𞤒𞤓𞥅𞤅𞤓𞤊 𞤀𞤂 𞤗𞤀𞤈𞤁𞤀𞤏𞤋𞤒 𞤊𞤉𞤎𞥆𞤋𞤐𞤋𞥅
𞤑𞤮 𞤒𞤵𞤪𞤥𞤭 𞤲𞤮 𞤸𞤫𞤩𞤭 𞤶𞤵𞥅𞤤𞤩𞤫 𞤩𞤫𞤲.
𞤖𞤢𞤲𞤣𞤫 𞤫 𞤀𞥄𞤩𞤵𞤲’𞤣𞤫⹁ 𞤻𞤢𞤤𞤲𞤣𞤫 𞥒𞥖 𞤅𞤭𞥅𞤤𞤼𞤮 𞥒𞥐𞥒𞥒⹁ 𞤰𞤫𞤱𞤤𞤮𞥅𞤶𞤫 𞤥𞤢𞤱𞤯𞤫 𞤯𞤫𞤲 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤲𞤮 𞤫𞤱𞤭𞥅 𞤬𞤢𞥄𞤼𞤵𞤲𞤣𞤫 𞤒𞤵𞥅𞤧𞤵𞤬 𞤀𞤤 𞤗𞤢𞤪𞤣𞤢𞥄𞤱𞤭𞤴.
𞤌𞥅 𞤳𞤮 𞤷𞤫𞤪𞤲𞤮𞥅𞤶𞤮 𞤋𞤧𞤤𞤢𞥄𞤥 𞤼𞤫𞤣𞥆𞤵𞤯𞤮⹁ 𞤼𞤮𞥅𞤱𞤵𞤯𞤮 𞤺𞤢𞤲𞤣𞤢𞤤⹁ 𞤱𞤭𞤲𞤣𞤵𞤯𞤮 𞤩𞤵𞤪𞤭 𞤣𞤫𞤬𞤼𞤫 𞤼𞤫𞥅𞤥𞤫𞤯𞥆𞤫. 𞤑𞤮 𞤣𞤵𞥅𞤩𞤭 𞥙𞥖 𞤮 𞤬𞤫𞤰𞥆𞤭𞤲𞤭𞤪𞤭 𞤸𞤢𞤲𞤣𞤫…
𞤒𞤮 𞤀𞤤𞤤𞤢 𞤱𞤢𞤯𞤵 𞤢𞤤𞤶𞤢𞤲𞥆𞤢 𞤬𞤭𞤪𞤣𞤢𞤱𞤧𞤭 𞤱𞤫𞥅𞤪𞤣𞤫 𞤱𞤢𞤳𞥆𞤮.
𞤖𞤮𞤥𞤦𞤮 𞤱𞤮𞤲𞤭 𞤁𞤮𞤬𞤼𞤮𞥅𞤪 𞤒𞤵𞥅𞤧𞤵𞤬 𞤀𞤤 𞤗𞤢𞤪𞤣𞤢𞥄𞤱𞤭𞥅 ؟
𞤀𞤤 𞤗𞤢𞤪𞤣𞤢𞤱𞤭𞥅 𞤳𞤮 𞤫 𞤤𞤫𞤧𞤣𞤭 𞤃𞤭𞤧𞤪𞤢 (𞤉𞤶𞤭𞤨𞤼) 𞤮 𞤶𞤭𞤦𞤭𞤲𞤢𞥄 ⹁ 𞤻𞤢𞤤𞤲𞤣𞤫 𞥙 𞤅𞤭𞥅𞤤𞤼𞤮 𞥑𞥙𞥒𞥖 𞤫 𞤸𞤮𞤯𞤮 𞤭𞤲𞥆𞤫𞤼𞤫𞥅𞤲𞤺𞤮 𞤅𞤢𞤬𞤼 𞤚𞤵𞤪𞤢𞥄𞤦 𞤲𞤣𞤫𞤪 𞤺𞤮𞤥𞤲𞤢𞤼𞤫𞥅𞤪𞤭 𞤝𞤢𞤪𞤦𞤭𞤴𞤢. 𞤚𞤢𞤱𞤭 𞤥𞤢𞤱𞤩𞤫 𞤥𞤢𞤳𞥆𞤮 𞤲𞤮 𞤩𞤭𞤯𞤼𞤭𞤪𞤢𞤲𞤮𞥅 𞤬𞤮𞤼𞤢. 𞤑𞤢 𞤮 𞤼𞤭𞤥𞥆𞤭𞤲𞤼𞤢 𞤯𞤮𞤲 𞤣𞤵𞥅𞤩𞤭 𞤯𞤭𞤯𞤭⹁ 𞤄𞤢𞥄𞤦𞤢 𞤱𞤢𞤳𞥆𞤮 𞤬𞤫𞤰𞥆𞤭𞤲𞤭. 𞤐𞤣𞤫𞤲⹁ 𞤦𞤢𞤨𞥆𞤢 𞤱𞤢𞤳𞥆𞤮 𞤬𞤢𞤱𞤼𞤭𞥅 𞤲𞤫𞥅𞤣𞤭 𞤱𞤢𞤳𞥆𞤮.
