𞤖𞤮𞥅𞤪𞤫𞥅𞤩𞤫 𞤤𞤫𞤧𞤣𞤭 𞤀𞤥𞤫𞤪𞤭𞤳𞤢𞥄 𞤲𞤣𞤭𞤲 𞤣𞤭𞤤𞥆𞤢𞤲𞤭𞥅 𞤶𞤢𞤩𞤼𞤵𞤺𞤮𞤤 𞤸𞤵𞤩𞤫𞥅𞤪𞤫 𞤒𞤢𞤸𞤴𞤢𞥄 𞤔𞤢𞥄𞤥𞥆𞤫 𞤲𞤣𞤫𞤲 

𞤑𞤮 𞤫 𞤳𞤫𞤩𞤢𞤤 𞤲𞤺𞤫𞥅𞤲𞤢𞥄𞤪𞤭  𞤳𞤢𞤻𞤵𞤲 𞤫 𞤶𞤢𞤱𞤤𞤫 𞤱𞤵𞤶𞥆𞤢𞥄𞤯𞤫⹁ 𞤱𞤮𞤲𞤭 𞤳𞤮 𞤸𞤮𞥅𞤪𞤫𞥅𞤶𞤮 𞤳𞤭𞤯𞥆𞤮 𞤘𞤢𞤥𞤦𞤭𞤴𞤢 𞤮𞤲⹁ 𞤒𞤢𞤸𞤴𞤢𞥄 𞤔𞤢𞥄𞤥𞥆𞤫⹁ 𞤧𞤮𞥅𞤣𞤭𞤪𞤭 𞤸𞤵𞤩𞤫𞥅𞤪𞤫 𞤳𞤢 𞤧𞤫𞤪𞤢𞥄𞤪𞤭 𞤏𞤢𞤧𞤭𞤲𞤺𞤼𞤮𞤲. 𞤑𞤮 𞤯𞤵𞤥 𞤸𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳𞤢𞥄 𞤩𞤫𞤲 𞤸𞤮𞤤𞥆𞤭 𞤫 𞤱𞤵𞤤𞥆𞤭𞤼𞤢𞥄𞤪𞤫  𞤬𞤭𞥅 𞤲𞤮 𞤩𞤫 𞤶𞤢𞤩𞤼𞤭𞤪𞤢 𞤺𞤢𞤤𞥆𞤫 𞤯𞤫𞤲. 

𞤌𞥅 𞤶𞤮𞥅𞤯𞤮𞤪𞤲𞤮𞥅𞤯𞤮 𞤲𞤶𞤢𞤺𞥆𞤵  𞤳𞤮 𞤩𞤮𞥅𞤴𞤭 𞤸𞤮𞥅𞤪𞤫 𞤲𞤣𞤭𞥅 𞤤𞤫𞤴𞤣𞤭 𞤖𞤭𞤪𞤲𞤢 𞤀𞤬𞤪𞤭𞤳𞤢𞥄⹁ 𞤬𞤫𞤱𞤶𞤭 𞤧𞤮𞥅𞤣𞤵𞤺𞤮𞤤 𞤸𞤵𞤩𞤫𞥅𞤪𞤫 𞤬𞤢𞤲𞤼𞤵𞤲𞥋𞤣𞤫 𞤳𞤢 𞤧𞤢𞥄𞤪𞤫 𞤆𞤮𞤼𞤮𞤥𞤢𞤳⹁ 𞤲𞤣𞤫𞤪 𞤤𞤢𞤪𞤢𞤤 𞤃𞤢𞤪𞤭𞤤𞤢𞤲𞤣 𞤬𞤭𞥅 𞤲𞤮 𞤮 𞤤𞤢𞤩𞥆𞤭𞤲𞤭𞤪𞤢  𞤣𞤵𞤦𞤵𞤲𞤫𞥅𞤶𞤫 𞤼𞤢𞤼𞤭 𞤫 𞤬𞤫𞤷𞥆𞤫𞤪𞤫 𞤣𞤢𞤤𞤢 ($𞥓.𞥕 𞤣𞤵𞤦𞤵𞤲𞤫)  𞤸𞤫𞤩𞤮𞤪𞤯𞤫 𞤲𞤺𞤫𞥅𞤲𞤢𞥄𞤪𞤭. 𞤑𞤮 𞤯𞤵𞤥 𞤶𞤢𞥄𞤺𞤮𞤪𞤣𞤵 𞤀𞤀𞤥𞤫𞤪𞤭𞤳𞤢𞥄 𞤲𞤣𞤵𞤲  𞤳𞤢 𞤲𞤵𞤲𞤯𞤢𞤤 𞤱𞤭𞤭 𞤫 𞤱𞤵𞤤𞥆𞤭𞤼𞤢𞥄𞤪𞤫 𞤲𞤣𞤫 𞤩𞤫 𞤲𞤢𞥄𞤣𞤭 𞤫 𞤲𞤶𞤫𞤧𞤤𞤢𞥄𞤪𞤫. 

