𞤃𞤀𞤂𞤋: 𞤖𞤌𞥅𞤈𞤉𞥅𞤇𞤉 𞤖𞤋𞤈𞤐𞤀 𞤀𞤊𞤈𞤋𞤑𞤀𞥄 𞤐𞤔𞤌𞤏𞤌 𞤈𞤌𞤐𞤑𞤋 𞤀𞤂𞤃𞤀𞥄𞤃𞤋 𞤁𞤋𞤑𞥆𞤌
𞤒𞤢𞥄𞤳𞤮𞤪𞤢𞤤 𞤸𞤮𞥅𞤪𞤫𞥅𞤩𞤫 𞤤𞤫𞤧𞤯𞤫 𞤸𞤭𞤪𞤲𞤢 𞤀𞤬𞤪𞤭𞤳𞤢𞥄 𞤼𞤭𞤶𞥆𞤢𞤲𞤮𞥅𞤲𞤺𞤢𞤤 𞤄𞤢𞤥𞤢𞤳𞤮⹁ 𞤸𞤫𞤱𞤼𞤵𞤲𞤮 𞤼𞤮𞤲 𞤸𞤢𞤲𞤳𞤭 𞤫 𞤐𞤢𞥄𞤧𞤢𞥄𞤲𞥋𞤣𞤫 (𞤢𞤤𞤳𞤢𞤥𞤭𞤧𞤢) 𞤻𞤢𞤤𞤲𞤣𞤫 𞥒𞥓 𞤃𞤮𞤪𞤧𞤮. 𞤑𞤮 𞤸𞤮𞥅𞤪𞤫𞥅𞤩𞤫 𞤲𞤶𞤮𞤱𞤮 𞤢𞤪𞤭 𞤫 𞤭𞤲𞤣𞤫 𞤁𞤫𞤐𞤘𞤖𞤀 (CEDEAO – ECOWAS). 𞤖𞤢𞤴 𞤃𞤵𞤸𞤢𞤥𞥆𞤢𞤣𞤵 𞤄𞤵𞤸𞤢𞥄𞤪𞤭⹁ 𞤸𞤮𞥅𞤪𞤫𞥅𞤶𞤮 𞤤𞤫𞤧𞤣𞤭 𞤐𞤭𞤶𞤫𞥅𞤪𞤭𞤴𞤢⹁ 𞤥𞤮 𞤢𞤪𞤣𞤵 𞤥𞤵𞤲 𞤱𞤢𞤯𞤢𞤲𞤮𞥅 𞤫 𞤯𞤭𞤯𞤭 𞤢𞤪𞤵𞤲𞤮.
𞤐𞤮 𞤼𞤢𞤱𞤢𞤲𞤮𞥅 𞤸𞤫𞤲 𞤳𞤢𞤣𞤭⹁ 𞤃𞤵𞤸𞤢𞤥𞥆𞤢𞤣𞤵 𞤒𞤵𞥅𞤧𞤵𞤬𞤵 𞤥𞤮 𞤤𞤫𞤧𞤣𞤭 𞤐𞤭𞥅𞤶𞤫𞤪⹁ 𞤃𞤢𞤳𞤭 𞤅𞤢𞥄𞤤 𞤥𞤮 𞤤𞤫𞤧𞤣𞤭 𞤅𞤫𞤲𞤫𞤺𞤢𞤤⹁ 𞤀𞤤𞤸𞤢𞤧𞤢𞥄𞤲 𞤏𞤢𞤼𞤢𞤪𞤢𞥄 𞤥𞤮 𞤑𞤮𞤼𞤣𞤭𞤾𞤢𞥄𞤪 𞤫 𞤐𞤢𞤲𞤢 𞤀𞤳𞤵𞤬𞤮-𞤀𞤣𞥆𞤮⹁ 𞤸𞤮𞥅𞤪𞤫𞥅𞤶𞤮 𞤘𞤢𞤲𞤢 𞤮𞤲.
