𞤅𞤉𞤐𞤉𞤘𞤀𞤂 𞤅𞤉𞥅𞤁𞤋𞥅 𞤉 𞤘𞤋𞤐𞤉 𞤑𞤀 𞤂𞤌𞤐𞤚𞤌𞤐’𞤁𞤋𞤈𞤀𞤂 𞤂𞤀𞥄𞤃𞤓
𞤑𞤮 𞤘𞤭𞤲𞤫 𞤧𞤢𞤤𞤢𞤲𞤢𞥄 𞤳𞤮𞤲 𞤺𞤭𞤦𞤭 𞥑𞥙𞥙𞥓 𞤸𞤢𞤴 𞤢𞤣𞤮 𞤮𞤲𞤼𞤵𞤥𞤢⹁ 𞤳𞤮 𞤯𞤵𞤥 𞤅𞤫𞤲𞤫𞤺𞤢𞤤 𞤴𞤫𞤯𞤭 𞤴𞤭𞤥𞤩𞤫 𞤥𞤵𞥅𞤯𞤵𞤲 𞤩𞤫𞤲 𞤳𞤢𞤣𞤭: 𞤤𞤮𞤲𞤼𞤮𞤲𞥋𞤣𞤭𞤪𞤢𞤤 𞤁𞤭𞥅𞤧𞤲𞤢𞤲𞤳𞤮𞤱𞤢𞤤 𞤳𞤢 𞤤𞤢𞥄𞤥𞤵.
𞤖𞤮𞥅𞤪𞤫 𞤯𞤵𞤥⹁ 𞤳𞤮 𞤣𞤢𞤪𞤭𞤲𞤮𞥅𞤯𞤮 𞤮𞤲 𞤫 𞤭𞤲𞤣𞤫 𞤬𞤫𞤣𞥆𞤫 𞤤𞤢𞥄𞤥𞤵 𞤲𞤺𞤵𞤲 𞤱𞤮𞤲𞤭 𞤳𞤮 𞤣𞤵𞤪𞤱𞤢𞤲𞤮𞥅𞤱𞤮 𞤤𞤭𞤣𞥆𞤮 𞤲𞤺𞤮𞤲 𞤬𞤮𞥅𞤤𞤭 𞤫 𞤴𞤢𞤸𞤢𞤲𞤣𞤫 𞤱𞤮𞥅𞤼𞤫𞤪𞤫 𞤨𞤫𞤼. 𞤄𞤀𞤅𞤋𞥅𞤈𞤓 𞤔𞤌𞥅𞤃𞤀𞤒 𞤊𞤀𞥄𞤒 𞤬𞤮𞥅𞤤𞤭𞥅 𞤀𞤊𞤃𞤀𞤁𞤓 𞤄𞤀𞥄 𞤫 𞤧𞤵𞤩𞤲𞤺𞤮 𞤱𞤢𞤯𞤵𞤲’𞤺𞤮 𞤫 𞤈𞤫𞤬𞤦𞤭𞤪𞥆𞤫 𞤻𞤢𞤤𞤲𞤣𞤫 𞥒𞥕 𞤐𞤄𞤮𞥅𞤴𞤮 𞥒𞥐𞥒𞥔 𞤬𞤭𞥅 𞤤𞤮𞤲𞤼𞤢𞤺𞤮𞤤 𞤃𞤀𞤑𞤋 𞤅𞤀𞥄𞤂.
𞤅𞤫𞤲𞤫𞤺𞤢𞤤𞤲𞤢𞥄𞤩𞤫 𞤩𞤫𞤲 𞤧𞤫𞤴𞤲𞤢𞥄𞤥𞤢. 𞤅𞤫𞥅𞤪𞤢𞥄𞤤𞤭⹁ 𞤅𞤫𞤲𞤫𞤺𞤢𞤤 𞤲𞤮 𞤭𞤼𞥆𞤭𞤲𞤼𞤭𞤲𞤭 𞤸𞤢𞤳𞥆𞤵𞤲𞥋𞤣𞤫 𞤤𞤫𞤴𞤯𞤫 𞤂𞤢𞤸𞤫𞥅𞤪𞤭 𞤯𞤫 𞤊𞤢𞤪𞤢𞤲𞤧𞤭 𞤳𞤢𞤪𞤸𞤵𞤲𞤮𞥅. 𞤖𞤢𞤲𞤣𞤫⹁ 𞤧𞤫𞤲𞤫𞤺𞤢𞤤𞤲𞤢𞥄𞤶𞤮 𞤳𞤢𞤤𞤢 𞤲𞤮 𞤥𞤢𞤪𞤭 𞤳𞤮 𞤬𞤢𞥄𞤪𞤮𞤪𞤢⹁ 𞤦𞤢𞤽𞥆𞤫 𞤱𞤮𞥅 𞤦𞤢𞤽𞥆𞤫 𞤯𞤫 𞤮 𞤸𞤭𞤳𞥆𞤮𞤪𞤭 𞤫 𞤣𞤢𞤱𞤪𞤮.