𞤒𞤢𞤸𞤴𞤢𞥄 𞤔𞤢𞥄𞤥𞥆𞤫⹁ 𞤸𞤢𞤪𞤭 𞤳𞤮 𞤣𞤵𞥅𞤩𞤭 𞥒𞥙 𞤥𞤢𞤪𞤵𞤲𞤮𞥅 𞤬𞤫𞤱𞤲𞤣𞤮 𞤮 𞤰𞤫𞤼𞥆𞤭𞤪𞤭 𞤤𞤢𞥄𞤥𞤵 𞤲𞤺𞤵𞤲 𞤬𞤮𞤤𞥆𞤭𞤪𞤮 . 𞤌 𞤤𞤢𞥄𞤥𞤭𞥅 𞤳𞤮 𞤴𞤢𞤱𞤼𞤭 𞤣𞤵𞥅𞤩𞤭 𞥒𞥒. 𞤇𞤢𞤴𞤼𞤭 𞤀𞥄𞤣𞤢𞤥𞤢 𞤄𞤢𞥄𞤪𞤮 𞤬𞤮𞥅𞤤𞤭𞥅 𞤥𞤮 𞤫 𞤧𞤵𞤩𞤮 𞤱𞤢𞤯𞤵𞤲𞤮𞥅𞤲𞤺𞤮 𞤲𞤺𞤮𞤲 𞤫 𞤄𞤮𞤱𞤼𞤮 𞥒𞥐𞥑𞥖⹁ 𞤳𞤢𞤲𞤳𞤮 𞤫 𞤩𞤫𞤴𞤲𞤺𞤵 𞤥𞤢𞥄𞤳𞥆𞤮⹁ 𞤩𞤫 𞤣𞤮𞤺𞤭 𞤩𞤫 𞤬𞤢𞥄𞤦𞤼𞤭𞤲𞤮𞤴𞤭𞥅 𞤘𞤭𞤲𞤫 𞤉𞤳𞤵𞤱𞤢𞤼𞤫𞥅𞤪𞤭. 

𞤉 𞤲𞤣𞤫𞤪 𞤳𞤮 𞤔𞤢𞥄𞤥𞤫 𞤤𞤢𞥄𞤥𞤭𞥅 𞤳𞤮𞤲⹁ 𞤮 𞤣𞤢𞤻𞤵𞤲𞤮 𞤳𞤮 𞤴𞤢𞤱𞤼𞤭 𞤺𞤢𞤤𞥆𞤫𞥅𞤶𞤭 𞥒𞥘𞥑 (281)⹁ 𞤮 𞤸𞤵𞥅𞤱𞤼𞤮𞤪𞤢𞤴𞤲𞤮 𞤳𞤢𞤣𞤭 𞤼𞤮𞤲𞤺𞤮𞥅𞤯𞤫 𞤥𞤢𞤲𞤳𞤭𞤪𞤯𞤫  𞤼𞤫𞥅𞤥𞤫𞤣𞤫𞤪𞤫 𞤱𞤮𞤲𞤯𞤫 𞤫 𞤭𞤲𞤣𞤫 𞤥𞤢𞤳𞥆𞤮 𞤥𞤢𞤤𞥆𞤢 𞤫 𞤭𞤲𞤯𞤫 𞤳𞤢𞤬𞤯𞤫  𞤥𞤢𞥄 𞤣𞤫𞤲𞤼𞤫 𞤯𞤫 𞤮 𞤥𞤢𞤪𞤵𞤲𞤮𞥅 𞤶𞤫𞤴𞤢𞤤 𞤥𞤢𞤤𞥆𞤢 𞤳𞤫𞤩𞤢𞤤 𞤫 𞤥𞤵𞤲.

