𞤑𞤌𞤜𞤋𞤁-𞥑𞥙 𞤐𞤌 𞤈𞤀𞥄𞤇𞤋 𞤕𞤓𞤑𞥆𞤌 𞤖𞤌𞥅𞤈𞤉𞥅𞤔𞤌 𞤘𞤀𞤃𞤄𞤋𞤒𞤀 𞤌𞤐

𞤑𞤮𞤾𞤭𞤣-𞥑𞥙 𞤲𞤮 𞤪𞤢𞥄𞤩𞤭 𞤅𞤮𞤲𞥆𞤢 𞤀𞤴𞤧𞤢𞤼𞤵 𞤚𞤵𞥅𞤪𞤫⹁ 𞤷𞤵𞤳𞥆𞤮 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤘𞤢𞤥𞤦𞤭𞤴𞤢 𞤲𞤣𞤭𞤲. 𞤅𞤢𞤦𞤵 𞤯𞤵𞤥⹁ 𞤀𞥄𞤣𞤢𞤥𞤢 𞤄𞤢𞥄𞤪𞤮 𞤱𞤭𞤭𞥅 𞤱𞤮𞤲𞤣𞤫  𞤮 𞤵𞤬𞤭𞤲𞤮𞤼𞤮 𞤫 𞤲𞤣𞤫𞤪 𞤯𞤫𞥅  𞤶𞤮𞤲𞤼𞤫 𞤯𞤭𞤯𞤭 𞤢𞤪𞤮𞥅𞤶𞤫 𞤯𞤮𞥅. 𞤑𞤮 𞤯𞤵𞤥 𞤴𞤭𞥅𞤤𞤭𞤪𞤣𞤫 𞤥𞤢𞤳𞥆𞤮 𞤲𞤣𞤫𞤲 𞤸𞤮𞤤𞥆𞤭𞤼𞤭 𞤸𞤢𞤲𞤣𞤫 𞤫 𞤐𞤔𞤫𞤧𞤤𞤢𞥄𞤪𞤫⹁ 𞥒𞥙 𞤃𞤮𞤪𞤧𞤮 𞥒𞥐𞥒𞥐.
𞤅𞤮𞤲𞥆𞤢 𞤀𞤴𞤧𞤢𞤼𞤵 𞤚𞤵𞥅𞤪𞤫 𞤸𞤫𞤩𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤶𞤫𞥅𞤺𞤮𞤮 𞤫 𞤶𞤮𞤱𞤭 (𞥖𞥕). 𞤑𞤮 𞤻𞤢𞤤𞤲𞤣𞤫 𞥑𞥕 𞤐𞤦𞤮𞥅𞤴𞤮 𞥒𞥐𞥑𞥙 𞤸𞤮 𞤤𞤮𞤲𞤼𞤭𞥅 𞤖𞤵𞤧𞤫𞤴𞤲𞤵 𞤁𞤢𞥄𞤦𞤮 𞤫 𞤤𞤢𞥄𞤼𞤢𞤺𞤮𞤤 𞤷𞤵𞤳𞥆𞤮 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤘𞤢𞤥𞤦𞤭𞤴𞤢 𞤲𞤣𞤭𞤲.
𞤘𞤢𞤥𞤦𞤭𞤴𞤢 𞤳𞤮 𞤤𞤫𞤧𞤣𞤭 𞤸𞤭𞤪𞤲𞤢 𞤀𞤬𞤪𞤭𞤳𞤢𞥄 𞤨𞤢𞤥𞤢𞤪𞤭 𞤩𞤭𞤧𞤭𞥅𞤲𞥋𞤣𞤭 𞤫 𞤲𞤣𞤫𞤪 𞤅𞤫𞤲𞤫𞤺𞤢𞤤. 𞤑𞤮 𞤴𞤢𞤱𞤼𞤭 𞤴𞤭𞤥𞤩𞤫 𞤣𞤵𞤦𞤵𞤲𞤫 𞤯𞤭𞤯𞤭 𞤲𞤮 𞤸𞤮𞤯𞤭 𞤫 𞤥𞤢𞤴𞤪𞤭.

𞤘𞤭𞤤𞤢 𞤲𞤺𞤵𞥅 𞤻𞤢𞤱𞤵 𞤑𞤮𞤾𞤭𞤣-𞥑𞥙 𞤬𞤫𞥅𞤻𞤭 𞤫 𞤲𞤣𞤫𞤪 𞤘𞤢𞤥𞤦𞤭𞤴𞤢⹁ 𞤲𞤺𞤵 𞤪𞤢𞥄𞤩𞤭𞥅 𞤳𞤮 𞤩𞤵𞤪𞤭 𞤴𞤭𞤥𞤩𞤫 𞤼𞤫𞥅𞤥𞤫𞤯𞥆𞤫 𞤼𞤢𞤼𞤮. 𞤉 𞤲𞤣𞤫𞤪 𞤩𞤫𞤲 𞤳𞤢𞤣𞤭⹁ 𞤲𞤶𞤫𞥅𞤲𞤢𞤴𞤮 𞤥𞤢𞥄𞤴𞤭 𞤼𞤢𞤸𞤮.

