𞤖𞤀𞤐𞤁𞤉 𞤑𞤌 𞤖𞤌𞤐𞤍𞤓𞤐؟

 𞤑𞤌 𞤘𞤋𞤐𞤉𞤐𞤀𞥄𞤇𞤉 𞤇𞤉𞤐 …..

𞤑𞤀𞥄 𞤑𞤌 𞤂𞤀𞥄𞤃𞤓 𞤐𞤘𞤓𞤐 ……

𞤑𞤮 𞤲𞤣𞤫𞥅 << 𞤥𞤮𞤶𞤮𞤦𞤫𞤪𞤫 𞤐𞤺𞤫𞤲𞤣𞤭𞤴𞤢𞤲𞤳𞤮𞥅𞤪𞤫 𞤁𞤢𞤪𞤼𞤢𞤲𞤭𞥅𞤲𞤣𞤫 𞤁𞤮𞤧𞤼𞤫𞤪𞤫 𞤲𞤣𞤫𞤲 >> 𞤱𞤮𞤲𞤭 𞤳𞤮 𞤸𞤫𞤦𞤭𞤤𞤭𞥅 𞤬𞤭𞥅 𞤴𞤢𞤤𞤼𞤵𞤺𞤮𞤤 𞤫 𞤀𞥄𞤇𞤓𞤐𞤁𞤉⹁ 𞥑𞥔 𞤒𞤀𞤈𞤑𞤌 𞥒𞥐𞥑𞥙. 𞤊𞤢𞥄𞤲’𞤣𞤢𞥄𞤪𞤫 𞤲𞤺𞤮𞤲 𞤴𞤢𞤤𞤼𞤮 𞤳𞤮 𞤼𞤫𞤲𞤼𞤭𞤲𞤺𞤮𞤤 𞤣𞤢𞤪𞤼𞤢𞤲𞤣𞤫 𞤥𞤢𞤩𞥆𞤫 𞤲𞤣𞤫𞤲 𞤱𞤮𞤲𞤣𞤵𞤣𞤫 𞤫 𞤳𞤢𞤤𞤢 𞤺𞤭𞤲𞤫𞤲𞤢𞥄𞤶𞤮 𞤲𞤮𞤳𞥆𞤵 𞤳𞤢𞤤𞤢 𞤳𞤢 𞤮 𞤱𞤮𞤲𞤭𞤪𞤭. 𞤌𞤲𞤼𞤭𞤺𞤭 𞤲𞤮 𞤼𞤮𞤪𞤢𞥄 𞤴𞤢𞤤𞤼𞤵𞤺𞤮𞤤 𞤣𞤢𞤪𞤼𞤢𞤲𞤮𞥅 𞤤𞤢𞤪𞤢𞤤 𞤘𞤭𞤲𞤫 𞤲𞤺𞤢𞤤 𞤤𞤭𞤣𞥆𞤮𞥅 𞤫𞤩𞥆𞤮𞥅𞤪𞤫 𞤳𞤮 𞤸𞤮𞥅𞤪𞤫𞥅𞤶𞤮 𞤘𞤭𞤲𞤫 𞤮𞤲 𞤫 𞤤𞤢𞥄𞤥𞤵 𞤥𞤢𞤳𞥆𞤵 𞤲𞤺𞤵𞤲 𞤫 “𞤏𞤀𞤒𞤂𞤓𞤘𞤌𞤂 𞤁𞤌𞤅𞤚𞤉𞤈𞤉 𞤘𞤋𞤐𞤉 𞤐𞤁𞤉𞤐”.

𞤘𞤭𞤤𞤢 𞤯𞤭𞥅 𞤤𞤫𞤦𞥆𞤭 𞤬𞤫𞤰𞥆𞤵𞤯𞤭 𞤯𞤭𞥅⹁ 𞤲𞤣𞤫𞥅 𞤥𞤮𞤶𞤮𞤦𞤫𞤪𞤫 𞤼𞤵𞤥𞤦𞤮𞤲𞤣𞤭𞤪𞤭𞥅 𞤳𞤮 𞤸𞤫𞥅𞤱𞤭⹁ 𞤬𞤭𞥅 𞤲𞤮 𞤲’𞤺𞤢𞤤 𞤻𞤢𞤤𞥆𞤢𞤤 𞤤𞤢𞥄𞤼𞤮𞤪𞤢 𞤫 𞤳𞤢𞤣𞤭 𞤲’𞤺𞤢𞤤 𞤦𞤢𞤯𞤼𞤭𞤲𞤭𞤪𞤢 𞤫 𞤸𞤮𞥅𞤪𞤫 𞤬𞤢𞥄𞤲𞤣𞤢𞥄𞤪𞤫 𞤳𞤮 𞤲𞤣𞤫 𞤧𞤭𞤲𞤷𞤭𞤪𞤢𞥄 𞤳𞤮𞤲.

