𞤑𞤌𞤜𞤋𞤁-𞥑𞥙 𞤏𞤌𞤐𞤋𞥅 𞤅𞤀𞤄𞤓 𞤔𞤀𞥄𞤘𞤌𞤈𞤀𞥄𞤍𞤌 𞤃𞤓𞤈𞤀𞥄𞤍𞤋 𞤔𞤀𞤐𞤀𞤐𞤋 𞤅𞤋𞤃𞤄𞤀𞥄𞤄𞤓𞤏𞤉

𞤅𞤭𞤦𞤵𞤧𞤵𞤧𞤮 𞤃𞤮𞤴𞤮⹁ 𞤶𞤢𞥄𞤺𞤮𞤪𞤢𞥄𞤯𞤮 𞤅𞤭𞤥𞤦𞤢𞥄𞤦𞤵𞤱𞤫 𞤮𞤲 𞤳𞤢 𞤥𞤵𞤪𞤢𞥄𞤯𞤭 𞤶𞤢𞤲𞤢𞤲𞤭 𞤥𞤢𞥄𞤴𞤭𞥅 𞤸𞤢𞤲𞤣𞤫⹁ 𞤻𞤢𞤤𞤲𞤣𞤫 𞥒𞥐 𞤅𞤭𞥅𞤤𞤮 𞥒𞥐𞥒𞥑. 𞤑𞤮 𞤻𞤢𞤱𞤵 𞤑𞤮𞤾𞤭𞤣-𞥑𞥙 𞤱𞤮𞤲𞤭 𞤧𞤢𞤦𞤵 𞤥𞤢𞤳𞥆𞤮. 𞤖𞤢𞤪𞤭 𞤮 𞤩𞤵𞤪𞤲𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞥖𞥐.

𞤀𞤣𞤮 𞤮 𞤤𞤢𞥄𞤼𞤢𞥄𞤣𞤫 𞤶𞤢𞥄𞤺𞤮𞤪𞤢𞥄𞤯𞤮⹁ 𞤸𞤢𞤪𞤭 𞤳𞤮 𞤮 𞤑𞤵𞥅𞤩𞤢𞤤𞥆𞤮 𞤥𞤢𞤱𞤯𞤮 𞤳𞤢 𞤳𞤮𞤲𞤵 𞤲𞤺𞤫𞤲𞤣𞤭𞤲𞤳𞤮𞤱𞤵 𞤅𞤭𞤥𞤦𞤢𞥄𞤦𞤵𞤱𞤫. 𞤌𞤥𞤮 𞤼𞤢𞤱𞤢𞤲𞤮𞥅 𞤫 𞤭𞤼𞥆𞤵𞤩𞤫 𞤩𞤫𞤲 𞤈𞤮𞤦𞤫𞤪 𞤃𞤵𞤺𞤢𞤦𞤫 𞤫 𞤸𞤮𞥅𞤪𞤢𞥄𞤺𞤵 𞤤𞤫𞤴𞤣𞤭 𞤲𞤣𞤭𞤲. 𞤙𞤢𞤤𞤲𞤣𞤫 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤬𞤮𞤤𞥆𞤵𞤲𞤮𞥅 𞤃𞤵𞤺𞤢𞤦𞤫⹁ 𞤳𞤮 𞤅𞤭𞤦𞤵𞤧𞤵𞤧𞤮 𞤃𞤮𞤴𞤮 𞤴𞤢𞤤𞤼𞤵𞤲𞤮𞥅 𞤳𞤢 𞤰𞤫𞥅𞤱𞤤𞤵 𞤼𞤮𞤪𞤭𞥅 𞤴𞤭𞤥𞤩𞤫 𞤩𞤫𞤲 𞤣𞤫𞤰𞥆𞤭𞤲𞤢𞤺𞤮𞤤.

𞤙𞤢𞤤𞤲𞤣𞤫 𞥓𞥐 𞤶𞤮𞤤𞤮 𞥒𞥐𞥑𞥗⹁ 𞤷𞤢𞤺𞥆𞤢𞤤 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤰𞤫𞤼𞥆𞤵𞤣𞤫 𞤤𞤢𞥄𞤥𞤵 𞤲𞤺𞤵𞤲⹁ 𞤉𞤥𞤫𞤪𞤧𞤮𞤲 𞤃𞤲𞤢𞤲𞤺𞤢𞤺𞤱𞤢⹁ 𞤸𞤮𞥅𞤪𞤫𞥅𞤶𞤮 𞤳𞤫𞤧𞤮 𞤮𞤲⹁ 𞤼𞤮𞤯𞥆𞤭𞥅 𞤅𞤭𞤦𞤵𞤧𞤭𞤧𞤮 𞤃𞤮𞤴𞤮 𞤳𞤮 𞤱𞤮𞤲𞤢 𞤶𞤢𞥄𞤺𞤮𞤪𞤢𞥄𞤯𞤮 𞤬𞤭𞥅 𞤥𞤵𞤪𞤢𞥄𞤯𞤭 𞤶𞤢𞤲𞤢𞤲𞤭.

