𞤚𞤓𞤐𞤋𞤅 𞤖𞤉𞤇𞤋𞥅 𞤑𞤌 𞤒𞤓𞤈𞤃𞤋

𞤖𞤢𞤲𞤣𞤫⹁ 𞤫 𞤲𞤶𞤫𞤧𞤤𞤢𞥄𞤪𞤫 𞥓𞥐 𞤔𞤮𞤤𞤮⹁ 𞤚𞤓𞤐𞤋𞥅𞤅𞤀 𞤫 𞤊𞤀𞤈𞤀𞤐𞤅𞤋 𞤬𞤮𞤼𞥆𞤵𞤲𞤮 𞤧𞤫𞤲𞤺𞤮⹁ 𞤁𞤀𞤐𞤃𞤀𞤈𞤑 𞤫 𞤌𞤅𞤚𞤀𞤈𞤀𞤂𞤋𞤒𞤀 𞤬𞤮𞤼𞥆𞤭 𞤧𞤫𞤲𞤺𞤮 𞤺𞤮𞥅.

𞤀𞤣𞤮 𞤸𞤢𞤲𞤣𞤫⹁ 𞤸𞤢𞤪𞤭 𞤊𞤀𞤈𞤀𞤐𞤅𞤋 𞤼𞤢𞤦𞤭𞤲𞤼𞤭𞤲𞤭𞥅 𞤬𞤫𞤰𞥆𞤵𞤺𞤮𞤤 𞤥𞤢𞤩𞥆𞤫. 𞤍𞤫𞤴𞤢 𞤤𞤫𞤴𞤯𞤫 𞤼𞤢𞤼𞤭 𞤳𞤢𞤤𞤢 𞤲𞤮 𞤱𞤢𞥄𞤱𞤵𞤲𞤮𞥅 𞤤𞤵𞤥𞤦𞤵𞤣𞤫. 𞤑𞤮𞤲𞤮 𞤚𞤓𞤐𞤋𞥅𞤅𞤀 𞤲𞤮 𞤼𞤢𞤰𞤢𞤲𞤢𞤲𞤮 𞤬𞤮𞤼𞤢 𞤲𞤣𞤫 𞤼𞤢𞤱𞤵𞤲𞤮𞥅 𞤳𞤮 𞤳𞤢𞤥𞤩𞤫 𞤫 𞤊𞤀𞤈𞤀𞤐𞤅𞤋 𞤱𞤮𞤲𞤵𞤲𞤮𞥅 𞤬𞤮𞤼𞥆𞤵𞤣𞤫.


𞤚𞤓𞤐𞤋𞥅𞤅𞤀 🇹🇳 𞥑 – 𞥐 🇫🇷 𞤊𞤀𞤈𞤀𞤐𞤅𞤋

𞤑𞤮 𞤸𞤵𞤼𞤢𞤲𞤮𞥅𞤩𞤫 𞤩𞤫𞤲 𞤸𞤢𞥄𞤱𞤲𞤭 𞤸𞤢𞤲𞤣𞤫 𞤸𞤢𞤳𞥆𞤵𞤲’𞤣𞤫 𞤊𞤀𞤈𞤀𞤐𞤅𞤋 𞤫 𞤚𞤓𞤐𞤋𞥅𞤅𞤀 𞤧𞤢𞤦𞤵𞤲𞤢 𞤁𞤌𞤚𞤉 𞤑𞤀𞤈𞤚𞤀𞤅 𞤨𞤭𞤴𞤵𞤲𞤮 𞤁𞤌𞤐𞤚𞤌𞤛𞤈𞤋 𞤊𞤀𞤈𞤀𞤐𞤅𞤋 𞤲𞤣𞤭𞤲 𞤳𞤵𞥅𞤤𞤢𞤤. 𞤑𞤮𞤲𞤮 𞤲𞤣𞤫 𞤼𞤢𞤱𞤵𞤲𞤮𞥅 𞤩𞤫 𞤤𞤵𞤥𞤦𞤭𞥅⹁ 𞤊𞤀𞤈𞤀𞤐𞤅𞤋 𞤳𞤮 𞤬𞤭𞤶𞤮𞥅𞤩𞤫 𞤩𞤫 𞤱𞤮𞥅𞤱𞤢𞥄 𞤩𞤫𞤲 𞤩𞤵𞤪𞤭 𞤬𞤭𞤶𞤭𞤲𞤣𞤫 𞤸𞤢𞤲𞤣𞤫 𞤬𞤭𞥅 𞤳𞤢𞤤𞤢 𞤐𞤄𞤀𞤆𞥆𞤉 𞤫 𞤘𞤈𞤋𞤅𞤃𞤀𞤐 𞤲𞤢𞥄𞤼𞤵𞤲𞤮.
𞤑𞤮 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥕𞥘𞥋 𞤏𞤀𞤖𞤄𞤋𞥅 𞤑𞤀𞤟𞤈𞤋𞥅 𞤲𞤢𞥄𞤣𞤢𞤲𞤭 𞤣𞤮𞤼𞤫 𞤯𞤫𞤲 𞤳𞤵𞥅𞤤𞤢𞤤.

