𞤀𞤊𞤑𞤌𞤐 𞥒𞥓: 𞤄𞤓𞤈𞤑𞤋𞤐𞤀 – 𞤃𞤌𞤈𞤋𞤚𞤀𞤐𞤋

𞤖𞤢𞤲𞤣𞤫 𞤫 𞤃𞤢𞤱𞤦𞤢𞥄𞤪𞤫⹁ 𞥑𞥖 𞤅𞤭𞥅𞤤𞤮⹁ 𞤄𞤵𞤪𞤳𞤭𞤲𞤢 𞤊𞤢𞤧𞤮 𞤫 𞤃𞤮𞤪𞤭𞤼𞤢𞤲𞤭 𞤬𞤮𞤼𞥆𞤵𞤲𞤮 𞤳𞤢 𞤧𞤢𞤸𞤪𞤫 𞤄𞤵𞤱𞤢𞤳𞤫 𞤫 𞤤𞤫𞤴 𞤲𞤢𞥄𞤺𞤫 𞤱𞤵𞤤𞤵𞤲𞤺𞤫 𞤳𞤢𞤼 𞤳𞤢 𞤬𞤭𞤶𞤭𞤪𞤣𞤫 “𞤂𞤀 𞤆𞤉𞥅”

𞤏𞤮𞤲𞤢𞥄 𞤴𞤢𞥄𞤧𞤭 𞤳𞤭𞤲 𞤼𞤵𞤲 𞤱𞤵𞤤𞤵𞤲𞤮𞥅⹁ 𞤬𞤭𞤶𞤮 𞤲𞤺𞤮𞤲 𞤳𞤢𞤣𞤭 𞤱𞤵𞤤𞤢𞤲𞥆𞤮 𞤄𞤵𞤪𞤳𞤭𞤲𞤢 𞤬𞤮𞤼𞤢. 𞤇𞤫 𞤸𞤫𞤩𞤵𞤲𞤮 𞤳𞤮 𞤦𞤵𞤴 𞤧𞤭𞤳𞥆𞤢𞥄𞤲𞤮 𞤲𞤣𞤫 𞤼𞤢𞤱𞤵𞤲𞤮𞥅 𞤃𞤮𞤪𞤭𞤼𞤢𞤲𞤭⹁ 𞤩𞤫 𞤢𞤲𞤣𞤭𞤪𞤢𞥄𞤳𞤢 𞤤𞤢𞤼𞤮-𞤥𞤵𞤤𞥆𞤫𞤪𞤫 𞤣𞤢𞤪𞤼𞤭𞤲𞤮 𞤩𞤫 𞤳𞤮 𞤼𞤭𞥅𞤯𞤭.

𞤑𞤢 𞤬𞤵𞤯𞥆𞤮𞥅𞤣𞤫⹁ 𞤸𞤢𞤪𞤭 𞤳𞤮 𞤄𞤵𞤪𞤳𞤭𞤲𞤢 𞤱𞤮𞤲𞤵𞤲𞤮𞥅 𞤬𞤫𞤱𞤶𞤵𞤣𞤫 𞤫 𞤬𞤭𞤶𞤮 𞤲𞤺𞤮𞤲. 𞤩𞤫 𞤱𞤮𞥅𞤨𞤭 𞤳𞤵𞥅𞤤𞤫 𞤸𞤫𞥅𞤱𞤵𞤯𞤫⹁ 𞤳𞤮𞤲𞤮 𞤯𞤵𞤥 𞤲𞤫𞥅𞤩𞤢𞤲𞤮𞥅 𞤳𞤮 𞤶𞤵𞥅𞤼𞤭. 𞤅𞤢𞤦𞤵𞤲𞤢⹁
𞤃𞤮𞤪𞤭𞤼𞤢𞤲𞤭 𞤫𞤼𞤭𞤲𞤮 𞤲𞤮 𞤣𞤢𞤪𞤼𞤮𞤪𞤢 𞤳𞤢𞤤𞤢𞤤𞤯𞤭 𞤯𞤭𞤲. 𞤑𞤮𞤲𞤮 𞤬𞤭𞤶𞤮𞥅𞤱𞤮 𞤥𞤢𞤩𞥆𞤫 𞤭𞤲𞥆𞤫𞤼𞤫𞥅𞤯𞤮 𞤀𞤦𞤵𞥅𞤦𞤢𞤳𞤢𞤪 𞤑𞤢𞤥𞤢𞤪𞤢𞥄 𞤸𞤫𞤩𞤵𞤲𞤮 𞤦𞤢𞤪𞤥𞤢𞤲𞤣𞤫 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥒𞥔 𞤼𞤢𞤱𞤭 𞤳𞤮 𞤥𞤢𞥄 𞤮 𞤴𞤢𞤤𞤼𞤢.

