𞤔𞤌𞤐 𞤃𞤀𞤘𞤓𞤊𞤓𞤂𞤋⹁ 𞤖𞤌𞥅𞤈𞤉𞥅𞤔𞤌 𞤚𞤀𞤐𞤅𞤀𞤐𞤋𞤒𞤀 𞤌𞤐 𞤃𞤀𞥄𞤒𞤋𞥅

𞤔𞤮𞤲 𞤃𞤢𞤺𞤵𞤬𞤵𞤤𞤭⹁ 𞤸𞤮𞥅𞤪𞤫𞥅𞤶𞤮 𞤚𞤢𞤲𞤧𞤢𞤲𞤭𞤴𞤢 𞤮𞤲 𞤥𞤢𞥄𞤴𞤭𞥅 𞤸𞤢𞤲𞤣𞤫 𞤫 𞤐𞤶𞤫𞤧𞤤𞤢𞥄𞤪𞤫⹁ 𞤻𞤢𞤤𞤲𞤣𞤫 𞥑𞥗 𞤐𞤦𞤮𞥅𞤴𞤮 𞥒𞥐𞥒𞥑. 𞤖𞤢𞤪𞤭 𞤳𞤮 𞤣𞤵𞥅𞤩𞤭 𞥖𞥑 𞤮 𞤥𞤢𞤪𞤭. 𞤂𞤢𞥄𞤥𞤵 𞤲𞤺𞤵𞤲 𞤸𞤮𞤤𞥆𞤭𞤼𞤭𞥅 𞤱𞤮𞤲𞤣𞤫𞤥𞤢 𞤳𞤮 𞤻𞤢𞤱𞤵 𞤩𞤫𞤪𞤲𞤣𞤫 𞤱𞤮𞤲𞤭 𞤧𞤢𞤦𞤵 𞤥𞤢𞥄𞤴𞤣𞤫 𞤥𞤢𞤳𞥆𞤮.
𞤇𞤵𞤪𞤭𞥅 𞤶𞤮𞤲𞤼𞤫 𞤯𞤭𞤯𞤭 𞤺𞤭𞤤𞤢 𞤮 𞤱𞤢𞤴𞤪𞤢𞥄 𞤴𞤭𞤫𞥅𞤣𞤫 𞤫 𞤳𞤫𞤲𞤫⹁ 𞤸𞤢𞥄 𞤤𞤭𞤣𞥆𞤭𞥅𞤩𞤫 𞤥𞤮 𞤩𞤫𞤲 𞤤𞤢𞤲𞤣𞤭𞥅 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤 𞤢𞤲𞤣𞤭𞤲𞤺𞤮𞤤 𞤴𞤭𞤥𞤩𞤫 𞤩𞤫𞤲 𞤳𞤢 𞤮 𞤱𞤮𞤲𞤭. 𞤑𞤢𞤥𞤩𞤫⹁ 𞤩𞤫 𞤼𞤵𞥅𞤥𞤵𞤲𞤮 𞤥𞤮 𞤱𞤮𞤲𞤣𞤵𞤺𞤮𞤤 𞤫 𞤻𞤢𞤱𞤵 𞤑𞤮𞤾𞤭𞤣-𞥑𞥙 𞤲𞤺𞤵𞤲. 𞤑𞤮𞤲𞤮 𞤯𞤵𞤥 𞤼𞤢𞤦𞤭𞤲𞤼𞤭𞤲𞤢𞥄𞤳𞤢 𞤼𞤢𞤸𞤮. 𞤑𞤵𞤯𞤮𞤤 𞤬𞤭𞥅 𞤯𞤵𞤥 𞤳𞤢 𞤴𞤫𞤱𞤼𞤢𞥄 𞤲𞤮 𞤯𞤮𞤮: 𞤖𞤌𞤂 𞤚𞤌 𞤔𞤌𞤐 𞤃𞤀𞤘𞤓𞤊𞤓𞤂𞤋 𞤏𞤌𞤐𞤋؟
𞤑𞤮 𞤫 𞥒𞥐𞥑𞥕 𞤃𞤢𞤺𞤵𞤬𞤵𞤤𞤭𞥅 𞤤𞤢𞥄𞤼𞤭𞥅 𞤸𞤮𞥅𞤪𞤫𞥅𞤶𞤮 𞤚𞤢𞤲𞤧𞤢𞤲𞤭𞤴𞤢 𞤮𞤲. 𞤑𞤮 𞤪𞤮𞤱𞤢𞤲𞤭 𞤫 𞥒𞥐𞥒𞥐 𞤮 𞤶𞤮𞥅𞤯𞤭𞤼𞤭𞥅 𞤳𞤢𞤣𞤭 𞤳𞤢 𞤶𞤵𞤤𞥆𞤫𞤪𞤫.