𞤏𞤵𞤤𞥆𞤭𞤼𞤢𞥄𞤪𞤫 𞤲𞤣𞤫𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫 “𞤱𞤮𞤲𞤢𞥄 𞤔𞤢𞥄𞤥𞥆𞤫⹁ 𞤱𞤮𞤲𞤢𞥄 𞤩𞤫𞤴𞤲𞤺𞤵 𞤥𞤢𞤳𞥆𞤮 𞤳𞤢𞤣𞤭 𞤱𞤮𞤲𞤭 𞤳𞤮 𞤭𞤱𞤭 𞤫 𞤶𞤢𞤱𞤣𞤭 𞤧𞤢𞤳𞤢 𞤱𞤭𞤫𞥅 𞤳𞤮 𞤯𞤵𞤥 𞤱𞤮𞤲𞤭 𞤧𞤢𞤦𞤵 𞤩𞤫 𞤸𞤫𞤩𞤵𞤣𞤫 𞤯𞤫𞥅 𞤥𞤢𞤪𞤫”

𞤇𞤭𞤯𞤩𞤫 𞤥𞤢𞤩𞥆𞤫 𞤩𞤫𞤲⹁ 𞤳𞤮 𞤫 𞤲𞤣𞤫𞤪 𞤏𞤢𞤧𞤭𞤲𞤺𞤼𞤮𞤲 𞤩𞤫 𞤣𞤵𞤯𞤭𞤲𞤭𞥅 𞤩𞤢𞥄𞤱𞤮 𞤲𞤣𞤫  𞤥𞤢𞤱𞤩𞤫 𞤥𞤢𞤩𞥆𞤫 𞤩𞤫𞤲 𞤧𞤮𞥅𞤣𞤵𞤲𞤮𞥅 𞤸𞤵𞤩𞤫𞥅𞤪𞤫 𞤲𞤣𞤫𞤲 𞤆𞤮𞤼𞤮𞤥𞤢𞤳 𞤫 𞤭𞤲𞤣𞤫 𞤑𞤮𞥅𞤤𞤢𞤤  𞤲𞤺𞤢𞤤 𞤣𞤵𞤦𞤵𞤲𞤫 𞤼𞤢𞤼𞤭 𞤫 𞤬𞤫𞤷𞥆𞤫𞤪𞤫 𞤁𞤢𞤤𞤢 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥑𞥐. 𞤂𞤫𞤱𞤪𞤵 𞤢𞤣𞤮 𞤸𞤵𞤩𞤫𞥅𞤪𞤫 𞤲𞤣𞤫𞤲 𞤧𞤮𞥅𞤣𞤫𞥅𞤣𞤫⹁ 𞤳𞤮 𞤺𞤮𞤤𞥆𞤢𞤲𞤮𞥅𞤱𞤮 𞤳𞤢𞤬𞤲𞤺𞤢𞤤 𞤳𞤵𞤩𞥆𞤢𞤲⹁ 𞤱𞤮𞤲𞤭 𞤳𞤮 𞤱𞤢𞤤𞥆𞤭𞤲𞥆𞤮𞥅 𞤣𞤵𞤦𞤵𞤲𞤫𞥅𞤪𞤫 𞤱𞤮𞥅𞤼𞤫𞤪𞤫 𞤣𞤢𞤤𞤢 𞤤𞤢𞥄𞤩𞤵𞤲𞤣𞤫 𞤫 𞤭𞤲𞤣𞤫 𞤳𞤮𞥅𞤤𞤢𞤤 𞤲𞤺𞤢𞤤. 𞤌𞤲 𞤺𞤮𞤤𞥆𞤢𞤲𞤮𞥅𞤱𞤮 𞤳𞤢𞤬𞤲𞤺𞤢𞤤 𞤲𞤺𞤢𞤤 𞤵𞤣𞥆𞤭𞤼𞤭 𞤥𞤢𞤲𞤳𞤭𞤼𞤮𞤪𞤣𞤫 𞤫 𞤭𞤲𞤣𞤫 𞤳𞤮𞥅𞤤𞤢𞤤 𞤲𞤺𞤢𞤤 𞤦𞤭𞤥𞤦𞤭 𞤻𞤢𞤤𞤲𞤣𞤫 𞤳𞤢𞤬𞤲𞤺𞤢𞤤 𞤲𞤺𞤢𞤤 𞤸𞤫𞤩𞤭 𞤳𞤮𞤲𞤺𞤮𞤤 𞤼𞤢𞤦𞤭𞤲𞤼𞤭𞤲𞤺𞤮𞤤 𞤥𞤮𞤲𞤮𞤨𞤮𞤤𞤢𞥄𞤳𞤵 (𞤳𞤫𞥅𞤪𞤼𞤢𞥄𞤳𞤵) 𞤢𞤣𞥆𞤵𞤺𞤮𞤤 𞤳𞤵𞤩𞥆𞤢𞤲 𞤫 𞤲𞤣𞤫𞤪 𞤤𞤫𞤧𞤣𞤭 𞤘𞤢𞤥𞤦𞤭𞤴𞤢.