𞤌 𞤤𞤢𞥄𞤼𞤭𞤲𞤮 𞤲𞤫𞤯𞥆𞤮 𞤬𞤫𞤪𞤢𞥄𞤯𞤮 𞤬𞤮𞤼𞤢. 𞤐𞤣𞤫 𞤮 𞤸𞤫𞤩𞤢𞥄𞤴𞤲𞤮𞥅 𞤣𞤵𞥅𞤩𞤭 𞤶𞤫𞥅𞤲𞤢𞤴𞤭⹁ 𞤼𞤢𞤱𞤭 𞤮 𞤸𞤵𞤲𞤶𞤭𞤳𞤫 𞤀𞤤𞤹𞤵𞤪𞥇𞤢𞥄𞤲𞤢𞥄𞤪𞤫 𞤲𞤣𞤫𞤲 𞤬𞤮𞤨. 𞤘𞤮𞤪𞤫𞥅𞤶𞤮 𞤱𞤢𞤳𞥆𞤮 𞤸𞤢𞤴 𞤺𞤮𞥅𞤼𞤮 𞤱𞤮𞤲𞤢𞥄𞤤𞤭 𞤴𞤫𞥅𞤧𞤮 𞤱𞤢𞤳𞥆𞤮 𞤸𞤢𞥄 𞤮 𞤼𞤭𞤥𞥆𞤭𞤲𞤭 𞤸𞤭𞤤𞥆𞤢-𞤣𞤵𞤯𞤢𞤤. 𞤖𞤢𞤴 𞤷𞤫𞤪𞤲𞤮𞥅𞤩𞤫 𞤶𞤢𞤲𞤺𞤭𞤲𞤢𞤴𞤲𞤮𞥅𞤩𞤫 𞤥𞤮 𞤩𞤫𞤲 𞤧𞤵𞥅𞤧𞤢𞤼𞤢𞥄𞤲𞤮 𞤥𞤮 𞤫 𞤺𞤢𞤲𞤣𞤢𞤤. 𞤑𞤮 𞤤𞤢𞤱 𞤮 𞤬𞤵𞤯𞥆𞤭 𞤱𞤢𞤤𞥆𞤭𞤬𞤢𞥄𞤣𞤫 𞤣𞤫𞤬𞤼𞤫.
