𞤈𞤀𞥄𞤒𞤀𞤐 𞤀𞤏𞤈𞤀𞤃⹁ 𞤆𞤀𞤒𞤑𞤓𞤐 𞤒𞤀𞤐𞤓𞤐𞤌𞥅𞤑𞤓𞤐 𞤑𞤓𞤐 𞤉 𞤏𞤌𞤒𞤐𞤁𞤓 𞤃𞤀𞥄𞤒𞤋𞥅

𞤑𞤮 𞤫 𞤃𞤢𞤱𞤦𞤢𞥄𞤪𞤫 𞤻𞤢𞤤𞤲𞤣𞤫 𞥑 𞤕𞤮𞤤𞤼𞤮⹁ 𞤈𞤢𞥄𞤴𞤢𞤲 𞤀𞤱𞤪𞤢𞤥⹁ 𞤨𞤢𞤴𞤳𞤵𞤲 𞤳𞤵𞤲 𞤣𞤵𞥅𞤩𞤭 𞥕 𞤴𞤢𞤲𞤭 𞤫 𞤱𞤮𞤴𞤲𞤣𞤵 𞤫 𞤲𞤮𞤳𞥆𞤵𞥅𞤪𞤫 𞤱𞤭𞤫𞤼𞤫𞥅𞤲𞤣𞤫 𞤡𞤫𞤬𞤧𞤢𞤱𞤫𞤲 𞤳𞤢 𞤲𞤢𞤲𞥆𞤢𞤲𞤺𞤫 (𞤪𞤫𞤱𞤮) 𞤃𞤢𞤪𞤮𞤳.

𞤖𞤢𞤪𞤭 𞤼𞤭𞤥𞥆𞤭𞥅 𞤦𞤢𞥄𞤤𞤯𞤫 𞥕 𞤺𞤭𞤤𞤢 𞤨𞤢𞤴𞤳𞤵𞤲 𞤳𞤵𞤲 𞤴𞤢𞤲𞤭 𞤫 𞤲𞤣𞤵𞥅 𞤱𞤮𞤵𞤲𞤣𞤵 𞤲𞤣𞤵 𞤥𞤫𞥅𞤼𞤭 𞥓𞥒 𞤤𞤵𞤺𞥆𞤫𞥅𞤲𞤣𞤭. 𞤑𞤮𞤲𞤮 𞤲𞤣𞤫 𞤼𞤢𞤱𞤵𞤲𞤮𞥅 𞤱𞤮𞤴𞤲𞤣𞤵 𞤲𞤣𞤵𞤲 𞤴𞤢𞥄𞤶𞤢𞥄⹁ 𞤬𞤢𞥄𞤦𞤭𞥅𞤩𞤫 𞤩𞤫𞤲 𞤱𞤢𞥄𞤱𞤢𞤼𞤢𞥄𞤲𞤮 𞤼𞤭𞤨𞥆𞤮𞤪𞤣𞤫 𞤳𞤢 𞤸𞤵𞤲𞤣𞤵𞤳𞤮 𞤥𞤢𞤴𞤪𞤵 𞤲𞤺𞤢𞤥 𞤰𞤢𞤱𞤲𞤵𞤺𞤮𞤤 𞤨𞤢𞤴𞤳𞤵𞤲 𞤳𞤵𞤲. 𞤚𞤢𞤱𞤭𞥅 𞤤𞤮 𞤦𞤫𞥅 𞤩𞤫 𞤢𞤧𞤢 𞤲𞤺𞤢𞤴𞤳𞤢 𞤥𞤮𞤺𞥆𞤮 𞤱𞤮𞤴𞤲𞤣𞤵 𞤲𞤣𞤵𞤲 𞤲𞤮 𞤩𞤫 𞤴𞤮𞤼𞥆𞤮𞤪𞤮𞥅 𞤫 𞤨𞤢𞤴𞤳𞤵𞤲 𞤳𞤵𞤲.

