𞤌 𞤱𞤭𞤵𞤲𞤮 𞤮 𞤶𞤮𞥅𞤯𞤮𞤼𞤮 𞤸𞤢𞤲𞤣𞤫⹁ 𞤻𞤢𞤤𞤲𞤣𞤫 𞥒𞥗 𞤕𞤮𞤤𞤼𞤮⹁ 𞤮 𞤶𞤮𞥅𞤯𞤭𞤳𞤫 𞤤𞤫

𞤖𞤢𞤪𞤭 𞤥𞤮𞤺𞥆𞤮 𞤼𞤭𞤥𞥆𞤭𞥅 𞤤𞤫𞤦𞥆𞤭 𞤯𞤭𞤯𞤭 𞤲𞤣𞤭𞤺𞤢 𞤧𞤵𞤩𞤮 𞤲𞤺𞤮𞤲 𞤱𞤢𞤯𞤭 𞤘𞤭𞤲𞤫 𞤄𞤭𞤧𞤢𞤱𞤮𞥅⹁ 𞤸𞤢𞤤𞤬𞤭𞤲𞤢𞥄𞤩𞤫 𞤧𞤵𞤩𞤮 𞤲𞤺𞤮𞤲 𞤼𞤢𞤦𞤭𞤲𞤼𞤭𞤲𞤭 𞤱𞤮𞤲𞤣𞤫 𞤳𞤮 𞤐𞤄𞤀𞤂𞥆𞤮 𞤬𞤮𞥅𞤤𞤭. 𞤑𞤮𞤲𞤮 𞤯𞤵𞤥 𞤸𞤢𞤯𞤢𞥄𞤲𞤭 𞤁𞤌𞤃𞤋𞤐𞤘𞤌𞥅𞤅 𞤱𞤭𞤵𞤣𞤫 𞤱𞤮𞤲𞤣𞤫 𞤮 𞤶𞤢𞤩𞤢𞥄𞤤𞤭 𞤦𞤮𞤼𞤫 𞤧𞤵𞤩𞤮 𞤲𞤺𞤮𞤲. 𞤌 𞤱𞤵𞤤𞥆𞤭𞤼𞤭𞥅 𞤳𞤢 𞤅𞤵𞥅𞤣𞤵 𞤁𞤮𞤧𞤼𞤫𞤪𞤫⹁ 𞤩𞤫𞤲𞤯 𞤴𞤢𞤥𞤭𞤪𞤭 𞤘𞤢𞤥𞤵 𞤅𞤵𞤩𞤮 𞤲𞤺𞤮𞤲⹁ 𞤴𞤮 𞤰𞤫𞥅𞤱𞤼𞤮 𞤦𞤮𞤼𞤫 𞤯𞤫𞤲. 𞤕𞤢𞤺𞥆𞤢𞤤 𞤲𞤣𞤫𞤲 𞤰𞤫𞤱𞤼𞤢𞥄𞤪𞤫⹁ 𞤩𞤫𞤲 𞤯𞤮𞤲 𞤼𞤢𞤦𞤭𞤲𞤼𞤭𞤲𞤭 𞤬𞤢𞥄𞤸𞤭𞤲 𞤳𞤢𞤣𞤭 𞤱𞤮𞤲𞤣𞤫 𞤳𞤮 𞤥𞤮𞥅𞤣𞤭 𞤓𞤃𞤀𞤈𞤓 𞤐𞤄𞤀𞤂𞥆𞤌 𞤱𞤮𞤲𞤭 𞤳𞤮 𞤬𞤮𞥅𞤤𞤭.

𞤑𞤮𞤲𞤮 𞤸𞤢𞤪𞤭 𞤺𞤭𞤤𞤢 𞤤𞤢𞤱⹁ 𞤐𞤄𞤀𞤂𞥆𞤌 𞤳𞤢𞤲 𞤸𞤮𞤤𞥆𞤭𞥅𞤲𞤮 𞤱𞤮𞤲𞤣𞤫 𞤸𞤢𞤲𞤣𞤫 𞤮 𞤶𞤮𞥅𞤯𞤮𞤼𞤮 𞤳𞤢 𞤶𞤵𞤤𞥆𞤫𞤪𞤫 𞤤𞤢𞥄𞤥𞤵. 𞤂𞤢𞥄𞤼𞤮𞤪𞤭𞤳𞤫 𞤲𞤮𞤲 𞤤𞤫 𞤸𞤢𞤲𞤣𞤫 𞤫 𞤢𞥄𞤩𞤵𞤲’𞤣𞤫⹁ 𞤻𞤢𞤤𞤲𞤣𞤫 𞥒𞥗 𞤕𞤮𞤤𞤼𞤮⹁ 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥐.