𞤚𞤫𞥅𞤥𞤫𞤯𞥆𞤫 𞤼𞤫𞤥𞤫𞤯𞥆𞤫 𞤴𞤭𞤥𞤩𞤫 𞤁𞤭𞤤𞥆𞤢𞤲𞤣𞤫 M5 𞤲𞤣𞤫𞤲 𞤶𞤢𞤩𞥆𞤮𞤪𞤭𞥅𞤩𞤫 𞤳𞤢 𞤱𞤫𞥅𞤴𞤭𞤲𞤮𞤪𞤣𞤫 (𞤫𞤪𞤨𞤮𞥅𞤪) 𞤄𞤢𞤥𞤢𞤳𞤮 𞤲𞤢𞤼𞤫 𞤫 𞤩𞤢𞤼𞤢𞥄𞤳𞤭 𞤭𞤻𞥆𞤭𞤲𞤯𞤭 𞤤𞤢𞥄𞤥𞤵 𞤋.𞤄.𞤑 𞤲𞤺𞤵𞤲.
𞤒𞤢𞥄𞤳𞤮𞤪𞤢𞥄𞤩𞤫 𞤁𞤫𞤐𞤘𞤖𞤀 𞤩𞤫𞤲 𞤴𞤭𞥅𞤣𞤵𞤲𞤮 𞤫 𞤋𞤦𞤪𞤢𞥄𞤸𞤭𞥅𞤥𞤢 𞤄𞤵𞥅𞤦𞤢𞤳𞤢𞤪 𞤑𞤫𞤴𞤼𞤢 (𞤋.𞤄.𞤑) 𞤸𞤢𞤲𞤳𞤭 𞤳𞤢𞤻𞤵𞤲 𞤫 𞤀𞤤𞤥𞤢𞥄𞤥𞤭 𞤃𞤢𞤸𞤥𞤵𞥅𞤣𞤵 𞤁𞤭𞤳𞥆𞤮 𞤫 𞤸𞤮𞥅𞤪𞤫𞥅𞤩𞤫 𞤣𞤭𞤤𞥆𞤢𞤲𞤣𞤫 M5 𞤲𞤣𞤫𞤲. 𞤊𞤢𞥄𞤲𞤣𞤢𞥄𞤪𞤫 𞤥𞤢𞤩𞥆𞤫 𞤳𞤮 𞤸𞤢𞤱𞤪𞤭𞤲𞤣𞤭𞤺𞤮𞤤 𞤸𞤢𞤳𞥆𞤵𞤲𞥋𞤣𞤫 𞤺𞤮𞤥𞤲𞤢𞥄𞤳𞤵 𞤲𞤺𞤵𞤲 𞤫 𞤣𞤭𞤤𞥆𞤢𞤲𞤣𞤫 M5 𞤲𞤣𞤫𞤲.
𞤖𞤮𞥅𞤪𞤫𞥅𞤩𞤫 𞤣𞤭𞤤𞥆𞤢𞤲𞤣𞤫 M5 𞤲𞤣𞤫𞤲 𞤸𞤮𞤤𞥆𞤵𞤲𞤮 𞤢𞤣𞤮 𞤴𞤢𞥄𞤳𞤮𞤪𞤢𞥄𞤩𞤫 𞤩𞤫𞤲 𞤸𞤫𞤱𞤼𞤵𞤣𞤫 𞤄𞤢𞤥𞤢𞤳𞤮 𞤱𞤮𞤲𞤣𞤫𞤥𞤢 𞤩𞤫 𞤧𞤢𞤤𞤮𞤼𞤮 𞤳𞤢𞤤𞤢 𞤬𞤫𞤸𞤪𞤫 𞤼𞤢𞤦𞤭𞤲𞤼𞤭𞤲𞤢𞤴𞤲𞤣𞤫 𞤋.𞤄.𞤑 𞤸𞤮𞥅𞤪𞤫 𞤤𞤫𞤧𞤣𞤭 𞤃𞤢𞤤𞤭 𞤲𞤣𞤭𞤲. 𞤚𞤫𞤲𞤼𞤭𞤲𞤭𞥅 𞤩𞤢𞥄𞤱𞤮 𞤧𞤮𞥅𞤪𞤭𞥅𞥅𞥅𞤩𞤫 𞤥𞤢𞤳𞥆𞤮 𞤩𞤫𞤲 𞤱𞤢𞤪𞤣𞤫 𞤴𞤭𞤥𞤩𞤫 𞤲𞤮𞥅𞤺𞤢𞤴 𞤫 𞤼𞤢𞤼𞤮 𞤫 𞤧𞤫𞤨𞥆𞤵𞤪𞤵 𞤬𞤫𞤰𞥆𞤵𞤲𞥋𞤣𞤵 𞤲𞤣𞤵𞤲.
