𞤑𞤮 𞤩𞤫 𞤼𞤮𞥅𞤤𞤭𞥅 𞤖𞤢𞤴 𞤧𞤮 𞤩𞤫 𞤶𞤮𞤥𞤦𞤭𞤲𞤣𞤭𞤪𞤢𞥄
𞤉𞤩𞤫 𞤼𞤮𞥅𞤤𞤲𞤫𞥅 𞤖𞤢𞤴 𞤧𞤮 𞤩𞤫 𞤶𞤮𞤥𞤦𞤭𞤲𞤣𞤭𞤪𞤢𞥄
𞤂𞤢𞥄𞤥𞤢𞤼𞤫𞥅𞤪𞤭 𞤅𞤢𞤵𞤣𞤭𞥅 𞤲𞤣𞤭𞤲⹁ 𞤸𞤮𞤤𞥆𞤭𞤼𞤭𞥅 𞤱𞤮𞤲𞤣𞤫 𞤺𞤭𞤤𞤢 𞤶𞤮𞥅𞤲𞤭 𞤸𞤢𞥄 𞤲𞤢𞤩𞤭 𞤴𞤫𞥅𞤧𞤮⹁ 𞤲𞤶𞤢𞥄𞤼𞤮𞤲’𞤣𞤭𞤪𞤩𞤫 𞤶𞤢𞤲𞤢𞤥𞤩𞤫⹁ 𞤲𞤮 𞤲𞤫𞤱𞤲𞤢𞤲𞤢𞥄 𞤱𞤫𞥅𞤪𞤵𞤺𞤮𞤤 𞤫 𞤲𞤣𞤫𞤪 𞤧𞤵𞥅𞤣𞤵 𞤱𞤮𞥅𞤼𞤵𞤪𞤵 𞤫 𞤦𞤫𞤪𞤤𞤫 𞤅𞤢𞤵𞤣𞤭𞥅 𞤯𞤫𞤲. 
𞤀𞤣𞤮 𞤸𞤢𞤲𞤣𞤫⹁ 𞤧𞤮 𞤣𞤫𞤦𞥆𞤮 𞤫 𞤺𞤮𞤪𞤳𞤮 𞤱𞤫𞥅𞤪𞤢𞤴𞤲𞤮 𞤫 𞤧𞤵𞥅𞤣𞤵 𞤱𞤮𞥅𞤼𞤵𞤪𞤵⹁ 𞤫𞤩𞤫 𞤸𞤢𞥄𞤲𞤵𞤲𞤮𞥅 𞤸𞤮𞤤𞥆𞤵𞤺𞤮𞤤 𞤧𞤫𞥅𞤣𞤫𞥅 𞤼𞤫𞥅𞤺𞤢𞤤. 𞤑𞤮𞤲𞤮 𞤲𞤮𞤲⹁ 𞤲𞤣𞤫𞥅 𞤻𞤢𞥄𞤱𞤮𞥅𞤪𞤫 𞤯𞤮𞥅⹁ 𞤼𞤮𞤽𞤼𞤢𞤲𞤢𞥄𞤳𞤢 𞤅𞤢𞤵𞤣𞤭𞥅𞤩𞤫 𞤩𞤫𞤲. 𞤖𞤢𞥄 𞤶𞤮𞥅𞤲𞤭⹁ 𞤧𞤭 𞤣𞤫𞤦𞥆𞤮 𞤅𞤢𞤵𞤣𞤭𞥅𞤶𞤮 𞤫 𞤺𞤮𞤪𞤳𞤮 𞤅𞤢𞤵𞤣𞤭𞥅𞤶𞤮 𞤼𞤭𞤨𞥆𞤮𞤣𞤢𞤴 𞤫 𞤱𞤫𞥅𞤪𞤣𞤫⹁ 𞤫𞤩𞤫 𞤸𞤢𞥄𞤲𞤭 𞤸𞤮𞤤𞥆𞤵𞤣𞤫 𞤳𞤮 𞤩𞤫 𞤺𞤫𞤲𞤣𞤭𞤪𞤢𞥄𞤩𞤫 𞤥𞤢𞥄 𞤥𞤵𞤧𞤭𞤣𞤩𞤫.
𞤅𞤢𞤪𞤭𞤴𞤢 𞤳𞤫𞤧𞤮 𞤮𞤲 𞤱𞤢𞤯𞥆𞤭𞤲𞤢𞥄 𞤳𞤢𞤣𞤭 𞤴𞤮 𞤪𞤫𞤱𞤩𞤫 𞤶𞤢𞤲𞤢𞤲𞤩𞤫 𞤩𞤫𞤲 𞤥𞤵𞥅𞤪𞤮 𞤥𞤢𞥄 𞤴𞤮 𞤩𞤫 𞤦𞤵𞥅𞤥𞤮. 𞤑𞤮 𞤩𞤫 𞤴𞤢𞤥𞤭𞤪𞤢𞥄 𞤼𞤢𞤲⹁ 𞤳𞤮 𞤴𞤮 𞤩𞤫 𞤩𞤮𞤪𞤲𞤮 𞤳𞤮 𞤴𞤮𞤼𞥆𞤭𞥅.
