𞤁𞤀𞤈𞤊𞤓𞥅𞤈: 𞤑𞤮 𞤩𞤵𞤪𞤭 𞤴𞤭𞤥𞤩𞤫 𞥕𞥐 𞤲𞤮 𞤱𞤢𞤪𞤢𞥄
𞤂𞤢𞥄𞤥𞤵 𞤲𞤺𞤵𞤲 𞤅𞤵𞤣𞤢𞤲 𞤸𞤮𞤤𞥆𞤭𞤼𞤭𞥅 𞤱𞤮𞤲𞤣𞤫𞤥𞤢 𞤳𞤮 𞤴𞤢𞤱𞤼𞤭 𞤴𞤭𞤥𞤩𞤫 𞤷𞤢𞤨𞥆𞤢𞤲𞤯𞤫 𞤲𞤶𞤮𞤱𞤮 𞤲𞤮 𞤱𞤢𞤪𞤢𞥄 𞤁𞤢𞤪𞤬𞤵𞥅𞤪⹁ 𞤯𞤵𞤥 𞤳𞤮 𞤣𞤭𞥅𞤱𞤢𞤤 𞤸𞤭𞤳𞥆𞤮𞤪𞤲𞤺𞤢𞤤 𞤳𞤢 𞤸𞤭𞤪𞤲𞤢𞥄𞤲𞤺𞤫 𞤅𞤵𞤣𞤢𞤲.
𞤑𞤮 𞤬𞤵𞤯𞥆𞤭 𞤲𞤺𞤮𞥅 𞤱𞤢𞤪𞤼𞤭𞤲’𞤣𞤭𞤪𞤮 𞤸𞤢𞤳𞥆𞤵𞤲𞤣𞤫 𞤢𞥄𞤪𞤢𞤦𞤫𞥅𞤩𞤫 𞤫 𞤢𞤧-𞤀𞥄𞤪𞤢𞤦𞤫𞥅𞤩𞤫⹁ 𞤳𞤮 𞤴𞤭𞤥𞤩𞤫 𞤯𞤭𞤯𞤮 𞤱𞤮𞤲𞤵𞤲𞤮𞥅 𞤸𞤢𞤩𞤵𞤣𞤫 𞤬𞤭𞥅 𞤫𞤱𞤲𞤮𞤪𞤺𞤢𞤤 𞤫 𞤳𞤢𞥄𞤤𞤭𞤧𞤭. 𞤍𞤵𞤥 𞤳𞤮 𞤫 𞤸𞤮𞤪𞤦𞤭𞤪𞥆𞤫 𞤱𞤢𞤯𞤭. 𞤄𞤭𞤥𞤦𞤭 𞤲𞤣𞤫𞤲 𞤻𞤢𞤤𞤲𞤣𞤫⹁ 𞤳𞤢𞤩𞤢𞤲𞤮𞥅𞤩𞤫 𞤚𞤵𞤪𞤼𞤫𞤪𞤫 𞤔𞤢𞤲𞤶𞤢𞤱𞤭𞥅𞤣 𞤲𞤣𞤫𞤲 𞤶𞤮𞥅𞤪𞤭𞥅 𞤫 𞤣𞤢𞥄𞤳𞤢 𞤳𞤢 𞤣𞤮𞤺𞤵𞤩𞤫 𞤸𞤢𞤪𞤫 𞤩𞤫𞤲 𞤱𞤫𞥅𞤪𞤲𞤢𞥄⹁ 𞤱𞤢𞤪𞤭 𞤴𞤭𞤥𞤦𞤫 𞤷𞤢𞤨𞤢𞥄𞤲𞤯𞤫 𞤼𞤢𞤼𞤮 𞤫 𞤳𞤮 𞤩𞤵𞤪𞤭.
