𞤋𞤧𞤪𞤢𞥄𞤴𞤭𞥅𞤤𞤢: 𞤄𞤫𞤲𞤴𞤢𞤥𞤭𞥅𞤲 𞤪𞤮𞤲𞤳𞤵 𞤶𞤵𞤤𞥆𞤫 𞥖𞥑

𞤑𞤮 𞤄𞤫𞤲𞤴𞤢𞤥𞤭𞥅𞤲 𞤐𞤫𞤼𞤴𞤢𞤸𞤵𞥅⹁ 𞤢𞤪𞤣𞤮 𞤤𞤢𞥄𞤥𞤵 𞤲𞤺𞤵𞤲 𞤋𞤧𞤪𞤢𞥄𞤭𞥅𞤤𞤢⹁ 𞤱𞤮𞤲𞤯𞤮 𞤳𞤢𞤣𞤭 𞤸𞤮𞥅𞤪𞤫𞥅𞤶𞤮 𞤬𞤫𞤣𞥆𞤫 𞤭𞤲𞥆𞤫𞤼𞤫𞥅𞤲𞤣𞤫 𞤂𞤭𞤳𞤵𞤣⹁ 𞤱𞤮𞤲𞤭 𞤳𞤮 𞤸𞤮𞥅𞤪𞤫𞥅𞤶𞤮 𞤋𞤧𞤪𞤢𞥄𞤭𞥅𞤤𞤢 𞤮𞤲⹁ 𞤈𞤵𞥅𞤾𞤫𞤲 𞤈𞤭𞤬𞤤𞤭𞥅𞤲⹁ 𞤧𞤵𞤩𞤭𞥅 𞤬𞤭𞥅 𞤶𞤮𞤯𞥆𞤭𞤲𞤼𞤭𞤲𞤺𞤮𞤤 𞤤𞤢𞥄𞤥𞤵 𞤲𞤺𞤵𞤲. 

𞤄𞤢𞤯𞤼𞤢𞤲𞤫 𞤧𞤵𞤩𞤮 𞤱𞤢𞤯𞤵 𞤲𞤺𞤮𞤲 𞤻𞤢𞤤𞤲𞤣𞤫 𞥑𞥗 𞤅𞤭𞤤𞤼𞤮⹁ 𞤬𞤫𞤣𞥆𞤫 𞤸𞤢𞤴 𞤱𞤮𞥅𞤼𞤫𞤪𞤫 𞤸𞤫𞤩𞤢𞥄𞤤𞤭 𞤫𞤥𞤦𞤫𞤪𞤫 𞤶𞤵𞤤𞥆𞤫 𞤼𞤮𞤯𞥆𞤢𞥄𞤯𞤫 𞤯𞤫𞤲 𞤬𞤭𞥅 𞤤𞤢𞥄𞤥𞤢𞤺𞤮𞤤. 𞤍𞤵𞤲 𞤳𞤮 𞤶𞤵𞤤𞥆𞤫 𞥖𞥑. 𞤂𞤭𞤳𞤵𞥅𞤣 𞤳𞤮 𞥓𞥒 𞤸𞤫𞤩𞤭⹁ 𞤦𞤢𞤳𞤢-𞤫-𞤣𞤢𞤲𞤫 𞤸𞤫𞤩𞤭 𞥓𞥓. 

𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲 𞤶𞤮𞤲𞥆𞤭𞥅 𞤄𞤫𞤲𞤴𞤢𞤥𞤭𞥅𞤲 𞤦𞤢𞤤𞤯𞤫 𞥒𞥘 𞤣𞤭𞥅𞤧𞤮𞤲’𞤣𞤭𞤪𞤺𞤮𞤤 𞤫 𞤨𞤫𞤤𞥆𞤫 𞤸𞤫𞤣𞥆𞤭𞥅𞤯𞤫 𞤯𞤫𞤲 𞤲𞤺𞤢𞤥 𞤲𞤮 𞤮 𞤸𞤫𞤩𞤭𞤪𞤢 𞤶𞤵𞤤𞥆𞤫 𞥖𞥑. 𞤑𞤮𞤲𞤮 𞤲𞤫𞥅𞤩𞤢𞤼𞤢𞥄 𞤼𞤭𞤥𞥆𞤢 𞤴𞤮𞤲𞤼𞤫𞤪𞤫 𞤺𞤭𞤤𞤢 𞤮 𞤼𞤮𞤯𞥆𞤢𞥄 𞤴𞤮 𞤮 𞤲𞤣𞥆𞤢𞤪𞤵 𞤧𞤭 𞤮 𞤱𞤢𞥄𞤱𞤢𞤴 𞤸𞤫𞤩𞤵𞤣𞤫 𞤯𞤫𞤲 𞤶𞤵𞤤𞥆𞤫. 𞤅𞤭 𞤮 𞤱𞤢𞥄𞤱𞤢𞥄𞤤𞤭⹁ 𞤮 𞤪𞤵𞤼𞥆𞤮𞤼𞤮 𞤫 𞤤𞤢𞥄𞤥𞤯𞤮 𞤮𞤲 𞤬𞤭𞥅 𞤲𞤮 𞤮𞤲𞤯𞤮𞤲 𞤼𞤮𞤯𞥆𞤮𞤪𞤢 𞤘𞤢𞤲𞤧⹁ 𞤸𞤮𞥅𞤪𞤫𞥅𞤶𞤮 𞤬𞤫𞤣𞥆𞤫 𞤄𞤢𞤳𞤢-𞤫-𞤁𞤢𞤲𞤫 𞤲𞤣𞤫𞤲. 