𞤑𞤮 𞤅𞤢𞤵𞥅𞤣𞤭𞥅 𞤱𞤮𞤲𞤭 𞤱𞤢𞤴𞤤𞤭𞤪𞤣𞤫 𞤯𞤫𞥅 𞤻𞤢𞥄𞤱𞤮𞥅𞤶𞤫 𞤥𞤢𞥄 𞤧𞤢𞤪𞤭𞤴𞤢𞥄𞤶𞤭 𞤥𞤢𞤩𞥆𞤫⹁ 𞤳𞤮 𞤬𞤭𞥅 𞤲𞤮 𞤩𞤫 𞤵𞤣𞥆𞤭𞤼𞤭𞤪𞤢𞤲𞤢 𞤤𞤫𞤴𞤣𞤭 𞤲𞤣𞤭𞤲 𞤶𞤢𞤲𞤢𞤲𞤩𞤫 𞤩𞤫𞤲. 𞤇𞤫 𞤱𞤮𞥅𞤯𞤭𞤲𞤢 𞤲𞤣𞤭 𞤳𞤢𞤣𞤭 𞤫 𞤺𞤭𞤼𞤫 𞤶𞤵𞥅𞤪𞤮𞤼𞤮𞥅𞤩𞤫 𞤶𞤢𞤲𞤢𞤲𞤩𞤫 𞤬𞤭𞥅 𞤲𞤮 𞤤𞤫𞤴𞤣𞤭 𞤲𞤣𞤭𞤲 𞤩𞤫𞤴𞤣𞤮𞤪𞤢 𞤫 𞤲𞤺𞤢𞤤𞤵.
𞤐𞤫𞥅𞤩𞤢𞥄𞤤𞤭 𞤬𞤮𞤼𞤢⹁ 𞤩𞤫 𞤼𞤮𞤽𞤼𞤢𞤲𞤮 𞤳𞤢𞤣𞤭 𞤪𞤫𞤱𞤩𞤫 𞤧𞤢𞤵𞤣𞤭𞥅 𞤩𞤫𞤲⹁ 𞤣𞤮𞤺𞤭𞤲𞤺𞤮𞤲 𞤱𞤫𞤪𞤤𞤢𞤤 𞤥𞤢𞥄 𞤳𞤭𞤪𞤲𞤣𞤵𞤺𞤮𞤤 𞤳𞤢𞤻𞤵𞤲 𞤼𞤵𞤲.
𞤍𞤵𞤲 𞤬𞤮𞤨 𞤳𞤮 𞤬𞤵𞤯𞥆𞤭⹁ 𞤳𞤮 𞤺𞤭𞤤𞤢 𞤃𞤵𞤸𞤢𞤥𞥆𞤣𞤵 𞤄𞤫𞤲 𞤅𞤢𞤤𞤥𞤢𞥄𞤲𞤢 𞤱𞤢𞤯𞤢𞥄 𞤣𞤮𞤲𞤮 𞤤𞤢𞥄𞤥𞤵 𞤲𞤺𞤵𞤲.
𞤐𞤣𞤫 𞤼𞤢𞤱𞤲𞤮𞥅 𞤳𞤮 𞤫 𞤲𞤣𞤫𞤪 𞤅𞤢𞤵𞤣𞤭𞥅 𞤃𞤢𞤳𞥆𞤢 𞤫 𞤃𞤢𞤣𞤭𞥅𞤲𞤢 𞤱𞤮𞤲𞤭⹁ 𞤳𞤮 𞤩𞤢𞤣𞤲𞤭 𞤣𞤵𞤦𞤵𞥅𞤶𞤫 𞤼𞤢𞤼𞤭 𞤴𞤭𞤥𞤩𞤫 𞤴𞤢𞤸𞤢𞤴 𞤸𞤢𞤶𞥆𞤵𞤺𞤮𞤤 𞤼𞤮𞤲 𞤸𞤭𞤼𞤢𞥄𞤲𞤣𞤫 𞤳𞤢𞤤𞤢. 𞤍𞤵𞤲 𞤲𞤮 𞤲𞤢𞥄𞤣𞤢𞤲𞤢 𞤤𞤫𞤴𞤣𞤭 𞤥𞤢𞤩𞥆𞤫 𞤲𞤣𞤭𞤲⹁ 𞤳𞤮 𞤩𞤵𞤪𞤭 𞤁𞤵𞤶𞤵𞤲𞤫 (𞤃𞤭𞤤𞤭𞤴𞤢𞥄𞤪) 𞤧𞤢𞤨𞥆𞤮-𞤫-𞤯𞤭𞤯𞤭 𞤣𞤢𞤤𞤢 (𞤁𞤵𞤶𞤵𞤲𞤫 𞥑𞥒$). 𞤉𞤩𞤫 𞤲𞤢𞥄𞤣𞤢 𞤳𞤢𞤣𞤭 𞤶𞤢𞤱𞤤𞤫 𞤳𞤫𞥅𞤱𞤵𞤯𞤫 𞤫 𞤴𞤫𞥅𞤴𞤵𞤺𞤮𞤤 𞤧𞤵𞤥𞤮𞤶𞤢𞤲 𞤥𞤢𞤤𞥆𞤢 𞤨𞤫𞤼𞤮𞤪𞤮𞤤.
𞤥𞤭𞤲𞤳𞤢𞤥 𞤱𞤢𞤤𞤢 𞤢𞤣𞤤𞤢𞤥 𞤢𞤣𞤢𞤥𞤢𞤱𞤢 𞤶𞤫 𞤷𞤢𞤥𞤢𞤪𞤵