𞤉 𞤲𞤣𞤫𞤪 𞤣𞤢𞤣𞤭𞤼𞤮𞤤 𞤥𞤢𞤳𞥆𞤮⹁ 𞤙𞤢𞥄𞤱𞤭𞤲𞥋𞤣𞤮𞤼𞤮𞥅𞤯𞤮 𞤀𞤥𞤫𞤪𞤭𞤳𞤢𞥄 𞤮𞤲 𞤱𞤭𞤭 “𞤐𞤺𞤢𞤤 𞤳𞤵𞥅𞤱𞤺𞤢𞤤 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤀𞤥𞤫𞤪𞤭𞤳𞤢𞥄 𞤲𞤫𞤱𞤲𞤢𞤲𞤼𞤢𞥄 𞤦𞤮𞤥𞤩𞤫 𞤩𞤫𞤲 𞤲𞤢𞤬𞤭𞤼𞤮𞤪𞤺𞤮𞤤 𞤦𞤮𞤲𞤳𞤭 𞤥𞤢𞤩𞥆𞤫⹁ 𞤳𞤢𞤣𞤭 𞤀𞤥𞤫𞤪𞤭𞤳𞤢𞥄 𞤣𞤢𞤪𞤢𞤲𞤼𞤮 𞤲𞤵𞤲𞤯𞤢𞤤 𞤱𞤮𞤲𞤢𞤲𞤣𞤫 𞤼𞤮𞥅𞤻𞤢𞥄𞤩𞤫 𞤩𞤫𞤲 𞤬𞤮𞤼𞤭 𞤳𞤮 𞤯𞤮𞥅 𞤥𞤢𞥄 𞤳𞤢 𞤶𞤢𞤲𞤢𞤲𞤭𞤪𞤭.”

𞤒𞤢𞤸𞤴𞤢𞥄 𞤔𞤢𞥄𞤥𞥆𞤫 𞤬𞤢𞤱𞤢𞥄𞤳𞤢 𞤼𞤢𞤸𞤮 𞤦𞤮𞤲𞥆𞤫𞤪𞤫 𞤫 𞤲𞤣𞤫𞤪 𞤀𞤥𞤫𞤪𞤭𞤳𞤢𞥄⹁ 𞤳𞤮𞤲𞤮 𞤱𞤵𞤤𞥆𞤭𞤼𞤢𞥄𞤪𞤫 𞤶𞤢𞥄𞤺𞤮𞤪𞤣𞤵 𞤲𞤵𞤲𞤯𞤢𞤤 𞤲𞤣𞤵𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤺𞤮𞥅𞤥𞤵⹁ 𞤲𞤺𞤵 𞤺𞤮𞤥𞤲𞤢𞤼𞤫𞥅𞤪𞤭 𞤘𞤢𞤥𞤦𞤭𞤴𞤢 𞤶𞤮𞤯𞥆𞤭𞤲𞤭 𞤲𞤺𞤵𞤲⹁ 𞤴𞤢𞤥𞤭𞤪𞤭𞥅 𞤴𞤮 𞤤𞤢𞥄𞤥𞤯𞤮 𞤳𞤭𞤯𞥆𞤮 𞤮𞤲 𞤬𞤢𞤱𞤫 𞤦𞤮𞤲𞥆𞤫𞤪𞤫𞥅𞤶𞤭.

