𞤀𞤸𞤥𞤢𞤣𞤵 𞤔𞤢𞤤𞥆𞤮 𞤼𞤢𞤱𞤼𞤭𞥅 𞤃𞤢𞤲-𞤒𞤵𞤲𞤢𞤴𞤼𞤫𞤣
𞤀𞤸𞤥𞤢𞤣𞤵 𞤔𞤢𞤤𞥆𞤮⹁ 𞤧𞤵𞤳𞤢 𞤥𞤮 𞤣𞤵𞥅𞤩𞤭 𞤧𞤢𞤨𞥆𞤮-𞤫-𞤶𞤫𞥅𞤼𞤢𞤼𞤭⹁ 𞤢𞤲𞤣𞤭𞤪𞤢𞤲𞤢𞥄𞤯𞤮 𞤀𞤸𞤥𞤢𞤣𞤵 𞤚𞤢𞤪𞤢𞤱𞤮𞤪𞤫⹁ 𞤼𞤢𞤱𞤼𞤭𞥅 𞤬𞤫𞤣𞥆𞤫 𞤤𞤢𞤼𞤮-𞤥𞤮𞤤𞥆𞤫𞤪𞤫 𞤃𞤢𞤲𞤷𞤫𞤧𞤼𞤫𞤪 𞤒𞤵𞤲𞤢𞤴𞤼𞤫𞤣 𞤲𞤣𞤫𞤲. 𞤑𞤮 𞤫 𞤤𞤫𞤴𞤣𞤭 𞤑𞤮𞤼𞤣𞤭𞤾𞤢𞥄𞤪 𞤮 𞤶𞤭𞤦𞤭𞤲𞤢𞥄. 𞤐𞤣𞤫 𞤮 𞤥𞤢𞤪𞤵𞤲𞤮𞥅 𞤣𞤵𞥅𞤩𞤭 𞤧𞤢𞤨𞥆𞤮⹁ 𞤳𞤢𞤲𞤳𞤮 𞤫 𞤥𞤢𞤱𞤲𞤢𞤲 𞤥𞤢𞤳𞥆𞤮 𞤖𞤢𞥄𞤥𞤭𞤣𞤵 “𞤚𞤢𞤪𞤢𞤱𞤮𞤪𞤫”⹁ 𞤩𞤫 𞤲𞤢𞤩𞤢𞥄 𞤋𞤼𞤢𞤤𞤭. 𞤑𞤮 𞤭𞤲𞥆𞤫𞤼𞤫𞥅𞤯𞤮 𞤃𞤵𞤸𞤢𞤥𞥆𞤢𞤣𞤵 𞤀𞤸𞤥𞤢𞤣𞤵 𞤚𞤢𞤪𞤢𞤱𞤮𞤪𞤫 𞤶𞤮𞥅𞤯𞤭𞥅𞤯𞤮 𞤳𞤢 𞤧𞤢𞥄𞤪𞤫 𞤆𞤢𞤪𞤥𞤢 𞤱𞤮𞤲𞤭 𞤧𞤢𞤦𞤵 𞤴𞤢𞤸𞤣𞤵 𞤥𞤢𞤩𞥆𞤫 𞤋𞤼𞤢𞤤𞤭. 𞤑𞤮 𞤯𞤵𞤥 𞤱𞤢𞤯𞤭 𞤳𞤢𞤣𞤭 𞤳𞤮 𞤴𞤫𞤼𞥆𞤮𞥅𞤪𞤫 𞤮𞤲 𞤲𞤣𞤫𞤲 𞤧𞤵𞤳𞤢𞥄𞤩𞤫 𞤩𞤫𞤲 𞤯𞤭𞤯𞤮 𞤶𞤮𞤺𞤭𞤲𞤮𞥅.
𞤑𞤮𞤲𞤮 𞤪𞤮𞤱𞤢𞤲𞤭 𞤫 𞤤𞤫𞤱𞤪𞤵 𞤅𞤭𞤤𞤼𞤮⹁ 𞤀𞤸𞤥𞤢𞤣𞤵 𞤰𞤫𞤼𞥆𞤵𞤼𞤵𞤲𞤮 𞤴𞤫𞤼𞥆𞤮𞥅𞤪𞤫 𞤔𞤢𞤤𞥆𞤮 𞤲𞤣𞤫𞤲. 𞤔𞤮𞥅𞤲𞤭 𞤳𞤢𞤣𞤭 𞤮 𞤱𞤮𞤲𞤭𞥅 𞤋𞤼𞤢𞤤𞤭𞥅𞤶𞤮.