𞤘𞤫𞤪𞤫 𞤸𞤢𞤳𞥆𞤵𞤲𞤣𞤫 𞤤𞤫𞤰𞥆𞤭 𞤩𞤮𞥅𞤴𞤭𞥅 𞤱𞤢𞤯𞤵𞤣𞤫 𞤫 𞤲𞤣𞤫𞤪 𞤣𞤭𞥅𞤱𞤢𞤤 𞤣𞤢𞤪𞤬𞤵𞥅𞤪 𞤲𞤺𞤢𞤤. 𞤀𞤣𞤮 𞤲𞤺𞤮𞥅 𞤱𞤢𞤪𞤲𞤺𞤮 𞤯𞤮𞤮⹁ 𞤸𞤢𞤪𞤭 𞤳𞤮 𞤩𞤢𞤣𞤭𞥅 𞤴𞤭𞤥𞤩𞤫 𞤷𞤢𞤨𞥆𞤢𞤲𞤯𞤫 𞤲𞤶𞤮𞤱𞤮 𞤱𞤢𞤪𞤢𞤲𞤮𞥅𞤥𞤢 𞤫 𞤯𞤭𞥅 𞤤𞤫𞤦𞥆𞤭 𞤯𞤭𞤯𞤭 𞤬𞤫𞤰𞥆𞤵𞤯𞤭.
𞤘𞤭𞤤𞤢 𞥒𞥐𞥐𞥓⹁ 𞤳𞤮 𞤩𞤵𞤪𞤭 𞤴𞤭𞤥𞤩𞤫 𞥓𞥐𞥐 𞥐𞥐𞥐 (𞤵𞤶𞤵𞤲𞤫 𞤼𞤫𞥅𞤥𞤫𞤯𞥆𞤫 𞤼𞤢𞤼𞤮) 𞤱𞤢𞤪𞤢𞥄𞤥𞤢 𞤲𞤣𞤫𞤪 𞤁𞤢𞤪𞤬𞤵𞥅𞤪. 𞤉 𞤸𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤳𞤮 𞤩𞤵𞤪𞤭 𞤴𞤭𞤥𞤩𞤫 𞤣𞤵𞤦𞤵𞤲𞤫 𞤯𞤭𞤯𞤭 𞤫 𞤬𞤫𞤷𞥆𞤫𞤪𞤫 𞤫𞤺𞥆𞤭𞤲𞤢𞥄𞤥𞤢 𞤫 𞤳𞤮𞤯𞤢𞤲𞤯𞤫 𞤥𞤵𞤵𞤲. 𞤈𞤵𞤼𞥆𞤢𞤺𞤮𞤤 𞤩𞤫𞥅 𞤫𞤺𞥆𞤭𞤲𞤢𞥄𞤩𞤫 𞤲𞤮 𞤢𞤣𞥆𞤵𞤣𞤫 𞤳𞤢𞤣𞤭 𞤷𞤢𞤯𞤫𞥅𞤤𞤫 𞤯𞤵𞥅𞤯𞤵𞤯𞤫 𞤫 𞤲𞤣𞤫𞤪 𞤁𞤢𞤪𞤬𞤵𞥅𞤪.
𞤓𞤥𞤢𞤪 𞤀𞤤𞤦𞤢𞥃𞤭𞥅𞤪⹁ 𞤸𞤮𞥅𞤪𞤫𞥅𞤶𞤮 𞤬𞤮𞤤𞥆𞤢𞥄𞤯𞤮 𞤮𞤲 𞤲𞤮 𞤧𞤮𞤳𞤭𞥅 𞤸𞤢𞤦𞥆𞤭𞥅 𞤻𞤢𞥄𞤱𞤮𞥅𞤪𞤫 𞤦𞤢𞤯𞤼𞤢𞤲𞤫 𞤯𞤫𞥅 𞤲𞤦𞤢𞤪𞤤𞤫 𞤱𞤢𞤯𞤵𞤯𞤫 𞤁𞤢𞤪𞤬𞤵𞥅𞤪 𞤬𞤫𞤱𞤲𞤣𞤮 𞤤𞤢𞥄𞤥𞤵 𞤥𞤢𞤳𞥆𞤮 𞤲𞤺𞤵𞤲.