𞤐𞤺𞤵𞥅 𞤻𞤢𞤱𞤵 𞤑𞤮𞤾𞤭𞤣-𞥑𞥙 𞤱𞤮𞤲𞤵𞤲𞥋𞤺𞤵 𞤧𞤢𞤦𞤵 𞤋𞤧𞤥𞤢𞥄𞤴𞤭𞥅𞤤𞤢 𞤅𞤭𞥅𞤧𞤫⹁ 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤲𞤺𞤵 𞤢𞤷𞥆𞤭𞤪𞤼𞤢𞥄 𞤺𞤮𞥅𞤼𞤮 𞤧𞤢𞤦𞤵 𞤣𞤢𞤪𞤲𞤣𞤫 𞤮𞤲𞤼𞤭𞤺𞤭⹁ 𞤥𞤢𞥄 𞤶𞤢𞤱𞤣𞤭 𞤮𞤲𞤼𞤭𞤺𞤭. 𞤐𞤺𞤵 𞤢𞤤𞤢𞥄 𞤤𞤫 𞤳𞤢𞤣𞤭 𞤤𞤫𞤳𞥆𞤭 𞤼𞤢𞤸𞤮. 𞤃𞤮 𞤳𞤢𞤤𞤢 𞤲𞤮 𞤸𞤢𞥄𞤲𞤭 𞤪𞤫𞥅𞤲𞤼𞤢𞥄𞤣𞤫. 𞤌𞤲𞤼𞤭𞤺𞤭 𞤲𞤮 𞤸𞤢𞥄𞤲𞤭 𞤻𞤫𞤥𞤼𞤭𞤲𞤣𞤫 𞤴𞤢𞤥𞤭𞤪𞤮𞥅𞤶𞤮 𞤣𞤢𞤯𞤲𞤭𞤼𞤮𞤪𞤯𞤫 𞤯𞤫𞤲. 𞤍𞤫𞤲 𞤳𞤮:
𞥑 – 𞤔𞤓𞥅𞤍𞤉 𞤍𞤉𞤐, 𞤤𞤮𞥅𞤼𞤢 𞤯𞤫 𞤧𞤮𞥅𞤲𞤮 𞤳𞤢𞤤𞤢. 𞤌𞤲𞤼𞤭𞤺𞤭 𞤧𞤮𞥅𞤯𞤮𞤪𞤢 𞤧𞤢𞥄𞤦𞤵𞤲𞤣𞤫 𞤫 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲
𞥒 – 𞤅𞤌𞤇𞥆𞤓𞤐𞥋𞤁𞤓 𞤐𞤁𞤓𞤐⹁ 𞤯𞤮𞤶𞥆𞤢 𞤥𞤢𞥄 𞤭𞥅𞤤𞤢 𞤫 𞤲𞤣𞤫𞤪 𞤥𞤢𞤴𞤪𞤵.
𞥓 – 𞤒𞤉𞥅𞤅𞤌 𞤐𞤘𞤌𞤐⹁ 𞤱𞤮𞤼𞤢 𞤮𞤲𞤼𞤭𞤺𞤭 𞤥𞤫𞥅𞤥𞤵 𞤲𞤺𞤮⹁ 𞤼𞤫𞤲𞤼𞤭𞤲𞤭𞥅 𞤧𞤮 𞤶𞤵𞥅𞤯𞤫 𞤯𞤫𞤲 𞤤𞤢𞥄𞤩𞤢𞥄.
𞥔 – 𞤚𞤉𞤆𞥆𞤉 𞤚𞤀𞤚𞤋⹁ 𞤴𞤮 𞤯𞤵𞤥 𞤱𞤮𞤲𞤵 𞤸𞤢𞤳𞥆𞤵𞤲’𞤣𞤫 𞤮𞤲𞤼𞤭𞤺𞤭 𞤫 𞤴𞤭𞤥𞤩𞤫 𞤩𞤫𞤲.
𞥕 – 𞤃𞤌 𞤅𞤌𞤋𞥅 𞤲𞤢𞤱𞤲𞤵𞤣𞤫⹁ 𞤴𞤮 𞤤𞤵𞤼𞥆𞤫𞥅 𞤳𞤢 𞤧𞤵𞥅𞤣𞤵 𞤥𞤵𞤲.
𞥖 – 𞤅𞤓𞥅𞤃𞤀 𞤳𞤭𞤲𞤢𞤤 𞤲𞤺𞤢𞤤 𞤫 𞤸𞤵𞤲𞤣𞤵𞤳𞤮 𞤳𞤮𞤲 𞤧𞤮 𞤼𞤢𞤱𞤭𞥅 𞤮𞤲𞤼𞤭𞤺𞤭 𞤴𞤢𞤤𞤼𞤢𞤴.