𞤀𞤤 𞤗𞤢𞤪𞤣𞤢𞤱𞤭𞤴 𞤲𞤮 𞤱𞤮𞤲𞤣𞤵𞤲𞤮𞥅 𞤫 𞤻𞤢𞥄𞤲𞤣𞤫 𞤬𞤮𞤼𞤢 𞤬𞤭𞥅 𞤣𞤢𞤪𞤼𞤢𞤲𞤢𞤺𞤮𞤤 𞤭𞤧𞤤𞤢𞥄𞤥 𞤫 𞤶𞤮𞤶𞥆𞤢𞤤𞤫 𞤤𞤮𞤭𞤲𞤢𞥄𞤩𞤫 𞤩𞤫𞤲. 𞤑𞤮 𞤯𞤵𞤲 𞤱𞤮𞤲𞥆𞤮𞥅 𞤧𞤢𞤦𞤵 𞤮 𞤪𞤢𞤯𞤫𞥅𞤣𞤫 𞤮 𞤧𞤢𞤧𞤭𞤲𞤫𞥅 𞤫 𞤤𞤫𞤧𞤣𞤭 𞤱𞤢𞤳𞥆𞤮 𞤃𞤭𞤧𞤪𞤢. 𞤇𞤢𞥄𞤴𞤼𞤭 𞤮 𞤸𞤢𞤩𞤭𞤣𞤭𞥅 𞤫 𞤤𞤢𞥄𞤥𞤵 𞤃𞤭𞤧𞤪𞤢 𞤲𞤺𞤵𞤲⹁ 𞤫 𞤸𞤭𞤼𞤢𞥄𞤲𞤣𞤫 𞥑𞥙𞥖𞥑⹁ 𞤮 𞤴𞤢𞤸𞤭 𞤮 𞤬𞤢𞥄𞤦𞤼𞤭𞤲𞤮𞤴𞤭𞥅 𞤑𞤢𞤼𞤢𞤪. 𞤂𞤢𞥄𞤥𞤵 𞤑𞤢𞤼𞤢𞤪 𞤲𞤺𞤵𞤲 𞤱𞤫𞥅𞤪𞤲𞤭𞤪𞤭 𞤥𞤮 𞤸𞤮𞥅𞤪𞤫 𞤧𞤢𞤪𞤼𞤭 𞤧𞤭 𞤮 𞤱𞤮𞤲𞤢𞤴 𞤼𞤮𞤲⹁ 𞤮 𞤽𞤭𞤻𞤢𞤼𞤢𞥄 𞤤𞤢𞥄𞤥𞤵 𞤑𞤢𞤼𞤢𞤪 𞤲𞤺𞤵𞤲…
𞤐𞤣𞤫 𞤼𞤢𞤱𞤵𞤲𞤮𞥅⹁ 𞤀𞤤𞤶𞤢𞥁𞤭𞥅𞤪𞤢⹁ 𞤰𞤫𞤱𞤤𞤮𞤱𞤢𞤤 𞤩𞤵𞤪𞤲𞤺𞤢𞤤 𞤥𞤢𞤱𞤲𞤵𞤣𞤫 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤳𞤮 𞤑𞤢𞤼𞤢𞤪 𞤱𞤮𞤲𞤭⹁ 𞤯𞤵𞤲 𞤵𞤣𞥆𞤭𞤼𞤢𞤲𞤭 𞤥𞤮 𞤦𞤮𞤤𞤭 𞤥𞤢𞤱𞤯𞤭 𞤬𞤭𞥅 𞤩𞤢𞤥𞤼𞤭𞤪𞤺𞤮𞤤 𞤭𞤧𞤤𞤢𞥄𞤥 𞤶𞤫𞤱𞤼𞤫 𞤸𞤭𞤼𞥆𞤵𞤯𞤫⹁ 𞤫 𞤣𞤢𞤪𞤢𞤲𞤢𞤺𞤮𞤤 𞤬𞤭𞥅 𞤶𞤮𞤶𞥆𞤢𞤤𞤫 𞤤𞤮𞤭𞤲𞤢𞥄𞤩𞤫 𞤩𞤫𞤲. 𞤈𞤫𞤬𞤦𞤭𞤪𞥆𞤫 𞤳𞤢𞤤𞤢 𞤮 𞤱𞤢𞤯𞤢𞤴𞤲𞤮 𞤴𞤫𞤱𞤼𞤫𞤪𞤫 𞤱𞤢𞤤𞥆𞤢 𞤧𞤢𞤪𞤰𞤮 𞤸𞤮𞥅𞤪𞤫 𞤀𞤤𞤶𞤢𞥁𞤭𞥅𞤪𞤢. 𞤑𞤮 𞤲𞤺𞤮𞤲 𞤧𞤢𞤪𞤰𞤮 𞤩𞤵𞤪𞤫𞤼𞤫𞤲𞤮𞥅 𞤲𞤣𞤢𞥄𞤪𞤫𞥅𞤣𞤫 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤼𞤫𞤲𞤼𞤭𞤲𞤭𞥅 𞤱𞤮𞤲𞤢𞤲𞤣𞤫 𞤶𞤵𞥅𞤤𞤩𞤫 𞤩𞤫𞤲…
