𞤐𞤄𞤓𞥅𞤍𞤋 𞤈𞤓𞤅𞤑𞤋𞥅𞤇𞤉 𞤇𞤉𞤐 𞤒𞤀𞤐𞤋𞥅 𞤊𞤌𞤚𞤀

𞤄𞤢𞤯𞤼𞤢𞤲𞤫 𞤴𞤢𞤲𞤵𞤺𞤮𞤤 𞤈𞤵𞥅𞤧𞤭𞤴𞤢 𞤫 𞤓𞤳𞤪𞤢𞤴𞤲𞤢⹁ 𞤤𞤫𞤴𞤯𞤫 𞤸𞤭𞤪𞤲𞤢𞤴𞤢𞤲𞤳𞤮𞥅𞤶𞤫 𞤯𞤫𞤲⹁ 𞤼𞤫𞤲𞤼𞤭𞤲𞤭𞥅 𞤀𞤥𞤫𞤪𞤭𞤳⹁ 𞤬𞤢𞤱𞤵𞤲𞤮 𞤤𞤫𞤴𞤣𞤭 𞤈𞤵𞤧𞤳𞤭𞥅𞤩𞤫 𞤩𞤫𞤲 𞤶𞤵𞤳𞥆𞤭𞤲𞤫 𞤯𞤵𞥅𞤯𞤵𞤯𞤫.

𞤖𞤢𞤴 𞤃𞤢𞤲𞤳𞤭𞤪𞤺𞤢𞤤 𞤥𞤢𞤱𞤲𞤺𞤢𞤤 𞤈𞤵𞥅𞤧𞤭𞤴𞤢 𞤲𞤺𞤢𞤤⹁ 𞤀𞤥𞤫𞤪𞤭𞤳 𞤯𞤢𞤤𞤢𞥄𞤤𞤭. 𞤅𞤢𞤦𞤵 𞤯𞤵𞤥⹁ 𞤈𞤵𞥅𞤦𞤵𞤤⹁ 𞤲𞤦𞤵𞥅𞤯𞤭 𞤈𞤵𞥅𞤧𞤭𞤴𞤢 𞤯𞤭𞤲 𞤴𞤢𞤲𞤭𞥅 𞤬𞤮𞤼𞤢 𞤸𞤢𞤲𞤣𞤫. 𞤍𞤭 𞤩𞤮𞥅𞤪𞤭𞥅𞤳𞤫 𞤼𞤢𞤼𞤢𞤩𞤢𞤤 𞤫 𞤸𞤭𞤼𞥆𞤫𞥅𞤲𞤣𞤭 𞤥𞤢𞤶𞥆𞤭.

𞤒𞤮𞤲𞤼𞤫𞤪𞤫 𞤸𞤢𞤲𞤣𞤫 𞤸𞤢𞤪𞤭⹁ 𞤁𞤢𞤤𞤢𞤱𞤮𞤤 𞤘𞤮𞥅𞤼𞤮𞤤 𞤲𞤮 𞤶𞤢𞤪𞤭 𞤈𞤵𞥅𞤦𞤵𞤤𞤶𞤭 𞥘𞥐⹁ 𞤳𞤮𞤲𞤮 𞤸𞤢𞤲𞤣𞤫 𞤢 𞤭𞤼𞥆𞤢𞤴 𞤈𞤵𞥅𞤦𞤵𞤤𞤶𞤭 𞥑𞥐𞥕 𞤫 𞤳𞤮 𞤬𞤢𞤱𞤭 𞤧𞤮 𞤸𞤫𞤩𞤢𞥄 𞤁𞤢𞤤𞤢𞤱𞤮𞤤 𞤺𞤮𞥅𞤼𞤮𞤤.