𞤉 𞤳𞤵𞤯𞤮𞤤 𞤲𞤺𞤮𞤤 𞤩𞤫 𞤴𞤢𞤤𞤼𞤭𞤲𞤭 𞤸𞤢𞤲𞤳𞤭⹁ 𞤩𞤫 𞤩𞤢𞤲𞤺𞤭𞤲𞤭𞥅 𞤼𞤮𞤲 𞤼𞤮𞤩𞥆𞤫 𞤧𞤢𞤨𞥆𞤮𞤴-𞤫-𞤯𞤭𞤯𞤭 𞤯𞤫 𞤩𞤫 𞤬𞤫𞤤𞤭𞤪𞤭 𞤋.𞤄.𞤑. 𞤇𞤫 𞤸𞤮𞤤𞥆𞤭 𞤸𞤫𞤲 𞤳𞤢𞤣𞤭 𞤱𞤮𞤲𞤣𞤫 𞤋.𞤄.𞤑 𞤺𞤢𞤴𞤲𞤢𞤲𞤼𞤢𞥄 𞤤𞤫𞤧𞤣𞤭 𞤥𞤢𞥄𞤤𞤭 𞤲𞤣𞤭𞤲 𞤺𞤮𞥅𞤼𞤯𞤵𞤲⹁ 𞤳𞤢𞤣𞤭 𞤤𞤢𞥄𞤥𞤵 𞤥𞤢𞤳𞥆𞤮 𞤲𞤺𞤵𞤲 𞤢𞤤𞤢𞥄 𞤸𞤢𞤲𞤣𞤫 𞤳𞤢𞤣𞤭 𞤼𞤵𞥅𞤺𞤮𞤪𞤣𞤫. 𞤅𞤮 𞤃𞤢𞤤𞤭 𞤣𞤫𞥅𞤰𞤢𞤴⹁ 𞤳𞤮 𞤴𞤮 𞤮 𞤭𞤥𞥆𞤮 𞤺𞤮𞥅𞤼𞤯𞤮 𞤺𞤮𞥅 𞤤𞤮𞤲𞤼𞤮𞥅 𞤥𞤮.