𞤌𞤥𞤮 𞤢𞤷𞥆𞤭 𞤩𞤫𞤴𞤲𞤺𞤵 𞤫 𞤩𞤭𞤯𞤩𞤫 𞤯𞤭𞤯𞤮. 𞤅𞤮 𞤼𞤢𞤦𞤭𞤼𞤭𞥅 𞤳𞤮 𞤑𞤮𞤾𞤭𞤣-𞥑𞥙 𞤱𞤮𞤲𞤭 𞤧𞤢𞤦𞤵 𞤥𞤢𞥄𞤴𞤣𞤫 𞤃𞤢𞤺𞤵𞤬𞤵𞤤𞤭 𞤲𞤣𞤫𞤲⹁ 𞤸𞤢𞤪𞤢𞤴 𞤳𞤮 𞤳𞤢𞤲𞤳𞤮 𞤱𞤮𞤲𞤭 𞤯𞤭𞤯𞤢𞤩𞤮 𞤫 𞤸𞤮𞥅𞤪𞤫𞥅𞤩𞤫 𞤀𞤬𞤪𞤭𞤳𞤢𞥄 𞤩𞤫 𞤑𞤮𞤾𞤭𞤣-𞥑𞥙 𞤱𞤢𞤪𞤭. 𞤀𞤪𞤢𞤲𞤮 𞤮𞤲 𞤳𞤮 𞤆𞤭𞤴𞤫𞤪 𞤑𞤵𞤪𞤵𞤲𞤧𞤭𞤧𞤢⹁ 𞤤𞤢𞥄𞤼𞤭𞤲𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤄𞤵𞤪𞤵𞤲𞤣𞤭𞥅 𞤮𞤲. 𞤌𞤲 𞤯𞤮𞤲 𞤳𞤢𞤣𞤭⹁ 𞤶𞤢𞥄𞤺𞤮𞤪𞤢𞤤 𞤥𞤢𞤳𞥆𞤮 𞤲𞤺𞤢𞤤 𞤱𞤭𞤵𞤲𞤮 𞤳𞤮 𞤼𞤢𞤰𞤵 𞤩𞤫𞤪𞤲𞤣𞤫 𞤱𞤮𞤲𞤵𞤲𞤮𞥅 𞤧𞤢𞤦𞤵 𞤥𞤢𞤳𞥆𞤮⹁ 𞤳𞤮𞤲𞤮 𞤲𞤮 𞤢𞤲𞤣𞤢𞥄 𞤳𞤢𞤲𞤳𞤮 𞤫 𞤴𞤵𞤥𞥆𞤢 𞤥𞤢𞤳𞥆𞤮 𞤬𞤮𞤱 𞤳𞤮 𞤑𞤮𞤾𞤭𞤣-𞥑𞥙 𞤱𞤢𞤪𞤭 𞤩𞤫. 𞤑𞤵𞤪𞤵𞤲𞤧𞤭𞤧𞤢 𞤳𞤮 𞤣𞤵𞥅𞤩𞤭 𞥕𞥕 𞤨𞤫𞤼 𞤥𞤢𞤪𞤵𞤲𞤮𞥅 𞤬𞤫𞤱𞤲𞤣𞤮 𞤮 𞤥𞤢𞥄𞤴𞤭.
