𞤈𞤌𞤐𞤀𞤂𞤁𞤌 𞤉 𞤃𞤀𞤐 𞤒𞤓𞤐𞤀𞤒𞤚𞤉𞤁 𞤅𞤉𞥅𞤁𞤋𞥅

𞤖𞤮𞥅𞤪𞤫𞥅𞤩𞤫 𞤃𞤢𞤲 𞤴𞤵𞤲𞤢𞤴𞤼𞤫𞤣 𞤩𞤫𞤲 𞤸𞤮𞤤𞥆𞤭𞥅 𞤸𞤢𞤲𞤣𞤫 𞤫 𞤃𞤢𞤱𞤦𞤢𞥄𞤪𞤫 𞤻𞤢𞤤𞤲𞤣𞤫 𞥒𞥒 𞤔𞤮𞤤𞤮 𞥒𞥐𞥒𞥒⹁ 𞤱𞤮𞤲𞤣𞤫𞤥𞤢 𞤩𞤫 𞤧𞤫𞥅𞤣𞤭𞥅 𞤫 𞤈𞤮𞤲𞤢𞤤𞤣𞤮.

𞤉 𞤲𞤣𞤫𞤪 𞤳𞤵𞤥𞤨𞤭𞤼𞤢𞤤 𞤲𞤺𞤢𞤤 𞤩𞤫 𞤴𞤢𞤤𞤼𞤭𞤲𞤭 𞤲𞤺𞤢𞤤⹁ 𞤸𞤮𞥅𞤪𞤫𞥅𞤩𞤫 𞤑𞤭𞤨𞥆𞤮𞤤 𞤲𞤺𞤮𞤤 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤳𞤮 𞤫 𞤳𞤢𞥄𞤤𞤣𞤭𞤺𞤢𞤤 𞤸𞤢𞤳𞥆𞤵𞤲’𞤣𞤫 𞤥𞤢𞤩𞥆𞤫 𞤫 𞤈𞤮𞤲𞤢𞤤𞤣𞤮 𞤮 𞤱𞤮𞤲𞤭 𞤭𞤱𞤭𞤪𞤢𞤲𞤣𞤫 𞤃𞤢𞤲 𞤒𞤵𞤲𞤢𞤴𞤼𞤫𞤣.

𞤘𞤭𞤦𞤭 𞤈𞤫𞤴𞤢𞤤 𞤧𞤮𞥅𞤣𞤵𞤲𞤮𞥅 𞤥𞤮 𞤫 𞥒𞥐𞥐𞥙⹁ 𞤳𞤮 𞤪𞤮𞤱𞤢𞤲𞤭 𞤫 𞥒𞥐𞥒𞥑⹁ 𞤈𞤮𞤲𞤢𞤤𞤣𞤮 𞤪𞤵𞤼𞥆𞤭𞥅 𞤃𞤢𞤲 𞤒𞤵𞤲𞤢𞤴𞤼𞤫𞤣. 𞤌 𞤬𞤭𞤶𞤢𞤲𞥆𞤮𞥅 𞤈𞤫𞤴𞤢𞤤 𞤣𞤵𞥅𞤩𞤭 𞥙 𞤧𞤭 𞤮 𞤴𞤢𞤸𞤭 𞤔𞤵𞤫𞤲𞤼𞤭𞤧 𞤫 𞥒𞥐𞥒𞥑. 𞤑𞤮 𞤔𞤵𞤱𞤫𞤲𞤼𞤭𞤧 𞤮 𞤭𞤱𞤪𞤭 𞤮 𞤢𞤪𞤼𞤭 𞤃𞤢𞤲 𞤒𞤵𞤲𞤢𞤴𞤼𞤫𞤣.