𞤇𞤢𞥄𞤱𞤮 𞤼𞤭𞤲𞤼𞤭𞤣𞤵𞤺𞤮𞤤 𞤥𞤢𞤳𞥆𞤮 𞤫 𞤴𞤢𞥄𞤳𞤮𞤪𞤢𞥄𞤩𞤫 𞤁𞤫𞤐𞤘𞤖𞤀 𞤩𞤫𞤲⹁ 𞤀𞤤𞤥𞤢𞥄𞤥𞤭 𞤁𞤭𞤳𞥆𞤮 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤮 𞤱𞤫𞤤𞤼𞤮𞤪𞤢𞥄𞤤𞤭 𞤳𞤮 𞤴𞤫𞤱𞤼𞤢𞥄 𞤳𞤮𞤲. 𞤌 𞤱𞤭𞤭: “𞤸𞤢𞤴 𞤬𞤵𞤧 𞤧𞤮𞤼𞥆𞤢𞥄𞤤𞤭 𞤼𞤢𞤸𞤮. 𞤃𞤭 𞤴𞤫𞤱𞤼𞤢𞥄𞤳𞤢 𞤸𞤢𞤴 𞤬𞤵𞤧 𞤳𞤮 𞤥𞤭 𞤬𞤢𞥄𞤥𞤢𞤼𞤢. 𞤃𞤭 𞤸𞤢𞥄𞤤𞤭𞥅 𞤥𞤭 𞤸𞤢𞥄𞤤𞤼𞤭𞤳𞤫⹁ 𞤳𞤮 𞤫𞤲 𞤴𞤭𞤥𞤩𞤫 𞤣𞤢𞤪𞤭𞥅𞤩𞤫. 𞤏𞤮𞤲𞤢𞥄 𞤫𞤲 𞤴𞤭𞤥𞤩𞤫 𞤯𞤢𞥄𞤼𞤵𞤩𞤫. 𞤃𞤢𞥄𞤴𞤣𞤫 𞤲𞤮 𞤩𞤵𞤪𞤢𞤲𞤭 𞤤𞤢𞤲 𞤶𞤢𞤥𞤦𞤮 (𞤶𞤢𞤲𞤬𞤢). 𞤅𞤵𞤳𞤢𞥄𞤩𞤫 𞤥𞤢𞥄𞤴𞤵𞤩𞤫 𞤩𞤫𞤲⹁ 𞤥𞤢𞥄𞤴𞤭𞤪𞤢𞥄𞤤𞤭 𞤥𞤫𞤸𞤪𞤫. 𞤑𞤮 𞤴𞤫𞤱𞤼𞤢𞥄 𞤳𞤮𞤲 𞤸𞤢𞤲𞤳𞤭 𞤳𞤭𞥅𞤳𞤭𞥅𞤯𞤫⹁ 𞤧𞤭 𞤼𞤢𞤱𞤭𞥅 𞤳𞤮 𞤬𞤭𞥅 𞤯𞤵𞤥 𞤩𞤫 𞤪𞤫𞤲𞤣𞤭𞤲𞤭𞤪𞤭 𞤥𞤫𞤲⹁ 𞤸𞤢𞤪𞤢𞤴 𞤸𞤵𞥅𞤱𞤲𞤣𞤫 𞤱𞤢𞤯𞤢𞥄𞤤𞤭 𞤼𞤢𞤸𞤮.” 𞤀𞤤𞤥𞤢𞥄𞤥𞤭 𞤁𞤭𞤳𞥆𞤮 𞤩𞤫𞤴𞤣𞤭𞤼𞤭 𞤳𞤢𞤣𞤭: “𞤥𞤫𞤲 𞤧𞤢𞤤𞤢𞥄𞤳𞤭 𞤴𞤫𞤱𞤼𞤫𞤪𞤫. 𞤑𞤮𞤲𞤮 𞤳𞤮 𞤴𞤫𞤱𞤼𞤢𞥄 𞤳𞤮𞤲 𞤱𞤢𞥄𞤤𞤢𞤲𞤢𞥄𞤳𞤭 𞤥𞤫𞤲. 𞤅𞤮 𞤥𞤭 𞤱𞤭𞤭𞥅 𞤥𞤫𞤲 𞤱𞤫𞤤𞤼𞤭𞤲𞤢𞥄𞤥𞤢⹁ 𞤸𞤢𞤪𞤢𞤴 𞤥𞤭 𞤬𞤫𞤲𞤭𞥅…”
