𞤑𞤮𞤾𞤭𞤣 – 𞥑𞥙 𞤸𞤫𞤱𞤼𞤭𞥅 𞤳𞤢 𞤖𞤵𞤩𞤫𞥅𞤪𞤫 𞤤𞤢𞥄𞤥𞤵 𞤘𞤭𞤲𞤫.

𞤄𞤢𞤯𞤼𞤢𞤲𞤫 𞤲𞤣𞤢𞥄𞤪𞤼𞤮𞤤 𞤥𞤢𞤤𞥆𞤢 𞤱𞤭𞥅𞤼𞤮𞤤 𞤱𞤢𞤯𞤢𞥄𞤲𞤢𞥄 𞤺𞤮𞤤 𞤴𞤭𞥅𞤥𞤩𞤫 𞤺𞤮𞤤𞥆𞤮𞥅𞤩𞤫 𞤼𞤮𞤲 𞤩𞤫𞤲⹁ 𞤼𞤢𞤦𞤭𞤼𞤭𞥅 𞤱𞤮𞤲𞤣𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲⹁ 𞤀𞤤𞤬𞤢𞥄 𞤑𞤮𞤲𞤣𞤫 𞤳𞤢𞤻𞤵𞤲 𞤫 𞤸𞤵𞥅𞤱𞤮𞤲𞥋𞤣𞤭𞤪𞤢𞤤 𞤥𞤢𞤳𞥆𞤮 𞤲𞤺𞤢𞤤⹁ 𞤢𞤤𞤣𞤢𞥄 𞤫 𞤲𞤺𞤵𞥅 𞤻𞤢𞤱𞤵. 𞤑𞤮𞤲𞤮 𞤲𞤮𞤲⹁ 𞤼𞤢𞤦𞤭𞤲𞤼𞤭𞤲𞤢𞥄𞤥𞤢 𞤱𞤮𞤲𞤣𞤫 𞤑𞤮𞤾𞤭𞤣-𞥑𞥙 𞤲𞤮 𞤪𞤢𞥄𞤩𞤭 𞤴𞤭𞤥𞤩𞤫 𞤧𞤢𞤨𞥆𞤮-𞤫-𞤯𞤭𞤯𞤮 ( 𞥑𞥒 ) 𞤺𞤮𞤤𞥆𞤮𞥅𞤩𞤫 𞤳𞤢 𞤸𞤵𞤩𞤫𞥅𞤪𞤫 𞤼𞤮𞤲. 𞤯𞤵𞤥 𞤯𞤮𞥅 𞤼𞤭𞤥𞥆𞤭𞤲𞤭𞥅 𞤤𞤭𞤥𞤮𞥅𞤪𞤫 𞤻𞤢𞤱𞤵𞤩𞤫 𞤑𞤮𞤪𞤮𞥅𞤲𞤢 𞤩𞤫𞤲 𞤘𞤭𞤲𞤫⹁ 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤫 𞤯𞤭𞤯𞤮 (𞥕𞥒) . 𞤑𞤮𞤲𞤮 𞤫 𞤴𞤫𞤼𞥆𞤮𞥅𞤪𞤫 𞤘𞤫𞤲𞤮 𞤮𞤲 ⹁ 𞤸𞤢𞤴 𞤺𞤮𞥅𞤼𞤮 𞤥𞤢𞥄𞤴𞤭𞤪𞤢𞥄𞤤𞤭 𞤘𞤭𞤲𞤫 𞤧𞤢𞤦𞤵 𞤲𞤺𞤵 𞤻𞤢𞤱𞤵.

