𞤀𞤬𞤪𞤭𞤳: 𞤤𞤢𞥄𞤥𞤩𞤫 𞤸𞤭𞤯𞤩𞤫 𞤣𞤢𞤪𞤭𞥅𞤩𞤫 𞤲𞤺𞤢𞤥 𞤤𞤭𞤣𞥆𞤢𞤺𞤮𞤤 𞤸𞤢𞤨𞥆𞤵 𞤼𞤢𞤥𞥆𞤵.

𞤐𞤋𞤔𞤉𞥅𞤈

 “𞤏𞤮𞤼𞤢 𞤤𞤢𞥄𞤼𞤮 𞤖𞤢𞤨𞥆𞤵 𞤼𞤢𞤥𞥆𞤵  𞤳𞤢 𞤣𞤵𞤲𞤺𞤢𞤤 𞤢𞤬𞤪𞤭𞤳” 𞤳𞤮 𞤯𞤵𞤲 𞤱𞤮𞤲𞥆𞤮𞥅 𞤼𞤭𞥅𞤼𞤮𞥅𞤲𞤣𞤫 𞤴𞤫𞤱𞤼𞤫𞤪𞤫 𞤤𞤢𞥄𞤥𞤩𞤫 𞤸𞤭𞤯𞤩𞤫 𞤀𞤬𞤪𞤭𞤳𞤢𞥄 𞤫 𞤼𞤵𞤥𞤦𞤮𞤲𞤣𞤭𞤪𞤢𞤤 𞤥𞤢𞤩𞥆𞤫 𞤳𞤢 𞤤𞤢𞥄𞤥𞤮𞤪𞤣𞤫 𞤐𞤭𞥅𞤶𞤫𞤪 “𞤙𞤢𞤥𞤫𞥅“.  𞤐𞤮 𞤶𞤫𞤴𞤢𞥄 𞤫 𞤩𞤫𞤲 𞤐𞤭𞤧𞤮𞤬𞤮𞥅𞤪 𞤅𞤮𞤺𞤮𞤤𞤮𞥅 𞤥𞤮 𞤄𞤫𞤲𞤫𞤲⹁  𞤘𞤵𞤣𞤤𞤮𞤳 𞤶𞤮𞤲𞤢𞤼𞤢𞥄𞤲 𞤥𞤮 𞤐𞤢𞤶𞤫𞤪𞤭𞤴𞤢𞥄⹁ 𞤫 𞤲𞤭𞤶𞤫𞥅𞤪𞤲𞤢𞥄𞤶𞤮 𞤃𞤢𞤸𞤢𞤥𞤢𞥄𞤲 𞤓𞤧𞤥𞤢𞥄𞤲⹁ 𞤫 𞤤𞤭𞤦𞤫𞤪𞤭𞤴𞤢𞥄𞤶𞤮 𞤉𞤤𞤫𞤲 𞤔𞤮𞤲𞤧𞤮𞤲 𞤅𞤭𞤪𞤤𞤭𞥅𞤬.

𞤑𞤮 𞤼𞤵𞤥𞤦𞤮𞤲𞤣𞤭𞤪𞤢𞤤 𞤲𞤺𞤢𞤤 𞤥𞤮𞤶𞤫𞤦𞤫𞤪𞤫 (National Democratic institute ) 𞤴𞤵𞤩𞥆𞤭⹁ 𞤳𞤢𞤱𞤪𞤢𞤤 𞤲𞤺𞤢𞤤 𞤦𞤢𞤤𞤯𞤫 𞤼𞤢𞤼𞤭. 𞤊𞤢𞥄𞤲𞤣𞤵𞤲𞤣𞤫 𞤥𞤢𞤺𞥆𞤢𞤤 𞤳𞤮 𞤣𞤵𞤻𞤵𞤺𞤮𞤤 𞤤𞤢𞥄𞤥𞤩𞤫 𞤢𞤬𞤪𞤭𞤳𞤭 𞤩𞤫𞤲 𞤻𞤭𞥅𞤩𞤲𞤵𞤺𞤮𞤤 𞤣𞤮𞤧𞤼𞤫𞤪𞤫 𞤤𞤫𞤴𞤯𞤫 𞤥𞤢𞤩𞥆𞤫 𞤯𞤫𞤲⹁ 𞤫 𞤳𞤢𞤣𞤭⹁ 𞤼𞤫𞤽𞤼𞤭𞤲𞤭𞥅 𞤸𞤢𞤪𞤢 𞤩𞤫 𞤱𞤢𞤴𞤤𞤭𞤪𞤢𞥄𞤤𞤭 𞤤𞤵𞤼𞥆𞤭𞤪𞤺𞤮𞤤 𞤤𞤢𞥄𞤥𞤵.