𞤑𞤮 𞤪𞤮𞤱𞤢𞤲𞤭 𞤫 𞤒𞤢𞤪𞤳𞤮 𞤃𞤢𞤲-𞤒𞤵𞤲𞤢𞤴𞤼𞤫𞤣 𞤧𞤮𞥅𞤣𞤭𞤪𞤭 𞤥𞤮 𞤳𞤮 𞤴𞤢𞤱𞤼𞤭 𞤣𞤵𞤦𞤵𞤲𞤫 (𞤃𞤭𞤤𞤭𞤴𞤮𞤲) 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭 𞤫 𞤶𞤫𞥅𞤯𞤭𞤯𞤭 𞤆𞤮𞥅𞤲𞤭. 𞤍𞤵𞤥 𞤳𞤮 𞤣𞤵𞤦𞤵𞤲𞤫 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤁𞤢𞤤𞤢 𞤸𞤢𞤱𞤪𞤢𞤼𞤢. 𞤑𞤮 𞤶𞤵𞥅𞤯𞤫 𞤀𞤼𞤢𞤤𞤢𞤲𞤼𞤢 𞤩𞤫 𞤧𞤮𞥅𞤣𞤭 𞤥𞤮. 𞤑𞤮 𞤲𞤺𞤮𞤤 𞤳𞤭𞤨𞥆𞤮𞤤 𞤮 𞤱𞤮𞤲𞤵𞤲𞤮𞥅 𞤬𞤭𞤶𞤢𞤲𞤣𞤫. 𞤑𞤮 𞤺𞤭𞤤𞤢 𞤸𞤭𞤼𞤢𞥄𞤲𞤣𞤫 𞥒𞥐𞥑𞥕 𞤮 𞤼𞤢𞤱𞤼𞤭 𞤀𞤼𞤢𞤤𞤢𞤲𞤼𞤢. 𞤑𞤮𞤲𞤮 𞤸𞤢𞥄 𞥒𞥐𞥑𞥙 𞤳𞤮 𞤳𞤭𞤨𞥆𞤮𞤤 𞤧𞤵𞤳𞤢𞥄𞤩𞤫 𞤀𞤼𞤢𞤤𞤢𞤲𞤼𞤢 𞤲𞤺𞤮𞤤 𞤮 𞤬𞤭𞤶𞤢𞤲𞤢𞤴𞤲𞤮𞥅. 𞤑𞤮 𞤫 𞥒𞥐𞥑𞥙 𞤮 𞤼𞤢𞤱𞤼𞤭 𞤳𞤭𞤨𞥆𞤮𞤤 𞤥𞤢𞤱𞤲𞤺𞤮𞤤 𞤲𞤺𞤮𞤤.
𞤑𞤮 𞤸𞤢𞤲 𞤫 𞤑𞤮𞤪𞤧𞤮 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥕 𞤮 𞤬𞤭𞤩𞤭𞤣𞤭 𞤫 𞤃𞤢𞤲-𞤓𞤲𞤢𞤴𞤼𞤫𞤣. 𞤍𞤵𞤥 𞤳𞤮 𞤣𞤵𞥅𞤩𞤭 𞤲𞤢𞤴𞤭 𞤫 𞤬𞤫𞤷𞥆𞤫𞤪𞤫 𞤸𞤢𞤱𞤪𞤢𞤼𞤢. 𞤑𞤮𞤲𞤮 𞤱𞤢𞤯𞤭𞥅 𞤣𞤵𞥅𞤩𞤭 𞤯𞤵𞥅𞤯𞤵𞤯𞤭 𞤺𞤭𞤤𞤢 𞤃𞤢𞤲-𞤒𞤵𞤲𞤢𞤴𞤼𞤫𞤣 𞤬𞤵𞤯𞥆𞤭 𞤰𞤫𞥅𞤱𞤵𞤣𞤫 𞤥𞤮⹁ 𞤳𞤮 𞤯𞤵𞤥 𞤌𞤤𞤫 𞤅𞤮𞤤𞥃𞤫𞥅𞤪⹁ 𞤫𞤤𞤼𞤮𞥅𞤱𞤮 𞤥𞤢𞤩𞥆𞤫 𞤮𞤲 𞤸𞤮𞤤𞥆𞤭. 𞤌 𞤩𞤫𞤴𞤣𞤭 𞤳𞤢𞤣𞤭⹁ 𞤱𞤮𞤲𞤣𞤫 𞤫𞤩𞤫 𞤱𞤫𞤤𞤼𞤮𞤪𞤭 𞤬𞤮𞤼𞤢 𞤢𞤪𞤣𞤵 𞤥𞤢𞤳𞥆𞤮 𞤃𞤢𞤲𞤷𞤫𞤧𞤼𞤫𞤪 𞤧𞤢𞤦𞤵 𞤀𞤸𞤥𞤢𞤣𞤵 𞤔𞤢𞤤𞥆𞤮 𞤳𞤮 𞤬𞤫𞤪𞤢𞥄𞤯𞤮 𞤬𞤮𞤼𞤢 𞤫 𞤤𞤢𞤼𞤵𞤺𞤮𞤤 𞤥𞤵𞤤𞥆𞤫𞤪𞤫.
𞤀𞤸𞤥𞤢𞤣𞤵 𞤔𞤢𞤤𞥆𞤮 𞤲𞤮 𞤼𞤢𞤱𞤮𞤴𞤣𞤫 𞤃𞤢𞤴𞤷𞤫𞤧𞤼𞤫𞤪 𞤒𞤵𞤲𞤢𞤴𞤼𞤫𞤣⹁ 𞤆𞤮𞥅𞤤 𞤆𞤮𞤺𞤦𞤢⹁ 𞤬𞤢𞤪𞤢𞤧𞤢𞥄𞤶𞤮 𞤥𞤮 𞤭𞤱𞤣𞤭 𞤘𞤭𞤲𞤫.
𞤃𞤭 𞤱𞤫𞤤𞤼𞤮𞤪𞤭𞥅 𞤳𞤮 𞤢𞤪𞤼𞤭𞤪𞤭 𞤴𞤫𞤼𞥆𞤮𞥅𞤪𞤫 𞤲𞤣𞤫𞤲.
𞤌𞤲 𞤱𞤫𞤤𞤼𞤢𞤲𞤢𞥄𞤥𞤢