 𞤊𞤭𞥅 𞤳𞤢𞤤𞤢 𞤘𞤮𞤥𞤲𞤢𞥄𞤳𞤵 𞤲𞤺𞤵𞤲 𞤼𞤢𞤦𞤭𞤲𞤼𞤭𞤲𞤭𞥅 𞤱𞤮𞤲𞤣𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲 𞤱𞤮𞤲𞤣𞤢𞥄 𞤫 𞤑𞤮𞤾𞤭𞤣-𞥑𞥙⹁ 𞤸𞤫𞥅𞤱𞤵𞤩𞤫 𞤲𞤮 𞤧𞤮𞤺𞤭𞤼𞤭𞥅-𞤥𞤮 𞤱𞤮𞤲𞤣𞤵𞤺𞤮𞤤 𞤫 𞤥𞤢𞤺𞥆𞤵.  𞤚𞤫𞤲𞤼𞤭𞤲𞤭𞥅 𞤲𞤮𞤲 𞤲𞤮 𞤼𞤢𞤦𞤭𞤼𞤭 𞤱𞤮𞤲𞤣𞤫 𞤲𞤺𞤵𞥅 𞤻𞤢𞤱𞤵 𞤲𞤮 𞤪𞤢𞥄𞤩𞤭 𞤺𞤮𞤤𞥆𞤢𞤲𞤮𞥅𞤩𞤫 𞤥𞤮 𞥑𞥒. 𞤑𞤵𞤥𞤨𞤭𞤼𞤭𞤪𞤣𞤫 𞤸𞤢𞤳𞤼𞤭𞤧𞤢𞤲𞤳𞤫𞥅𞤪𞤫 𞤢𞤲𞤣𞤭𞤪𞤢𞥄𞤲𞤣𞤫 (Guineenews) 𞤴𞤢𞤤𞤼𞤭𞤲𞥆𞤮𞥅 𞤳𞤵𞤯𞤮𞤤 𞤱𞤭𞤵𞤺𞤮𞤤 𞤩𞤫 𞤸𞤵𞤥𞤨𞤭𞤼𞤭𞤳𞤫 𞤱𞤮𞤲𞤣𞤫 𞤑𞤮𞤾𞤭𞤣-𞥑𞥙 𞤪𞤢𞥄𞤩𞤭𞥅 𞤀𞤤𞤬𞤢𞥄 𞤑𞤮𞤲𞤣𞤫. 𞤑𞤮𞤲𞤮 𞤩𞤫 𞤥𞤫𞤸𞤭𞥅 𞤳𞤵𞤯𞤮𞤤 𞤲𞤺𞤮𞤤.

 𞤐𞤣𞤭𞤺𞤢 𞤲𞤺𞤵𞥅 𞤻𞤢𞤱𞤵 𞤬𞤫𞥅𞤻𞤭⹁ 𞤲𞤺𞤵 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤲𞤺𞤵 𞤪𞤢𞥄𞤩𞤢𞤴 𞤳𞤢𞤤𞤢. 𞤐𞤺𞤵 𞤢𞤷𞥆𞤢𞤼𞤢𞥄 𞤲𞤫𞤯𞥆𞤮 𞤧𞤢𞤦𞤵 𞤲𞤺𞤢𞤤𞤵 𞤥𞤢𞤳𞥆𞤮 𞤥𞤢𞥄 𞤷𞤫𞤥𞤦𞤫 𞤥𞤢𞤳𞥆𞤮. 𞤐𞤺𞤵 𞤢𞤷𞥆𞤭𞤪𞤼𞤢𞥄 𞤤𞤫  𞤸𞤢𞤴 𞤺𞤮𞥅𞤼𞤮 𞤳𞤢𞤣𞤭 𞤬𞤮𞤼𞤭 𞤮𞤲𞤼𞤭𞤺𞤭 𞤳𞤮 𞤦𞤢𞤺𞥆𞤮 𞤥𞤢𞥄 𞤳𞤮 𞤥𞤢𞤱𞤯𞤮. 𞤃𞤮 𞤳𞤢𞤤𞤢 𞤲𞤮 𞤸𞤢𞥄𞤲𞤭 𞤪𞤫𞤲𞤼𞤢𞥄𞤣𞤫⹁ 𞤱𞤢𞤯𞤼𞤢𞤲𞤢 𞤴𞤭𞥅𞤤𞤭 𞤫 𞤴𞤢𞤥𞤭𞤪𞤮𞥅𞤶𞤫 𞤣𞤢𞤯𞤭𞤲𞤮𞤪𞤯𞤫 𞤯𞤫𞤲. 𞤍𞤫𞤲 𞤳𞤮:

