𞤅𞤵𞤩𞤮 𞤲𞤺𞤮𞤲 𞤄𞤭𞤧𞤢𞤱𞤮𞥅

𞤄𞤢𞤯𞤼𞤢𞤲𞤫 𞤧𞤵𞤩𞤮 𞤱𞤢𞤯𞤵 𞤲𞤺𞤮 𞤲𞤺𞤮𞤲 𞤪𞤮𞤱𞤢𞤲𞤭 𞤻𞤢𞤤𞤲𞤣𞤫 𞥒𞥙 𞤄𞤮𞤱𞤼𞤫⹁ 𞤘𞤮𞥅𞤥𞤵 𞤐𞤘𞤫𞤲𞤣𞤭𞤴𞤢𞤲𞤳𞤮𞥅𞤪𞤵 𞤸𞤢𞤤𞤬𞤭𞤲𞤢𞥄𞤲𞤣𞤵 𞤬𞤭𞥅 𞤅𞤵𞤩𞤮 𞤲𞤺𞤮𞤲⹁ 𞤸𞤮𞤤𞥆𞤵𞤼𞤵𞤲𞤮 𞤱𞤮𞤲𞤣𞤫 𞤳𞤮 𞤥𞤮𞥅𞤣𞤭 𞤓𞤥𞤢𞤪𞤵 𞤅𞤭𞥅𞤧𞤮𞤳𞤮𞥅 𞤐𞤦𞤢𞤤𞥆𞤮  𞤬𞤮𞥅𞤤𞤭. 𞤑𞤮𞤲𞤮 𞤺𞤭𞤤𞤢 𞤯𞤵𞤥 𞤱𞤢𞤯𞤭⹁ 𞤶𞤭𞤩𞤭-𞤤𞤭𞤩𞤭 𞤲𞤮 𞤱𞤢𞤯𞤭 𞤘𞤭𞤲𞤫 𞤄𞤭𞤧𞤢𞤱𞤮𞥅⹁ 𞤧𞤢𞤦𞤵 𞤁𞤮𞤥𞤭𞤲𞤺𞤮𞥅𞤧 𞤅𞤭𞤥𞤮𞤲 𞤆𞤫𞤪𞤫𞥅𞤪𞤢 𞤱𞤵𞤤𞥆𞤭𞤼𞤭𞤳𞤫 𞤱𞤮𞤲𞤣𞤫 𞤳𞤮 𞤶𞤢𞤲𞤬𞤢 𞤃𞤮𞥅𞤣𞤭 𞤓𞤥𞤢𞤪𞤵 𞤐𞤦𞤢𞤤𞥆𞤮 𞤬𞤮𞥅𞤤𞤭𞤪𞤭 𞤥𞤮.

𞤌 𞤱𞤵𞤤𞥆𞤭𞤼𞤭𞤲𞤮 𞤳𞤢 𞤘𞤮𞥅𞤥𞤵 𞤅𞤵𞤩𞤮 𞤫 𞤳𞤢 𞤙𞤢𞥄𞤱𞤭𞤲𞤮𞤪𞤲𞤣𞤵 𞤁𞤮𞤧𞤼𞤫𞤪𞤫⹁ 𞤳𞤮𞤲𞤮 𞤩𞤫𞥅 𞤯𞤮𞤲 𞤬𞤮𞤱 𞤼𞤢𞤦𞤭𞤲𞤼𞤭𞤲𞤭𞥅 𞤨𞤮𞥅𞤤𞤺𞤢𞤤 𞤥𞤮𞥅𞤣𞤭 𞤓𞤥𞤢𞤪𞤵 𞤲𞤺𞤢𞤤. 𞤑𞤮𞤲𞤮 𞤬𞤢𞥄𞤸𞤭𞤲⹁ 𞤥𞤮𞥅𞤣𞤭 𞤁𞤮𞤥𞤭𞤲𞤺𞤮𞥅𞤧 𞤶𞤢𞤩𞤢𞥄𞤤𞤭.

𞤓𞤥𞤢𞤪𞤵 𞤐𞤦𞤢𞤤𞥆𞤮 𞤸𞤮𞤤𞥆𞤭𞤼𞤭𞥅 𞤳𞤢𞤻𞤵𞤲⹁ 𞤱𞤮𞤲𞤣𞤫 𞤸𞤢𞤲𞤣𞤫⹁ 𞤻𞤢𞤤𞤲𞤣𞤫 𞥒𞥖 𞤕𞤮𞤤𞤼𞤮 𞥒𞥐𞥒𞥐⹁ 𞤮 𞤸𞤫𞤲𞤣𞤮𞤼𞤮 𞤤𞤢𞥄𞤥𞤵 𞤲𞤺𞤵𞤲.

𞤑𞤮 𞤱𞤢𞤯𞤭 𞤲𞤮𞤲 𞤸𞤢𞥄 𞤲𞤣𞤵𞥅 𞤥𞤵𞤪𞤢𞥄𞤣𞤵 𞤩𞤵𞤪𞤼𞤭 𞤶𞤭𞥅𞤩𞤢𞥄𞤣𞤫⹁ 𞤳𞤮 𞤲𞤣𞤫 𞤼𞤢𞤱𞤵𞤲𞤮𞥅 𞤸𞤮𞥅𞤪𞤫𞥅𞤩𞤫 𞤤𞤫𞤴𞤯𞤫 𞤸𞤵𞤩𞤭𞤼𞤵𞤯𞤫 𞤯𞤫𞤲 𞤘𞤭𞤲𞤫 𞤄𞤭𞤧𞤢𞤱𞤮𞥅 𞤲𞤮 𞤧𞤮𞤪𞤺𞤭𞤼𞤵𞤣𞤫 𞤸𞤢𞤳𞥆𞤵𞤲𞥋𞤣𞤫 𞤥𞤢𞤩𞥆𞤫. 𞤃𞤢𞤳𞤭 𞤅𞤢𞥄𞤤⹁ 𞤸𞤮𞥅𞤪𞤫𞥅𞤶𞤮 𞤅𞤫𞤲𞤫𞤺𞤢𞥄𞤤 𞤮𞤲 𞤲𞤮 𞤱𞤮𞤲𞤢𞤲𞤭 𞤓𞤥𞤢𞤪𞤵 𞤐𞤦𞤢𞤤𞥆𞤮⹁ 𞤫 𞤸𞤭𞤲𞤮 𞤤𞤫 𞤀𞤤𞤬𞤢𞥄 𞤑𞤮𞤲𞤣𞤫⹁ 𞤸𞤮𞥅𞤪𞤫𞥅𞤶𞤮 𞤘𞤭𞤲𞤫 𞤑𞤮𞤲𞤢𞥄𞤳𞤭𞤪𞤭 𞤮𞤲⹁ 𞤴𞤭𞤯𞤢𞥄 𞤓𞤥𞤢𞤪𞤵 𞤐𞤄𞤢𞤤𞥆𞤮. 𞤑𞤢𞤲𞤳𞤮⹁ 𞤳𞤮 𞤁𞤮𞤥𞤭𞤲𞤺𞤮𞤧 𞤆𞤢𞤪𞤫𞥅𞤪𞤢 𞤮 𞤱𞤮𞤲𞤢𞤲𞤭.

𞤔𞤮𞥅𞤲𞤭 𞤫𞤩𞤫 𞤸𞤫𞤯𞤢𞥄.