𞤐𞤺𞤵𞥅 𞤻𞤢𞤱𞤵 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤲𞤺𞤵 𞤢𞤷𞥆𞤭𞤪𞤼𞤢𞥄 𞤺𞤮𞥅𞤼𞤮 𞤧𞤢𞤦𞤵 𞤣𞤢𞤪𞤲𞤣𞤫⹁ 𞤥𞤢𞥄 𞤶𞤢𞤱𞤣𞤭 𞤮𞤲𞤼𞤭𞤺𞤭. 𞤐𞤺𞤵 𞤢𞤤𞤢𞥄 𞤳𞤢𞤣𞤭 𞤤𞤫𞤳𞥆𞤭. 𞤃𞤮 𞤳𞤢𞤤𞤢 𞤲𞤮 𞤸𞤢𞥄𞤲𞤭 𞤪𞤫𞥅𞤲𞤼𞤢𞥄𞤣𞤫. 𞤌𞤲𞤼𞤭𞤺𞤭 𞤻𞤫𞤥𞤼𞤭𞤲𞤢 𞤴𞤢𞤥𞤭𞤪𞤮𞥅𞤶𞤮 𞤣𞤢𞤯𞤲𞤭𞤼𞤮𞤪𞤯𞤫 𞤯𞤫𞤲. 𞤍𞤫𞤲 𞤳𞤮:
𞥑 – 𞤔𞤓𞥅𞤍𞤉 𞤍𞤉𞤐, 𞤤𞤮𞥅𞤼𞤢 𞤯𞤫 𞤧𞤮𞥅𞤲𞤮 𞤳𞤢𞤤𞤢. 𞤌𞤲𞤼𞤭𞤺𞤭 𞤧𞤮𞥅𞤯𞤮𞤪𞤢 𞤧𞤢𞥄𞤦𞤵𞤲𞤣𞤫 𞤫 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲
𞥒 – 𞤅𞤌𞤇𞥆𞤓𞤐𞥋𞤁𞤓 𞤐𞤁𞤓𞤐⹁ 𞤯𞤮𞤶𞥆𞤢 𞤥𞤢𞥄 𞤭𞥅𞤤𞤢 𞤫 𞤲𞤣𞤫𞤪 𞤥𞤢𞤴𞤪𞤵.
𞥓 – 𞤒𞤉𞥅𞤅𞤌 𞤐𞤘𞤌𞤐⹁ 𞤱𞤮𞤼𞤢 𞤮𞤲𞤼𞤭𞤺𞤭 𞤥𞤫𞥅𞤥𞤵 𞤲𞤺𞤮⹁ 𞤼𞤫𞤲𞤼𞤭𞤲𞤭𞥅 𞤧𞤮 𞤶𞤵𞥅𞤯𞤫 𞤯𞤫𞤲 𞤤𞤢𞥄𞤩𞤢𞥄.
𞥔 – 𞤚𞤉𞤆𞥆𞤉 𞤚𞤀𞤚𞤋⹁ 𞤴𞤮 𞤯𞤵𞤥 𞤱𞤮𞤲𞤵 𞤸𞤢𞤳𞥆𞤵𞤲’𞤣𞤫 𞤮𞤲𞤼𞤭𞤺𞤭 𞤫 𞤴𞤭𞤥𞤩𞤫 𞤩𞤫𞤲.
𞥕 – 𞤃𞤌 𞤅𞤌𞤋𞥅 𞤲𞤢𞤱𞤲𞤵𞤣𞤫⹁ 𞤴𞤮 𞤤𞤵𞤼𞥆𞤫𞥅 𞤳𞤢 𞤧𞤵𞥅𞤣𞤵 𞤥𞤵𞤲.
𞥖 – 𞤅𞤓𞥅𞤃𞤀 𞤳𞤭𞤲𞤢𞤤 𞤲𞤺𞤢𞤤 𞤫 𞤸𞤵𞤲𞤣𞤵𞤳𞤮 𞤳𞤮𞤲 𞤧𞤮 𞤼𞤢𞤱𞤭𞥅 𞤮𞤲𞤼𞤭𞤺𞤭 𞤴𞤢𞤤𞤼𞤢𞤴.