𞤑𞤮 𞤯𞤵𞤲 𞤢𞤣𞥆𞤭⹁ 𞤨𞤫𞤤𞥆𞤫 𞤣𞤢𞤱𞤪𞤮𞤲𞤳𞤮𞥅𞤶𞤫 𞤸𞤫𞥅𞤱𞤵𞤯𞤫 (𞤋𞥅.𞤉𞤊.𞤁𞤉𞥅.𞤅𞤉𞥅⹁ 𞤋𞥅.𞤉𞤊.𞤉𞥅𞤈⹁ 𞤆𞤀𞤁𞤉𞥅𞤅 𞤉 𞤑𞤐𞤍….) 𞤲𞤮 𞤱𞤢𞤼𞥆𞤮𞤣𞤭 𞤫 𞤥𞤢𞤩𞥆𞤫. 𞤅𞤢𞤦𞤵𞤲𞤢⹁ 𞤧𞤭 𞤲𞤣𞤫𞥅 𞤫𞤩𞥆𞤮𞥅𞤪𞤫 𞤲𞤣𞤫 𞤸𞤮𞥅𞤪𞤫𞥆𞥅𞤶𞤮 𞤮𞤲 𞤬𞤢𞥄𞤲𞤣𞤭𞥅  𞤣𞤢𞤪𞤼𞤢𞥄𞤥𞤢 𞤸𞤢𞤪𞤢 𞤲𞤣𞤫 𞤤𞤢𞥄𞤼𞤢𞥄𞤳𞤭⹁ 𞤸𞤢𞤪𞤢𞤴 𞤳𞤮 𞤲𞤢𞤬𞤢 𞤱𞤮𞤲𞤢𞤲𞤣𞤫 𞤬𞤮𞤨.  𞤅𞤮 𞤨𞤮𞤪𞤯𞤭𞥅 𞤲𞤮𞤲⹁ 𞤸𞤢𞤪𞤢𞤴 𞤘𞤋𞤐𞤉 𞤂𞤌𞤈𞥆𞤋𞤑𞤉.

𞤑𞤮 𞤱𞤮𞤲𞤭 𞤐𞤢𞤬𞤮𞥅𞤪𞤫 𞤫 𞤥𞤮𞤰𞥆𞤫𞤪𞤫𞥅𞤶𞤭 𞤲𞤣𞤫𞥅 𞤴𞤢𞤤𞤼𞤢𞤲𞤣𞤫…؟

– 𞤅𞤢𞤳𞥆𞤢𞤺𞤮𞤤 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤭𞤲𞤫 𞤲𞤣𞤭𞤲 𞤀𞤤𞤬𞤢𞥄 𞤑𞤮𞤲𞤣𞤫 𞤫 𞤤𞤢𞥄𞤥𞤢𞤼𞤮𞥅𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤪𞤵𞥅𞤥𞤵𞤺𞤮𞤤 𞤳𞤢 𞤤𞤢𞥄𞤥𞤵.

–  𞤖𞤫𞤴𞤯𞤭𞤲𞤼𞤭𞤲𞤢𞤲𞤺𞤮𞤤 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤴𞤭𞥅𞤯𞤵𞤺𞤮𞤤 𞤫 𞤣𞤢𞤪𞤼𞤢𞤲𞤢𞤺𞤮𞤤 𞤤𞤫𞤴𞤣𞤭 𞤥𞤢𞤩𞥆𞤫 𞤲’𞤣𞤭𞤲.