𞤌 𞤬𞤭𞤶𞤢𞤲𞥆𞤮 𞤃𞤢𞤲 𞤒𞤵𞤲𞤢𞤴𞤼𞤫𞤣 𞤺𞤭𞤦𞤭 𞥒𞥐𞥐𞥓 𞤸𞤢𞥄 𞥒𞥐𞥐𞥙. 𞤑𞤮 𞤮𞤲𞤼𞤵𞤥𞤢 𞤮 𞤬𞤵𞤯𞥆𞤭 𞤤𞤮𞤤𞥆𞤵𞤣𞤫 𞤬𞤮𞤼𞤢 𞤸𞤢𞥄 𞤭𞤲𞤣𞤫 𞤥𞤢𞤳𞥆𞤮 𞤶𞤢𞥄𞤤𞤭𞥅 𞤫 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤬𞤮𞤨. 𞤑𞤮 𞤬𞤫𞤱𞤲𞤣𞤮 𞤮𞤲𞤼𞤵𞤥𞤢 𞤳𞤢𞤣𞤭 𞤮 𞤰𞤫𞤼𞥆𞤭 𞤥𞤵𞤤𞥆𞤫𞤪𞤫 𞤥𞤢𞤳𞥆𞤮 𞤳𞤢𞤲𞤽𞤫 𞤢𞤪𞤢𞤲𞤫𞤪𞤫 𞤲𞤣𞤫𞤲. 𞤍𞤵𞤥 𞤳𞤮 𞤫 𞤸𞤭𞤼𞤢𞥄𞤲𞤣𞤭 𞥒𞥐𞥐𞥘 𞤱𞤢𞤯𞤭 𞤸𞤢𞤪𞤭 𞤸𞤭𞤥𞤮 𞤸𞤫𞤩𞤭 𞤣𞤵𞥅𞤩𞤭 𞥒𞥓. 𞤖𞤢𞤲𞤣𞤫 𞤈𞤮𞤲𞤢𞤤𞤣𞤮 𞤲𞤮 𞤥𞤢𞤪𞤭 𞤣𞤵𞥅𞤩𞤭 𞥓𞥗.

𞤖𞤮𞥅𞤪𞤫𞥅𞤩𞤫 𞤃𞤢𞤲 𞤒𞤵𞤲𞤢𞤴𞤼𞤫𞤣 𞤩𞤫𞤲 𞤶𞤢𞤪𞤲𞤭𞥅 𞤈𞤮𞤲𞤢𞤤𞤣𞤮 𞤦𞤢𞤯𞤼𞤫 𞤺𞤮𞤤𞥆𞤫 𞤥𞤢𞤳𞥆𞤮 𞤯𞤫 𞤮 𞤱𞤢𞤯𞤢𞤲𞤭 𞤯𞤫𞤲 𞤳𞤭𞤨𞥆𞤮𞤤 𞤥𞤢𞤩𞥆𞤫 𞤲𞤺𞤮𞤤 . 𞤑𞤢𞤲𞤳𞤮 𞤼𞤵𞤲 𞤮 𞤲𞤣𞤢𞤲𞤭𞥅 𞤩𞤫 𞤳𞤵𞥅𞤤𞤫 𞥑𞥒𞥕 𞤫 𞤲𞤣𞤫𞤪 𞤬𞤭𞤶𞤢𞤲𞤯𞤫 𞥓𞥔𞥖.

𞤑𞤮 𞤱𞤮𞤲𞤭 𞤭𞤼𞥆𞤵𞤣𞤫 𞤥𞤮 𞤃𞤢𞤲 𞤒𞤵𞤲𞤢𞤴𞤼𞤫𞤣⹁ 𞤳𞤮 𞤧𞤢𞤦𞤵 𞤸𞤢𞤱𞤪𞤫 𞤴𞤢𞤲𞤵𞤲’𞤣𞤫 𞤸𞤢𞤳𞥆𞤵𞤲’𞤣𞤫 𞤥𞤢𞤳𞥆𞤮 𞤫 𞤃𞤢𞤲 𞤒𞤵𞤲𞤢𞤴𞤼𞤫𞤣 𞤫 𞤯𞤫𞥅 𞤦𞤢𞥄𞤤𞤯𞤫 𞤬𞤫𞤰𞥆𞤵𞤯𞤫 𞤦𞤢𞤯𞤼𞤢𞤲𞤫 𞤴𞤫𞤱𞤼𞤫𞤪𞤫 𞤲𞤣𞤫 𞤮 𞤱𞤢𞤯𞤭𞤣𞤭 𞤫 𞤆𞤭𞤴𞤫𞤪𞤧 𞤃𞤮𞤪𞤺𞤢𞤲 .
𞤑𞤮 𞤲𞤣𞤫𞤲 𞤼𞤭𞤳𞥆𞤭𞤲𞤭 𞤃𞤢𞤲 𞤒𞤵𞤲𞤢𞤵𞤼𞤫𞤣 𞤬𞤮𞤼𞤢 𞤧𞤢𞤦𞤵𞤲𞤢 𞤫 𞤲𞤣𞤫𞤪 𞤴𞤫𞤱𞤼𞤫𞤪𞤫 𞤲𞤣𞤫𞤲⹁ 𞤈𞤮𞤲𞤢𞤤𞤣𞤮 𞤢𞤴𞤦𞤭𞤲𞥆𞤮 𞤸𞤮𞥅𞤪𞤫𞥅𞤩𞤫 𞤳𞤭𞤨𞥆𞤮𞤤 𞤲𞤺𞤮𞤤⹁ 𞤼𞤫𞤲𞤼𞤭𞤲𞤭𞥅 𞤉𞤪𞤭𞤳 𞤼𞤫𞤲 𞤖𞤢𞤺⹁ 𞤫𞤤𞤼𞤮𞥅𞤱𞤮 𞤮𞤲.