𞤐𞤺𞤵𞤲 𞤺𞤮𞥅𞤥𞤵 𞤱𞤭𞤭 𞤱𞤮𞤲𞤣𞤫 𞤔𞤢𞥄𞤥𞥆𞤫 𞤲𞤮 𞤴𞤫𞥅𞤦𞤭 𞤥𞤢𞥄 𞤲𞤮 𞤱𞤵𞤶𞥆𞤭 𞤫𞤥𞤦𞤫𞤪𞤫 𞤣𞤵𞤦𞤵𞤲𞤫 𞥓𞥐𞥐 𞤣𞤢𞤤𞤢 𞤳𞤢 𞤥𞤢𞤲𞤳𞤭𞤼𞤮𞤪𞤯𞤫 𞤳𞤢𞤬𞤢𞥄𞤯𞤫. 𞤔𞤢𞥄𞤥𞥆𞤫 𞤲𞤢𞤲𞤺𞤵𞤲𞤮 𞤳𞤢𞤣𞤭 𞤲𞤺𞤫𞥅𞤲𞤢𞥄𞤪𞤭 𞤫 𞤺𞤫𞤩𞤫 𞤬𞤭𞥅 𞤸𞤫𞥅𞤪𞤼𞤭𞤲𞤢𞤺𞤮𞤤 𞤳𞤢𞤬𞤯𞤫⹁ 𞤥𞤮𞤲𞤮𞤨𞤮𞤤𞤢𞥄𞤳𞤵 𞤥𞤢𞥄 𞤳𞤫𞥅𞤪𞤼𞤢𞥄𞤳𞤵  𞤫 𞤼𞤢𞤰𞤫  𞤲𞤺𞤢𞤤𞤵 𞤘𞤢𞤥𞤦𞤭𞤴𞤢 𞤲𞤺𞤵𞤲. 𞤑𞤮 𞤯𞤵𞤥 𞤱𞤵𞤤𞥆𞤭𞤼𞤢𞥄𞤪𞤫 𞤲𞤣𞤫𞤲 𞤸𞤮𞤤𞥆𞤭. 

𞤕𞤭𞥅𞤥𞤼𞤮𞤤  𞤲𞤺𞤮𞤤 𞤬𞤫𞤣𞥆𞤫 𞤱𞤭𞤯𞤮𞤼𞤮𞥅𞤲𞤣𞤫 𞤴𞤢𞤤𞤼𞤭𞤲𞤭 𞤫 𞤐𞤦𞤮𞥅𞤴𞤮 𞥒𞥐𞥑𞥙 𞤲𞤮 𞤱𞤭𞤭 𞤱𞤮𞤲𞤣𞤫 𞤔𞤢𞥄𞤥𞥆𞤫 𞤫 𞤳𞤢𞤬𞤣𞤭𞥅𞤩𞤫 𞤥𞤢𞤳𞥆𞤮 𞤲𞤮 𞤬𞤵𞤲𞤧𞤭 𞤳𞤮 𞤩𞤢𞤣𞤭𞥅 𞤣𞤵𞤶𞤵𞤲𞤫𞥅𞤪𞤫 (𞤥𞤭𞤤𞤭𞤴𞤢𞥄𞤪) 𞤱𞤮𞥅𞤼𞤫𞤪𞤫 𞤣𞤢𞤤𞤢 𞤫 𞤤𞤫𞤯𞥆𞤫 𞤳𞤢𞤻𞤵𞤲 𞤫 𞤶𞤢𞤱𞤤𞤫 𞤳𞤢𞤬𞤢𞥄𞤯𞤫 𞤘𞤢𞤥𞤦𞤭𞤴𞤢 𞤯𞤫𞤲.

