𞤕𞤌𞤑𞥆𞤌 𞤁𞤉𞤐𞤜𞤉𞤈 𞤐𞤘𞤌𞤐 𞤐𞤀𞤐𞤘𞤋𞥅 𞤐𞤀𞤒𞤌 𞤊𞤋𞥅 𞤅𞤓𞤃𞤌 𞤅𞤓𞥅𞤁𞤓 𞤏𞤀𞤈𞤓𞤐𞥋𞤘𞤌 𞤅𞤉𞤐𞤉𞤘𞤀𞤂𞤐𞤀𞥄𞤇𞤉 𞤐𞤔𞤌𞤏𞤌
𞤆𞤮𞤤𞤭𞥅𞤧𞤢𞥄𞤩𞤫 𞤧𞤢𞥄𞤪𞤫 𞤁𞤫𞤲𞤾𞤫𞤪 𞤲𞤣𞤫𞤲 𞤲𞤢𞤲𞤺𞤭𞥅 𞤧𞤵𞤳𞤢𞥄𞤩𞤫 𞤲𞤢𞤴𞤮 𞤦𞤢𞤯𞤼𞤢𞤲𞤫 𞤧𞤵𞤥𞤮 𞤧𞤵𞥅𞤣𞤵 𞤱𞤢𞤪𞤵𞤲𞤮𞥅𞤲𞤺𞤮 𞤲𞤺𞤮𞤲 𞤅𞤫𞤲𞤫𞤺𞤢𞤤𞤲𞤢𞥄𞤩𞤫 𞤲𞤶𞤮𞤱𞤮. 𞤍𞤵𞤥 𞤳𞤮 𞤪𞤮𞤱𞤢𞤲𞤭 𞤫 𞤤𞤫𞤱𞤪𞤵 𞤔𞤵𞤳𞤮 (𞤵𞤗𞤧𞤢𞤼𞤵) 𞥒𞥐𞥒𞥐 𞤱𞤢𞤯𞤵𞤲𞤮𞥅 𞤫 𞤲𞤣𞤫𞤪 𞤁𞤫𞤲𞤾𞤫𞤪⹁ 𞤧𞤢𞥄𞤪𞤫 𞤥𞤢𞤱𞤲𞤣𞤫 𞤤𞤢𞤪𞤢𞤤 𞤑𞤮𞤤𞤮𞤪𞤢𞤣𞤮 𞤶𞤫𞤴𞤢𞥄𞤲𞤺𞤢𞤤 𞤫 𞤤𞤫𞤴𞤣𞤭 𞤀𞤥𞤢𞤪𞤭𞤳𞤢. 𞤃𞤢𞥄𞤴𞤵𞤲𞤮𞥅𞤩𞤫 𞤩𞤫𞤲 𞤫 𞤲𞤺𞤮𞤲 𞤧𞤵𞤥𞤮⹁ 𞤳𞤮 𞤔𞤭𞤦𞤪𞤭𞥅𞤤𞤢 𞤔𞤮𞥅𞤤 𞤢𞤲𞤣𞤭𞤪𞤢𞥄𞤯𞤮 𞤔𞤭𞤦𞤭⹁ 𞤫 𞤩𞤫𞤴𞤲𞤺𞤵 𞤥𞤢𞤳𞥆𞤮⹁ 𞤸𞤢𞤶𞥆𞤢 𞤔𞤮𞥅𞤤 𞤳𞤢𞤻𞤵𞤲 𞤫 𞤶𞤭𞤱𞤵𞤲 𞤥𞤢𞤩𞥆𞤫 𞤳𞤵𞤵𞤲 𞤼𞤭𞤥𞥆𞤭𞤲𞤢𞥄𞤤𞤭 𞤣𞤵𞥅𞤩𞤭 𞤯𞤭𞤯𞤭⹁ 𞤫 𞤦𞤢𞤲𞤣𞤭𞤪𞤢𞥄𞤱𞤮 𞤥𞤢𞤳𞥆𞤮 𞤭𞤲𞥆𞤫𞤼𞤫𞥅𞤯𞤮 𞤖𞤢𞤧𞤢𞤲 𞤔𞤮𞤤 𞤫 𞤦𞤮𞥅𞤦𞤮 𞤥𞤵𞤲 𞤥𞤮 𞤤𞤫𞤦𞥆𞤭 𞤶𞤫𞥅𞤯𞤭𞤯𞤭⹁ 𞤖𞤢𞤱𞤢𞥄 𞤄𞤫𞤴.