– 𞤊𞤫𞤤𞥆𞤭𞤲𞤼𞤭𞤲𞤺𞤮𞤤 𞤱𞤮𞤲𞤢𞤲𞤣𞤫 𞤤𞤫𞤴𞤣𞤭 𞤘𞤭𞤲𞤫 𞤲𞤣𞤭𞤲⹁ 𞤳𞤮 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤶𞤫𞤴𞤭⹁ 𞤱𞤮𞤲𞤢𞥄 𞤲𞤣𞤫 𞤬𞤭𞥅 𞤺𞤮𞥅𞤼𞤮 𞤥𞤢𞥄 𞤥𞤮𞤶𞤮𞤦𞤵𞤲 𞤴𞤭𞤥𞤩𞤫 𞤦𞤮𞤲𞥆𞤢𞤴𞤩𞤫⹁ 𞤩𞤫 𞤥𞤭𞥅𞤶𞤢𞤼𞤢𞥄𞤳𞤮 𞤧𞤭 𞤱𞤮𞤲𞤢𞥄 𞤬𞤭𞥅 𞤣𞤫𞥅𞤣𞤭 𞤫 𞤶𞤭𞥅𞤬𞤢𞥄𞤶𞤭 𞤥𞤢𞤩𞥆𞤫 𞤯𞤭𞤲.

𞤑𞤌𞤐𞤌 𞤉 𞤖𞤋𞤐𞤌 𞤑𞤌 𞤏𞤌𞤐𞤋 𞤑𞤌𞤐

 𞤘𞤭𞤤𞤢 𞤲𞤮𞤲 𞤲𞤺𞤢𞤤 𞤻𞤢𞤤𞥆𞤢𞤤 𞤩𞤢𞤣𞤼𞤭𞥅⹁ 𞤸𞤢𞤪𞤢𞤴 𞤲𞤮 𞤲𞤢𞤲𞤫𞥅𞤣𞤫 𞤫 𞤳𞤮𞤲𞤺𞤵𞤯𞤭 𞤳𞤢 𞤸𞤢𞤹𞤼𞤭𞤧𞤵 𞤥𞤢𞥄 𞤳𞤢 𞤩𞤮𞤺𞥆𞤮𞤤 𞤬𞤮𞤱 𞤲𞤮 𞤱𞤭𞤢 * 𞤘𞤀𞤅𞤀𞤚𞤀𞥄⹁ 𞤘𞤀𞤅𞤀𞤚𞤀𞥄 𞤊𞤉𞤏⹁ 𞤃𞤉𞤐 𞤅𞤀𞤂𞤋⹁ 𞤑𞤌 𞤉𞤇𞥆𞤓𞤍𞤌𞤐 𞤑𞤌𞤐 𞤂𞤀𞥄𞤚𞤌𞤚𞤀𞥄𞤑𞤌…..*

𞤍𞤵𞤲 𞤳𞤢𞤣𞤭 𞤱𞤢𞤯𞤭𞥅 𞤸𞤢𞥄 𞤤𞤢𞥄𞤥𞤵 𞤲𞤺𞤵𞤲 𞤲𞤢𞤲𞤺𞤭𞥅 𞤴𞤮𞤺𞤢 𞤫 𞤧𞤵𞤳𞤢𞥄𞤩𞤫 𞤒𞤓𞤇𞥆𞤋𞤐𞤁𞤋𞤈𞤌𞥅𞤇𞤉 𞤉𞤊.𞤉𞤐.𞤁𞤉𞥅.𞤅𞤉𞥅 𞤩𞤫𞤲. 𞤑𞤢𞤣𞤭 𞤳𞤮 𞤸𞤵𞤤𞤩𞤭𞤲𞤭𞥅 𞤳𞤮𞤲⹁ 𞤳𞤮 𞤲𞤣𞤫 𞤼𞤢𞤱𞤵𞤲𞤮𞥅 𞤸𞤢𞤴 𞤺𞤮𞥅𞤼𞤮 𞤢𞤲𞤣𞤢𞥄 𞤳𞤢 𞤩𞤫𞥅 𞤲𞤢𞤩𞤭𞤪𞤢𞥄⹁ 𞤱𞤢𞤲𞤮 𞤀𞤄𞤁𞤓𞤈𞥆𞤀𞤖𞤀𞤃𞤀𞥄𞤐𞤋  𞤅𞤀𞥄𞤐𞤌𞥅⹁ 𞤋𞤄𞤈𞤀𞥄𞤖𞤋𞥅𞤃𞤀 𞤔𞤀𞤂𞥆𞤌 𞤫 𞤅𞤉𞥅𞤑𞤓 𞤑𞤓𞤐𞤁𞤓𞤐𞤌𞥅 𞤫 𞤱𞤮𞥅𞤼𞤩𞤫 𞤺𞤮𞥅. 𞤖𞤢𞤪𞤢𞤴 𞤩𞤫𞥅 𞤬𞤮𞤨 𞤲𞤮 𞤶𞤮𞤺𞤢𞥄. 𞤑𞤮 𞤯𞤵𞤲 𞤢𞤣𞥆𞤭 𞤴𞤮 𞤀𞤄𞤂𞤌𞤘𞤋𞥅⹁ 𞤆𞤀𞤅𞤉𞤂𞤉𞤅𞤘𞤋𞤐𞤉⹁ 𞤉𞤊.𞤉𞤐.𞤁𞤉𞥅.𞤅𞤉𞥅⹁ 𞤴𞤢𞤤𞤼𞤭𞤲 𞤯𞤫𞤪𞤭 << 𞤬𞤭𞥅 𞤴𞤮 𞤩𞤫𞥅 𞤴𞤢𞤤𞤼𞤭𞤲𞤫 𞤳𞤮 𞤩𞤵𞤪𞤭 𞤫 𞤴𞤢𞥄𞤱𞤵𞤣𞤫 >>.

