𞤚𞤋𞤃 𞤄𞤈𞤓𞤑𞤅 𞤉 𞤐𞤉𞥅𞤐𞤉 𞤊𞤓𞥅𞤚𞤀 𞤒𞤉𞤏𞤚𞤋 𞤖𞤌𞥅𞤈𞤉 𞤄𞤋𞤐𞤁𞤌𞤂 𞤑𞤉𞤅𞤌𞤂 𞤉 𞤖𞤌𞥅𞤈𞤉 𞤀𞤁𞤂𞤀𞤃

𞤉 𞤐𞤢𞥄𞤧𞤢𞥄𞤲𞤣𞤫⹁ 𞤻𞤢𞤤𞤲𞤣𞤫 𞥑𞥕 𞤅𞤭𞥅𞤤𞤼𞤮 𞥒𞥐𞥒𞥒⹁ 𞤚𞤋𞤃 𞤄𞤈𞤓𞤑𞤅 𞤱𞤢𞤯𞤵𞤲𞤮 𞤴𞤫𞤱𞤼𞤫𞤪𞤫 𞤼𞤮 𞤤𞤢𞥄𞤥𞤮𞤪𞤣𞤫 𞤆𞤢𞤪𞤭⹁ 𞤲𞤣𞤫𞤪 𞤊𞤢𞤪𞤢𞤲𞤧𞤭 𞤳𞤢 𞤧𞤵𞥅𞤣𞤵 𞤳𞤭𞤯𞥆𞤭𞥅𞤪𞤵 𞤃𞤵𞤲𞤣𞤮𞤤𞤭𞤲𞤺𞤢. 𞤅𞤵𞥅𞤣𞤵 𞤲𞤣𞤵 𞤶𞤢𞤤𞤦𞤫𞥅𞤲𞤣𞤭 𞤲𞤵𞤵𞤲 𞤸𞤢𞤳𞤭𞤲𞤣𞤭𞤲𞤢𞥄 𞤬𞤭𞥅 𞤴𞤮 𞤲𞤣𞤭 𞤸𞤢𞤱𞤪𞤮𞤲’𞤣𞤭𞤪 𞤫 𞤲𞤣𞤢𞤴𞤺𞤵 𞤰𞤫𞤱𞤤𞤵 𞤲𞤺𞤵𞤲.

𞤍𞤮𞥅 𞤳𞤮 𞤲𞤮𞤳𞥆𞤵𞥅𞤪𞤫 𞤬𞤮𞤼𞤵𞤲’𞤣𞤭𞤪𞤲𞤣𞤫⹁ 𞤬𞤭𞤪𞤼𞤭𞥅𞤲𞤣𞤫 𞤳𞤢𞤣𞤭 𞤱𞤮𞤲𞤢𞤲𞤣𞤫 𞤴𞤭𞤥𞤩𞤫 𞥓𞥐 𞤼𞤮𞥅𞤤𞤲𞤢𞤲𞤮𞥅𞤩𞤫 𞤬𞤭𞥅 𞤶𞤫𞤲𞤼𞤢𞤺𞤮𞤤 𞤲𞤣𞤫𞥅 𞤴𞤫𞤱𞤼𞤫𞤪𞤫 𞤚𞤋𞤃 𞤄𞤈𞤓𞤑𞤅 𞤲𞤣𞤫 𞤮 𞤭𞤲𞥆𞤭 “𞤄𞤋𞤐𞤁𞤌𞤂 𞤑𞤉𞤅𞤌𞤂” 𞤲𞤺𞤮𞤤 𞤲𞤫𞤯𞥆𞤮 𞤶𞤫𞤴𞤢𞥄𞤯𞤮 𞤫 𞤤𞤫𞤻𞤮𞤤 𞤨𞤢𞤥𞤢𞤪𞤮𞤤 𞤋𞤲𞤣𞤭𞤴𞤢 𞤧𞤭𞤲𞤷𞤭. 𞤉 𞤲𞤣𞤫𞤪 𞤴𞤫𞤱𞤼𞤫𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤮 𞤩𞤢𞤲𞤺𞤭𞤲𞤮𞤪𞤭 𞤬𞤭𞥅 𞤀𞤁𞤂𞤢𞤃.

