞥆𞤢𞤤⹁ 𞤣𞤢𞤯𞤭𞤲𞤢 𞤲𞤣𞤫 𞤳𞤢𞤣𞤭 𞤻𞤢𞤱𞤵𞤺𞤮𞤤.
𞤃𞤮𞤲𞤮 𞤴𞤭𞤯𞤭 𞤲𞤮𞤲 𞤸𞤫𞤩𞤵𞤺𞤮𞤤 𞤲𞤢𞤬𞤮𞥅𞤪𞤫 𞤴𞤢𞤪𞤵𞤺𞤮𞤤 𞤳𞤢𞤲𞤳𞤢𞤤𞤭𞤦𞤢⹁ 𞤱𞤮𞤲𞤢𞥄 𞤴𞤮 𞤮𞤲𞤼𞤭𞤺𞤭 𞤱𞤢𞤪𞤦𞤵 𞤸𞤢𞥄𞤳𞤮 𞤳𞤮𞤲 𞤸𞤢𞤲 𞤬𞤫𞤰𞥆𞤭𞤼𞤢. 𞤑𞤮 𞤴𞤮 𞤬𞤢𞤼𞤭𞤲 𞤼𞤵𞤲 𞤧𞤫𞥅𞤯𞤢. 𞤅𞤭 𞤬𞤢𞤼𞤭𞥅⹁ 𞤳𞤮 𞤴𞤮 𞤮𞤲𞤼𞤭𞤺𞤭 𞤴𞤢𞤪𞤵 𞤸𞤢𞤪𞤢 𞤤𞤫𞤱𞤻𞤭𞤲𞤭𞤪𞤢𞥄𞤤𞤭 𞤧𞤵𞤳𞥆𞤢𞤪. 𞤅𞤮 𞤼𞤢𞤱𞤭𞥅 𞤳𞤮 𞤦𞤫𞥅 𞤮𞤲𞤼𞤭𞤺𞤭 𞤤𞤫𞤱𞤻𞤭𞤲𞤢⹁ 𞤳𞤮 𞤴𞤮 𞤮 𞤱𞤢𞤯𞤵 𞤲𞤶𞤵𞥅𞤪𞤭. 𞤖𞤢𞥄𞤥𞤵𞤺𞤮𞤤 𞤸𞤫𞤲 𞤳𞤢𞤣𞤭 𞤳𞤢𞤷𞥆𞤵 𞤴𞤢𞤪𞤭𞤣𞤢 𞤫 𞤥𞤵𞤵𞤲 𞤲𞤮 𞤥𞤮𞤰𞥆𞤭 𞤬𞤮𞤼𞤢.

𞤑𞤵𞤯𞤮𞤤 𞤃𞤮𞥅𞤣𞤭 𞤂𞤢𞤥𞤢𞤪𞤢𞥄𞤲𞤢 𞥋𞤐𞤣𞤵𞤨𞥆𞤵𞤼𞤫𞥋 𞤔𞤢𞤤𞥆𞤮

𞤄𞤵𞤪𞤬𞤵𞥅𞤼𞤵⹁ 𞤘𞤢𞤥𞤦𞤭𞤴𞤢