𞤁𞤌𞤐𞤀𞤂 𞤚𞤈𞤋𞤃𞤆 𞤏𞤀𞤒𞤐𞤋𞤚𞤋𞤑𞤉
𞤑𞤮 𞤸𞤢𞤲𞤣𞤫⹁ 𞤧𞤮 𞤲𞤶𞤢𞤥𞤣𞤭 𞥑𞥑 𞤸𞤫𞥅𞤱𞤭𞤪𞤭 𞤸𞤮𞤶𞤮𞤥𞤫 𞥕𞥙⹁ 𞤸𞤢𞤨𞥆𞤵 𞤁𞤮𞤲𞤢𞤤 𞤚𞤪𞤮𞤥𞤨 𞤲𞤺𞤵𞤲 𞤸𞤮𞥅𞤪𞤫 𞤀𞤥𞤫𞤪𞤭𞤳𞤢𞥄 𞤼𞤭𞤥𞥆𞤢𞤼𞤢.
𞤅𞤮 𞤴𞤮𞤺𞤢𞥄𞤩𞤫 𞤫 𞤴𞤭𞤥𞤩𞤫 𞤥𞤢𞤳𞥆𞤮 𞤩𞤫𞤲 𞤲𞤮 𞤱𞤢𞤯𞤵𞤲𞤮𞥅 𞤫 𞤯𞤭𞤯𞤭 𞤧𞤭 𞤮 𞤭𞤥𞥆𞤮𞤼𞤮 𞤳𞤢 𞤶𞤵𞤤𞥆𞤫𞤪𞤫⹁ 𞤶𞤮𞥅𞤲𞤭 𞤤𞤢𞥄𞤩𞤭𞥅. 𞤖𞤢𞤲𞤳𞤭 𞤳𞤭𞥅𞤳𞤭𞥅𞤯𞤫 𞤮 𞤴𞤢𞤤𞤼𞤭𞤲𞥆𞤮 𞤯𞤮𞤱𞤤𞤵 𞤬𞤭𞥅 𞤱𞤢𞤴𞤲𞤭𞤼𞤢𞤺𞤮𞤤 𞤳𞤢𞤻𞤵𞤲 𞤫 𞤤𞤭𞤥𞤼𞤵𞤺𞤮𞤤 𞤺𞤮𞤤𞥆𞤫 𞤯𞤫 𞤮 𞤱𞤢𞤯𞤢𞤲𞤭 𞤀𞤥𞤫𞤪𞤭𞤳𞤢𞥄 𞤫 𞤲𞤣𞤫𞥅 𞤶𞤮𞥅𞤯𞤢𞤲𞤣𞤫 𞤱𞤢𞤶𞥆𞤫𞤪𞤫 𞤲𞤣𞤫 𞤣𞤵𞥅𞤩𞤭 𞤲𞤢𞤴𞤭. 𞤐𞤮 𞤼𞤢𞤱𞤢𞥄 𞤸𞤫𞤲 𞤳𞤮 𞤮 𞤥𞤢𞤲𞤼𞤮𞤪𞤭⹁ 𞤱𞤮𞤲𞤣𞤫𞤥𞤢 𞤮 𞤮𞤳𞥆𞤢𞥄𞤤𞤭 𞤀𞤥𞤫𞤪𞤭𞤳𞤢𞥄 𞤫 𞤱𞤮𞤤𞤣𞤫 𞤥𞤢𞤤𞥆𞤢 𞤸𞤢𞤩𞤪𞤫 𞤸𞤫𞤧𞤪𞤫. 𞤑𞤮𞤲𞤮 𞤲𞤮 𞤶𞤢𞤪𞤭 𞤳𞤢 𞤢𞤲𞤣𞤭𞤼𞤫𞤲 𞤱𞤮𞤲𞤣𞤫𞤥𞤢 𞤮 𞤤𞤭𞤺𞥆𞤭𞤼𞤭𞤪𞤲𞤮 𞤋𞤪𞤢𞤲 𞤱𞤢𞤪𞤵𞤺𞤮𞤤 𞤳𞤵𞥅𞤩𞤢𞤤𞥆𞤮 (𞤧𞤫𞤲𞤫𞤪𞤢𞤤𞤶𞤮) 𞤥𞤢𞤩𞥆𞤫 𞤭𞤲𞥆𞤫𞤼𞤫𞥅𞤯𞤮 𞤗𞤢𞥄𞤧𞤭𞤥 𞤅𞤵𞤤𞤢𞤴𞤥𞤢𞥄𞤲𞤭. 𞤅𞤭 𞤋𞤪𞤢𞤲 𞤴𞤮𞤩𞤼𞤭𞤲𞤮𞥅⹁ 𞤨𞤫𞤤𞥆𞤫𞤼 𞤯𞤵𞤥 𞤱𞤮𞤲𞤢𞤴𞤲𞤮 𞤥𞤢𞤧𞤭𞥅𞤦𞤮 𞤥𞤢𞤱𞤲𞤺𞤮.
