𞤘𞤭𞤲𞤫 𞤄𞤭𞤧𞤢𞤱𞤮𞥅:𞤑𞤮 𞤘𞤭𞤲𞤫𞤲𞤢𞥄𞤩𞤫 𞤲𞤺𞤶𞤮𞤱𞤮 𞤸𞤫𞤣𞤭𞥅 𞤫 𞤥𞤢𞤧𞤭𞥅𞤦𞤮

𞤁𞤢𞤩𞥆𞤭𞤼𞤫𞤪𞤫 𞤨𞤫𞤪𞤮𞤲𞤶𞤭 𞤴𞤢𞥄𞤧𞤭𞥅𞤶𞤭 𞤯𞤭𞤯𞤭 𞤲𞤣𞤫𞤪 𞤺𞤭𞤲𞤫 𞤦𞤭𞤧𞤢𞥄𞤱𞤵⹁ 𞤩𞤭𞤯𞤩𞤫 𞤺𞤭𞤲𞤫 𞤲𞤶𞤮𞤱𞤮(𞥕) 𞤸𞤫𞤣𞥆𞤭𞤳𞤫.

𞤖𞤢𞤲𞤣𞤫 𞤳𞤢𞤣𞤭 𞤪𞤫𞤲𞤣𞤮 𞤘𞤭𞤲𞤫 𞤲𞤺𞤮𞤲 𞤭𞤥𞥆𞤮𞤣𞤭𞥅 𞤫 𞤧𞤵𞤲𞤮 𞤥𞤢𞤱𞤲𞤺𞤮. 𞤐𞤶𞤮𞤱𞤮 𞤱𞤮𞤲𞤭𞥅 𞤳𞤮 𞤲𞤮𞥅𞤼𞤭𞥅 𞤔𞤮𞥅𞤥𞤭 𞤥𞤵𞤲⹁ 𞤫 𞤲𞤢𞤴𞤮 (𞥔) 𞤸𞤫𞤤𞤵𞤩𞤫 𞤦𞤢𞤪𞤥𞤭. 𞤒𞤮 𞤢𞤤𞤤𞤢 𞤸𞤭𞤲𞥆𞤮 𞤴𞤢𞥄𞤬𞤮 𞤬𞤢𞥄𞤼𞤭𞥅𞤩𞤫 𞤩𞤫𞤲⹁ 𞤧𞤫𞤤𞥆𞤭𞤲𞤢 𞤦𞤢𞤪𞤥𞤵𞤩𞤫 𞤩𞤫𞤲. 

𞤃𞤵𞤧𞤭𞤣𞤩𞤫⹁ 𞤱𞤢𞤲𞤮 𞤧𞤵𞤼𞤮𞤪𞤯𞤮𞤲 𞤲𞤮𞤲 𞤫 𞤲𞤺𞤢𞤤 𞤲𞤢𞤼𞤢𞤤⹁ 𞤳𞤮 𞤸𞤵𞤩𞤫𞥅𞤪𞤫 𞤲𞤣𞤫 𞤼𞤢𞤲𞤳𞤵𞤯𞤭  𞤼𞤢𞤼𞤭 𞤱𞤮𞤲𞤭 𞤳𞤮 𞤬𞤵𞤳𞥆𞤭𞥅. 𞤑𞤮 𞤱𞤮𞤲𞤭 𞤧𞤢𞤦𞤵 𞤯𞤵𞤲⹁ 𞤳𞤮 𞤨𞤫𞤪𞤮𞤲𞤶𞤭 𞤴𞤢𞥄𞤧𞤭𞥅𞤶𞤭 𞤯𞤭𞤯𞤭 𞤣𞤢𞤩𞥆𞤭𞤼𞤭𞥅. 𞤖𞤮𞤩𞤫𞥅𞤪𞤫 𞤲𞤣𞤫𞤲 𞤴𞤮𞤱𞤼𞤮𞤲’𞤣𞤭𞤪𞤭 𞤸𞤮𞥅𞤪𞤫 𞤩𞤭𞤯𞤩𞤫 𞤺𞤭𞤲𞤫𞤲𞤢𞥄𞤩𞤫. 𞤍𞤵𞤲 𞤳𞤮 𞤱𞤢𞤯𞤭⹁ 𞤳𞤮 𞤖𞤢𞤲𞤳𞤭 𞤶𞤫𞤥𞥆𞤢⹁ 𞤳𞤢 𞤲𞤶𞤥𞤢𞤣𞤭 𞤶𞤫𞥅𞤼𞤢𞤼𞤭𞤩𞤭𞤪𞤭 𞤫 𞤳𞤮 𞤬𞤢𞤱𞤭. 

