𞤅𞤉𞤐𞤟𞤉𞤐⹁ 𞤅𞤀𞥄𞤖𞤈𞤉 𞤕𞤀𞤒𞤐𞤀⹁ 𞤚𞤌𞤛𞤋𞥅 𞤚𞤉𞥅𞤏𞤓 𞤁𞤀𞤏𞤀 𞤉 𞤓𞤂𞤓

𞤅𞤫𞤲𞥁𞤫𞤲 𞤱𞤮𞤲𞤭 𞤢𞤪𞤢𞤲𞤫𞤪𞤫 𞤫 𞤷𞤢𞤸𞤫 𞤕𞤢𞤴𞤲𞤢 𞤯𞤫𞤲 𞤼𞤮𞤽𞤵𞤺𞤮𞤤 𞤻𞤢𞥄𞤥𞤵𞤺𞤮𞤤 𞤼𞤫𞥅𞤱𞤵 (𞤳𞤵𞤧𞤫𞤤) 𞤣𞤢𞤱𞤢 𞤥𞤢𞤤𞥆𞤢 𞤼𞤫𞥅𞤱𞤵 𞤻𞤢𞥄𞤪𞤭 (𞤺𞤮𞤥𞤮𞥅𞤪𞤵⹁ 𞤵𞤤𞤵𞥅𞤲𞤣𞤵).

𞤀𞤣𞤮 𞤅𞤫𞤲𞥁𞤫𞤲 𞤰𞤫𞤼𞥆𞤵𞤣𞤫 𞤲𞤣𞤫𞥅 𞤬𞤫𞤱𞤶𞤮𞥅𞤪𞤫⹁ 𞤸𞤢𞤪𞤭 𞤤𞤢𞥄𞤥𞤵 𞤕𞤢𞤴𞤲𞤢 𞤲𞤺𞤵𞤲 𞤼𞤮𞤽𞤭𞥅𞤲𞤮 𞤧𞤮𞥅𞤣𞤵𞤺𞤮𞤤 𞤥𞤢𞤤𞥆𞤢 𞤴𞤫𞥅𞤴𞤵𞤺𞤮𞤤 𞤼𞤫𞥅𞤱𞤵 𞤳𞤵𞤤𞥆𞤫 (𞤳𞤵𞤶𞥆𞤫) 𞤤𞤢𞤣𞥆𞤫 𞤺𞤭𞤤𞤢 𞤤𞤫𞤱𞤪𞤵 𞤕𞤮𞤤𞤼𞤮. 𞤑𞤮𞤲𞤮 𞤅𞤫𞤲𞥁𞤫𞤲 𞤸𞤢𞥄𞤯𞤢𞥄𞤲𞤭 𞤯𞤮𞤲⹁ 𞤩𞤫 𞤩𞤫𞤴𞤣𞤭 𞤯𞤮𞤲 𞤼𞤮𞤽𞤵𞤺𞤮𞤤 𞤼𞤫𞤦𞥆𞤭 𞤣𞤢𞤱𞤢 𞤫 𞤥𞤵𞥅𞤧𞤵. 𞤖𞤫𞥅𞤱𞤵𞤩𞤫 𞤫 𞤶𞤮𞥅𞤥𞤭𞤪𞤢𞥄𞤩𞤫 𞤺𞤢𞤲𞤣𞤫⹁ 𞤲𞤮 𞤼𞤵𞥅𞤥𞤭 𞤻𞤢𞥄𞤥𞤵𞤺𞤮𞤤 𞤳𞤵𞤤𞥆𞤫 𞤤𞤢𞤣𞥆𞤫⹁ 𞤱𞤮𞤲𞤵𞤺𞤮𞤤 𞤧𞤢𞤦𞤵 𞤬𞤫𞥅𞤻𞤵𞤺𞤮𞤤 𞤲𞤺𞤵𞥅 𞤻𞤢𞤱𞤵 𞤑𞤮𞤪𞤮𞥅𞤲𞤢. 𞤏𞤮𞤪𞤭𞤲 𞤳𞤮 𞤫 𞤴𞤭𞤥𞤩𞤫 𞤢𞤲𞤣𞤭𞤪𞤢𞥄𞤩𞤫 𞤴𞤢𞤸𞤵𞤺𞤮𞤤 𞤫 𞤤𞤵𞥅𞤥𞤮 𞤼𞤫𞤦𞥆𞤭 𞤤𞤢𞤣𞥆𞤫⹁ 𞤱𞤮𞤲𞤭 𞤳𞤮 𞤲𞤺𞤵𞥅 𞤻𞤢𞤱𞤵 𞤢𞤣𞤢𞥄 𞤴𞤭𞤫𞥅𞤣𞤫 𞤫 𞤥𞤵𞤲 𞤳𞤢 𞤤𞤢𞥄𞤥𞤮𞤪𞤣𞤫 𞤣𞤭𞥅𞤱𞤢𞤤 𞤏𞤵𞥅𞤸𞤢𞤲.