𞤖𞤫𞤣𞥆𞤫 𞤤𞤢𞥄𞤥𞤵 𞤲𞤺𞤵𞤲 𞤳𞤢𞤣𞤭⹁ 𞤸𞤢𞤪𞤢𞤴 𞤣𞤢𞤣𞤭𞤼𞤭𞥅 𞤣𞤢𞤪𞤭𞥅 𞤫𞤲 𞤳𞤢𞤻𞤵𞤲 𞤳𞤢𞤣𞤭 𞤲𞤮 𞤸𞤫𞤻𞤮𞤪𞤢 𞤷𞤫𞤲𞤯𞤫 𞤬𞤮𞤱. 𞤚𞤫𞤤𞤫𞤲 𞤯𞤮𞤲⹁ 𞤤𞤢𞥄𞤩𞤢𞥄𞤤𞤭 𞤧𞤭 𞤼𞤢𞤱𞤭𞥅 𞤳𞤮 𞤴𞤮 𞤩𞤫 𞤲𞤫𞤱𞤭𞤲  𞤳𞤢𞥄 𞤳𞤮 𞤴𞤮 𞤩𞤫 𞤧𞤢𞤳𞥆𞤮⹁ 𞤧𞤢𞤦𞤵𞤲𞤢 𞤲𞤺𞤵𞥅 𞤤𞤢𞥄𞤥𞤵 𞤯𞤮𞤮 𞤫 𞤴𞤭𞤥𞤩𞤫 𞤩𞤫𞤲 𞤖𞤮𞥅𞤤𞤮𞤲𞤣𞤭𞤪𞤢𞥄.

𞤇𞤢𞤴 𞤲𞤺𞤢𞤤 𞤻𞤢𞤤𞥆𞤢𞤤 𞤯𞤮𞤮 𞤲𞤮 𞤧𞤢𞥄𞤼𞤭𞤲𞤢𞥄⹁ 𞤺𞤮𞤤𞥆𞤫 𞤲𞤮 𞤣𞤢𞤪𞤭𞥅 𞤫 𞤤𞤫𞤴𞤣𞤭 𞤲’𞤣𞤭𞤲 𞤫 𞤷𞤫𞤲𞤯𞤫 𞤬𞤮𞤬.

𞤑𞤌𞤐𞤌 𞤂𞤀𞤐𞤁𞤉 𞤉 𞤔𞤋𞤇𞤋-𞤂𞤋𞤇𞤋𞥅𞤔𞤋 𞤄𞤓𞤒 𞤐𞤌 𞤉 𞤑𞤌𞤉 𞤒𞤋𞤃𞤇𞤉 𞤇𞤉𞤐 𞤱𞤢𞤲𞤮:

𞤚𞤢𞤱 𞤧𞤭 𞤲𞤺𞤢𞤤 𞤻𞤢𞤤𞥆𞤢𞤤 𞤤𞤢𞥄𞤼𞤮𞤼𞤮؟

𞤚𞤢𞤱 𞤧𞤭 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤧𞤵𞥅𞤧𞤢𞤴 𞤣𞤢𞤪𞤼𞤢𞤺𞤮𞤤 𞤤𞤢𞥄𞤥𞤵 𞤲𞤺𞤵𞤲؟