𞤔𞤮𞥅𞤲𞤭 𞤢𞤲𞤣𞤢𞥄𞤳𞤢 𞤳𞤮 𞤸𞤮𞤲𞤼𞤮 𞤈𞤮𞤲𞤢𞤤𞤣𞤫 𞤬𞤭𞤶𞤮𞤴𞤼𞤢 𞤳𞤮𞤲𞤮 𞤲𞤮 𞤢𞤲𞤣𞤢𞥄 𞤱𞤮𞤲𞤣𞤫𞤥𞤢 𞤧𞤢𞤺𞤮 𞤥𞤢𞤳𞥆𞤮 𞤮 𞤤𞤵𞤼𞥆𞤢𞤴 𞤬𞤭𞤶𞤢𞤲𞤣𞤫 𞤳𞤭𞤨𞥆𞤭 𞤉𞤪𞤮𞤨 𞤯𞤭𞤲 𞤼𞤫𞤲𞤼𞤭𞤲𞤭𞥅 𞤯𞤭𞥅 𞤼𞤢𞤱𞤢𞥄𞤯𞤭 𞤳𞤢 𞤬𞤮𞥅𞤤𞤮𞤼𞤭𞤪𞤢𞤤 𞤕𞤢𞤥𞤨𞤭𞤴𞤮𞤲𞤧 𞤂𞤭𞤺. 𞤐𞤣𞤫 𞤼𞤢𞤱𞤵𞤲𞤮𞥅 𞤲𞤮𞤲 𞤲𞤶𞤮𞤩𞤣𞤭 𞤈𞤮𞤲𞤢𞤤𞤣𞤮 𞤬𞤢𞤥𞤯𞤢𞥄⹁ 𞤯𞤵𞥅𞤯𞤢𞥄 𞤳𞤭𞤨𞥆𞤭 𞤱𞤢𞥄𞤱𞤢𞤴𞤯𞤭 𞤸𞤵𞥅𞤩𞤲𞤢𞤲𞤣𞤫 𞤥𞤮.

𞤐𞤮 𞤱𞤮𞥅𞤣𞤭 𞤲𞤮𞤲 𞤳𞤮 𞤈𞤮𞤲𞤢𞤤𞤣𞤮 𞤸𞤭𞤤𞤲𞤭𞥅 𞤬𞤫𞤱𞤲𞤣𞤮 𞤯𞤮𞤮. 𞤌𞤥𞤮 𞤑𞤢𞤼𞤢𞤪 𞤳𞤢𞤲𞤳𞤮 𞤫 𞤬𞤭𞤶𞤢𞤲𞤮𞥅𞤩𞤫 𞤆𞤮𞤪𞤼𞤭𞤺𞤢𞤤 𞤩𞤫𞤲 𞤫 𞤬𞤮𞥅𞤤𞤮𞤼𞤭𞤪𞤢𞤤 𞤬𞤭𞥅 𞤬𞤫𞤤𞤺𞤮 𞤢𞤣𞤵𞤲𞤢𞤴𞤢𞤲𞤳𞤮𞤱𞤮 𞤲𞤺𞤮𞤲. 𞤉 𞤐𞤢𞤹𞤧𞤢𞤲𞤣𞤫 𞤻𞤢𞤤𞤲𞤣𞤫 𞥒𞥔 𞤔𞤮𞤤𞤮⹁ 𞤆𞤮𞤪𞤼𞤭𞤺𞤢𞤤 𞤲𞤢𞤲𞤺𞤮𞤲’𞤣𞤭𞤪𞤢𞤴 𞤫 𞤘𞤢𞤲𞤢.

𞤍𞤫𞥅 𞤤𞤫𞤴𞤯𞤫 𞤯𞤭𞤯𞤭 𞤱𞤢𞤴𞤪𞤭 𞤬𞤮𞤼𞥆𞤵𞤣𞤫 𞤫 𞥒𞥐𞥑𞥔. 𞤌𞤲𞤼𞤵𞤥𞤢 𞤆𞤮𞤪𞤼𞤭𞤺𞤢𞤤 𞤱𞤢𞤯𞤵𞤲𞤮 𞤳𞤵𞥅𞤤𞤫 𞥒 𞤳𞤮𞤲𞤮 𞤘𞤢𞤲𞤢 𞤱𞤵𞤪𞤼𞤭 𞤳𞤵𞥅𞤤𞤢𞤤.

𞤑𞤵𞤯𞤮𞤤 𞤀𞤒𞤡𞤀 𞤅𞤌𞥅