𞤑𞤮 𞤫 𞤅𞤫𞥅𞤯𞤼𞤮 𞥒𞥐𞥑𞥙⹁ 𞤓𞤥𞤢𞤪 𞤀𞤤𞤦𞤢𞥃𞤭𞥅𞤪 𞤬𞤮𞤤𞥆𞤢𞥄 𞤩𞤢𞥄𞤱𞤮 𞤮 𞤸𞤮𞥅𞤪𞤢𞥄𞤣𞤫 𞤅𞤵𞤣𞤢𞤲 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭. 𞤑𞤮 𞤫 𞥑𞥙𞥘𞥙⹁ 𞤳𞤢𞤲𞤳𞤮 𞤫 𞤧𞤮𞥅𞤪𞤭𞥅𞤩𞤫 𞤳𞤢 𞤳𞤮𞤲𞤵 𞤅𞤵𞤣𞤢𞤲⹁ 𞤩𞤫 𞤸𞤢𞤱𞤼𞤭 𞤩𞤫 𞤬𞤮𞤤𞥆𞤭 𞤅𞤢𞥄𞤣𞤭𞤹𞤢𞤤 𞤃𞤢𞤸𞤣𞤭𞥅 𞤲𞤣𞤫 𞤮𞤲𞤯𞤮𞤲 𞤫𞤩𞥆𞤵𞤲𞤮𞥅 𞤴𞤫𞤱𞤼𞤵𞤣𞤵𞤺𞤮𞤤 𞤫 𞤼𞤵𞤪𞤼𞤫𞤪𞤫 (𞤪𞤫𞤦𞤫𞤤𞤭𞤴𞤮𞤲) 𞤅𞤵𞤣𞤢𞤲 𞤙𞤢𞤥𞤲𞤢𞥄𞤪𞤭 𞤲𞤣𞤫𞤲.
𞤉 𞤸𞤭𞤲𞤤𞤫 𞤳𞤮 𞤫 𞤤𞤢𞥄𞤥𞤵 𞤀𞤤𞤦𞤢𞥃𞤭𞥅𞤪⹁ 𞤅𞤵𞤣𞤢𞤲 𞤙𞤢𞤥𞤲𞤢𞥄𞤪𞤭 𞤧𞤮𞤪𞤼𞤭𞥅 𞤫 𞤲𞤣𞤫𞤪 𞤅𞤵𞤣𞤢𞤲.
𞤑𞤮 𞤯𞤵𞤲 𞤱𞤢𞤯𞤭 𞤲𞤮 𞤴𞤭𞤥𞤩𞤫 𞤩𞤫𞤲 𞤱𞤢𞥄𞤱𞤭𞤪𞤭 𞤱𞤮𞤯𞥆𞤭𞤼𞤮𞤪𞤣𞤫 𞤺𞤫𞤪𞤫 𞤤𞤫𞤻𞤢𞥄𞤳𞤵 𞤱𞤮𞥅 𞤳𞤮 𞤴𞤮 𞤩𞤫 𞤱𞤮𞤯𞥆𞤭𞤼𞤮 𞤲𞤺𞤢𞤥 𞤯𞤵𞤲 𞤲𞤮 𞤱𞤮𞤲𞤣𞤭 𞤫 𞤼𞤮𞤪𞥆𞤢 𞤢𞤧𞤤𞤭𞤥𞤼𞤮𞤼𞤮𞥅 𞤯𞤵𞤲. 𞤐𞤵𞤤𞤢𞥄𞤯𞤮 𞤃𞤵𞤸𞤢𞤥𞥆𞤢𞤣𞤵 _ 𞤃𞤮 𞤶𞤢𞤥 𞤫 𞤳𞤭𞤧𞤢𞤤 𞤱𞤮𞤲𞤭 𞤫 𞤥𞤵𞤲_ 𞤥𞤢𞥄𞤳𞤭 : 𞥋𞥋𞤊𞤭𞤼𞤲𞤢 𞤲𞤮 𞤯𞤢𞥄𞤲𞤭𞥅 𞤀𞤤𞤤𞤢𞤸 𞤸𞤵𞤯𞤭𞥅 𞤳𞤢𞤤𞤢 𞤬𞤭𞤲𞤣𞤭𞤲𞤮𞥅𞤱𞤮 𞤬𞤭𞤼𞤲𞤢𞥋𞥋. 𞤒𞤮 𞤀𞤤𞤤𞤢𞤸 𞤸𞤭𞤱𞤵 𞤫𞤲 𞤫 𞤳𞤢𞤤𞤢 𞤬𞤭𞤼𞤲𞤢 𞤱𞤮𞤲𞤯𞤮 𞤳𞤢 𞤢𞤣𞤵𞤲𞤢 𞤫 𞤤𞤢𞤳𞤢𞤪𞤢.
𞤌𞤲 𞤶𞤢𞤪𞤢𞤥𞤢 𞤬𞤮𞤼𞤢⹁ 𞤩𞤫𞤴𞤣𞤢𞤪𞤭 𞤱𞤢𞤯𞤭.
𞤖𞤭𞤯𞤮𞤲 𞤱𞤫𞤤𞤼𞤢𞤲𞤢