𞤐𞤣𞤫 𞤯𞤵𞤥 𞤲𞤮 𞤱𞤢𞤯𞤢 𞤅𞤫𞤲𞤫𞤺𞤢𞤤⹁ 𞤴𞤮𞤺𞤢 𞤫 𞤺𞤭𞤲𞤫𞤲𞤢𞥄𞤩𞤫⹁ 𞤩𞤫 𞤪𞤫𞤪𞤯𞤢𞤲𞤢𞥄𞤲𞤮 𞤤𞤫𞤴𞤣𞤭 𞤘𞤭𞤲𞤫 𞤲𞤣𞤭𞤲 𞤴𞤫𞤪𞤵 𞤳𞤮 𞤬𞤫𞤰𞥆𞤭 𞤸𞤢𞤲𞤣𞤫 𞤅𞤉𞤲𞤫𞤺𞤢𞤤 𞤫 𞥒𞥐𞥑𞥐⹁ 𞤲𞤮 𞤱𞤫𞤤𞤼𞤮𞤪𞤭 𞤳𞤢𞥄𞤱𞤢𞤳𞥆𞤫 𞤯𞤫 𞤔𞤮𞥅𞤥𞤢𞥄𞤴 𞤊𞤢𞥄𞤴 𞤱𞤢𞤯𞤭.
𞤖𞤭𞤲𞤤𞤫⹁ 𞤘𞤭𞤲𞤫 𞤳𞤢𞤣𞤭 𞤲𞤮 𞤼𞤭𞤶𞥆𞤮𞤪𞤢𞤲𞤮𞥅 𞤧𞤫𞥅𞤪𞤼𞤵𞤺𞤮𞤤 𞤺𞤭𞤦𞤭 𞥒𞥐𞥑𞥐 𞤫 𞤨𞤮𞤤𞥆𞤭𞤼𞤫 𞤳𞤢𞤻𞤵𞤲 𞤫 𞤶𞤫𞤴𞤭𞤲𞤢𞤺𞤮𞤤 𞤤𞤢𞥄𞤥𞤵. 𞤑𞤮𞤲𞤮 𞤲𞤮 𞤧𞤵𞤲𞤭𞤲𞤭 𞤼𞤢𞤱𞤵𞤣𞤫 𞤴𞤮𞤺𞤢 𞤫 𞤘𞤭𞤲𞤫𞥅𞤩𞤫 𞤩𞤫𞤲⹁ 𞤲𞤮 𞤣𞤢𞤪𞤢𞤲𞤭𞥅 𞤳𞤮 𞤸𞤢𞥄𞤲𞤢𞥄 𞤣𞤢𞤪𞤢𞤲𞤫𞥅𞤣𞤫⹁ 𞤦𞤢𞤥𞤦𞤢𞤲𞤭 𞤲𞤣𞤫𞥅 𞤮𞥅𞤻𞤢𞥄𞤪𞤫 𞤱𞤢𞤯𞤵𞤲𞥋𞤣𞤫 𞥒𞥐𞥒𞥐 𞤧𞤢𞤦𞤵 𞤩𞤫𞤪𞤲𞤣𞤫 𞤦𞤮𞤲𞤣𞤫 𞤫 𞤥𞤭𞥅𞤶𞤮𞥅𞤶𞤭 𞤧𞤵𞥅𞤯𞤭𞥅𞤯𞤭 𞤯𞤭 𞤹𞤭𞤪𞥆𞤭𞤼𞤫𞤼𞤢𞥄𞤳𞤫.