𞤌𞥅 𞤷𞤫𞤪𞤲𞤮𞥅𞤶𞤮 𞤳𞤮 𞤱𞤢𞤳𞥆𞤭𞤤𞤭𞤲𞤮𞥅𞤯𞤮 𞤬𞤮𞤼𞤢 𞤲𞤮𞤲 𞤳𞤢 𞤺𞤢𞤲𞤣𞤢𞤤. 𞤁𞤫𞤬𞤼𞤫𞤪𞤫 𞤲𞤣𞤫 𞤮 𞤱𞤭𞤲𞤣𞤭 𞤲𞤣𞤫𞤲 𞤬𞤭𞥅 𞤣𞤮𞤬𞤼𞤮𞤪𞤢𞥄𞤳𞤵 𞤱𞤢𞤳𞥆𞤮 𞤲𞤺𞤵𞤲⹁ 𞤸𞤢𞥄 𞤲𞤭𞥅 𞤱𞤢 𞤥𞤢𞤴𞤪𞤫 𞤸𞤫𞤩𞤢𞥄𞤳𞤭. 𞤐𞤣𞤫 𞤶𞤢𞤲𞤺𞤫𞤼𞤫 𞤫 𞤳𞤢𞤤𞤢 𞤸𞤭𞤤𞥆𞤢-𞤣𞤵𞤯𞤢𞤤 𞤭𞤧𞤤𞤢𞥄𞤥. 𞤑𞤮 𞤳𞤢𞤴𞤪𞤫 𞤱𞤭𞤴𞤫𞤼𞤫𞥅 𞤊𞤢𞤤𞤼𞤭𞤲𞤳𞤮𞤱𞤢𞤤 𞤤𞤢𞤩𞥆𞤭𞤲𞤢𞤴𞤲𞤣𞤭 𞤲𞤣𞤭𞤲 (𞤊𞤭𞤹𞤸𞤵 𞤢𞥁𞥆𞤢𞤳𞤢𞥄𞤼𞤭)…
𞤐𞤮 𞤶𞤫𞤴𞤢𞥄 𞤫 𞤳𞤮 𞤯𞤵𞤯𞥆𞤭𞤲𞤭 𞤣𞤫𞤬𞤼𞤫 𞤱𞤢𞤳𞥆𞤮 𞤯𞤫𞤲⹁ 𞤼𞤢𞤱𞤵𞤣𞤫 𞤯𞤵𞥅𞤯𞤵𞤩𞤫 𞤶𞤮𞥅𞤥𞤭𞤪𞤢𞥄𞤩𞤫 𞤶𞤢𞤱𞤤𞤫 𞤩𞤫𞤲 𞤫 𞤤𞤢𞥄𞤥𞤩𞤫 𞤶𞤵𞥅𞤤𞤩𞤫 𞤬𞤮𞤣𞤵𞤲𞤮 𞤥𞤮 𞤼𞤢𞤥𞤦𞤭𞤼𞤢𞤺𞤮𞤤 𞤳𞤢𞤤𞤢 𞤣𞤫𞤬𞤼𞤫𞤪𞤫 𞤲𞤣𞤫 𞤮 𞤱𞤭𞤲𞤣𞤭.
𞤌𞥅 𞤷𞤫𞤪𞤲𞤮𞥅𞤶𞤮 𞤤𞤢𞥄𞤼𞤭𞤲𞤮 𞤳𞤵𞤤𞤮 𞤘𞤫𞤲𞤮 𞤮𞤲 𞤬𞤮𞤼𞤢 𞤲𞤮𞤲. 𞤅𞤢𞤦𞤵 𞤯𞤵𞤥⹁ 𞤮𞤥𞤮 𞤱𞤮𞤲𞤣𞤵𞤲𞤮𞥅 𞤫 𞤥𞤭𞤪𞤭𞤲 𞤬𞤮𞤼𞤢. 𞤖𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤮𞤥𞤮 𞤴𞤭𞤯𞤢𞤲𞤮𞥅 𞤬𞤮𞤼𞤢 𞤳𞤢 𞤤𞤫𞤧𞤯𞤫 𞤶𞤵𞥅𞤤𞤩𞤫 𞤩𞤫𞤲 𞤼𞤫𞤲𞤼𞤭𞤲𞤭𞥅 𞤸𞤫𞤣𞥆𞤫 𞤀𞤬𞤪𞤭𞤳.