𞤏𞤢𞤯𞤭𞥅 𞤤𞤫𞤦𞥆𞤭 𞤶𞤫𞥅𞤺𞤮𞤮⹁ 𞤷𞤮𞤳𞥆𞤮 𞤁𞤫𞤲𞤾𞤫𞤪 𞤲𞤺𞤮𞤲 𞤲𞤮 𞤼𞤫𞤬𞤭𞤲𞥋𞤣𞤢𞥄𞤣𞤫 𞤬𞤭𞥅 𞤲𞤺𞤮 𞤱𞤢𞤪𞤲𞤺𞤮. 𞤑𞤮 𞤫 𞤲𞤶𞤫𞤧𞤤𞤢𞥄𞤪𞤫 (𞤢𞤤𞤢𞤪𞤦𞤢) 𞤻𞤢𞤤𞤲𞤣𞤫 𞥒𞥗 𞤅𞤭𞥅𞤤𞤮 𞤩𞤫 𞤲𞤢𞤲𞤺𞤭 𞤧𞤵𞤳𞤢𞥄𞤩𞤫 𞤩𞤫𞤲 𞤼𞤢𞤼𞤮. 𞤍𞤭𞤯𞤮 𞤫 𞤥𞤢𞤩𞥆𞤫 𞤲𞤮 𞤥𞤢𞤪𞤭 𞤣𞤵𞥅𞤩𞤭 𞤧𞤢𞤨𞥆𞤮 𞤫 𞤶𞤮𞤱𞤭⹁ 𞤺𞤮𞥅𞤼𞤮 𞤮𞤲 𞤲𞤮 𞤥𞤢𞤪𞤭 𞤣𞤵𞥅𞤩𞤭 𞤧𞤢𞤨𞥆𞤮 𞤫 𞤶𞤫𞥅𞤺𞤮𞤮. 𞤇𞤫𞥅 𞤼𞤢𞤼𞤮 𞤶𞤫𞤴𞤭𞤣𞤢𞥄⹁ 𞤳𞤮𞤲𞤮 𞤨𞤮𞤤𞤭𞥅𞤧𞤢𞥄𞤩𞤫 𞤩𞤫𞤲 𞤬𞤫𞤻𞥆𞤭𞤲𞤢𞥄𞤤𞤭 𞤼𞤭𞤲𞤣𞤭𞤲𞤮𞥅𞤪𞤫 𞤥𞤢𞤩𞥆𞤫 𞤩𞤢𞤴𞤼𞤭 𞤱𞤮𞤲𞤢𞥄 𞤸𞤫𞤤𞥆𞤭𞤬𞤢𞥄𞤩𞤫. 𞤑𞤮 𞤩𞤫𞥅 𞤼𞤢𞤼𞤮 𞤱𞤮𞤲𞥆𞤮𞥅 𞤫 𞤯𞤮𞤱𞤤𞤵 𞤳𞤢𞤻𞤵𞤲 𞤫 𞤲𞤢𞤼𞤫 𞤴𞤢𞤤𞤼𞤭𞤲𞤢𞤲𞤮𞥅𞤯𞤫 𞤯𞤫𞤲 𞤬𞤭𞥅 𞤯𞤢𞤩𞥆𞤵𞤼𞤵𞤺𞤮𞤤 𞤩𞤫 𞤳𞤮𞤲𞤮 𞤸𞤢𞤪𞤭 𞤺𞤫𞥅𞤷𞤫 𞤥𞤢𞤩𞥆𞤫 𞤯𞤫𞤲 𞤲𞤮 𞤧𞤵𞥅𞤥𞤭𞥅 𞤫 𞤥𞤵𞤲.