𞤍𞤵𞤥 𞤯𞤮𞥅 𞤲𞤮 𞤬𞤭𞤪𞤼𞤭 𞤱𞤮𞤲𞤣𞤫𞤥𞤢 𞤢𞤪𞤣𞤵 𞤴𞤢𞥄𞤳𞤮𞤪𞤢𞥄𞤩𞤫 𞤩𞤫𞤲 𞤢𞤷𞥆𞤢𞥄𞤤𞤭 𞤦𞤢𞤯𞤼𞤫. 𞤐𞤮 𞤥𞤫𞤼𞥆𞤢𞤲𞤭 𞤸𞤮𞥅𞤪𞤫𞥅𞤩𞤫 𞤤𞤫𞤧𞤯𞤫 𞤀𞤬𞤪𞤭𞤳𞤢𞥄 𞤴𞤮 𞤩𞤫 𞤥𞤵𞤤𞤼𞤵 𞤥𞤢𞥄 𞤴𞤮 𞤩𞤫 𞤸𞤭𞥅𞤤𞤵 𞤸𞤮𞥅𞤪𞤫𞥅𞤶𞤮 𞤴𞤫𞤪𞤵𞥅𞤶𞤮 𞤥𞤢𞤩𞥆𞤫 𞤬𞤭𞥅 𞤲𞤮 𞤮𞤲 𞤭𞤥𞥆𞤮𞤪𞤢 𞤳𞤢 𞤶𞤵𞤤𞥆𞤫𞤪𞤫 𞤤𞤢𞥄𞤥𞤵. 𞤇𞤫 𞤸𞤵𞤤𞤢𞤴 𞤱𞤮𞤼𞤢 𞤩𞤫 𞤧𞤭𞤲𞤷𞤵 𞤳𞤮 𞤴𞤭𞤤𞤼𞤭𞤼𞤢𞤲𞤮𞥅 𞤩𞤫.
𞤇𞤢𞥄𞤱𞤮 𞤴𞤭𞥅𞤣𞤭𞤺𞤢𞤤 𞤲𞤺𞤢𞤤⹁ 𞤸𞤮𞥅𞤪𞤫𞥅𞤩𞤫 𞤸𞤭𞤪𞤲𞤢 𞤀𞤬𞤪𞤭𞤳𞤢𞥄 𞤩𞤫𞤲 𞤱𞤢𞤴𞤲𞤭𞤼𞤭𞥅 𞤩𞤢𞥄𞤱𞤮 𞤳𞤮𞤲𞤺𞤮𞤤. 𞤑𞤮𞤲𞤮 𞤃𞤵𞤸𞤢𞤥𞥆𞤢𞤣𞤵 𞤒𞤵𞥅𞤧𞤵𞤬𞤵⹁ 𞤢𞤪𞤣𞤭𞥅𞤯𞤮 𞤁𞤫𞤲𞤼𞤢𞤤 𞤖𞤭𞤪𞤲𞤢 𞤀𞤬𞤪𞤭𞤳𞤢𞥄 𞤲𞤺𞤢𞤤⹁ 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤫 𞤧𞤢𞤪𞤼𞤭𞥅𞤶𞤭 𞤣𞤫𞤥𞤮𞤳𞤢𞤪𞤢𞥄𞤳𞤵 𞤯𞤭𞤲⹁ 𞤤𞤢𞥄𞤥𞤯𞤮 𞤥𞤮 𞤴𞤭𞤥𞤩𞤫 𞤩𞤫𞤲 𞤧𞤵𞤩𞤭𞥅 𞤶𞤮𞤯𞥆𞤭𞤲𞤭⹁ 𞤺𞤢𞤧𞤢𞤼𞤢𞥄 𞤭𞤼𞥆𞤭𞤪𞤫𞥅𞤣𞤫 𞤧𞤮 𞤱𞤮𞤲𞤢𞥄 𞤫 𞤧𞤵𞤩𞤮.
𞤚𞤵𞤥𞤦𞤮𞤲𞥋𞤣𞤭𞤪𞤢𞤤 𞤥𞤢𞤱𞤲𞤺𞤢𞤤 𞤲𞤮 𞤧𞤢𞥄𞤼𞤭𞤲𞤢 𞤳𞤢𞤣𞤭 𞤫 𞤢𞥄𞤩𞤵𞤲𞥋𞤣𞤫 𞤻𞤢𞤤𞤲𞤣𞤫 𞥒𞥗 𞤃𞤮𞤪𞤧𞤮.