𞤐𞤣𞤫𞥅 𞤲𞤢𞤱𞤲𞤢𞥄𞤪𞤫 𞤤𞤫 𞤳𞤮 𞤺𞤮𞥅𞤲𞤺𞤢. 𞤐𞤣𞤫 𞤼𞤢𞤱𞤵𞤲𞤮𞥅 𞤲𞤣𞤫 𞤢𞤤𞤢𞥄 𞤤𞤫𞤳𞥆𞤭⹁ 𞤨𞤢𞤣𞥆𞤵𞤤𞤫 𞤯𞤫𞤲 (𞤱𞤢𞤳𞤧𞤫𞤲) 𞤳𞤢𞤣𞤭 𞤱𞤫𞥅𞤩𞤢𞤲𞤢𞥄𞤤𞤭 𞤴𞤭𞤥𞤩𞤫 𞤩𞤫𞤲 𞤬𞤮𞤱 𞤼𞤢𞤸𞤮⹁ 𞤳𞤮 𞤪𞤫𞤲𞤼𞤢𞤺𞤮𞤤 𞤫 𞤪𞤢𞥄𞤩𞤭𞤲𞤢𞤴𞤯𞤭 𞤯𞤭𞤲 𞤩𞤵𞤪𞤭 𞤫 𞤥𞤵𞤰𞥆𞤵𞤣𞤫.
𞤍𞤭𞤲 𞤳𞤮:
𞥑 – 𞤔𞤓𞥅𞤍𞤉 𞤍𞤉𞤐, 𞤤𞤮𞥅𞤼𞤢 𞤯𞤫 𞤧𞤮𞥅𞤲𞤮 𞤳𞤢𞤤𞤢. 𞤌𞤲𞤼𞤭𞤺𞤭 𞤧𞤮𞥅𞤯𞤮𞤪𞤢 𞤧𞤢𞥄𞤦𞤵𞤲𞤣𞤫 𞤫 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲
𞥒 – 𞤅𞤌𞤇𞥆𞤓𞤐𞥋𞤁𞤓 𞤐𞤁𞤓𞤐⹁ 𞤯𞤮𞤶𞥆𞤢 𞤥𞤢𞥄 𞤭𞥅𞤤𞤢 𞤫 𞤲𞤣𞤫𞤪 𞤥𞤢𞤴𞤪𞤵.
𞥓 – 𞤒𞤉𞥅𞤅𞤌 𞤐𞤘𞤌𞤐⹁ 𞤱𞤮𞤼𞤢 𞤮𞤲𞤼𞤭𞤺𞤭 𞤥𞤫𞥅𞤥𞤵 𞤲𞤺𞤮⹁ 𞤼𞤫𞤲𞤼𞤭𞤲𞤭𞥅 𞤧𞤮 𞤶𞤵𞥅𞤯𞤫 𞤯𞤫𞤲 𞤤𞤢𞥄𞤩𞤢𞥄.
𞥔 – 𞤚𞤉𞤆𞥆𞤉 𞤚𞤀𞤚𞤋⹁ 𞤴𞤮 𞤯𞤵𞤥 𞤱𞤮𞤲𞤵 𞤸𞤢𞤳𞥆𞤵𞤲’𞤣𞤫 𞤮𞤲𞤼𞤭𞤺𞤭 𞤫 𞤴𞤭𞤥𞤩𞤫 𞤩𞤫𞤲.
𞥕 – 𞤃𞤌 𞤅𞤌𞤋𞥅 𞤲𞤢𞤱𞤲𞤵𞤣𞤫⹁ 𞤴𞤮 𞤤𞤵𞤼𞥆𞤵 𞤳𞤢 𞤧𞤵𞥅𞤣𞤵 𞤥𞤵𞤵𞤲.
𞥖 – 𞤅𞤓𞥅𞤃𞤀 𞤳𞤭𞤲𞤢𞤤 𞤲𞤺𞤢𞤤 𞤫 𞤸𞤵𞤲𞤣𞤵𞤳𞤮 𞤳𞤮𞤲 𞤧𞤮 𞤼𞤢𞤱𞤭𞥅 𞤮𞤲𞤼𞤭𞤺𞤭 𞤴𞤢𞤤𞤼𞤢𞤴.