𞤖𞤢𞤲𞤣𞤫 𞤳𞤢𞤣𞤭⹁ 𞤫𞤲 𞤸𞤫𞤱𞤼𞤭𞥅 𞤫 𞤯𞤢𞤼𞤫 𞤷𞤫𞤤𞤫 𞤷𞤢𞤺𞥆𞤢𞤤 𞤨𞤮𞤤𞥆𞤭𞤼𞤢𞤤 𞥒𞥐𞥒𞥑 𞤲𞤺𞤢𞤤 𞤸𞤢𞥄𞤲𞤵𞤲𞤮𞥅𞤲𞤺𞤢𞤤 𞤬𞤫𞥅𞤱𞤲𞤭𞤼𞤵𞤣𞤫 𞤺𞤮𞥅𞤨𞤮𞤤 𞥒𞥐𞥒𞥐 𞤲𞤺𞤮𞤤. 𞤐𞤮 𞤴𞤵𞤪𞤥𞤭𞤲𞤭 𞤳𞤢 𞤼𞤢𞤱𞤢𞤼𞤢⹁ 𞤯𞤮𞥅 𞤴𞤮 𞤫𞤲 𞤺𞤮𞤤𞥆𞤵 𞤲𞤮 𞤪𞤵𞤼𞥆𞤮𞤪𞤮𞤯𞤫𞤲 𞤫 𞤤𞤢𞥄𞤥𞤵 𞤣𞤫𞤥𞤮𞤳𞤢𞤪𞤢𞥄𞤳𞤵⹁ 𞤫𞤯𞤫𞤲 𞤵𞤳𞥆𞤭𞥅 𞤫 𞤺𞤮𞤤𞥆𞤫 𞤨𞤵𞤴𞤲𞤣𞤢𞤲 𞤬𞤭𞥅 𞤼𞤵𞤲 𞤲𞤫𞥅𞤩𞤲𞤵𞤼𞤵𞤺𞤮𞤤 𞤤𞤢𞥄𞤥𞤵 𞤤𞤵𞤥𞤦𞤮 𞤲𞤺𞤮𞤲.
𞤍𞤵𞤲𞤤𞤫⹁ 𞤧𞤭 𞤲𞤺𞤮𞥅 𞤬𞤮𞤤𞥆𞤮 𞤲𞤮 𞤶𞤮𞤳𞥆𞤮𞤲𞥋𞤣𞤭𞤪𞤲𞤮𞥅 𞤫 𞤢𞤪𞤼𞤭𞤪𞤺𞤮𞤤 𞤤𞤢𞥄𞤥𞤵 𞤣𞤮𞤧𞤼𞤫𞤪𞤫𞤴𞤢𞤲𞤳𞤮𞥅𞤪𞤵 𞤲𞤺𞤵𞤲⹁ 𞤯𞤵𞤥 𞤱𞤢𞤤𞥆𞤢𞤴𞤲𞤮 𞤫𞤲 𞤼𞤢𞤦𞤭𞤲𞤼𞤭𞤲𞤣𞤫 𞤱𞤮𞤲𞤣𞤫𞤥𞤢 𞤶𞤢𞤩𞤼𞤵𞤺𞤮𞤤 𞤤𞤢𞥄𞤥𞤵 𞤫 𞤶𞤫𞤴𞤭𞤲𞤢𞤺𞤮𞤤 𞤲𞤺𞤵⹁ 𞤶𞤢𞤩𞤫𞤼𞤢𞥄𞤳𞤫 𞤸𞤢𞤲𞤣𞤫 𞤳𞤢𞤣𞤭 𞤫 𞤲𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫 𞤲𞤣𞤭𞤲. 𞤑𞤮𞤲𞤮 𞤶𞤭𞤳𞥆𞤵𞥅𞤶𞤭 𞤦𞤮𞤲𞤯𞤭⹁ 𞤲𞤮 𞤶𞤵𞥅𞤼𞤭 𞤦𞤢𞥄𞤤𞤯𞤫 𞤫 𞤲𞤣𞤫𞤪 𞤤𞤫𞤴𞤣𞤭 𞤥𞤫𞥅𞤯𞤫𞤲 𞤲𞤣𞤭𞤲.