𞤀 𞤱𞤭𞤢𞤴𞤼𞤭𞤥𞤢 𞤳𞤮 𞤢𞤣𞥆𞤵𞤲𞤮𞥅 𞤲𞤺𞤢𞤤 𞤴𞤢𞥄𞤳𞤮𞤪𞤢𞤤 𞤸𞤮𞥅𞤪𞤫𞥅𞤩𞤫 𞤖𞤭𞤪𞤲𞤢 𞤀𞤬𞤪𞤭𞤳𞤢𞥄⹁ 𞤳𞤮 𞤴𞤭𞤵𞤺𞤮𞤤 𞤮𞤲 𞤱𞤮𞤲𞤯𞤮 𞤀𞤤𞤢𞤥𞤢𞥄𞤥𞤭 𞤃𞤢𞤸𞤥𞤵𞥅𞤣𞤵 𞤁𞤭𞤳𞥆𞤮.
𞤇𞤫𞥅 𞤤𞤢𞤥𞤩𞤫 𞤀𞤬𞤪𞤭𞤳𞤭 𞤬𞤮𞤱 𞤳𞤮 𞤴𞤵𞤨𞥆𞤵 𞤫 𞤱𞤢𞤲𞤷𞤭𞤲. 𞤒𞤮 𞤘𞤫𞤲𞤮 𞤮𞤲 𞤩𞤫𞤴𞤣𞤢𞤲 𞤴𞤭𞤥𞤩𞤫 𞤀𞤬𞤪𞤭𞤳𞤭 𞤲𞤫𞤱𞤫𞥅𞤣𞤫…
Yo geno on okka end d’y’yeende e njorndi afrik men.
𞤀𞤱𞤢 𞤃𞤭𞤸𞤢𞤥𞥆𞤢𞤣𞤵 𞤒𞤵𞥅𞤧𞤵𞤬𞤵 𞤥𞤮 𞤤𞤫𞤴𞤣𞤭 𞤐𞤭𞥅𞤶𞥊𞤫𞥅𞤪⹁ 𞤤𞤵𞤲𞤣𞤭𞤳𞤫 𞤣𞤫𞤥𞤵𞥅𞤳𞤪𞤢𞥄𞤳𞤵 𞤲𞤺𞤵𞤲. 𞤇𞤢𞤴𞤼𞤭 𞤧𞤢𞤪𞤼𞤭𞥅𞤶𞤫 𞤁𞤫𞤥𞤵𞥅𞤳𞤢𞤪𞤢𞥄𞤳𞤵 𞤯𞤫𞤲 𞤲𞤮 𞤸𞤮𞤤𞥆𞤭: 𞤑𞤮 𞤴𞤭𞤥𞤩𞤫 𞤩𞤫𞤲 𞤶𞤮𞤲𞤺𞤭𞥅 𞤤𞤢𞥄𞤥𞤵 𞤲𞤺𞤵𞤲. 𞤅𞤭 𞤂𞤢𞥄𞤥𞤯𞤮 𞤮𞤲 𞤥𞤫𞤼𞥆𞤭𞤼𞤭𞥅 𞤴𞤭𞤥𞤩𞤫 𞤩𞤫𞤲⹁ 𞤭𞤩𞤫 𞤱𞤢𞥄𞤱𞤭 𞤥𞤮 𞤭𞤼𞥆𞤵𞤣𞤫⁏ 𞤩𞤫 𞤤𞤮𞤲𞤼𞤭𞤲𞤭𞤪𞤢 𞤥𞤮 𞤺𞤮𞤯𞥆𞤮 𞤺𞤮𞥅. 𞤉 𞤲𞤣𞤫𞤪 𞤁𞤫𞤥𞤵𞥅𞤳𞤢𞤪𞤢𞥄𞤳𞤵 𞤂𞤢𞥄𞤥𞤯𞤮 𞤮𞤲⹁ 𞤳𞤮 𞤴𞤭𞤥𞤩𞤫 𞤩𞤫𞤲 𞤼𞤢𞤲 𞤲𞤮𞥅𞤼𞤮𞤼𞤮𞥅.