𞤱𞤮𞤼𞤢 𞤮𞤲 𞤧𞤢𞤤𞤥𞤭𞤲𞤭𞤪 𞤴𞤭𞤥𞤩𞤫 𞤩𞤫𞤲 𞤶𞤵𞥅𞤯𞤫 𞤯𞤫𞤲. 𞤅𞤮 𞤼𞤢𞤱𞤭𞥅 𞤮𞤲 𞤧𞤢𞤤𞤥𞤭𞤲𞤢𞤴 𞤺𞤮𞥅𞤼𞤯𞤮⹁ 𞤼𞤮𞤱𞤲𞤢𞤲𞤫𞤲 𞤮𞤲𞤼𞤭𞤺𞤭 𞤶𞤵𞥅𞤯𞤫 𞤯𞤫𞤲 𞤳𞤢 𞤱𞤮𞤯𞥆𞤭

• 𞤧𞤮𞥅𞤯𞤮𞤪𞤮𞤲 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲 𞤫 𞤧𞤢𞥄𞤦𞤵𞤲𞤣𞤫 𞤧𞤮𞥅𞤲𞤮 𞤳𞤢𞤤𞤢
• 𞤪𞤫𞤲𞤼𞤮 𞤯𞤮𞤲 𞤫 𞤥𞤫𞥅𞤥𞤵𞤺𞤮𞤤 𞤴𞤫𞥅𞤧𞤮 𞤥𞤮𞤲 𞤲𞤺𞤮𞤲
• 𞤅𞤭 𞤮𞤲 𞤯𞤮𞤶𞥆𞤢𞤴 𞤥𞤢𞥄 𞤮𞤲 𞤭𞥅𞤤𞤢𞤴⹁ 𞤯𞤮𞤶𞥆𞤫𞥅 𞤥𞤢𞤤𞥆𞤢 𞤭𞥅𞤤𞤫𞥅 𞤳𞤢 𞤲𞤣𞤫𞤪 𞤧𞤮𞤩𞥆𞤵𞤲𞥋𞤺𞤮 𞤥𞤮𞤲. 𞤏𞤮𞤼𞤢 𞤮𞤲 𞤯𞤮𞤶𞥆𞤵⹁ 𞤼𞤮𞤱𞤢 𞤮𞤲 𞤭𞥅𞤤𞤵 𞤳𞤢 𞤲𞤣𞤫𞤪 𞤲𞤫𞤱𞤫 𞤥𞤮𞤲
• 𞤪𞤫𞤲𞤼𞤫𞥅 𞤳𞤢𞤣𞤭 𞤫 𞤴𞤢𞤸𞤵𞤺𞤮𞤤 𞤳𞤢 𞤴𞤭𞤥𞤩𞤫 𞤥𞤮𞥅𞤩𞤭𞥅⹁ 𞤱𞤢𞤲𞤮 𞤳𞤢 𞤤𞤵𞥅𞤥𞤮 𞤫 𞤳𞤢 𞤣𞤵𞤯𞤫.
• 𞤧𞤮 𞤼𞤢𞤱𞤭𞥅 𞤳𞤮 𞤦𞤫𞥅 𞤴𞤢𞤤𞤼𞤮𞤲⹁ 𞤢𞤷𞥆𞤫𞥅 𞤫𞤥𞤦𞤫𞤪𞤫 𞤼𞤫𞤨𞥆𞤫 𞤼𞤢𞤼𞤭 𞤸𞤢𞤳𞥆𞤵𞤲𞥋𞤣𞤫 𞤥𞤮𞤲 𞤫 𞤳𞤢𞤤𞤢 𞤱𞤮𞤲𞤯𞤮 𞤧𞤫𞤪𞤢 𞤥𞤮𞤲
• 𞤥𞤮 𞤧𞤮𞤺𞤭𞤼𞤭𞤳𞤫 𞤲𞤮 𞤱𞤮𞤲𞤣𞤭 𞤫 𞤻𞤢𞤱𞤵⹁ 𞤴𞤮 𞤤𞤵𞤼𞥆𞤵 𞤳𞤢 𞤧𞤵𞥅𞤣𞤵 𞤲𞤮𞤣𞥆𞤢 𞤪𞤢𞤽𞤢𞤥𞤫 𞤯𞤫 𞤶𞤮𞤲𞥆𞤢 𞤯𞤫𞤲 𞤯𞤫𞤲