𞤖𞤢𞤪𞤭 𞤥𞤭𞤲 𞤫 𞤸𞤮𞥅𞤪𞤫 𞤢𞤥⹁ 𞤳𞤢𞤤𞤢 𞤣𞤫𞤬𞤼𞤫𞤪𞤫 𞤱𞤢𞤳𞥆𞤮 𞤲𞤣𞤫 𞤥𞤭 𞤴𞤭𞤭⹁ 𞤥𞤭 𞤧𞤮𞥅𞤣𞤢𞤴𞤲𞤮 𞤺𞤭𞤤𞤢 𞤲𞤣𞤫 𞤥𞤭 𞤢𞤲𞤣𞤵𞤲𞤮𞥅 𞤬𞤭𞥅 𞤱𞤢𞤳𞥆𞤮 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥐𞥑. 𞤃𞤭 𞤶𞤢𞤲𞤺𞤭𞥅 𞤶𞤵𞤲𞤺𞤮 𞤱𞤢𞤳𞥆𞤮 𞤳𞤮 𞤯𞤵𞥅𞤯𞤭.
𞤐𞤮 𞤶𞤫𞤴𞤢𞥄 𞤫 𞤶𞤫𞤱𞤼𞤫 𞤱𞤢𞤳𞥆𞤮 𞤯𞤫𞤲 :
“𞤚𞤭𞤥𞥆𞤵𞤺𞤮𞤤 𞤺𞤢𞤲𞤣𞤢𞤤 𞤺𞤢𞤲𞤣𞤮 𞤳𞤮 𞤱𞤭𞤴𞤵𞤺𞤮𞤤 𞤮𞤲𞤼𞤭𞤺𞤭 𞤥𞤭 𞤺𞤫𞤤𞤢𞥄𞤳𞤭 𞤲𞤺𞤢𞥄𞤤 𞤰𞤢𞤥𞤢𞤤 𞤯𞤮𞥅”
“𞤒𞤫𞤣𞥆𞤢𞤼𞤢𞥄 𞤱𞤮𞥅𞤣𞤫𞤺𞤮𞤤 𞤘𞤫𞤲𞤮 𞤮𞤲 𞤧𞤭 𞤱𞤮𞤲𞤢𞥄 𞤬𞤢𞤲𞤼𞤵𞤯𞤮 𞤥𞤢𞤶𞥆𞤫𞤪𞤫”
𞤐𞤮 𞤱𞤮𞥅𞤣𞤭 𞤦𞤵𞤴 𞤳𞤮 𞤱𞤭𞤲𞤣𞤫𞥅 𞤬𞤭𞥅 𞤮𞥅 𞤷𞤫𞤪𞤲𞤮𞥅𞤶𞤮. 𞤑𞤢𞤤𞤢 𞤸𞤵𞤥𞤨𞤢𞥄𞤯𞤮 𞤬𞤭𞥅 𞤱𞤢𞤳𞥆𞤮 𞤮 𞤴𞤢𞤸𞤢𞤴 𞤳𞤢 𞤒𞤵𞥅𞤼𞤵𞤦𞤵 𞤮 𞤱𞤭𞤲𞤣𞤢 ( الشريعة و الحياة للقرضاوي).