𞤅𞤭 𞤱𞤮𞤲𞤢𞥄 𞤯𞤵𞤲⹁ 𞤫𞤲 𞤬𞤮𞤨 𞤫𞤯𞤫𞤲 𞤢𞤲𞤣𞤭 𞤱𞤮𞤲𞤣𞤫𞤥𞤢 𞤱𞤮𞤲𞤢𞥄 𞤁𞤮𞤧𞤼𞤫𞤪𞤫 𞥒𞥐𞥑𞥐 𞤱𞤮𞤲𞤭 𞤧𞤢𞤦𞤵 𞤮𞥅𞤻𞤢𞥄𞤪𞤫 𞤀𞤤𞤬𞤢𞥄 𞤑𞤮𞤲𞤣𞤫 𞤲𞤣𞤫𞤲⹁ 𞤳𞤮 𞤣𞤵𞥅𞤣𞤫𞤪𞤫 𞤬𞤭𞥅 𞤤𞤢𞥄𞤥𞤵. 𞤅𞤭 𞤳𞤮 𞤴𞤮 𞤺𞤮𞥅𞤲𞤺𞤢 𞤳𞤢𞤲 𞤸𞤢𞥄𞤤𞤫⹁ 𞤀𞤤𞤬𞤢𞥄 𞤑𞤮𞤲𞤣𞤫 𞤤𞤢𞥄𞤼𞤢𞤲𞤮𞥅𞤳𞤭 𞤲𞤫𞤯𞥆𞤮 𞤤𞤢𞥄𞤥𞤵 𞤳𞤢 𞤼𞤭𞤺𞤭𞤼𞤭𞤺𞤭⹁ 𞤥𞤢𞥄𞤨𞤭𞤲𞤮𞥅𞤯𞤮 𞤲𞤮 𞤢𞥄𞤱𞤭𞤪𞤢 𞤫 𞤲𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫 𞤲𞤣𞤭𞤲 𞤣𞤫𞤥𞤮𞤳𞤢𞤪𞤢𞥄𞤳𞤵 𞤲𞤺𞤵 𞤮 𞤱𞤭𞤴𞤵𞤲𞤮𞥅 𞤮𞤥𞤮 𞤴𞤢𞤲𞤺𞤢𞤲𞤭𞥅 𞤳𞤮 𞤴𞤢𞤱𞤼𞤭 𞤣𞤵𞥅𞤩𞤭 𞥓𞥐.
𞤘𞤭𞤲𞤫 𞤳𞤮 𞤷𞤢𞤯𞤫𞥅𞤤𞤫 𞤴𞤭𞤥𞤩𞤫 𞤳𞤫𞤤𞤯𞤵𞤩𞤫 𞤱𞤮𞤲𞤣𞤭 𞤫 𞤥𞤵𞤵𞤲⹁ 𞤱𞤮𞤲𞤢𞥄 𞤷𞤢𞤯𞤫𞥅𞤤𞤫 𞤧𞤢𞤪𞤯𞤭 𞤫 𞤣𞤮𞤧𞤼𞤫𞤪𞤫. 𞤖𞤢𞤴 𞤧𞤭 𞤣𞤮𞤧𞤼𞤫𞤪𞤫 𞤷𞤭𞤨𞥆𞤭𞤲𞤢𞥄𞤥𞤢 𞤫 𞤥𞤫𞥅𞤯𞤫𞤲 𞤭𞤥𞥆𞤮𞤪𞤣𞤫 𞤳𞤢 𞤑𞤢𞤥𞥆𞤵⹁ 𞤲𞤣𞤫 𞤲𞤢𞤬𞤢𞤼𞤢𞥄 𞤫𞤲 𞤬𞤵𞤧 𞤧𞤮 𞤼𞤢𞤱𞤭𞥅 𞤴𞤭𞤥𞤩𞤫 𞤸𞤢𞥄𞤲𞤵𞤩𞤫 𞤩𞤫𞤲 𞤻𞤭𞥅𞤩𞤲𞤵𞤣𞤫 𞤲𞤣𞤫 𞤤𞤢𞥄𞤩𞥆𞤭𞤲𞤢𞥄 𞤩𞤫𞤪𞤯𞤫 𞤥𞤢𞤩𞥆𞤫 𞤯𞤫𞤲.