 

𞤖𞤢𞤲𞤳𞤭 𞤶𞤫𞤥𞥆𞤢 𞤬𞤫𞤱𞤲𞤣𞤮 𞤳𞤢 𞤲’𞤣𞤭𞤴𞤢𞤲 𞤯𞤢𞤲 𞤧𞤢𞥄𞤰𞤼𞤢 𞤯𞤮𞤲⹁ 𞤢𞤪𞤵𞤲𞤮𞥅𞤩𞤫 𞤯𞤵𞤱𞤢𞤺𞤮𞤤⹁ 𞤫 𞤴𞤫𞥅𞤴𞤢𞤴𞤩𞤫 𞤬𞤮𞤱⹁ 𞤤𞤵𞤼𞥆𞤭 𞤫 𞤲𞤺𞤮𞥅 𞤥𞤢𞤧𞤭𞥅𞤦𞤮. 𞤖𞤢𞤴 𞤩𞤫 𞤸𞤫𞤩𞤢𞥄𞤲𞤮 𞤲𞤮 𞤩𞤫 𞤱𞤢𞤴𞤲𞤮𞤲’𞤣𞤭𞤪𞤭𞤪𞤢 𞤫 𞤩𞤫𞤴𞤲𞤺𞤵𞥅𞤶𞤫 𞤥𞤢𞤩𞥆𞤫. 𞤸𞤢𞤲𞤳𞤭 𞤤𞤢𞥄𞤼𞤢𞤲𞤭𞤳𞤫 𞤩𞤫 𞤻𞤢𞤤𞤢𞥄𞤲𞤣𞤫 𞤧𞤢𞤳𞥆𞤭𞤼𞤭𞥅𞤲𞤣𞤫 𞤳𞤢 𞤣𞤵𞤲𞤴𞤢𞥄𞤪𞤵. 𞤸𞤢𞤲𞤳𞤭 𞤩𞤫   𞤸𞤮𞥅𞤼𞤭𞥅 𞤧𞤢𞤸𞤪𞤫 𞤺𞤮𞥅𞤲𞤺𞤢.

 

𞤅𞤫𞥅𞤯𞤢 𞤫 𞤲𞤮 𞤺𞤢𞤯𞤢𞤤(𞤢𞤳𞤧𞤭𞤮𞤲) 𞤲𞤺𞤢𞤤 𞤬𞤫𞤰𞥆𞤭𞤪𞤭.

 