𞤐𞤣𞤫 𞤼𞤢𞤱𞤵𞤲𞤮𞥅 𞤲𞤮𞤲 𞤷𞤫𞤪𞤲𞤮𞥅𞤶𞤮 𞤥𞤢𞤱𞤯𞤮 𞤥𞤮 𞤢𞤤𞤢𞥄 𞤢𞤴𞤩𞤫⹁ 𞤱𞤮𞥅𞤣𞤢𞥄𞤳𞤢 𞤳𞤢 𞤤𞤫𞤴𞤣𞤭 𞤯𞤮𞥅⹁ 𞤮𞤥𞤮 𞤥𞤢𞤪𞤲𞤮𞥅 𞤢𞤴𞤩𞤫 𞤯𞤵𞥅𞤯𞤵𞤩𞤫. 𞤌 𞤼𞤮𞤽𞤢𞤲𞤢𞤲𞤮 𞤸𞤫𞤱𞤼𞤵𞤺𞤮𞤤 𞤫 𞤤𞤫𞤧𞤯𞤫 𞤯𞤵𞥅𞤯𞤵𞤯𞤫 𞤳𞤢𞤣𞤭. 𞤏𞤢𞤲𞤮 𞤤𞤫𞤧𞤣𞤭 𞤱𞤢𞤳𞥆𞤮 𞤲𞤣𞤭𞤲 𞤃𞤭𞤧𞤪𞤢⹁ 𞤫 𞤤𞤫𞤧𞤣𞤭 𞤀𞤥𞤫𞤪𞤭𞤳 𞤲𞤣𞤭𞤲 𞤫 𞤤𞤫𞤧𞤣𞤭 𞤬𞤢𞤪𞤢𞤲𞤧𞤭 𞤲𞤣𞤭𞤲…
𞤉 𞤴𞤫𞤱𞤼𞤫𞤪𞤫 𞤱𞤢𞤳𞥆𞤮 𞤺𞤮𞥅⹁ 𞤮 𞤱𞤭𞤴𞤵𞤲𞤮 𞤮𞤥𞤮 𞤩𞤢𞤪𞤭𞤲’𞤣𞤮𞥅 𞤅𞤵𞥅𞤣𞤵 𞤈𞤢𞤲𞤫𞥅𞤪𞤵 𞤀𞤥𞤫𞤪𞤭𞤳 𞤐𞤣𞤵𞤲 : “𞤃𞤭 𞤴𞤫𞤼𞥆𞤭𞥅 𞤀𞤤𞤤𞤢 𞤸𞤢𞤯𞤵𞤯𞤮 𞤤𞤢𞤥 𞤸𞤫𞤱𞤼𞤮𞤴𞤺𞤮𞤤 𞤳𞤢 𞤧𞤵𞥅𞤣𞤵 𞤧𞤮𞤩𞤵𞤲𞥋𞤣𞤵⹁ 𞤮 𞤲𞤫𞤱𞤲𞤢𞤲𞤭 𞤤𞤢𞤥 𞤸𞤫𞤱𞤼𞤮𞤴𞤺𞤮𞤤 𞤳𞤢 𞤧𞤵𞥅𞤣𞤵 𞤥𞤢𞤳𞥆𞤮 𞤑𞤢𞥄𞤦𞤢𞥄𞤪𞤵 𞤤𞤢𞥄𞤩𞤵𞤲𞥋𞤣𞤵”.
𞤅𞤭 𞤼𞤢𞤱𞤭𞥅⹁ 𞤱𞤢𞤲𞤮 𞤢𞤤𞤥𞤢𞥄𞤥𞤭𞥅𞤩𞤫 𞤩𞤫𞤲 𞤲𞤢𞤴𞤮 (𞤃𞤢𞥄𞤤𞤭𞤳⹁ 𞤢𞤸𞤥𞤢𞤣𞤵⹁ 𞤢𞤦𞤵𞥅-𞤸𞤢𞤲𞤭𞥅𞤬𞤢⹁ 𞥃𞤢𞥄𞤬𞤢𞤭𞤴) 𞤲𞤮 𞤸𞤫𞤩𞤮𞤼𞤮𞤲𞤮𞥅 𞤫 𞤲𞤺𞤵𞥅 𞤶𞤢𞤥𞤢𞥄𞤲𞤵 𞤯𞤮𞥅⹁ 𞤸𞤢𞤪𞤢𞤴𞤲𞤮 𞤳𞤮 𞤁𞤮𞤬𞤼𞤮𞥅𞤪 𞤒𞤵𞥅𞤧𞤵𞤬 𞤀𞤤 𞤗𞤢𞤪𞤣𞤢𞥄𞤱𞤭𞥅 𞤴𞤮 𞤀𞤤𞤤𞤢𞤸 𞤸𞤭𞤲𞥆𞤮 𞤥𞤮 𞤌 𞤴𞤢𞥄𞤬𞤮𞥅⹁ 𞤌 𞤱𞤢𞤯𞤢 𞤢𞤤𞤶𞤢𞤲𞥆𞤢 𞤬𞤭𞤪𞤣𞤢𞤱𞤧𞤭 𞤱𞤫𞥅𞤪𞤣𞤫 𞤱𞤢𞤳𞥆𞤮.