𞤊𞤭𞥅 𞤸𞤫𞤩𞥆𞤭𞤼𞤢𞤺𞤮𞤤 𞤈𞤵𞥅𞤦𞤵𞤤𞤶𞤭 𞤯𞤭𞤲 𞤬𞤭𞥅 𞤱𞤮𞤼𞤢 𞤯𞤭 𞤴𞤢𞤲𞤵 𞤩𞤵𞤪𞤭 𞤳𞤮 𞤯𞤭 𞤴𞤢𞤲𞤭 𞤳𞤮𞤲⹁ 𞤃𞤢𞤲𞤳𞤭𞤪𞤺𞤢𞤤 𞤃𞤢𞤱𞤲𞤺𞤢𞤤 𞤈𞤵𞥅𞤧𞤭𞤴𞤢 𞤲𞤺𞤢𞤤 𞤩𞤫𞤴𞤣𞤭𞥅 𞤪𞤭𞤦𞤢𞥄𞤪𞤭 𞤲𞤣𞤭𞤲. 𞤘𞤭𞤤𞤢 𞤸𞤢𞤲𞤣𞤫 𞤥𞤮 𞤻𞤢𞤱𞤤𞤭𞤳𞤫 𞥑𞥐𞥐⹁ 𞤳𞤮 𞥑𞥒𞥐 𞤮𞤲𞤼𞤭𞤺𞤭 𞤴𞤮𞤩𞤭𞤼𞤭𞤪𞤼𞤢𞥄. 𞤀𞤣𞤮 𞤸𞤢𞤲𞤣𞤫⹁ 𞤸𞤢𞤪𞤭 𞤥𞤮 𞤻𞤢𞤱𞤤𞤭𞤲𞤮𞤳𞤫 𞥑𞥐𞥐⹁ 𞤳𞤮 𞤧𞤢𞤨𞥆𞤮 𞤱𞤮𞤲𞤵𞤲𞤮𞥅 𞤪𞤭𞤦𞤢𞥄𞤪𞤭 𞤲𞤣𞤭𞤲.

𞤑𞤵𞤤𞤮𞤤 𞤱𞤮𞤼𞤢 𞤲𞤦𞤵𞥅𞤯𞤭 𞤤𞤫𞤤𞥆𞤵 𞤳𞤢 𞤥𞤢𞤲𞤳𞤭𞤪𞤯𞤫⹁ 𞤈𞤵𞤧𞤳𞤭𞥅𞤩𞤫 𞤯𞤵𞥅𞤯𞤵𞤩𞤫 𞤬𞤵𞤯𞥆𞤭𞤳𞤫 𞤴𞤢𞤤𞤼𞤭𞤲𞤣𞤫 𞤲𞤦𞤵𞥅𞤯𞤭 𞤥𞤢𞤩𞥆𞤫 𞤯𞤭𞤲 𞤳𞤢 𞤥𞤢𞤲𞤳𞤭𞤪𞤯𞤫.

𞤉 𞤸𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤤𞤫𞤴𞤯𞤫 𞤉𞤪𞤮𞤨 𞤯𞤫𞤲 𞤫 𞤔𞤢𞤨𞤢𞤲 𞤬𞤢𞤱𞤭𞥅 𞤈𞤵𞥅𞤧𞤭𞤴𞤢 𞤪 𞤳𞤮𞤸𞤮𞥅𞤩𞤫 𞤥𞤵𞤵𞤲 𞤶𞤵𞤳𞥆𞤭𞤲𞤫. 𞤔𞤮𞥅𞤲𞤭⹁ 𞤷𞤮𞤺𞥆𞤵 𞤨𞤭𞥅𞤶𞤭 𞤭𞤱𞤢𞤪𞤴𞤯𞤭 𞤯𞤭𞤲 𞤉𞤪𞤮𞤨 𞤲𞤮 𞤩𞤫𞤴𞤣𞤢𞥄𞤣𞤫.