𞤚𞤢𞤱 𞤧𞤭 𞤫𞤩𞤫 𞤧𞤵𞥅𞤧𞤭 𞤴𞤢𞤪𞤤𞤭𞤼𞤢𞤺𞤮𞤤 𞤬𞤭𞥅 𞤴𞤮 𞤘𞤭𞤲𞤫 𞤸𞤫𞤼𞥆𞤮 𞤫 𞤤𞤫𞤴 𞤳𞤮𞤴𞤯𞤫 𞤤𞤢𞥄𞤥𞤵 𞤲𞤶𞤢𞤺𞥆𞤵؟

𞤚𞤢𞤱 𞤧𞤭 𞤲𞤺𞤢𞤤 𞤻𞤢𞤤𞥆𞤢𞤤 𞥑𞥔 𞤼𞤢𞤱𞤫𞤼𞤫 𞤳𞤢 𞤨𞤫𞤰𞥆𞤮𞤤 𞤱𞤮𞤲𞤣𞤫𞤥𞤢 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤣𞤢𞤪𞤼𞤢𞤲𞤭𞤲𞤮 𞤤𞤫𞤴𞤣𞤭 𞤥𞤢𞤩𞥆𞤫 𞤲𞤣𞤭𞤲؟

𞤚𞤢𞤱 𞤧𞤭 𞤲𞤺𞤢𞤤 𞤯𞤮𞤮 𞤳𞤢𞤣𞤭 𞤤𞤢𞥄𞤥𞤯𞤮 𞤮𞤲 𞤫 𞤤𞤢𞥄𞤥𞤢𞤼𞤮𞥅𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤬𞤮𞥅𞤤𞤢𞤴 𞤳𞤢𞥄 𞤩𞤫 𞤬𞤮𞥅𞤤𞤫𞤼𞤫؟

𞤚𞤢𞤱 𞤳𞤮 𞤸𞤮𞤲𞤯𞤵𞤲 𞤱𞤫𞥅𞤼𞤢𞤼𞤢 𞤶𞤢𞤲𞤺𞤮⹁ 𞤳𞤮 𞤘𞤋𞤐𞤉 𞤳𞤢𞥄 𞤳𞤮 𞤘𞤋𞤐𞤉𞤐𞤀𞥄𞤇𞤉؟

𞤀𞤱𞤢 𞤳𞤮 𞤯𞤵𞤲 𞤱𞤢𞤯𞤭 𞤧𞤭 𞤲𞤮 𞤲𞤺𞤮𞤰𞤭𞤲𞤭 𞤬𞤮𞤼𞤢.

𞤖𞤢𞤪𞤢𞤴 𞤫𞤲 𞤩𞤵𞤪𞤼𞤭𞥅 𞤬𞤢𞤤𞤼𞤢𞤺𞤮𞤤 𞤶𞤢𞤲𞤺𞤮 𞤩𞤢𞤴 𞤒𞤉𞥅𞤧𞤮 𞤋𞤼𞥆𞤢𞤴 𞤑𞤵𞤥𞤨𞤢. 𞤉𞤲 𞤢𞤪𞤣𞤮𞤴𞤭𞥅 𞤫 𞤶𞤢𞥄𞤦𞤢𞤱𞤮𞤤 𞤯𞤭𞥅 𞤶𞤭𞤩𞤭𞤤𞤭𞤩𞤭𞥅𞤶𞤭 𞤸𞤵𞤤𞤩𞤭𞤲𞤭𞥅𞤯𞤭 𞤫 𞤶𞤢𞥄𞤦𞤫𞤺𞤮𞤤.

  𞤐𞤮 𞤶𞤢𞤲𞤺𞤭𞤪𞤭 𞤱𞤮𞥅 𞤸𞤢𞤪𞤢𞤴 𞤥𞤫𞤲 𞤢𞤪𞤼𞤭𞥅 𞤫 𞤥𞤮𞥅𞤯𞤮𞤲….

                          𞤑𞤓𞤍𞤌𞤂: 𞤖𞤀𞤗𞥆𞤋 𞤏𞤀𞤂𞥆𞤌𞥅𞤏𞤌