𞤏𞤮𞤲𞤢𞥄 𞤤𞤫 𞤳𞤢𞤣𞤭 𞤫 𞤣𞤢𞤱𞤪𞤮𞥅𞤩𞤫 𞤥𞤢𞤤𞥆𞤢 𞤦𞤫𞤼𞤫𞥅𞤩𞤫 𞤷𞤢𞤯𞤫𞥅𞤤𞤫 𞤘𞤭𞤲𞤫 𞤯𞤫𞤲 𞤭𞤥𞥆𞤮𞤪𞤭. 𞤉 𞤲𞤣𞤫𞤪 𞤯𞤭𞥅 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤲𞤢𞤴𞤭 𞤧𞤢𞤳𞥆𞤭𞤼𞤭𞥅𞤯𞤭⹁ 𞤦𞤫𞤼𞤫𞥅𞤶𞤮 (𞤧𞤭𞤱𞤭𞤤𞤶𞤮) 𞤤𞤢𞥄𞤥𞤢𞥄𞤳𞤭 𞤘𞤭𞤲𞤫 𞤧𞤭 𞤱𞤮𞤲𞤢𞥄 𞤯𞤭𞥅 𞤣𞤵𞥅𞤩𞤭 𞤧𞤢𞤨𞥆𞤮-𞤫-𞤺𞤮𞤮 𞤯𞤭 𞤀𞤤𞤬𞤢𞥄 𞤑𞤮𞤲𞤣𞤫 𞤱𞤢𞤯𞤭 𞤳𞤢 𞤤𞤢𞥄𞤥𞤵. 𞤑𞤮 𞤯𞤵𞤥 𞤱𞤮𞤲𞤭⹁ 𞤫 𞤲𞤣𞤫𞤪 𞤳𞤮 𞤩𞤢𞤣𞤲𞤭 𞤣𞤵𞥅𞤩𞤭 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭⹁ 𞤢𞤪𞤣𞤢𞥄𞤳𞤭 𞤤𞤫𞤴𞤣𞤭 𞤥𞤫𞥅𞤯𞤫𞤲 𞤲𞤣𞤭𞤲 𞤧𞤭 𞤱𞤮𞤲𞤢𞥄 𞤧𞤮𞥅𞤪𞤭𞥅𞤩𞤫: 𞤘𞤭𞤦𞤭 𞤂𞤢𞤲𞤧𞤢𞤲𞤢 𞤑𞤮𞤲𞤼𞤫 𞤸𞤢𞥄 𞤸𞤫𞤱𞤼𞤭 𞤁𞤢𞤣𞤭𞤧 𞤑𞤢𞤥𞤢𞤪𞤢⹁ 𞤸𞤭𞤳𞥆𞤭𞥅 𞤯𞤮𞤲 𞤅𞤫𞥅𞤳𞤵𞤦𞤢𞥄 𞤑𞤮𞤲𞤢𞤼𞤫𞥅 𞤸𞤢𞥄 𞤫 𞤃𞤢𞤥𞤢𞤣𞤭 𞤁𞤵𞤥𞤦𞤵𞤴𞤢 𞤸𞤢𞤲𞤣𞤫.
𞤅𞤮𞥅𞤪𞤭 𞤩𞤢𞥄𞤱𞤮 𞤧𞤮𞥅𞤪𞤭⹁ 𞤸𞤮𞥅𞤪𞤫 𞤯𞤵𞤥⹁ 𞤲𞤮 𞤱𞤮𞥅𞤣𞤭 𞤬𞤢𞥄𞤤𞤢𞥄𞤩𞤫 𞤴𞤮 𞤫𞤲 𞤺𞤮𞤥𞤯𞤭𞤲 𞤱𞤮𞤲𞤣𞤫𞤥𞤢 𞤶𞤭𞥅𞤩𞤮𞤤𞤣𞤵 𞤘𞤭𞤲𞤫 𞤲𞤣𞤵𞤲 𞤳𞤮 𞤫 𞤣𞤢𞤱𞤪𞤮𞥅𞤩𞤫 𞤩𞤫𞤲 𞤬𞤢𞤱𞤭𞥅؟