𞤇𞤵𞤪𞤯𞤮 𞤤𞤮𞤤𞥆𞤵𞤣𞤫 𞤫 𞤥𞤢𞤩𞥆𞤫 𞤮𞤲 𞤳𞤮: 𞤷𞤵𞤳𞥆𞤮 𞤴𞤭𞥅𞤤𞤭𞤪𞤣𞤫 𞤴𞤢𞤤𞤼𞤵𞤩𞤫 𞤘𞤭𞤲𞤫 𞤩𞤫𞤲⹁ 𞤤𞤮𞤤𞥆𞤭𞤪𞤯𞤮 “𞤕𞤭𞤱𞤼𞤮”. 𞤌𞥅 𞤳𞤮 𞤲𞤫𞤯𞥆𞤮 𞤣𞤢𞤪𞤢𞤲𞤭𞤲𞤮𞥅𞤯𞤮 𞤩𞤭𞤯𞤩𞤫 𞤺𞤭𞤲𞤫 𞤬𞤫𞤱𞤲𞤣𞤮 𞤸𞤢𞤲𞤣𞤫⹁ 𞤳𞤢𞤻𞤵𞤲 𞤫 𞤧𞤮𞤲𞥆𞤢𞥄𞤶𞤮 𞤴𞤫𞥅𞤴𞤮𞥅𞤱𞤮 𞤼𞤮𞥅𞤪𞤭⁏ 𞤱𞤮𞤲𞤣𞤵𞤣𞤫 𞤫 𞤶𞤭𞤱𞤵𞤲 𞤥𞤢𞤳𞥆𞤮. 

 

𞤉 𞤱𞤭𞤭 𞤼𞤢𞤱𞤢𞤲𞤮𞥅𞤩𞤫 𞤺𞤮𞥅⹁” 𞤲𞤣𞤫 𞤨𞤫𞤪𞤮𞤲 𞤸𞤵𞤲 𞤱𞤮𞤲𞤭𞤪𞤳𞤵𞤲 𞤣𞤮𞤱 𞤳𞤵𞤲 𞤬𞤮𞤳𞥆𞤭𞤼𞤵𞤲𞤮⹁ 𞤫𞥅𞤱𞤮𞤤 𞤶𞤭𞤱𞤮 𞤲𞤶𞤢𞤲𞤮 𞤧𞤮𞤲𞥆𞤢𞥄𞤶𞤮 𞤴𞤫𞥅𞤴𞤮𞥅𞤱𞤮 𞤼𞤮𞥅𞤪𞤭 𞤮𞤲⹁ 𞤫 𞤱𞤮𞤲𞥆𞤮𞥅𞤩𞤫 𞤧𞤫𞤪𞤢 𞤩𞤫𞤲⹁ 𞤱𞤮𞥅𞤣𞤢𞥄𞤲𞤮 𞤳𞤮 𞤲𞤢𞤬𞤭 𞤩𞤫. 𞤅𞤢𞤦𞤵 𞤣𞤮𞤺𞤵𞤲𞤮𞥅𞤩𞤫 𞤲𞤺𞤢𞤥 𞤣𞤢𞤯𞤵𞤺𞤮𞤤 𞤩𞤫𞤲⹁ 𞤳𞤮 𞤯𞤮𞤲 𞤼𞤵𞥅𞤬𞤫 𞤺𞤮𞥅 𞤣𞤮𞤰𞥆𞤭𞤼𞤭𞥅 𞤫 𞤥𞤢𞤩𞥆𞤫 𞤢𞤣𞤮 𞤩𞤫 𞤧𞤮𞤪𞤼𞤢𞥄𞤣𞤫. 𞤖𞤢𞤳𞥆𞤫𞤪𞤫𞤲 𞤳𞤮 𞤺𞤢𞤯𞤢𞤤 𞤲𞤺𞤢𞤤 𞤴𞤢𞥄𞤱𞤭 𞤳𞤮𞤲⹁ 𞤳𞤮 𞤽𞤢𞤤𞤢𞤱 𞤱𞤮𞤲𞤼𞤢𞤲𞤭 𞤼𞤢𞤱𞤢𞤲𞤮𞥅𞤩𞤫 𞤩𞤫𞤲”. 