𞤃𞤮𞤴 𞤱𞤮𞤲𞤭 𞤚𞤋𞤃 𞤄𞤓𞤑𞤅؟

𞤚𞤋𞤃 𞤄𞤈𞤓𞤑𞤅 𞤳𞤮 𞤢𞤥𞤫𞤪𞤭𞤳𞤲𞤢𞥄𞤶𞤮. 𞤑𞤮 𞤳𞤢𞤲𞤳𞤮 𞤱𞤮𞤲𞤭 𞤧𞤭𞤲𞤷𞤵𞤯𞤮 𞤫 𞤢𞤪𞤣𞤭𞥅𞤯𞤮 𞤲𞤣𞤭𞥅 𞤲𞤶𞤵𞤩𞥆𞤵𞤣𞤭 𞤱𞤭𞤴𞤫𞤼𞤫𞥅𞤲𞤣𞤭 Endangered Alphabets Project 𞤲𞤣𞤭 𞤬𞤢𞥄𞤲𞤣𞤢𞥄𞤪𞤫 𞤥𞤵𞤵𞤲 𞤱𞤮𞤲𞤭 𞤱𞤵𞥅𞤪𞤲𞤭𞤼𞤭𞤪𞤺𞤮𞤤 𞤫 𞤸𞤭𞤱𞤭𞤪𞤺𞤮𞤤 𞤨𞤭𞤲𞤫 𞤧𞤫𞤩𞤭𞤼𞤭𞥅𞤯𞤫 𞤦𞤭𞤲𞤣𞤭 𞤥𞤵𞤵𞤲.

𞤌 𞤴𞤭𞥅𞤤𞤮𞤼𞤮 𞤫 𞤤𞤫𞤴𞤣𞤭 𞤲𞤣𞤭𞤲 𞤱𞤢𞤯𞤵𞤺𞤮𞤤 𞤶𞤫𞤱𞤼𞤫 𞤸𞤮𞥅𞤪𞤫 𞤲𞤢𞤬𞤮𞥅𞤶𞤫 𞤱𞤵𞥅𞤪𞤲𞤵𞤺𞤮𞤤 𞤦𞤭𞤲𞤣𞤮𞤤. 𞤑𞤮 𞤯𞤵𞤥 𞤢𞤣𞥆𞤭 𞤴𞤮 𞤫 𞤷𞤢𞥄𞤼𞤫 𞤆𞤢𞤪𞤭 𞤬𞤭𞥅 𞤱𞤢𞤯𞤵𞤺𞤮𞤤 𞤴𞤫𞤱𞤼𞤫𞤪𞤫.


𞤅𞤫𞥅𞤣𞤭𞤼𞤭𞤲𞤮 𞤲𞤣𞤫𞥅 𞤴𞤫𞤱𞤼𞤫𞤪𞤫 𞤥𞤢𞤳𞥆𞤮 𞤲𞤣𞤫 𞤮 𞤱𞤢𞤯𞤭 𞤆𞤢𞤪𞤭⹁ 𞤅𞤮𞤲𞥆𞤢 𞤀𞤒𞤅𞤀𞤚𞤓 𞤂𞤋𞤂𞤋⹁ 𞤢𞤲𞤣𞤭𞤪𞤢𞥄𞤩𞤫 𞤐𞤉𞥅𞤐𞤉 𞤊𞤓𞥅𞤚𞤀 𞤳𞤢 𞤲𞤶𞤵𞤩𞥆𞤵𞤤𞤭 𞤶𞤮𞤳𞥆𞤮𞤲𞤣𞤭𞤪𞤢𞤤. 𞤉𞤩𞤫 𞤢𞤲𞤣𞤭𞤪𞤢𞥄 𞤱𞤢𞤳𞥆𞤭𞤤𞤢𞥄𞤪𞤫 𞤥𞤢𞤩𞥆𞤫 𞤬𞤭𞥅 𞤩𞤢𞤥𞤼𞤢𞤤 𞤀𞤁𞤂𞤢𞤃.

𞤑𞤮 𞤯𞤵𞤥 𞤱𞤢𞤯𞤭 𞤲𞤣𞤫 𞤚𞤋𞤃 𞤄𞤈𞤓𞤑𞤅 𞤺𞤢𞤴𞤲𞤵𞤲𞤮𞥅 𞤴𞤫𞤱𞤼𞤫𞤪𞤫 𞤥𞤵𞥅𞤲 𞤲𞤣𞤫𞤲⹁ 𞤮 𞤲𞤫𞤱𞤭𞤲𞤢𞤲𞤭 𞤐𞤉𞥅𞤐𞤉 𞤊𞤓𞥅𞤚𞤀 𞤩𞤫𞤴𞤣𞤵𞤺𞤮𞤤 𞤩𞤢𞤲𞤺𞤭𞤲𞤣𞤫 𞤧𞤫𞥅𞤯𞤢 𞤸𞤮𞥅𞤪𞤫 𞤦𞤭𞤲𞤣𞤫 𞤥𞤫𞥅𞤲 𞤯𞤭𞤲⹁ 𞤀𞤁𞤂𞤢𞤃.