𞤑𞤮 𞤫 𞤶𞤢𞤩𞥆𞤮𞤪𞤣𞤵 𞤱𞤫𞥅𞤪𞤭𞤪𞤣𞤫 𞤄𞤭𞤧𞤢𞤱𞤮𞥅 𞤱𞤮𞤲𞤭 𞤳𞤮 𞤐𞤄𞤀𞤂𞥆𞤌 𞤰𞤫𞤼𞥆𞤭 𞤱𞤮𞥅𞤲𞤣𞤮𞥅𞤪𞤫 𞤤𞤢𞥄𞤥𞤵 𞤲𞤺𞤵𞤲. 𞤐𞤮 𞤼𞤢𞤱𞤢𞤲𞤮𞥅 𞤫 𞤲𞤺𞤢𞤤 𞤥𞤮𞤩𞤼𞤮𞤲’𞤣𞤭𞤪𞤢𞤤⹁ 𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤭𞤲𞤫 𞤄𞤭𞤧𞤢𞤱𞤮𞥅 𞤲𞤣𞤭𞤲 𞤥𞤮 𞤐𞤄𞤀𞤂𞥆𞤌 𞤱𞤮𞤲𞤭 𞤫 𞤤𞤮𞤲𞤼𞤢𞥄𞤣𞤫 𞤮𞤲. 𞤌𞤲 𞤳𞤮 𞤖𞤌𞥅𞤟𞤉𞥅 𞤃𞤀𞤈𞤋𞤒𞤌𞥅 𞤜𞤀𞥄𞤟. 𞤐𞤮 𞤼𞤢𞤱𞤢𞤲𞤮𞥅 𞤸𞤫𞤲 𞤳𞤢𞤣𞤭 𞤸𞤮𞥅𞤪𞤫𞥅𞤶𞤮 𞤅𞤵𞥅𞤣𞤵 𞤂𞤭𞤥𞤼𞤮𞤪𞤣𞤵 𞤲𞤣𞤵𞤲 𞤳𞤢𞤻𞤵𞤲 𞤫 𞤴𞤭𞤥𞤩𞤫 𞤯𞤵𞥅𞤯𞤵𞤩𞤫. 𞤑𞤮𞤲𞤮 𞤸𞤮𞥅𞤪𞤫𞥅𞤶𞤮 𞤅𞤵𞥅𞤣𞤵 𞤧𞤢𞤪𞤴𞤭𞤲𞤮𞥅𞤪𞤵 𞤲𞤣𞤵𞤲⹁ 𞤮𞤲 𞤳𞤮 𞤅𞤋𞤆𞤋𞤈𞤋𞤒𞤀𞥄𞤐𞤌 𞤑𞤀𞤅𞤀𞤃𞤀. 𞤌 𞤶𞤢𞤩𞤢𞥄𞤲𞤮 𞤧𞤫𞥅𞤣𞤭𞤼𞤢𞥄𞤣𞤫 𞤱𞤮𞥅𞤲𞤣𞤮𞥅𞤪𞤫 𞤐𞤄𞤀𞤂𞥆𞤌 𞤲𞤣𞤫𞤲. 𞤑𞤢𞤲𞤳𞤮 𞤳𞤮 𞤫 𞤬𞤫𞤣𞥆𞤫 𞤁𞤌𞤃𞤋𞤐𞤘𞤌𞥅𞤅 𞤲𞤣𞤫𞤲 𞤮 𞤶𞤫𞤴𞤢𞥄.

𞤘𞤭𞤤𞤢 𞤘𞤭𞤲𞤫 𞤄𞤭𞤧𞤢𞤱𞤮𞥅 𞤸𞤫𞤩𞤼𞤭 𞤸𞤮𞥅𞤪𞤫 𞤥𞤵𞤲 𞤫 𞤤𞤫𞤴 𞤳𞤮𞤴𞤯𞤫 𞤆𞤮𞤪𞤼𞤭𞤺𞤢𞤤⹁ 𞤳𞤮 𞤲𞤣𞤫𞥅 𞤬𞤫𞤣𞥆𞤫 𞤱𞤭𞤫𞤼𞤫𞥅𞤲𞤣𞤫 PAIGC 𞤱𞤮𞤲𞥆𞤮𞥅 𞤤𞤢𞥄𞤥𞤢𞥄𞤣𞤫 𞤤𞤫𞤴𞤣𞤭 𞤲𞤣𞤭𞤲. 𞤖𞤢𞤴 𞤓𞤃𞤀𞤈𞤓 𞤐𞤄𞤀𞤂𞥆𞤌 𞤳𞤮 𞤫 𞤲𞤣𞤫𞤲 𞤬𞤫𞤣𞥆𞤫 𞤮 𞤶𞤫𞤴𞤢𞤲𞤮𞥅. 𞤑𞤮 𞤳𞤢 𞤧𞤵𞤩𞤮 𞥒𞥐𞥑𞥙 𞤮 𞤴𞤢𞤤𞤼𞤭𞤪𞤭 𞤫 𞤭𞤲𞤣𞤫 𞤬𞤫𞤣𞥆𞤫 𞤱𞤭𞤫𞤼𞤫𞥅𞤲𞤣𞤫 𞤃𞤀𞤁𞤉𞤃 MADEM.

𞤐𞤮 𞤶𞤢𞤪𞤭 𞤢𞤲𞤣𞤭𞤲𞤺𞤮𞤤 𞤱𞤮𞤲𞤣𞤫 𞤀𞤥𞤫𞤪𞤭𞤳⹁ 𞤅𞤫𞤲𞤫𞤺𞤢𞥄𞤤 𞤫 𞤣𞤫𞤲𞤼𞤢𞤤 𞤲𞤺𞤢𞤤𞤵𞤲𞤳𞤫𞤱𞤢𞤤 𞤤𞤢𞤪𞤫 𞤸𞤭𞤪𞤲𞤢 𞤀𞤬𞤪𞤭𞥅𞤳𞤢 𞤢𞤲𞤣𞤭𞤪𞤢𞥄𞤲𞤣𞤫 (CEDEAO ECOWAS)⹁ 𞤩𞤫𞥅 𞤬𞤮𞤨 𞤲𞤮𞤣𞥆𞤵𞤲𞤮 𞤐𞤄𞤀𞤂𞥆𞤌 𞤩𞤫 𞤧𞤫𞤴𞤲𞤭 𞤥𞤮⹁ 𞤩𞤫 𞤥𞤢𞤲𞤼𞤭 𞤥𞤮 𞤦𞤢𞤯𞤼𞤢𞤲𞤫 𞤨𞤮𞥅𞤤𞤺𞤢𞤤 𞤥𞤢𞤳𞥆𞤮.