𞤉𞤯𞤫𞤲 𞤸𞤢𞥄𞤲𞤭 𞤢𞤲𞤣𞤵𞤣𞤫⹁ 𞤤𞤢𞥄𞤥𞤵 𞤧𞤮𞥅𞤪𞤭 𞤱𞤢𞤯𞤢𞥄𞤳𞤭. 𞤅𞤵𞤳𞤢𞥄𞤩𞤫 𞤀𞤬𞤪𞤭𞤳 𞤩𞤫𞤲 𞤢𞤲𞤣𞤵𞤲𞤮 𞤯𞤵𞤲 𞤲𞤫𞥅𞤩𞤭𞥅. 𞤑𞤮 𞤯𞤵𞤥 𞤢𞤣𞥆𞤵𞤲𞤮𞥅 𞤴𞤮 𞤩𞤫 𞤥𞤵𞤪𞤼𞤵 𞤫 𞤳𞤭𞤼𞤢𞥄𞤤𞤫 𞥑𞥙𞥙𞥐 𞤸𞤢𞥄 𞤫 𞤬𞤵𞤯𞥆𞤮𞥅𞤣𞤫 𞤳𞤭𞤼𞤢𞥄𞤤𞤫 𞥒𞥐𞥐𞥐 𞤬𞤭𞥅 𞤸𞤢𞤲𞤣𞤭𞤲𞤺𞤮𞤤 𞤣𞤫𞤥𞤮𞤳𞤢𞤪𞤢𞥄𞤳𞤵⹁ 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤪𞤵𞤼𞥆𞤮𞥅 𞤳𞤢 𞤣𞤢𞥄𞤳𞤢𞥄𞤶𞤭. 𞤌𞤲𞤼𞤵𞤥𞤢 𞤲𞤵𞤲⹁ 𞤳𞤮 𞤧𞤮𞥅𞤪𞤭 𞤤𞤢𞥄𞤥𞤭𞤲𞤮𞥅 𞤫 𞤳𞤮 𞤸𞤫𞥅𞤱𞤭 𞤫 𞤤𞤫𞤴𞤯𞤫 𞤖𞤭𞥅𞤪𞤲𞤢 𞤀𞤬𞤪𞤭𞤳 𞤯𞤫𞤲.
𞤏𞤮𞤲𞤢𞥄 𞤣𞤮𞥅 𞤴𞤮 𞤫𞤲 𞤴𞤫𞤶𞥆𞤭𞤼𞤵⹁ 𞤧𞤭𞤳𞥆𞤫𞤲 𞤱𞤮𞤲𞤣𞤫𞤥𞤢 𞤫𞤲 𞤥𞤫𞥅𞤯𞤢𞥄𞤤𞤭 𞤤𞤢𞥄𞤥𞤵 𞤧𞤮𞥅𞤪𞤭 𞤼𞤢𞤸𞤮. 𞤉𞤲 𞤴𞤢𞤲𞤺𞤮𞤣𞤭𞤲𞤮𞤳𞤫 𞤫 𞤥𞤵𞥅𞤯𞤵𞤲 𞤸𞤢𞥄 𞤼𞤢𞤱𞤵𞤯𞤫𞤲 𞤶𞤢𞤳𞤢 𞤤𞤢𞥄𞤥𞤵 𞤧𞤮𞥅𞤪𞤭⹁ 𞤳𞤮 𞤸𞤢𞤧𞤭𞥅 𞤳𞤮𞤲⹁ 𞤳𞤮 𞤲𞤺𞤵 𞤥𞤢𞤧𞤭𞥅𞤦𞤮 𞤲𞤺𞤮 𞤫𞤲 𞤴𞤫𞤤𞤢𞥄𞤳𞤭 𞤴𞤮 𞤬𞤭𞤤𞥆𞤮.
𞤉𞤯𞤫𞤲 𞤸𞤢𞥄𞤲𞤭 𞤬𞤭𞥅𞤲𞤢𞥄𞤣𞤫 𞤫 𞤳𞤮 𞤬𞤫𞤰𞥆𞤭 𞤳𞤮𞤲⹁ 𞤬𞤭𞤩𞤫𞤲 𞤱𞤢𞤳𞥆𞤭𞤤𞤢𞤲𞤢𞤺𞤮𞤤 𞤤𞤢𞥄𞤥𞤵 𞤣𞤫𞤥𞤮𞤳𞤢𞤪𞤢𞥄𞤳𞤵⹁ 𞤢𞤪𞤣𞤭𞤲𞤢 𞤳𞤮𞥅𞤸𞤮𞥅𞤩𞤫 𞤧𞤮𞥅𞤦𞤫𞥅𞤩𞤫⹁ 𞤱𞤭𞤳𞥆𞤮𞥅 𞤤𞤢𞥄𞤥𞤵𞥅𞤶𞤭 𞤲𞤶𞤢𞤺𞥆𞤵 𞤬𞤮𞤼𞤭 𞤧𞤭 𞤳𞤮 𞤧𞤮𞥅𞤪𞤭 𞤥𞤢𞤤𞥆𞤢 𞤳𞤮 𞤦𞤫𞤼𞤫.