𞤑𞤢 𞤬𞤭𞤶𞤮 𞤲𞤺𞤮𞤲 𞤸𞤮𞤥𞤦𞤢𞤼𞤢 𞤯𞤮𞤲⹁ 𞤘𞤈𞤋𞤟𞤃𞤀𞤐 𞤲𞤢𞥄𞤣𞤵𞤲𞤮 𞤳𞤵𞥅𞤤𞤢𞤤 𞤳𞤮𞤲𞤮 𞤲𞤺𞤢𞤤 𞤶𞤢𞤩𞤢𞥄𞤳𞤢.
𞤊𞤭𞥅 𞤳𞤢𞤤𞤢 𞤚𞤓𞤐𞤋𞥅𞤅𞤀 𞤬𞤮𞥅𞤤𞤵𞤲𞤮⹁ 𞤩𞤫 𞤤𞤵𞤥𞤦𞤢𞥄𞤤𞤭 𞤲𞤣𞤫 𞤼𞤢𞤱𞤵𞤲𞤮𞥅 𞤌𞤅𞤚𞤀𞤈𞤀𞤂𞤋𞤒𞤀 𞤨𞤭𞤴𞤵𞤲𞤮 𞤩𞤫⹁ 𞤨𞤭𞤴𞤭 𞤳𞤢𞤣𞤭 𞤁𞤀𞤐𞤃𞤀𞤈𞤑 𞤸𞤢𞤲𞤣𞤫.

𞤚𞤓𞤐𞤋𞥅𞤅𞤀 𞤸𞤫𞤩𞤭𞥅 𞤳𞤮 𞤴𞤵𞤪𞤥𞤭 𞤳𞤮𞤲𞤮 𞤳𞤮 𞤯𞤢𞥄𞤴𞤫𞤪𞤫 𞤥𞤢𞤩𞥆𞤫 𞤲𞤣𞤫𞤲 𞤸𞤫𞤱𞤼𞤭𞤼𞤭𞥅 𞤩𞤫. 𞤇𞤫 𞤸𞤢𞥄𞤲𞤢𞥄𞤲𞤮 𞤢𞤷𞥆𞤵𞤣𞤫 𞤌𞤅𞤚𞤀𞤈𞤂𞤋𞤒𞤀 𞤨𞤭𞤴𞤢 𞤩𞤫. 𞤔𞤮𞥅𞤲𞤭 𞤳𞤢𞤥𞤩𞤫 𞤳𞤢𞤣𞤭 𞤩𞤫 𞤼𞤢𞤱𞤼𞤭𞥅 𞤸𞤮𞥅𞤼𞤢𞤴𞤩𞤫 𞤩𞤫𞤲.

𞤑𞤢 𞤣𞤫𞤲𞤼𞤢𞤤 𞤥𞤢𞤩𞥆𞤫 𞤳𞤮 𞤊𞤀𞤈𞤀𞤐𞤅𞤋 𞤫 𞤌𞤅𞤚𞤀𞤈𞤀𞤂𞤋𞤒𞤀 𞤤𞤵𞤥𞤦𞤭.

𞤌𞤅𞤚𞤀𞤈𞤀𞤂𞤋𞤒𞤀 🇦🇺 𞥑 – 𞥐 🇩🇰 𞤁𞤀𞤐𞤃𞤀𞤈𞤑

𞤌𞤅𞤚𞤀𞤈𞤀𞤂𞤋𞤒𞤀 𞤢𞤲𞤣𞤭𞤪𞤢𞥄𞤳𞤢 𞤬𞤮𞤼𞤢 𞤤𞤢𞤼𞤵𞤺𞤮𞤤 𞤥𞤵𞤤𞥆𞤫𞤪𞤫 𞤳𞤮𞤲𞤮 𞤩𞤫 𞤱𞤢𞤳𞥆𞤤𞤭𞤲𞤮 𞤸𞤢𞤲𞤣𞤫 𞤸𞤢𞥄 𞤩𞤫 𞤴𞤢𞤤𞤼𞤭𞤲𞤭 𞤁𞤀𞤐𞤃𞤢𞤈𞤑⹁ 𞤤𞤫𞤴𞤣𞤭 𞤑𞤈𞤋𞤅𞤚𞤋𞤒𞤀𞤐 𞤉𞤈𞤋𞤑𞤅𞤉𞤐 𞤲𞤣𞤭𞤲.