𞤑𞤮 𞤳𞤢𞤪𞤢𞤸𞤢𞤲 𞤑𞤢𞤤𞤢𞤤𞤯𞤭 𞤄𞤵𞤪𞤳𞤭𞤲𞤢 𞤯𞤭𞤲 𞤬𞤮𞥅𞤤𞤭𞤪𞤭 𞤈𞤢𞥄𞤦𞤭𞤼𞤮𞥅𞤩𞤫 𞤃𞤮𞤪𞤭𞤼𞤢𞤲𞤭 𞤩𞤫𞤲 𞤬𞤫𞤱𞤲𞤣𞤮 𞤳𞤢 𞤬𞤭𞤶𞤮 𞤲𞤺𞤮𞤲 𞤤𞤢𞤲𞥆𞤢𞤼𞤮 𞤯𞤮𞤲. 𞤍𞤵𞤲 𞤤𞤫 𞤳𞤮 𞤩𞤢𞥄𞤱𞤮 𞤯𞤭 𞤸𞤫𞤩𞤵𞤣𞤫 𞤸𞤵𞥅𞤤𞤢𞤲𞤣𞤫 𞤶𞤵𞤳𞥆𞤫𞤪𞤫 (𞤨𞤫𞤲𞤢𞤤𞤼𞤭). 𞤄𞤫𞤪𞤼𞤪𞤢𞤲 𞤚𞤢𞤪𞤢𞤱𞤮𞤪𞤫⹁ 𞤲𞤢𞥄𞤣𞤢𞤲𞤮𞥅𞤯𞤮 𞤤𞤮𞤲𞤼𞤮 𞤅𞤫𞤣𞤪𞤭𞤳 𞤄𞤢𞤣𞤮𞤤𞤮 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥗𞥓⹁ 𞤬𞤫𞥅𞤱𞤲𞤭 𞤤𞤢𞤼𞤢𞤲𞤣𞤫 𞤲𞤣𞤫𞤲 𞤸𞤢𞥄 𞤫 𞤲𞤣𞤫𞤪 𞤸𞤵𞥅𞤤𞤭𞤪𞤣𞤫 𞤃𞤮𞤪𞤭𞤼𞤢𞤲𞤭 𞤲𞤣𞤫𞤲.

𞤑𞤮 𞤸𞤮𞥅𞤪𞤫 𞥑-𞥐 𞤱𞤮𞤲𞤢𞤲𞤣𞤫 𞤑𞤢𞤤𞤢𞤤𞤯𞤭 𞤯𞤭𞤲⹁ 𞤬𞤭𞤶𞤮 𞤲𞤺𞤮𞤲 𞤼𞤭𞤥𞥆𞤭. 𞤔𞤮𞥅𞤲𞤭 𞤫 𞤣𞤫𞤲𞤼𞤢𞤤 𞤲𞤢𞤴𞤢𞤩𞤢𞤤 𞤲𞤺𞤢𞤤 ⹁ 𞤳𞤮 𞤄𞤵𞤪𞤳𞤭𞤲𞤢 𞤱𞤮𞤲𞤭 𞤸𞤮𞥅𞤪𞤫 𞤱𞤮𞤲𞤣𞤵𞤣𞤫 𞤫 𞤼𞤮𞤩𞥆𞤫 𞤼𞤢𞤼𞤭. 𞤀𞤤𞤶𞤢𞤪𞤭𞥅 𞤫 𞤀𞤲𞤺𞤮𞤤𞤢𞥄 𞤫 𞤼𞤮𞤩𞥆𞤫𞤪𞤫 𞤱𞤮𞥅𞤼𞤫𞤪𞤫 𞤸𞤭𞤳𞥆𞤭𞥅 𞤯𞤮𞤲. 𞤑𞤮 𞤥𞤮𞤪𞤭𞤼𞤢𞤲𞤭 𞤸𞤮𞤥𞤦𞤭𞤪𞤭 𞤣𞤫𞤲𞤼𞤢𞤤 𞤲𞤺𞤢𞤤 𞤩𞤮𞤤𞤫𞤪𞤫.

𞤉 𞤖𞤮𞤪𞤦𞤭𞤪𞥆𞤫 𞤧𞤢𞥄𞤼𞤭𞥅𞤲𞤣𞤫⹁ 𞤳𞤮 𞤄𞤓𞤈𞤑𞤋𞤐𞤀 𞤊𞤀𞤅𞤌 𞤫 𞤀𞤂𞤟𞤀𞤈𞤋𞥅 𞤬𞤮𞤼𞥆𞤢𞤼𞤢. 𞤑𞤮 𞤲𞤣𞤫𞤲 𞤻𞤢𞤤𞤲𞤣𞤫 𞤳𞤢𞤣𞤭
𞤃𞤌𞤈𞤋𞤚𞤀𞤐𞤋 𞤫 𞤀𞤐𞤘𞤌𞤂𞤀 𞤬𞤭𞤶𞤢𞤼𞤢.

𞤒𞤮𞤼𞥆𞤭𞤲𞤢𞤲𞤣𞤫 𞤀𞤴𞥃𞤢 𞤅𞤮𞥅.