𞤁𞤢𞤪𞤲𞤣𞤫 𞤲𞤣𞤫 𞤤𞤢𞥄𞤥𞤯𞤮 𞤐𞤭𞥅𞤶𞤫𞤪 𞤮𞤲 𞤃𞤢𞤸𞤢𞥄𞤥𞤢𞤣𞤵 𞤒𞤵𞥅𞤧𞤵𞤬𞤵  𞤼𞤭𞤺𞤭 𞤣𞤢𞤪𞤢𞤲𞤭𞥅⹁ 𞤫 𞤳𞤢𞤣𞤭⹁ 𞤮 𞤸𞤮𞤤𞥆𞤭𞥅𞤲𞤮 𞤱𞤮𞤲𞤣𞤫 𞤮 𞤴𞤢𞤤𞤼𞤮𞤴𞤼𞤢𞥄 𞤬𞤭𞥅 𞤸𞤢𞤨𞥆𞤵 𞤼𞤢𞤥𞥆𞤵 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥑. 𞤌 𞤧𞤭𞤬𞤼𞤭𞤲𞤭𞥅 𞤳𞤢𞤣𞤭 𞤱𞤮𞤲𞤣𞤫 𞤳𞤮 𞥓𞥕 𞤺𞤫𞤲𞤯𞤭 𞤱𞤮𞤲𞤭 𞤳𞤮 𞤸𞤢𞤨𞥆𞤭 𞤣𞤵𞥅𞤩𞤭 𞤤𞤢𞥄𞤥𞤫𞤼𞤫𞥅𞤯𞤭 𞤯𞤭𞤲⹁ 𞥑𞥒 𞤶𞤢𞤩𞤢𞥄𞤤𞤭 𞤼𞤢𞤸𞤮.

𞤏𞤢𞥄𞤱𞤫𞤲 𞤼𞤵𞤲 𞤬𞤢𞤸𞤥𞤵𞤣𞤫 𞤱𞤮𞤲𞤣𞤫 𞤸𞤢𞤨𞥆𞤵 𞤼𞤢𞤥𞥆𞤵 𞤳𞤮 𞤺𞤫𞤩𞤫𞤤 𞤨𞤭𞤯𞤼𞤭𞤲𞤺𞤫𞤤 𞤸𞤢𞤲𞤣𞤫 𞤲𞤣𞤫𞤪 𞤲𞤶𞤮𞤪𞤣𞤭 𞤢𞤬𞤪𞤭𞤳𞤭 𞤲𞤣𞤭𞤲⹁ 𞤸𞤢𞥄 𞤳𞤢 𞤼𞤢𞤱𞤢𞤼𞤢 𞤲𞤮 𞤶𞤫𞤴𞤢𞥄 𞤫 𞤳𞤮 𞤱𞤮𞤲𞤭 𞤫 𞤧𞤢𞤦𞤭𞤲𞤦𞤭𞤲𞤣𞤫 𞤧𞤮𞤲𞤳𞤮 𞤫 𞤪𞤫𞤲𞤣𞤮𞥅𞤶𞤭 𞤳𞤫𞥅𞤱𞤵𞤯𞤭 𞤲𞤣𞤫𞤪 𞤲𞤶𞤮𞤪𞤣𞤭 𞤲𞤣𞤭𞤲. 𞤉 𞤦𞤢𞤴𞤤𞤮𞤤 𞤧𞤢𞤪𞤭𞤴𞤢𞥄𞤶𞤭 𞤱𞤮𞤲𞤢𞤲𞤣𞤫 𞤤𞤢𞥄𞤥𞤩𞤫 𞤬𞤫𞤱𞤲𞤣𞤭𞥅𞤩𞤫 𞤩𞤫𞤲 𞤳𞤢𞤤𞤢 𞤱𞤮𞥅 𞤲𞤮 𞤲𞤫𞤱𞤮𞤪𞤢𞤲𞤭𞤩𞤫.

𞤉 𞤳𞤵𞤯𞤮𞤤 𞤀𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤁𞤢𞥄𞤱𞤵𞥅𞤣𞤢 𞤔𞤢𞤤𞥆𞤮.

𞤘𞤭𞤲𞤫/𞤦𞤭𞤧𞤢𞥄𞤱

𞤙𞤤𞤲𞤣𞤫 𞥔 𞤴𞤢𞤪𞤳𞤮𞥅𞤥𞤢 𞥒𞥐𞥑𞥙