𞤇𞤫 𞤱𞤢𞤯𞤭 𞤴𞤫𞤱𞤼𞤫𞤪𞤫 𞤥𞤢𞤩𞥆𞤫 𞤸𞤮𞤤𞥆𞤵𞤺𞤮𞤤 𞤸𞤮𞤤 𞤲𞤮 𞤦𞤭𞤲𞤣𞤮𞤤 𞤀𞤁𞤂𞤢𞤃 𞤧𞤭𞤲𞤷𞤭𞤪𞤢𞥄 𞤫 𞤸𞤮𞤤 𞤳𞤢 𞤲𞤺𞤮𞤤 𞤬𞤫𞤱𞤣𞤭𞥅 𞤬𞤫𞤱𞤲𞤣𞤮 𞤸𞤢𞤲𞤣𞤫.

𞤖𞤮𞤥𞤦𞤮 𞤱𞤮𞤲𞤭 𞤀𞤒𞤅𞤀𞤚𞤓 𞤂𞤋𞤂𞤋 𞤱𞤢𞤤𞥆𞤢 𞤐𞤉𞥅𞤐𞤉 𞤊𞤓𞥅𞤚𞤀؟
𞤳𞤮 𞤩𞤫 𞤶𞤭𞤦𞤭𞤲𞤢𞤲𞤣𞤫 𞤊𞤪𞤭𞤼𞤮𞤲⹁ 𞤤𞤢𞥄𞤥𞤮𞤪𞤣𞤫 𞤅𞤢𞤪𞤤𞤮𞤲 𞤳𞤮𞤲𞤮 𞤳𞤮 𞤊𞤢𞤪𞤢𞤲𞤧𞤭 𞤫 𞤲𞤣𞤫𞤪 𞤧𞤢𞤸𞤪𞤫 𞤂𞤭𞤴𞤮𞤲 𞤩𞤫 𞤱𞤮𞤲𞤭 𞤫 𞤺𞤮𞤤𞥆𞤵𞤣𞤫 𞤬𞤫𞤱𞤲𞤣𞤮 𞤸𞤢𞤦𞤣𞤫. 𞤑𞤮 𞤩𞤫 𞤶𞤢𞤲𞤺𞤲𞤮𞥅𞤩𞤫 𞤫 𞤬𞤭𞤪𞤼𞤮𞥅𞤩𞤫 𞤲𞤢𞤲𞤼𞤭𞤲𞤢 𞤯𞤫𞤥𞤯𞤫.