𞤖𞤭𞤼𞤢𞥄𞤲𞤣𞤫 𞤦𞤫𞥅 𞤸𞤭𞤼𞤢𞥄𞤲𞤣𞤫⹁ 𞤳𞤮 𞤴𞤢𞤱𞤼𞤭 𞤣𞤵𞤦𞤵𞥅𞤶𞤫 𞤧𞤢𞤨𞥆𞤮 (𞤥𞤭𞤤𞤭𞤴𞤮𞤲 𞥑𞥐) 𞤁𞤢𞤱𞤢𞥄𞤯𞤭⹁ 𞤳𞤢𞤻𞤵𞤲 𞤫 𞤺𞤮𞤥𞤮𞥅𞤶𞤭 𞤣𞤵𞤦𞤵𞥅𞤶𞤫 𞤲𞤢𞤴𞤭 𞤲𞤮 𞤻𞤢𞥄𞤥𞤫𞥅 𞤫 𞤲𞤣𞤫𞤪 𞤤𞤫𞤧𞤣𞤭 𞤕𞤢𞤴𞤲𞤢. 𞤏𞤮𞤲𞤢𞥄 𞤲𞤵𞤲 𞤕𞤢𞤴𞤲𞤢 𞤼𞤵𞤲 𞤱𞤮𞤲𞤭 𞤳𞤮 𞤼𞤫𞥅𞤱𞤵 𞤣𞤢𞤱𞤢 𞤫 𞤻𞤢𞥄𞤪𞤭 𞤻𞤢𞥄𞤥𞤫𞤼𞤫𞥅. 𞤖𞤢𞤴 𞤀𞤬𞤪𞤭𞤳𞤢𞥄⹁ 𞤲𞤮 𞤱𞤮𞥅𞤣𞤭 𞤸𞤫𞤲 𞤴𞤭𞤥𞤩𞤫 𞤻𞤢𞥄𞤥𞤢𞤴𞤩𞤫 𞤣𞤢𞤱𞤢 𞤫 𞤻𞤢𞥄𞤪𞤭 𞤳𞤢𞤻𞤵𞤲 𞤫 𞤼𞤫𞤦𞥆𞤭 𞤤𞤢𞤣𞥆𞤫. 𞤑𞤮𞤲𞤮 𞤲𞤮𞤲⹁ 𞤳𞤮 𞤀𞥄𞤧𞤭𞤴𞤢𞥄⹁ 𞤳𞤢 𞤕𞤢𞤴𞤲𞤢𞥄 𞤶𞤫𞤴𞤢𞥄 𞤼𞤮𞤲⹁ 𞤩𞤵𞤪𞤭 𞤫 𞤸𞤫𞥅𞤱𞤵𞤣𞤫 𞤻𞤢𞥄𞤥𞤮𞥅𞤩𞤫 𞤯𞤵𞤥. 𞤑𞤮 𞤴𞤢𞤱𞤼𞤭 𞤣𞤵𞤦𞤵𞥅𞤶𞤫 𞤷𞤢𞤨𞥆𞤢𞤲𞤯𞤫 𞤼𞤢𞤼𞤭 𞤣𞤢𞤱𞤢𞥄𞤯𞤭 𞤲𞤮 𞤻𞤢𞥄𞤥𞤫𞥅 𞤀𞥄𞤧𞤭𞤴𞤢𞥄 𞤸𞤭𞤼𞤢𞥄𞤲𞤣𞤫 𞤳𞤢𞤤𞤢.