𞤏𞤢𞤯𞤭𞥅 𞤣𞤵𞥅𞤩𞤭 𞤦𞤵𞤴⹁ 𞤈𞤵𞥅𞤧𞤭𞤴𞤢 𞤫 𞤓𞤳𞤪𞤢𞤴𞤲𞤢 𞤱𞤫𞤤𞤣𞤢𞥄. 𞤚𞤫𞤲𞤼𞤭𞤲𞤭𞥅 𞤺𞤭𞤤𞤢 𞤜𞤭𞤳𞤼𞤮𞥅𞤪 𞤒𞤢𞤲𞤵𞤳𞤮𞤱𞥆𞤭𞤷 𞤭𞤼𞥆𞤢𞥄 𞤸𞤮𞥅𞤪𞤫 𞤓𞤳𞤪𞤢𞤴𞤲𞤢 𞤫 𞥒𞥐𞥑𞥔 𞤲𞤣𞤫 𞤮 𞤧𞤢𞤤𞤭𞤲𞤮𞥅 𞤲𞤫𞤱𞤲𞤵𞤣𞤫 𞤼𞤢𞤱𞤼𞤵𞤺𞤮𞤤 𞤳𞤢𞤱𞤼𞤭𞤼𞤢𞤤 𞤫 𞤆𞤮𞤼𞥆𞤢𞤤 𞤉𞤪𞤮𞤨 𞤧𞤢𞤦𞤵 𞤱𞤫𞤤𞤣𞤭𞥅𞤺𞤢𞤤 𞤥𞤢𞤳𞥆𞤮 𞤫 𞤏𞤭𞤤𞤢𞤣𞤥𞤭𞥅𞤪 𞤆𞤵𞤼𞤭𞤲⹁ 𞤸𞤮𞥅𞤪𞤫𞥅𞤶𞤮 𞤈𞤵𞥅𞤧𞤭𞤴𞤢 𞤮𞤲.

𞤆𞤵𞤼𞤭𞤲 𞤴𞤭𞤯𞤢𞥄 𞤓𞤳𞤪𞤢𞤴𞤲𞤢 𞤲𞤮 𞤱𞤮𞤲𞤭 𞤩𞤢𞤣𞤼𞤮𞤪𞤣𞤫 𞤲𞤮𞤲 𞤆𞤮𞤼𞥆𞤢𞤤 𞤉𞤪𞤮𞤨 𞤲𞤺𞤢𞤤 𞤳𞤢𞤻𞤵𞤲 𞤫 𞤤𞤫𞤴𞤯𞤫 𞤖𞤭𞤪𞤲𞤢𞤴𞤢𞤲𞤳𞤮𞥅𞤶𞤫 𞤯𞤫𞤲. 𞤑𞤮 𞤩𞤵𞤪𞤭 𞤥𞤫𞤼𞥆𞤭𞤲𞤣𞤫 𞤩𞤫𞤪𞤲𞤣𞤫 𞤆𞤵𞤼𞤭𞤲 𞤲𞤣𞤫𞤲⹁ 𞤳𞤮 𞤲𞤣𞤫 𞤓𞤳𞤪𞤢𞤴𞤲𞤢 𞤫𞤩𞥆𞤵𞤲𞤮𞥅 𞤼𞤢𞤱𞤼𞤵𞤺𞤮𞤤 𞤌𞤼𞤢𞤲. 𞤌𞤼𞤢𞤲 𞤳𞤮 𞤐𞤶𞤵𞤩𞥆𞤵𞤣𞤭 𞤔𞤮𞤺𞤮𞤲’𞤣𞤭𞤪𞤢𞤤 𞤐𞤢𞤲𞥆𞤢𞥄𞤲𞤺𞤫 𞤀𞤼𞤤𞤢𞤲𞤼𞤭𞤳. 𞤂𞤫𞤴𞤯𞤫 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭 𞤲𞤮 𞤼𞤢𞤱𞤢𞥄 𞤫 𞤲𞤣𞤭𞥅 𞤲𞤶𞤵𞤩𞤵𞤣𞤭.