𞤑𞤵𞤯𞤮𞤤 𞤀𞤦𞤣𞤵𞤤𞥆𞤢𞥄𞤸𞤭 𞤔 𞤄𞤀𞤈𞤋
𞤏𞤢𞤤𞤢𞥄𞤸𞤭 𞤸𞤮𞥅𞤪𞤫𞤩𞤫 𞤤𞤫𞤧𞤣𞤭 𞤧𞤫𞤲𞤫𞤺𞤢𞤤 𞤸𞤮𞤤𞤭𞥅 𞤲𞤵𞤥𞤯𞤢𞤤 𞤥𞤭𞤯𞤮 𞤏𞤫𞤤𞤼𞤢𞤲𞤭𞥅 𞤩𞤫 𞤍𞤵𞤥
𞤃𞤭 𞤢𞤲𞤣𞤢𞥄 𞤳𞤮 𞤱𞤭𞤪𞤲𞤭𞥅⹁ 𞤳𞤮𞤲𞤮 𞤫 𞤣𞤵𞥅𞤩𞤭 𞤢𞤪𞤢𞤴𞤯𞤭 𞤯𞤮𞥅 𞤺𞤭𞤲𞤫 𞤥𞤢𞥄𞤤𞤭 𞤫 𞤦𞤵𞤪𞤳𞤭𞤲𞤢𞥄 𞤳𞤮𞤣𞥆𞤭𞤱𞤢𞥄𞤪𞤵 𞤲𞤮 𞤢𞤪𞤢 𞤯𞤮𞤲 𞤳𞤮 𞤶𞤢𞤲𞤣𞤫 𞤲𞤣𞤫𞤲 𞤦𞤮𞤲𞥆𞤢𞥄 𞤲𞤺𞤫𞥅𞤼𞤵𞥅𞤶𞤭 𞤼𞤢𞤧𞤳𞤮𞤼𞤮𞥅𞤯𞤭 𞤼𞤢𞤬𞤢𞥄𞤳𞤢⹁ 𞤳𞤮 𞤤𞤫𞤰𞥆𞤭𞤳𞤢𞥄𞤳𞤵 𞤸𞤮𞤯𞤭𞤪𞤢𞥄⹁ 𞤲𞤢𞤬𞤢 𞤯𞤵𞤲 𞤳𞤢𞤲 𞤬𞤢𞤲𞤯𞤢𞤴.
𞤑𞤮 𞤬𞤢𞤲𞤯𞤭 𞤱𞤮𞥅 𞤣𞤵𞥅𞤩𞤭 𞥑𞥐𞥐 𞤼𞤢𞤸𞤮 𞤧𞤭 𞤨𞤭𞤲𞤢𞤤 𞤢𞤪𞤢 𞤥𞤢𞤶𞥆𞤫.
𞤌𞤲 𞤱𞤫𞤤𞤼𞤢𞤲𞤢𞥄𞤥𞤢 𞤧𞤢𞤲𞥆𞤫!