𞤐𞤺𞤵𞥅 𞤻𞤢𞤱𞤵 𞤬𞤮𞤯𞥆𞤮𞤪𞤲𞤮𞥅𞤲𞤺𞤵 𞤲𞤫𞤯𞥆𞤮 𞤺𞤮𞥅𞤼𞤮 𞤏𞤵𞥅𞤸𞤢𞤲⹁ 𞤪𞤢𞥄𞤩𞤭𞥅 𞤳𞤮 𞤩𞤵𞤪𞤭 𞤴𞤭𞤥𞤩𞤫 𞤣𞤵𞤦𞤵𞥅𞤪𞤫. 𞤐𞤣𞤫 𞤱𞤢𞤪𞤭𞥅 𞤳𞤢𞤣𞤭 𞤳𞤮 𞤩𞤵𞤪𞤭 𞤴𞤭𞤥𞤩𞤫 𞤵𞤶𞤵𞤲𞤫 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤫 𞤵𞤶𞤵𞤲𞤫 𞤼𞤢𞤼𞤫 (𞥕𞥓 𞥐𞥐𞥐). 𞤉 𞤲𞤣𞤫𞤪 𞤻𞤢𞤤𞥆𞤢𞤤 𞤺𞤮𞥅𞤼𞤢𞤤 𞤼𞤵𞤲 𞤸𞤢𞤲𞤳𞤭⹁ 𞤲𞤣𞤫 𞤱𞤢𞤪𞤭𞥅 𞤳𞤮 𞤴𞤢𞤱𞤼𞤭 𞤴𞤭𞤥𞤩𞤫 𞤵𞤶𞤵𞤲𞤫𞤪𞤫 𞤫 𞤼𞤫𞥅𞤥𞤫𞤯𞥆𞤫 𞤯𞤭𞤯𞤮 (𞥑𞥒𞥐𞥐).

𞤒𞤭𞤥𞤩𞤫 𞤩𞤫𞤲 𞤲𞤮 𞤸𞤢𞥄𞤲𞤢𞥄 𞤢𞤲𞤣𞤭𞤲𞤼𞤭𞤲𞤫𞥅𞤣𞤫 𞤱𞤮𞤲𞤣𞤫 𞤲𞤺𞤵 𞤻𞤢𞤱𞤵 𞤑𞤮𞤪𞤮𞥅𞤲𞤢 𞤢𞤤𞤢𞥄 𞤤𞤫𞤳𞥆𞤭 𞤳𞤮 𞤻𞤢𞤱𞤲𞤣𞤮𞤪𞤫𞥅. 𞤐𞤺𞤵 𞤪𞤢𞥄𞤩𞤢𞤴 𞤲𞤮 𞤴𞤢𞥄𞤱𞤭𞤪𞤭 𞤳𞤢𞤣𞤭. 𞤖𞤢𞤪𞤢𞤴 𞤳𞤮 𞤱𞤢𞤯𞤼𞤢𞤲𞤺𞤮𞤤 𞤸𞤭𞥅𞤤𞤢 𞤫 𞤴𞤢𞤥𞤭𞤪𞤮𞥅𞤶𞤫 𞤪𞤫𞤲𞤼𞤮𞤪𞤯𞤫 𞤯𞤫𞤲:

• 𞤱𞤮𞤼𞤢 𞤮𞤲 𞤧𞤢𞤤𞤥𞤭𞤲𞤭𞤪 𞤴𞤭𞤥𞤩𞤫 𞤩𞤫𞤲 𞤶𞤵𞥅𞤯𞤫 𞤯𞤫𞤲. 𞤅𞤮 𞤼𞤢𞤱𞤭𞥅 𞤮𞤲 𞤧𞤢𞤤𞤥𞤭𞤲𞤢𞤴 𞤺𞤮𞥅𞤼𞤯𞤮⹁ 𞤼𞤮𞤱𞤲𞤢𞤲𞤫𞤲 𞤮𞤲𞤼𞤭𞤺𞤭 𞤶𞤵𞥅𞤯𞤫 𞤯𞤫𞤲 𞤳𞤢 𞤱𞤮𞤯𞥆𞤭
• 𞤧𞤮𞥅𞤯𞤮𞤪𞤮𞤲 𞤲𞤣𞤭𞤴𞤢𞤲 𞤤𞤢𞥄𞤩𞤵𞤯𞤢𞤲 𞤫 𞤧𞤢𞥄𞤦𞤵𞤲𞤣𞤫 𞤧𞤮𞥅𞤲𞤮 𞤳𞤢𞤤𞤢
• 𞤪𞤫𞤲𞤼𞤮 𞤯𞤮𞤲 𞤫 𞤥𞤫𞥅𞤥𞤵𞤺𞤮𞤤 𞤴𞤫𞥅𞤧𞤮 𞤥𞤮𞤲 𞤲𞤺𞤮𞤲
• 𞤅𞤭 𞤮𞤲 𞤯𞤮𞤶𞥆𞤢𞤴 𞤥𞤢𞥄 𞤮𞤲 𞤭𞥅𞤤𞤢𞤴⹁ 𞤯𞤮𞤶𞥆𞤫𞥅 𞤥𞤢𞤤𞥆𞤢 𞤭𞥅𞤤𞤫𞥅 𞤳𞤢 𞤲𞤣𞤫𞤪 𞤧𞤮𞤩𞥆𞤵𞤲𞥋𞤺𞤮 𞤥𞤮𞤲. 𞤏𞤮𞤼𞤢 𞤮𞤲 𞤯𞤮𞤶𞥆𞤵⹁ 𞤼𞤮𞤱𞤢 𞤮𞤲 𞤭𞥅𞤤𞤵 𞤳𞤢 𞤲𞤣𞤫𞤪 𞤲𞤫𞤱𞤫 𞤥𞤮𞤲
• 𞤪𞤫𞤲𞤼𞤫𞥅 𞤳𞤢𞤣𞤭 𞤫 𞤴𞤢𞤸𞤵𞤺𞤮𞤤 𞤳𞤢 𞤴𞤭𞤥𞤩𞤫 𞤥𞤮𞥅𞤩𞤭𞥅⹁ 𞤱𞤢𞤲𞤮 𞤳𞤢 𞤤𞤵𞥅𞤥𞤮 𞤫 𞤳𞤢 𞤣𞤵𞤯𞤫.
• 𞤧𞤮 𞤼𞤢𞤱𞤭𞥅 𞤳𞤮 𞤦𞤫𞥅 𞤴𞤢𞤤𞤼𞤮𞤲⹁ 𞤢𞤷𞥆𞤫𞥅 𞤫𞤥𞤦𞤫𞤪𞤫 𞤼𞤫𞤨𞥆𞤫 𞤼𞤢𞤼𞤭 𞤸𞤢𞤳𞥆𞤵𞤲𞥋𞤣𞤫 𞤥𞤮𞤲 𞤫 𞤳𞤢𞤤𞤢 𞤱𞤮𞤲𞤯𞤮 𞤧𞤫𞤪𞤢 𞤥𞤮𞤲
• 𞤥𞤮 𞤧𞤮𞤺𞤭𞤼𞤭𞤳𞤫 𞤲𞤮 𞤱𞤮𞤲𞤣𞤭 𞤫 𞤻𞤢𞤱𞤵⹁ 𞤴𞤮 𞤤𞤵𞤼𞥆𞤵 𞤳𞤢 𞤧𞤵𞥅𞤣𞤵 𞤲𞤮𞤣𞥆𞤢 𞤪𞤢𞤽𞤢𞤥𞤫 𞤯𞤫 𞤶𞤮𞤲𞥆𞤢 𞤯𞤫𞤲 𞤯𞤫𞤲