𞤉 𞤸𞤭𞤼𞤢𞥄𞤲𞤣𞤫 𞥒𞥐𞥑𞥗⹁ 𞤶𞤢𞥄𞤺𞤮𞤪𞤣𞤵 𞤀𞤥𞤫𞤪𞤭𞤳𞤢𞥄 𞤲𞤣𞤵𞤲 𞤳𞤢 𞤥𞤢𞤲𞤳𞤮 𞤫 𞤱𞤫𞥅𞤩𞤵𞤼𞤵𞤺𞤮𞤤 𞤰𞤢𞤺𞥆𞤭𞤲𞤫 𞤱𞤮𞤲𞤢𞤲𞤣𞤫 𞤔𞤢𞥄𞤥𞥆𞤫 𞤱𞤭𞤵𞤲𞤮: 𞤔𞤢𞥄𞤥𞥆𞤫 𞤲𞤮 “𞤥𞤢𞤪𞤭 𞤼𞤢𞥄𞤪𞤭𞥅𞤳𞤢 𞤶𞤵𞥅𞤼𞤵𞤳𞤢 𞤳𞤢 𞤦𞤢𞤺𞤢𞤺𞤮𞤤 𞤸𞤢𞤳𞥆𞤫𞥅𞤶𞤭 𞤴𞤭𞤥𞤩𞤫 𞤫 𞤳𞤢 𞤲𞤺𞤫𞥅𞤲𞤢𞥄𞤪𞤭.”

“𞤔𞤢𞥄𞤥𞥆𞤫 𞤧𞤭𞤲𞤷𞤵𞤲𞤮 𞤬𞤫𞤣𞥆𞤫 𞤮𞤱𞤲𞤭𞤪𞤲𞤣𞤫  𞤫 𞤱𞤢𞤪𞤭𞤪𞤲𞤣𞤫 𞤱𞤭𞤫𞤼𞤫𞤲𞤮𞥅𞤲𞤣𞤫 𞤔𞤮𞤲𞤺𞤤𞤢𞥄𞤧 𞤲𞤮𞥅𞤼𞤮𞤼𞤮𞥅𞤲𞤣𞤫 𞤥𞤮 𞤳𞤢𞤲𞤳𞤮 𞤼𞤢𞤲⹁” 𞤳𞤵𞤯𞤮𞤤 𞤔𞤢𞥄𞤲𞤺𞤮𞤪𞤣𞤵  𞤀𞤥𞤫𞤪𞤭𞤳𞤢𞥄 𞤲𞤣𞤵𞤲 𞤳𞤢   𞤃𞤢𞤲𞤳𞤮 𞤱𞤭𞤭. “𞤔𞤢𞥄𞤥𞥆𞤫 𞤸𞤵𞥅𞤱𞤼𞤮𞤪𞤭 𞤲𞤣𞤫𞤲 𞤬𞤫𞤣𞥆𞤫  𞤔𞤮𞤲𞤺𞤤𞤢𞥄𞤧 𞤲𞤺𞤢𞤥 𞤸𞤵𞤤𞤩𞤭𞤲𞤺𞤮𞤤⹁ 𞤫 𞤮𞤱𞤲𞤵𞤺𞤮𞤤⹁ 𞤫 𞤼𞤫𞤬𞤵𞤺𞤮𞤤 𞤳𞤢𞤻𞤵𞤲 𞤫 𞤱𞤢𞤪𞤵𞤺𞤮𞤤 𞤴𞤭𞤥𞤩𞤫 𞤩𞤫 𞤔𞤢𞥄𞤥𞥆𞤫 𞤰𞤫𞤼𞥆𞤭𞤪𞤭 𞤱𞤢 𞤢𞤴𞤩𞤫 𞤥𞤵𞤲.”