𞤄𞤢𞤯𞤼𞤢𞤲𞤫 𞤷𞤢𞥄𞤼𞤫𞥅𞤣𞤫 𞤥𞤢𞤩𞥆𞤫 𞤫 𞤲𞤣𞤫𞥅 𞤶𞤮𞤲𞤣𞤫 𞤥𞤢𞤱𞤲𞤣𞤫 𞤣𞤵𞤽𞤭𞤲𞤢𞤲𞤫𞥅 𞤴𞤫𞤱𞤼𞤵𞤺𞤭𞤤 𞤬𞤭𞥅 𞤀𞤁𞤂𞤢𞤃⹁ 𞤐𞤉𞥅𞤐𞤉 𞤊𞤓𞥅𞤚𞤀 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤩𞤫 𞤱𞤫𞤤𞤼𞤢𞤲𞤭𞤳𞤫 𞤚𞤋𞤃 𞤄𞤈𞤓𞤑𞤅 𞤬𞤭𞥅 𞤲𞤺𞤢𞤤 𞤣𞤢𞤥𞤢𞤤 𞤲𞤺𞤢𞤤 𞤮 𞤵𞤣𞥆𞤭𞤼𞤢𞤲𞤭 𞤫𞤲. 𞤇𞤫 𞤱𞤫𞤤𞤼𞤢𞤲𞤭𞤳𞤫 𞤥𞤮 𞤳𞤢𞤣𞤭 𞤦𞤢𞤯𞤼𞤢𞤲𞤫 𞤺𞤮𞤤𞥆𞤫 𞤯𞤫 𞤮 𞤱𞤮𞤲𞤭 𞤫 𞤱𞤢𞤯𞤵𞤣𞤫 𞤬𞤭𞥅 𞤦𞤭𞤲𞤣𞤭 𞤧𞤫𞤩𞤭𞤼𞤭𞥅𞤯𞤭. 𞤇𞤫 𞤶𞤢𞥄𞤪𞤲𞤭𞥅 𞤳𞤢𞤣𞤭 𞤑𞤈𞤋𞤅𞤚𞤋𞥅⹁ 𞤧𞤮𞤲𞥆𞤢 𞤥𞤢𞤳𞥆𞤮⹁ 𞤬𞤭𞥅 𞤯𞤮𞤱𞤤𞤭 𞤯𞤭𞤲 𞤫 𞤲𞤢𞤼𞤫 𞤯𞤫𞤲. 𞤇𞤫 𞤱𞤫𞤤𞤼𞤢𞤲𞤭𞤳𞤫 𞤳𞤢𞤣𞤭 𞤐𞤀𞤈𞤑⹁ 𞤺𞤮𞤤𞥆𞤮𞥅𞤱𞤮 𞤳𞤢 𞤧𞤵𞥅𞤣𞤵 𞤳𞤭𞤯𞥆𞤮𞤪𞤣𞤵 𞤬𞤭𞥅 𞤶𞤢𞤩𞥆𞤮 𞤲𞤺𞤮 𞤮 𞤼𞤮𞥅𞤤𞤲𞤭𞤪𞤭 𞤩𞤫.


𞤉 𞤭𞤲𞤣𞤫 𞤀𞤁𞤂𞤢𞤃⹁ 𞤳𞤢𞤥𞤩𞤫 𞤳𞤢𞤣𞤭 𞤩𞤫 𞤱𞤫𞤤𞤼𞤢𞤲𞤢𞥄𞤥𞤢 𞤬𞤮𞤼𞤢⹁ 𞤩𞤫 𞤶𞤢𞥄𞤪𞤲𞤢𞥄𞤥𞤢 𞤬𞤮𞤼𞤢.

Français 

Paris, 15 octobre 2022 au Musée, Mundolingua. 10 rue servandoni 75006 Paris.

La salle était sous un éclairage tamisé pour avoir une meilleure luminosité en lien avec la lumière de l’écran de la télévision.

Un lieu harmonieux et convivial pour les trente convives venus écouter Tim Brookes sur sa présentation intitulée “New Script” qui portait sur un alphabet créé par un homme issu d’une minorité ethnique de l’Inde. Au cours de la présentation, il a également parler de l’alphabet africain ADLaM créé il y a un peu plus de 30 ans pour écrire le Pular, une langue parlée en Afrique de l’ouest et du centre par plus de 70 millions de personnes.

En suite, il m’a donner l’occasion de parler aussi de l’alphabet d’ADLaM, sous une forme courte et simplifiée.

Je remercie Tim de m’avoir donné cette occasion et pour son travail sans relâche.
je remercie Kristi pour les photos et la vidéo. Enfin, je remercie Mark de nous avoir accueilli.

Lilly Aissatou Neené Fouta

Professeure de langue Pular et d’Adlam,
Interprète,

Assistante Santé-Socio-Educative

Lyon, France.

English 

Paris, October 15, 2022 at the Museum, Mundolingua. 10 rue servandoni 75006 Paris.

The room was under subdued lighting which matched very well with thebrightness of the television screen.

 A harmonious and friendly place for the thirty guests who came to listen to Tim Brookes on his presentation entitled “New Script”, which focused on an alphabet created by a man from an ethnic minority in India.

During the presentation, Tim also spoke about the African alphabet ADLaM created a little over 30 years ago to write Pular, a language spoken in West and Central Africa by more than 70 million people.

He then gave me the opportunity to also talk briefly about the ADLaM alphabet.

My regards to both Tim and Kristi for giving me this opportunity and for their tireless work, and to Kristi, thank you for the photos and the video. Finally, I thank Mark for hosting us and for the warm welcome.

Lilly Aissatou Neene Fouta

Pular and Adlam language teacher,

 Interpreter,

 Health-Socio-Educational Assistant

 Lyon, France.