𞤑𞤮 𞤑𞤢𞤼𞤢𞤪 𞤱𞤮𞤲𞤭 𞤧𞤢𞤳𞥆𞤭𞤼𞤮𞥅𞤣𞤫 𞤲𞤺𞤵𞥅𞤪𞤲𞤣𞤢𞤥 𞤀𞤤 𞤗𞤢𞤪𞤣𞤢𞤱𞤭𞤴 𞤯𞤢𞤥. 𞤑𞤮 𞤯𞤮𞤲 𞤮 𞤱𞤵𞥅𞤪𞤭𞤣𞤭 𞤫 𞤩𞤫𞤴𞤲𞤺𞤵𞥅𞤪𞤫 𞤱𞤢𞤳𞥆𞤮 𞤲𞤣𞤫𞤲. 𞤌𞤥𞤮 𞤢𞤷𞥆𞤭 𞤩𞤭𞤩𞥆𞤫 𞤪𞤫𞤱𞤩𞤫 𞤲𞤢𞤴𞤮 𞤫 𞤩𞤭𞤩𞥆𞤫 𞤱𞤮𞤪𞤩𞤫 𞤼𞤢𞤼𞤮.
𞤑𞤮 𞤫 𞤬𞤫𞤣𞥆𞤫 𞤃𞤵𞤧𞤭𞤣𞤢𞤤 𞤃𞤵𞤧𞤤𞤭𞤥𞤢𞥄𞤩𞤫 𞤩𞤫𞤲 (𞤋𞤿𞤱𞤢𞥄𞤲𞤵𞤤 𞤃𞤵𞤧𞤤𞤭𞤥𞤭𞥅𞤲) 𞤮 𞤼𞤢𞤱𞤢𞤲𞤮𞥅. 𞤌𞤥𞤮 𞤱𞤮𞤲𞤢𞤲𞥆𞤮𞥅 𞤳𞤢𞤣𞤭 𞤃𞤵𞤪𞤼𞤮 𞤅𞤫𞥅𞤯𞤼𞤮 𞤀𞥄𞤪𞤢𞤦𞤵 𞤲𞤺𞤮𞤲
𞤑𞤵𞤯𞤮𞤤 𞤶𞤢𞤲𞤺𞤲𞤢𞥄𞤳𞤵𞥅𞤶𞤮 𞤷𞤫𞤪𞤲𞤮𞥅𞤶𞤮 𞤬𞤫𞤰𞥆𞤭𞤲𞤯𞤮 𞤮𞤲:
𞤀𞤅𞥆𞤋𞤁𞥆𞤋𞥅𞤗𞤓 𞤊𞤓𞥅𞤚𞤀𞤐𞤑𞤉 𞤔𞤀𞤂𞥆𞤌.
𞤒𞤮 𞤀𞤤𞤤𞤢 𞤊𞤫𞤱𞤲𞤵𞤫𞤲 𞤒𞤢𞤬𞤭𞤮𞥅 𞤥𞤮 𞤴𞤢 𞤬𞤮𞤣𞤢𞤥𞤮 𞤫 𞤁𞤫𞤲𞥆𞤣𞤢-𞤲𞤢𞥄𞤺𞤢𞤤 𞤔𞤵𞤤𞤩𞤫 𞤩𞤫𞤲
𞤒𞤮 𞤀𞤂𞤂𞤀𞥄𞤖𞤓 𞤴𞤵𞤪𞤥𞤫𞤩𞤫 𞤌 𞤴𞤢𞥄𞤬𞤮𞥅𞤩𞤫 𞤌 𞤲𞤢𞥄𞤣𞤢𞤩𞤫 𞤳𞤢 𞤀𞤤𞤶𞤢𞤲𞥆𞤢 𞤥𞤢𞤱𞤯𞤮 𞤱𞤮𞤲𞤣𞤵𞤣𞤫 𞤫 𞤬𞤫𞤰𞥆𞤭𞤥𞤩𞤫 𞤥𞤫𞤲 𞤩𞤫𞤲 𞤬𞤮𞤨.
من استطاع أن يسيطر علي أيفون سيطر علي العالم أو من استطاع أن يسيطر علي تحت الأرض فقد سيطر على العالم خاصة أما الذي يريد أن يسيطر علي العالم أجمع فعليه بالعلم الكوني الجاري… فو الله لم أري مثل العلم في نجاح البشر. يبدوا أنه انتهي صلاحية البشرية في هذا الكون نحن نجبر فقط من أجل العيش… ثلاثة أشياء خلق الكون من علمها نجي و أنجي : علم الفيزكا ثانيا علم الوقع ثالثا السحر الكبير اللدني: الذي يأتي من الله.