𞤐𞤢𞤴𞤢𞤩𞤮 𞤳𞤮 𞤫 𞤃𞤢𞤱𞤲𞤣𞤫 (𞤶𞤵𞤥𞤢) 𞤬𞤫𞤰𞥆𞤵𞤲𞥋𞤣𞤫 𞤯𞤮𞥅 𞤸𞤮 𞤲𞤢𞤲𞤺𞤢𞥄. 𞤑𞤮 𞤚𞤢𞥄𞤲𞤭𞤴𞤢 𞤄𞤵𞤴 𞤸𞤮 𞤭𞤲𞥆𞤫𞤼𞤫𞥅⹁ 𞤳𞤮 𞤣𞤵𞥅𞤩𞤭 𞤲𞤮𞥅𞤺𞤢𞤴 𞤫 𞤼𞤢𞤼𞤭 𞤮 𞤥𞤢𞤪𞤭. 𞤆𞤮𞤤𞤭𞥅𞤧𞤢𞥄𞤩𞤫 𞤩𞤫𞤲 𞤩𞤢𞤲𞤺𞤭𞤲𞤢𞤲𞤢𞥄𞤤𞤭 𞤴𞤭𞤥𞤩𞤫 𞤩𞤫𞤲 𞤳𞤮 𞤱𞤮𞤲𞤭 𞤧𞤢𞤦𞤵 𞤩𞤫𞥅 𞤧𞤵𞤳𞤢𞥄𞤩𞤫 𞤸𞤵𞤩𞥆𞤵𞤣𞤫 𞤴𞤭𞥅𞤼𞤫 𞤫 𞤧𞤵𞥅𞤣𞤵 𞤔𞤭𞤦𞤭𞤪𞤭𞥅𞤤𞤢 𞤔𞤮𞥅𞤤 𞤲𞤣𞤵𞤲.
𞤅𞤵𞤳𞤢𞥄𞤩𞤫 𞤩𞤫𞤲 𞤣𞤢𞤪𞤭𞤲𞤮𞥅 𞤻𞤢𞥄𞤱𞤮𞥅𞤪𞤫 𞤫 𞤃𞤢𞤱𞤲𞤣𞤫⹁ 𞤻𞤢𞤤𞤲𞤣𞤫 𞥕 𞤅𞤭𞥅𞤤𞤮 . 𞤉𞤩𞤫 𞤶𞤮𞤺𞤮𞤪𞤢𞥄 𞤨𞤢𞤱𞤫 𞤲𞤮𞥅𞤺𞤢𞤴 𞤫 𞤶𞤫𞥅𞤼𞤢𞤼𞤭. 𞤐𞤮 𞤼𞤢𞤱𞤢𞥄 𞤫 𞤯𞤫𞤲⹁ 𞤱𞤢𞤪𞤲𞤺𞤮⹁ 𞤧𞤵𞤥𞤲𞤮 𞤧𞤵𞥅𞤣𞤵⹁ 𞤲𞤺𞤵𞤴𞤳𞤢 𞤫 𞤦𞤢𞤺𞤢𞤥𞥆𞤢 𞤳𞤮 𞤴𞤮𞤱𞤮𞤲𞥋𞤣𞤭𞤪𞤭 𞤫 𞤥𞤢𞥄𞤴𞤣𞤫 𞤩𞤫𞥅 𞤧𞤫𞤲𞤫𞤺𞤢𞤤𞤲𞤢𞥄𞤩𞤫 𞤲𞤶𞤮𞤱𞤮.
𞤮𞤲 𞤶𞤢𞥄𞤪𞤢𞥄𞤥𞤢 𞤬𞤭𞥅 𞤳𞤵𞤥𞤨𞤭𞤼𞤢𞤤 𞤲’𞤺𞤢𞤤.