𞤃𞤢𞤧𞤢𞥄𞤤𞤭𞤳𞤵𞤤 𞤔𞤭𞤲𞤢𞥄𞤲: 𞤔𞤵𞥅𞤤𞤭𞤪𞤣𞤫 𞤸𞤫𞤧𞤪𞤫 𞤣𞤢𞤳𞤢𞤪
𞤖𞤢𞤲𞤣𞤫 ⹁ 𞥒𞥗 𞤅𞤭𞤤𞤼𞤮 𞥒𞥐𞥑𞥙⹁ 𞤶𞤵𞥅𞤤𞤭𞤪𞤣𞤫 𞤩𞤵𞤪𞤲𞤣𞤫 𞤶𞤵𞥅𞤤𞤭𞤪𞤯𞤫 𞤬𞤮𞤬 𞤸𞤭𞤪𞤲𞤢 𞤀𞤬𞤪𞤭𞤳 𞤴𞤢𞥄𞤶𞤵𞤣𞤫 𞤵𞤣𞥆𞤭𞤼𞤢𞤴 𞤣𞤢𞤥𞤦𞤵𞤯𞤫 𞤥𞤵𞤲 𞤯𞤫𞤲 𞤫 𞤲𞤣𞤫𞤪 𞤁𞤢𞤳𞤢𞥄𞤪⹁ 𞤯𞤵𞤥 𞤳𞤮 𞤤𞤢𞥄𞤥𞤮𞤪𞤣𞤫 𞤤𞤫𞤴𞤣𞤭 𞤅𞤫𞤲𞤫𞤺𞤢𞥄𞤤. 𞤏𞤢𞤯𞤭𞥅 𞤳𞤮 𞤩𞤢𞤣𞤭𞥅 𞤣𞤵𞥅𞤩𞤭𞥅 𞤧𞤢𞤨𞥆𞤮⹁ 𞤲𞤣𞤭𞤺𞤢 𞤲𞤣𞤫𞥅 𞤶𞤵𞥅𞤤𞤭𞤪𞤣𞤫 𞤣𞤭𞤣𞤢𞥄. 𞤑𞤮 𞤣𞤵𞤦𞤵𞥅𞤶𞤫 𞤷𞤢𞤨𞥆𞤢𞤲-𞤼𞤢𞤼𞤭 𞤉𞤪𞤮𞥅 (𞥓𞥐 𞥐𞥐𞥐 𞥐𞥐𞥐 𞤉𞤪𞤮𞥅) 𞤱𞤮𞤲𞤭 𞤳𞤮 𞤲𞤣𞤫 𞤣𞤢𞤪𞤲𞤭𞤪𞤢𞥄. 𞤑𞤮 𞤴𞤢𞤱𞤼𞤭 𞤵𞤶𞤵𞤲𞤫 𞥓𞥐 (𞤷𞤢𞤨𞥆𞤢𞤲-𞤼𞤢𞤼𞤭) 𞤴𞤭𞤥𞤩𞤫⹁ 𞤲𞤮 𞤱𞤢𞥄𞤱𞤭 𞤶𞤵𞥅𞤤𞤵𞤣𞤫 𞤫 𞤲𞤣𞤫𞥅 𞤶𞤵𞥅𞤤𞤭𞤪𞤣𞤫⹁ 𞤳𞤮𞤲𞤮𞤲 𞤳𞤵 𞤵𞤶𞤵𞤲𞤫 𞤧𞤢𞤨𞥆𞤮 (𞥑𞥐) 𞤴𞤭𞤥𞤩𞤫 𞤱𞤮𞤲𞤭 𞤳𞤮 𞤸𞤫𞤰𞤢𞤼𞤢 𞤫 𞤲𞤣𞤫𞤪 𞤥𞤢𞤴𞤪𞤫. 
𞤔𞤵𞥅𞤤𞤵𞤪𞤣𞤫 𞤲𞤣𞤫𞤲 𞤲𞤮 𞤱𞤢𞤯𞤢𞤲𞤢𞥄 𞤧𞤮𞥅𞤪𞤮𞥅𞤶𞤭 𞤶𞤮𞤱𞤭 (𞥕). 𞤑𞤮 𞤃𞤢𞤧𞤢𞥄𞤤𞤭𞤳𞤵𞤤 𞤔𞤭𞤲𞤢𞥄𞤲 (𞤐𞤢𞥄𞤼𞤭𞤪𞤯𞤫 𞤔𞤢𞤪𞤲𞤫) 𞤱𞤮𞤲𞤭 𞤳𞤮 𞤲𞤣𞤫𞥅 𞤶𞤵𞥅𞤤𞤭𞤪𞤣𞤫 𞤭𞤲𞤢𞥄. 𞤐𞤣𞤫𞥅 𞤭𞤲𞤣𞤫⹁ 𞤳𞤮 𞤼𞤭𞥅𞤼𞤮𞥅𞤲𞤣𞤫 𞤺𞤮𞥅𞤼𞤮𞤤 𞤫 𞤺𞤭𞤥𞤯𞤭 𞤅𞤢𞤴𞤳𞤵 𞤀𞤸𞤥𞤢𞤣𞤵 𞤄𞤢𞤥𞤦𞤢 𞤄𞤢𞥄. 𞤑𞤮 𞤮𞥅 𞤱𞤮𞤲𞤭 𞤱𞤭𞤢𞥄𞤯𞤮 𞤳𞤮 𞤳𞤢𞤻𞤵𞤲 𞤧𞤭𞤲𞤷𞤭 𞤤𞤢𞥄𞤱𞤮𞤤 𞤃𞤵𞤪𞤭𞥅𞤣𞤢𞤲𞤳𞤢𞥄𞤳𞤵.
𞤑𞤮 𞤨𞤮𞥅𞤤𞤺𞤢𞤤 𞤥𞤢𞤱𞤲𞤺𞤢𞤤 𞤱𞤮𞤲𞤢𞤲𞤣𞤫 𞤶𞤮𞤳𞥆𞤵𞤩𞤫 𞤲𞤺𞤮𞤤 𞤤𞤢𞥄𞤱𞤮𞤤⹁ 𞤧𞤢𞤦𞤵 𞤪𞤮𞤳𞥆𞤢𞤴 𞤩𞤫 𞤷𞤫𞤥𞤦𞤫 𞤫 𞤲𞤣𞤫𞤪 𞤤𞤢𞥄𞤥𞤮𞤪𞤣𞤫 𞤁𞤢𞤳𞤢𞥄𞤪.
𞤃𞤢𞤳𞤭 𞤅𞤢𞥄𞤤⹁ 𞤯𞤵𞤲 𞤳𞤮 𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲⹁ 𞤳𞤢𞤻𞤵𞤲 𞤀𞤦𞤣𞤵𞤤𞥆𞤢𞥄𞤸𞤭 𞤏𞤢𞥄𞤣⹁ 𞤥𞤮 𞤮𞤲 𞤤𞤮𞤲𞤼𞤭𞥅 𞤮𞤲 𞤳𞤢 𞤤𞤢𞥄𞤥𞤵⹁ 𞤲𞤮 𞤧𞤢𞥄𞤼𞤭𞤲𞤢𞥄 𞤳𞤢 𞤵𞤣𞥆𞤭𞤼𞤢𞤤 𞤶𞤵𞥅𞤤𞤭𞤪𞤣𞤫 𞤸𞤢𞤲𞤣𞤫.
𞤌𞤲 𞤶𞤢𞥄𞤪𞤢𞥄𞤥𞤢