𞤚𞤪𞤮𞤥𞤨 𞤼𞤢𞤱𞤼𞤭𞥅 𞤸𞤮𞥅𞤪𞤫𞥅𞤩𞤫 𞤯𞤭𞤯𞤭 𞤩𞤫 𞤮 𞤶𞤢𞤤𞤢𞤴𞤲𞤮𞥅⹁ 𞤔𞤮𞤪𞤺𞤶𞤵 𞤄𞤵𞥅𞤧 𞤃𞤢𞤱𞤯𞤮 𞤫 𞤔𞤭𞤥𞤭𞥅 𞤑𞤢𞤪𞤼𞤫𞤪⹁ 𞤱𞤢𞤯𞤵𞤺𞤮𞤤 𞤸𞤢𞤨𞥆𞤵 𞤺𞤮𞥅𞤼𞤮 𞤨𞤫𞤼 𞤳𞤢 𞤶𞤵𞤤𞥆𞤫𞤪𞤫. 𞤘𞤭𞤤𞤢 𞤀𞤥𞤫𞤪𞤭𞤳𞤢𞥄 𞤧𞤭𞤲𞤷𞤢𞥄⹁𞤯𞤵𞤥 𞤬𞤢𞤱𞤭𞥅 𞤣𞤵𞥅𞤩𞤭 𞤼𞤫𞥅𞤥𞤫𞤯𞥆𞤫 𞤯𞤭𞤯𞤭 𞤫 𞤷𞤢𞤨𞥆𞤢𞤲𞤯𞤫 𞤲𞤢𞤴𞤭⹁ 𞤳𞤮 𞤸𞤮𞥅𞤪𞤫𞥅𞤩𞤫 𞤧𞤢𞤨𞥆𞤮 𞤼𞤢𞤲 𞤣𞤢𞤪𞤭𞥅 𞤬𞤭𞥅 𞤶𞤮𞥅𞤯𞤢𞤲𞤣𞤫 𞤯𞤭𞤯𞤢𞤩𞤫𞤪𞤫 𞤪𞤮𞤳𞤭𞥅 𞤸𞤫𞤩𞤵𞤣𞤫. 𞤑𞤮 𞤼𞤪𞤮𞤥𞤨 𞤱𞤮𞤲𞤭 𞤧𞤢𞤨𞥆𞤢𞤩𞤮 𞤮𞤲. 𞤑𞤮 𞤳𞤢𞤲𞤳𞤮 𞤳𞤢𞤣𞤭 𞤱𞤮𞤲𞤭 𞤢𞤪𞤢𞤲𞤮 𞤫 𞤬𞤮𞤤𞥆𞤫𞥅𞤣𞤫 𞤤𞤢𞥄𞤦𞤭 𞤯𞤭𞤯𞤭. 𞤔𞤮𞥅𞤲𞤭 𞤮𞤥𞤮 𞤸𞤢𞤦𞥆𞤭𞥅 𞤻𞤢𞥄𞤱𞤫𞥅𞤣𞤫 𞤳𞤢 𞤧𞤵𞥅𞤣𞤵 𞤧𞤢𞤪𞤴𞤭𞤲𞤮 𞤥𞤢𞤱𞤲𞤣𞤵 (𞤧𞤫𞤲𞤢𞥄) 𞤦𞤢𞤯𞤼𞤢𞤲𞤫 𞤥𞤵𞤪𞤼𞤮 𞤴𞤭𞤥𞤩𞤫 𞤩𞤫 𞤮 𞤧𞤵𞤴𞤲𞤵𞤲𞤮𞥅 𞤩𞤫𞤲 𞤫 𞤲𞤦𞤢𞤼𞤵 𞤧𞤢𞤪𞤴𞤭𞤲𞤮𞥅𞤩𞤫 𞤩𞤫𞤲. 𞤑𞤮 𞤁𞤮𞤲𞤢𞤤 𞤚𞤪𞤮𞤥𞤨 𞤱𞤮𞤲𞤭 𞤳𞤢𞤣𞤭 𞤢𞤪𞤢𞤲𞤮 𞤫 𞤸𞤮𞥅𞤪𞤫𞥅𞤩𞤫 𞤀𞤥𞤫𞤪𞤭𞤳𞤢𞥄 𞤧𞤢𞤤𞤢𞥄𞤣𞤫 𞤼𞤢𞤱𞤣𞤫𞤺𞤮𞤤 𞤫 𞤶𞤢𞤩𞥆𞤮 𞤬𞤭𞥅 𞤤𞤮𞤲𞤼𞤮𞤲𞥋𞤣𞤭𞤪𞤢𞤤 𞤸𞤮𞥅𞤪𞤫𞥅𞤩𞤫.
𞤐𞤺𞤮𞥅 𞤶𞤢𞤩𞥆𞤮 𞤳𞤮 𞤸𞤢𞤲𞤣𞤫 𞤳𞤢 𞤰𞤢𞤱𞤢𞤤 (𞤥𞤭𞤣𞤭) 𞤥𞤢𞤤𞥆𞤢 𞤫 𞤲𞤶𞤢𞤥𞤣𞤭 𞥑𞥒 𞤱𞤢𞤯𞤢𞤼𞤢. 𞤑𞤮 𞤫 𞤮𞤲 𞤧𞤢𞥄𞤭 𞤯𞤮𞤲⹁ 𞤄𞤢𞤴𞤣𞤫𞤲 𞤫 𞤷𞤵𞤳𞥆𞤮 𞤥𞤢𞤳𞥆𞤮 𞤮𞤲⹁ 𞤑𞤢𞤥𞤢𞥄𞤤𞤢 𞤖𞤢𞤪𞤭𞤧⹁ 𞤱𞤮𞥅𞤲𞤣𞤭𞤲𞤼𞤫𞥅 𞤬𞤭𞥅 𞤣𞤵𞥅𞤩𞤭 𞤲𞤢𞤴𞤭 𞤸𞤮𞥅𞤪𞤫 𞤤𞤫𞤴𞤣𞤭 𞤀𞤥𞤫𞤪𞤭𞤳𞤢𞥄 𞤲𞤣𞤭𞤲.
𞤑𞤢𞤤𞤢 𞤳𞤢 𞤦𞤮𞤲𞤵𞤯𞤮 𞤢𞤪𞤣𞤭𞥅 𞤮 𞤢𞤷𞥆𞤢𞤴 𞤶𞤭𞤳𞥆𞤵 𞤥𞤢𞤳𞥆𞤮 𞤲𞤺𞤵𞤲.