𞤀𞤧𞤵𞤺𞤮𞤤 𞤲𞤺𞤢𞤴𞤳𞤢 𞤳𞤢𞤲 𞤲𞤫𞥅𞤩𞤵𞤲𞤮 𞤧𞤢𞤦𞤵 𞤸𞤢𞤱𞤪𞤵𞤺𞤮𞤤 𞤥𞤢𞤩𞥆𞤫 𞤫 𞤨𞤫𞤼𞤫 𞤫 𞤳𞤵𞤤𞤮𞤤 𞤱𞤮𞤼𞤢 𞤤𞤫𞤴𞤣𞤭 𞤲𞤣𞤭𞤲 𞤱𞤮𞤪𞤺𞤭𞤼𞤮 𞤴𞤢𞤲𞤢 𞤫 𞤸𞤮𞥅𞤪𞤫 𞤹𞤢𞤴𞤳𞤵𞤲 𞤳𞤵𞤲 𞤵𞤦𞥆𞤢 𞤳𞤵𞤲.

𞤐𞤮 𞤳𞤵𞤲 𞤨𞤢𞤴𞤳𞤵𞤲 𞤴𞤢𞤲𞤭𞤪𞤭 𞤫 𞤲𞤣𞤵𞥅 𞤱𞤮𞤴𞤥𞤣𞤵 𞤢𞤲𞤣𞤢𞥄𞤳𞤢 𞤼𞤢𞤸𞤮. 𞤑𞤮𞤲𞤮 𞤢𞥄𞤲𞤣𞤫 𞤬𞤭𞥅 𞤨𞤢𞤴𞤳𞤵𞤲 𞤥𞤢𞥄𞤨𞤭𞤲𞥆𞤮 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤬𞤮𞤨.

𞤔𞤭𞥅𞤣𞤲𞤢𞥄𞤩𞤫 𞤥𞤢𞤳𞥆𞤮 𞤫 𞤴𞤭𞤥𞤩𞤫 𞤸𞤮𞤯𞤮 𞤥𞤢𞤳𞥆𞤫 𞤲𞤺𞤮𞤲 𞤥𞤮𞥅𞤩𞤭𞤲𞤮 𞤲𞤣𞤢𞥄𞤪𞤵𞤺𞤮𞤤 𞤺𞤮𞤤𞥆𞤫 𞤬𞤢𞥄𞤦𞤮 𞤲𞤺𞤮𞤲. 𞤑𞤮𞤲𞤮 𞤲𞤣𞤫 𞤩𞤫 𞤸𞤫𞤱𞤼𞤵𞤲𞤮𞥅 𞤳𞤵𞤲⹁ 𞤩𞤫 𞤼𞤢𞤱𞤭𞥅 𞤳𞤵𞤲 𞤥𞤢𞥄𞤴𞤭𞥅 𞤦𞤢𞤯𞤼𞤢𞤲𞤫 𞤦𞤢𞤪𞤥𞤫 𞤳𞤮 𞤳𞤵𞤲 𞤸𞤫𞤩𞤭 𞤬𞤫𞤱𞤲𞤣𞤮 𞤴𞤢𞤲𞤵𞤺𞤮𞤤 𞤥𞤢𞤳𞥆𞤵𞤲.

𞤂𞤢𞥄𞤥𞤯𞤮 𞤃𞤢𞤪𞤮𞤳 𞤮𞤲⹁ 𞤃𞤵𞤸𞤢𞤥𞥆𞤢𞤣 𞤶𞤫𞥅𞤺𞤢𞤩𞤮 𞤴𞤢𞤪𞤤𞤭𞤲𞤼𞤭𞤲𞤭𞥅 𞤥𞤢𞤱𞤩𞤫 𞤨𞤢𞤴𞤳𞤵𞤲 𞤳𞤵𞤲 𞤫 𞤥𞤢𞤪𞤮𞤳𞤲𞤢𞥄𞤩𞤫 𞤩𞤫𞤲 𞤬𞤮𞤨.