𞤊𞤢𞥄𞤲𞤣𞤢𞥄𞤪𞤫 𞤲𞤣𞤭𞥅 𞤲𞤶𞤵𞤩𞥆𞤵𞤣𞤭 𞤳𞤮 𞤸𞤭𞤱𞤭𞤼𞤢𞤺𞤮𞤤 𞤫 𞤣𞤢𞤯𞤲𞤭𞤲’𞤣𞤭𞤪𞤺𞤮𞤤.

𞤊𞤢𞥄 𞥑𞥙𞥙𞥑⹁ 𞤓𞤳𞤪𞤢𞤴𞤲𞤢 𞤫 𞤈𞤵𞥅𞤧𞤭𞤴𞤢 𞤳𞤮 𞤫 𞤤𞤫𞤴𞤣𞤭 𞤱𞤮𞥅𞤼𞤭𞤪𞤭 𞤱𞤭𞤫𞤼𞤫𞥅𞤲𞤣𞤭 𞤆𞤮𞤼𞥆𞤢𞤤 𞤅𞤮𞥅𞤱𞤭𞤴𞤫𞥅𞤼𞤴𞤢𞤲𞤳𞤮𞤱𞤢𞤤 𞤶𞤫𞤴𞤢𞤲𞤮𞥅. 𞤘𞤭𞤤𞤢 𞤲𞤣𞤭𞤲 𞤤𞤫𞤴𞤣𞤭 𞤬𞤵𞤧𞤭⹁ 𞤤𞤫𞤴𞤯𞤫 𞤼𞤢𞤼𞤭 𞤼𞤢𞤱𞤢𞤲𞤮𞥅𞤯𞤫 𞤫 𞤥𞤢𞤴𞤪𞤭 𞤼𞤢𞤱𞤼𞤭𞥅 𞤲𞤶𞤵𞤩𞥆𞤵𞤣𞤭 𞤌𞤼𞤢𞤲 𞤲𞤣𞤭𞤲. 𞤂𞤫𞤴𞤯𞤫 𞥑𞥑 𞤳𞤢𞤣𞤭 𞤱𞤮𞤲𞤵𞤲𞤮𞥅𞤯𞤫 𞤫 𞤤𞤫𞤴 𞤬𞤫𞤱𞤶𞤮𞥅𞤪𞤫 𞤃𞤮𞤧𞤳𞤵 𞤲𞤣𞤫𞤲⹁ 𞤼𞤢𞤱𞤼𞤭𞥅𞤲𞤮 𞤌𞤼𞤢𞤲.

𞤘𞤭𞤤𞤢 𞤆𞤵𞤼𞤭𞤲 𞤤𞤢𞥄𞤥𞤭𞥅⹁ 𞤧𞤢𞤺𞤮 𞤥𞤢𞤳𞥆𞤮⹁ 𞤤𞤫𞤴𞤣𞤭 𞤸𞤢𞤴 𞤱𞤮𞥅𞤼𞤭𞤪𞤭 𞤱𞤮𞤲𞤭𞤪𞤲𞤣𞤭 𞤳𞤢 𞤊𞤵𞤯𞤲𞤢𞥄𞤲𞤺𞤫 𞤉𞤪𞤮𞤨 𞤱𞤮𞤲𞤢𞥄 𞤴𞤮 𞤼𞤢𞤱𞤼𞤵 𞤲𞤺𞤢𞤤 𞤔𞤮𞤺𞤮𞤲’𞤣𞤭𞤪𞤢𞤤. 𞤏𞤵𞤪𞤭𞤲 𞤳𞤮 𞤮 𞤬𞤢𞥄𞤤𞤢𞥄⹁ 𞤳𞤮 𞤴𞤮 𞤌𞤼𞤢𞤲 𞤴𞤢𞤤𞤼𞤭𞤲 𞤶𞤮𞤺𞤫 𞤫 𞤢𞥄𞤤𞤢𞥄𞤶𞤭 𞤥𞤵𞤵𞤲 𞤸𞤢𞤩𞤭𞤪𞤯𞤭 𞤯𞤭𞤲 𞤫 𞤲𞤣𞤫𞤪 𞤯𞤫𞥅 𞤤𞤫𞤴𞤯𞤫 𞥑𞥔 𞤼𞤢𞤱𞤼𞤵𞤯𞤫 𞤔𞤮𞤺𞤮𞤲’𞤣𞤭𞤪𞤢𞤤 𞤲𞤺𞤢𞤤 𞤺𞤭𞤤𞤢 𞥑𞥙𞥙𞥗.