𞤑𞤢 𞤬𞤫𞤱𞤲𞤣𞤭𞥅 𞤯𞤮𞥅 𞤸𞤢𞤲𞤣𞤫⹁ 𞤄𞤫𞤲𞤴𞤢𞤥𞤭𞥅𞤲 𞤪𞤮𞤲𞤳𞤵 𞤲𞤮 𞤮 𞤥𞤮𞥅𞤩𞤼𞤭𞤲’𞤣𞤭𞤪𞤢 𞤶𞤵𞤤𞥆𞤫 𞥖𞥑. 𞤚𞤭𞤶𞥆𞤢𞥄𞤳𞤢 𞤳𞤢𞤣𞤭 𞤲𞤣𞤫 𞤮 𞤱𞤢𞥄𞤱𞤭 𞤥𞤮𞥅𞤩𞤼𞤭𞤲’𞤣𞤭𞤪𞤣𞤫 𞤯𞤫𞤲. 𞤑𞤮𞤲𞤮 𞤲𞤮𞤲⹁ 𞤩𞤢𞤴𞤼𞤭 𞤳𞤮 𞤢𞤲𞤣𞤭𞤪𞤢𞥄𞤯𞤮 𞤴𞤭𞥅𞤤𞤢 𞤴𞤭𞥅𞤤𞤼𞤢 𞤬𞤭𞥅 𞤤𞤢𞥄𞤥𞤵⹁ 𞤮𞤥𞤮 𞤸𞤫𞤯𞤢𞥄 𞤸𞤢𞥄 𞤻𞤢𞤤𞤲𞤣𞤫 𞤦𞤢𞤤𞤯𞤫 𞥒𞥘 𞤯𞤫𞤲 𞤼𞤭𞤥𞥆𞤭. 

𞤅𞤮 𞤼𞤢𞤱𞤭𞥅 𞤸𞤢𞤴 𞤺𞤮𞥅𞤼𞤮 𞤫 𞤩𞤫𞥅 𞤯𞤭𞤯𞤮 𞤱𞤢𞥄𞤱𞤢𞥄𞤤𞤭 𞤸𞤫𞤩𞤵𞤣𞤫 𞤶𞤵𞤤𞥆𞤫 𞥖𞥑 𞤼𞤮𞤯𞤢𞥄𞤯𞤫 𞤯𞤫𞤲⹁ 𞤧𞤵𞤩𞤮 𞤲𞤺𞤮𞤲 𞤬𞤵𞤯𞥆𞤭𞤼𞤫𞤼𞤫 𞤳𞤢𞤣𞤭. 𞤋𞤧𞤪𞤢𞥄𞤭𞥅𞤤𞤢𞥄𞤩𞤫 𞤩𞤫𞤲 𞤬𞤢𞥄𞤤𞤢𞥄𞤳𞤢 𞤯𞤵𞤲⹁ 𞤧𞤢𞤦𞤵𞤲𞤢 𞤱𞤮𞤲𞤢𞤴 𞤤𞤢𞥄𞤦𞤭 𞤼𞤢𞤼𞤭 𞤫 𞤲𞤣𞤫𞤪 𞤸𞤭𞤼𞤢𞥄𞤲𞤣𞤫 𞤱𞤮𞥅𞤼𞤫𞤪𞤫⹁ 𞤫𞤩𞤫 𞤲𞤮𞤣𞥆𞤭𞤼𞤫𞥅𞤣𞤫 𞤬𞤭𞥅 𞤧𞤵𞤩𞤮