𞤐𞤮 𞤤𞤢𞤦𞤢𞤸
Mi yetti sanne faa
𞤌𞤲 𞤱𞤫𞤤𞤼𞤢𞤲𞥄𞤥𞤢 𞤧𞤢𞤲𞥆𞤫
𞤀𞤤𞤤𞤢𞤸 𞤥𞤮𞤰𞥆𞤭𞤲 𞤢𞤤𞤸𞤢𞤤𞤭𞥅𞤶𞤭 𞤢𞤪𞤣𞤭𞥅𞤩𞤫 𞤥𞤫𞤲 𞤬𞤮𞤱
Bin
𞤱𞤭𞤲𞤣𞤫𞤲 𞤶𞤢𞤲𞤺𞤫 𞤢𞤣𞤤𞤢𞤥 𞤳𞤮 𞤦𞤭𞤲𞤣𞤮𞤤 𞤧𞤭𞤲𞤷𞤢𞥄𞤲𞤺𞤮𞤤 𞤫 𞤸𞤭𞤼𞤢𞥄𞤲𞤣𞤫 𞥑𞥙𞥘𞥙⹁ 𞤥𞤮𞤰𞥆𞤫𞤪𞤫 𞤥𞤢𞤺𞥆𞤮𞤤 𞤴𞤢𞥄𞤶𞤭𞥅 𞤸𞤢𞥄 𞤼𞤢𞤱𞤢𞤼𞤢 𞤶𞤮𞥅𞤲𞤭 𞤢 𞤱𞤭𞤲𞤣𞤭𞤪𞤢𞤴𞤲𞤺𞤮𞤤 𞤳𞤮 𞤬𞤢𞥄𞤤𞤢𞤯𞤢𞥄 𞤱𞤮𞥅⹁ 𞤢 𞤸𞤵𞤱𞤼𞤮𞤪𞤢𞤴𞤲𞤺𞤮𞤤 𞤳𞤮 𞤴𞤫𞤤𞤭𞤯𞤢𞥄 𞤱𞤮𞥅⁏ 𞤲𞤺𞤮𞤤 𞤱𞤮𞤲𞤭𞥅 𞤼𞤫𞤣𞥆𞤵𞤲𞥋𞤺𞤢𞤤 𞤥𞤮𞥅𞤤𞤢𞤲𞤢𞥄𞤲𞤺𞤢𞤤 𞤱𞤮𞤲𞤢𞤲𞤣𞤫 𞤤𞤫𞤻𞤮𞤤 𞤬𞤵𞤤𞤩𞤫 𞤩𞤫𞤲 𞤫 𞤪𞤫𞤲𞤣𞤮 𞤢𞤬𞤪𞤭𞤳 𞤲𞤺𞤮𞤲 𞤳𞤢𞤻𞤵𞤲 𞤫 𞤳𞤢𞤤𞤢 𞤲𞤫𞤯𞥆𞤢𞤲𞤳𞤫⁏ 𞤳𞤮 𞤥𞤢𞤤𞤮𞥅𞤪𞤫⹁ 𞤨𞤮𞥅𞤤𞤺𞤢𞤤⹁ 𞤩𞤢𞤽𞤼𞤢𞤤⹁ 𞤩𞤢𞤥𞤼𞤢𞤤 𞤱𞤮𞤲𞤭 𞤬𞤭𞥅 𞤢𞤣𞤤𞤢𞤥 𞤸𞤢𞥄 𞤨𞤮𞥅𞤥𞤢𞥄.
𞤳𞤢𞤤𞤢 𞤲𞤫𞤯𞥆𞤮 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤲𞤮 𞤼𞤮𞤪𞤢𞥄 𞤱𞤢𞤤𞥆𞤭𞤼𞤢𞤺𞤮𞤤 𞤬𞤭𞥅 𞤲𞤮 𞤦𞤭𞤲𞤣𞤮𞤤 𞤢𞤣𞤤𞤢𞤥 𞤲𞤺𞤮𞤤 𞤱𞤵𞥅𞤪𞤭𞤪𞤢⹁ 𞤧𞤢𞤦𞤵 𞤱𞤵𞥅𞤪𞤵𞤺𞤮𞤤 𞤥𞤢𞤺𞥆𞤮𞤤 𞤳𞤮 𞤩𞤢𞤥𞤼𞤢𞤤 𞤱𞤮𞤲𞤢𞤲𞤣𞤫 𞤳𞤢𞤤𞤢 𞤲𞤫𞤯𞥆𞤢𞤲𞤳𞤫 𞤯𞤵𞤲 𞤧𞤭𞤳𞥆𞤫 𞤱𞤮𞥅 𞤱𞤢𞤤𞤢𞥄 𞤫 𞤥𞤵𞤲…
𞤀𞤱𞤢 𞤴𞤮𞥅 𞤢𞤤𞤤𞤢𞤸𞤵 𞤥𞤮𞤰𞥆𞤭𞤲 𞤢𞤪𞤲𞤢𞤺𞤮𞤤 𞤥𞤢𞤩𞥆𞤫 𞤲’𞤺𞤮𞤤