𞤐𞤶𞤵𞤩𞥆𞤵𞤣𞤭 𞤌𞤼𞤢𞤲 𞤲𞤣𞤭𞤲 𞤫 𞤯𞤫𞥅 𞤤𞤫𞤴𞤯𞤫 𞥑𞥔 𞤱𞤭𞤭 𞤯𞤵𞤥 𞤱𞤢𞤯𞤢𞤼𞤢𞥄.

𞤙𞤢𞤤𞤲𞤣𞤫 𞥒𞥔 𞤕𞤮𞤤𞤼𞤮 𞥒𞥐𞥒𞥒⹁ 𞤆𞤵𞤼𞤭𞤲 𞤴𞤢𞤥𞤭𞤪𞤭 𞤳𞤮𞤲𞤵 𞤥𞤢𞤳𞥆𞤮 𞤲𞤺𞤵𞤲 𞤲𞤢𞥄𞤼𞤵𞤺𞤮𞤤 𞤫 𞤲𞤣𞤫𞤪 𞤓𞤳𞤪𞤢𞤴𞤲𞤢. 𞤘𞤭𞤤𞤢 𞤲𞤣𞤫𞤲 𞤻𞤢𞤤𞤲𞤣𞤫⹁ 𞤯𞤫𞥅 𞤤𞤫𞤴𞤯𞤫 𞤯𞤭𞤯𞤭 𞤲𞤮 𞤸𞤢𞤩𞤵𞤣𞤫. 𞤅𞤮𞥅𞤪𞤭𞥅𞤩𞤫 𞤈𞤵𞥅𞤧𞤭𞤴𞤢 𞤩𞤫𞤲 𞤩𞤢𞤣𞤭𞤳𞤫 𞤑𞤭𞤴𞤫𞤬⹁ 𞤤𞤢𞥄𞤥𞤮𞤪𞤣𞤫 𞤓𞤳𞤪𞤢𞤴𞤲𞤢 𞤲𞤣𞤫𞤲.

𞤈𞤵𞥅𞤧𞤭𞤴𞤢 𞤫 𞤓𞤳𞤪𞤢𞤴𞤲𞤢 𞤬𞤮𞤼𞤢𞤼𞤢𞥄 𞤣𞤮𞥅𞤤𞤫. 𞤅𞤭 𞤸𞤢𞤴 𞤺𞤮𞥅𞤼𞤮 𞤬𞤢𞥄𞤦𞤢𞥄𞤳𞤭 𞤓𞤳𞤪𞤢𞤴𞤲𞤢⹁ 𞤆𞤵𞤼𞤭𞤲 𞤶𞤮𞥅𞤯𞥆𞤭𞤲𞤮𞤴𞤢𞤴 𞤤𞤢𞥄𞤥𞤯𞤮 𞤥𞤮 𞤮 𞤬𞤢𞥄𞤤𞤢𞥄 𞤑𞤭𞤴𞤫𞤬. 𞤓𞤳𞤪𞤢𞤴𞤲𞤢𞥄𞤩𞤫 𞤩𞤫𞤲 𞤲𞤮 𞤢𞥄𞤣𞤭𞥅 𞤱𞤮𞤲𞤣𞤫𞤥𞤢 𞤯𞤵𞤥 𞤱𞤢𞤯𞤢𞤼𞤢𞥄.