𞤉𞤥𞤦𞤢 𞤩𞤫𞥅 𞤢𞤪𞤼𞤢𞥄𞤤𞤭 𞤥𞤢𞥄𞤥𞤭𞤪𞤢𞥄𞤩𞤫 𞤥𞤵𞤵𞤲. 𞤅𞤢𞤦𞤵𞤲𞤢 𞤁𞤀𞤐𞤃𞤀𞤈𞤑 𞤳𞤮 𞤤𞤫𞤴𞤣𞤭 𞤊𞤢𞤴𞤳𞤭𞤲𞤩𞤫 𞤩𞤫𞤲⹁ 𞤶𞤮𞤥𞤦𞤢𞤪𞤮𞥅𞤩𞤫 𞤸𞤵𞤤𞤢𞤲𞤮𞥅𞤩𞤫 𞤺𞤭𞤦𞤭 𞤉𞤪𞤮𞤨 𞤸𞤢𞥄 𞤀𞥄𞤧𞤭𞤴𞤢. 𞤑𞤢 𞤩𞤫 𞤪𞤫𞤱𞤵𞤲𞤮𞥅 𞤱𞤮𞥅⹁ 𞤩𞤫 𞤢𞤷𞥆𞤢𞤴𞤲𞤮 𞤳𞤮 𞤤𞤵𞤼𞥆𞤫𞤼𞤫 𞤬𞤭𞤤𞥆𞤫𞥅𞤣𞤫. 𞤑𞤮 𞤼𞤢𞥄𞤲𞤭𞤪𞤢𞥄𞤩𞤫 𞤥𞤢𞤩𞥆𞤫 𞤩𞤫𞤲 𞤱𞤮𞤲𞤵𞤲𞤮𞥅 𞤬𞤭𞤶𞤢𞤲𞤣𞤫 𞤁𞤀𞤐𞤃𞤀𞤈𞤑 𞤸𞤢𞤲𞤣𞤫. 𞤑𞤮 𞤳𞤵𞥅𞤤𞤢𞤤 𞤺𞤮𞥅𞤼𞤢𞤤 𞤨𞤫𞤼 𞤩𞤫 𞤸𞤢𞤼𞤮𞤲𞤶𞤭𞤲𞥆𞤮𞥅 𞤫 𞤥𞤵𞤵𞤲⹁ 𞤳𞤮𞤲𞤮 𞤩𞤫 𞤬𞤭𞤶𞤭𞤪𞤭 𞤱𞤢 𞤲𞤢𞤴𞤤𞤢𞤸𞤮𞤴 𞤸𞤢𞥄 𞤈𞤀𞤒𞤂𞤋 𞤃𞤀𞤘𞤈𞤋 𞤥𞤮 𞤌𞤅𞤚𞤀𞤈𞤀𞤂𞤋𞤒𞤀 𞤱𞤢𞤯𞤭 𞤩𞤫 𞤳𞤵𞥅𞤤𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥖𞥐. 𞤑𞤮 𞤴𞤢𞤱𞤼𞤭 𞤸𞤮𞤶𞤮𞤥𞤢𞥄𞤶𞤫 𞥓𞥐⹁ 𞤸𞤭𞤩𞤫 𞤺𞤫𞤪𞤣𞤵𞤣𞤫 𞤫 𞤲𞤺𞤢𞤤 𞤳𞤵𞥅𞤤𞤢𞤤⹁ 𞤩𞤫 𞤪𞤮𞤲𞤳𞤭 𞤲𞤮 𞤩𞤫 𞤭𞤼𞥆𞤭𞤪𞤢 𞤲𞤺𞤢𞤤.
𞤚𞤢𞤤𞥆𞤢𞤤 𞤤𞤢𞤳𞥆𞤫⹁ 𞤲𞤺𞤢𞤤 𞤨𞤭𞤺𞥆𞤢𞤤 𞤱𞤮𞤲𞤢𞥄 𞤫 𞤁𞤀𞤐𞤃𞤀𞤈𞤑 𞤼𞤵𞤲 𞤸𞤢𞤱𞤪𞤭. 𞤚𞤓𞤐𞤋𞥅𞤅𞤀 𞤸𞤫𞤩𞤮𞤪𞤲𞤮 𞤫 𞤲𞤣𞤫𞥅 𞤶𞤢𞥄𞤴𞤪𞤫 𞤥𞤢𞤩𞥆𞤫.

𞤔𞤮𞥅𞤲𞤭 𞤳𞤮 𞤌𞤅𞤚𞤀𞤈𞤀𞤂𞤋𞤒𞤀 𞤼𞤢𞤱𞤼𞤭 𞤊𞤀𞤈𞤀𞤐𞤅𞤋 𞤫 𞤬𞤫𞤰𞥆𞤵𞤩𞤫 𞤩𞤫𞤲. 𞤚𞤓𞤐𞤋𞥅𞤅𞤀 𞤱𞤮𞤲𞤭 𞤢𞤪𞤢𞤲𞤩𞤫 𞤫 𞤤𞤫𞤴𞤯𞤫 𞤀𞤬𞤪𞤭𞤳 𞤯𞤫𞤲 𞤴𞤢𞤤𞤼𞤵𞤺𞤮𞤤 𞤫 𞤲𞤺𞤢𞥄𞤤 𞤬𞤮𞥅𞤤𞤮𞤼𞤭𞤪𞤢𞤤 𞤑𞤀𞤚𞤀𞤈 𞥒𞥐𞥒𞥒.