𞤏𞤮𞥅𞤼𞤩𞤫 𞤫 𞤥𞤢𞤩𞥆𞤫 𞤳𞤮 𞤲𞤣𞤫 𞤦𞤵𞤤𞤣𞤮𞥅𞤧𞤫𞥅𞤪𞤱𞤢𞤤 𞤲𞤺𞤢𞤤 𞤢𞤪𞤵𞤲𞤮𞥅⹁ 𞤧𞤭 𞤴𞤭𞤥𞤩𞤫 𞤩𞤫𞤲 𞤢𞤲𞤣𞤭 𞤩𞤫 𞤥𞤢𞥄𞤴𞤵𞤲𞤮.𞤒𞤫𞤪𞤵 𞤸𞤫𞤤𞤵𞤩𞤫 𞤩𞤫𞤲⹁ 𞤳𞤮 𞤤𞤢𞥄𞤩𞤭 𞤸𞤫𞤩𞤢𞥄𞤳𞤭 𞤫 𞤲𞤮 𞤩𞤫 𞤸𞤫𞤤𞤭𞤪𞤭 𞤲𞤮𞤲 𞤼𞤢𞤸𞤮⹁ 𞤧𞤢𞤦𞤵 𞤲𞤮𞤲⹁ 𞤩𞤫 𞤬𞤮𞤱 𞤳𞤮 𞤧𞤢𞤳𞥆𞤭𞤼𞤮𞤪𞤩𞤫 𞤦𞤢𞤧𞤢𞤺𞤮𞤤 𞤳𞤢 𞤤𞤢𞤦𞤵𞤼𞤢𞥄𞤲𞤫. 𞤑𞤮 𞤩𞤵𞤪𞤭 𞤬𞤫𞥅𞤻𞤵𞤣𞤫 𞤳𞤮𞤲⹁ 𞤳𞤮 𞤼𞤵𞥅𞤬𞤫 𞤺𞤮𞥅 𞤸𞤢𞤱𞤪𞤭 𞤫 𞤥𞤢𞤩𞥆𞤫. 

 

𞤎𞤫𞥅𞤱𞤫𞤲 𞤲𞤢𞤼𞤢𞤤 𞤲𞤺𞤢𞤤 𞤤𞤫𞤴 𞤯𞤮𞤮⹁ 𞤩𞤵𞤪𞤼𞤫𞤲 𞤼𞤫𞤲𞤼𞤭𞤲𞤣𞤫 𞤦𞤢𞤯𞤢𞤤 𞤲𞤺𞤢𞤤.

𞤑𞤮𞤴 𞤨𞤫𞤪𞤮𞤲 𞤸𞤮𞤴 𞤳𞤮𞤴 𞤧𞤵𞤼𞤭𞤯𞤮𞤲 𞤯𞤮𞥅⹁ 𞤢𞤤𞤢𞥄 𞤫 𞤥𞤢𞤳𞥆𞤮𞤴 𞤥𞤢𞤪𞤵𞤳𞤮𞤴 𞤲𞤶𞤢𞤲𞤣𞤭 𞤳𞤮 𞤼𞤭𞥅𞤯𞤭𞤲𞤢 𞤳𞤮𞤴. 𞤑𞤮 𞤳𞤢𞥄𞤧𞤭 𞤥𞤢𞤤𞥆𞤢 𞤧𞤭𞤥𞤮𞤲 𞤩𞤮𞤤𞤮 𞤼𞤢𞤲 𞤳𞤮𞤴 𞤥𞤮𞤰𞥆𞤭𞤲𞤭𞤪𞤢𞥄.

 

𞤃𞤫𞤲 𞤢𞤪𞤼𞤮𞤴𞤢𞤴 𞤫 𞤥𞤮𞤲 𞤫 𞤳𞤢𞤤𞤢 𞤳𞤵𞤥𞤨𞤭𞤼𞤢𞤤 𞤴𞤮𞤱𞤮𞤲’𞤣𞤭𞤪𞤲𞤺𞤢𞤤 𞤫 𞤲𞤺𞤮𞥅 𞤥𞤢𞤧𞤭𞥅𞤦𞤮 𞤧𞤵𞤲𞤭𞤲𞤺𞤮. 

 

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤘𞤭𞤲𞤫 𞤦𞤭𞤧𞤢𞥄𞤱.