𞤑𞤌 𞤀𞤖𞤃𞤀𞤁𞤓 𞤄𞤀𞥄 𞤃𞤀𞤑𞤋 𞤅𞤀𞤂 𞤚𞤌𞤍𞥆𞤋𞥅
𞤑𞤮 𞤀𞤸𞤥𞤢𞤣𞤵 𞤄𞤢𞥄⹁ 𞤢𞤪𞤣𞤮 𞤶𞤢𞥄𞤺𞤮𞤪𞤢𞤤 𞤅𞤫𞤲𞤫𞤺𞤢𞤤 𞤲𞤺𞤢𞤤⹁ 𞤱𞤮𞤲𞤭 𞤳𞤮 𞤼𞤮𞤯𞥆𞤢𞥄 𞤣𞤢𞤪𞤢𞤺𞤮𞤤 𞤫 𞤭𞤲𞤣𞤫 𞤄𞤫𞤲𞥆𞤮 𞤄𞤮𞤳 𞤒𞤢𞤳𞤢𞥄𞤪⹁ 𞤬𞤫𞤣𞥆𞤫 𞤃𞤢𞤳𞤭 𞤅𞤢𞤤 𞤲𞤣𞤫𞤲⹁ 𞤬𞤭𞥅 𞤧𞤵𞤩𞤮 𞤧𞤢𞥄𞤼𞤭𞥅𞤲𞤺𞤮 𞤲𞤺𞤮𞤲 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥔. 𞤑𞤮 𞤫 𞤪𞤫𞤬𞤦𞤭𞥅𞤪𞤫 𞤬𞤫𞤰𞥆𞤵𞤲𞥋𞤣𞤫 𞤯𞤮𞥅⹁ 𞤻𞤢𞤤𞤲𞤣𞤫 𞥙 𞤅𞤭𞤤𞤼𞤮 𞤳𞤵𞤥𞤨𞤭𞤼𞤢𞤤 𞤲𞤺𞤢𞤤 𞤬𞤫𞤻𞥆𞤭𞤲𞤢𞥄. 𞤑𞤮 𞤫 𞤤𞤫𞤱𞤪𞤵 𞤃𞤮𞤪𞤧𞤮 𞤬𞤫𞤰𞥆𞤵𞤲𞥆𞥋𞤣𞤵 𞤃𞤢𞤳𞤭 𞤅𞤢𞤤 𞤼𞤢𞤦𞤭𞤲𞤼𞤭𞤲𞤭 𞤱𞤮𞤲𞤣𞤫𞤥𞤢 𞤮 𞤣𞤢𞤪𞤮𞤼𞤢𞥄𞤳𞤮 𞤬𞤭𞥅 𞤸𞤢𞤨𞥆𞤵 𞤼𞤢𞤼𞤢𞤩𞤵.
𞤑𞤮 𞤤𞤢𞤶𞤫 𞤯𞤭𞤯𞤭 𞤼𞤢𞤲 𞤁𞤮𞤧𞤼𞤫𞤪𞤫 𞤥𞤢𞤤𞥆𞤢 𞤅𞤢𞤪𞤭𞤴𞤢 𞤃𞤢𞤱𞤳𞤢 𞤅𞤫𞤲𞤫𞤺𞤢𞤤 𞤳𞤢𞤲 𞤣𞤵𞤽𞤭𞤲𞤢𞤲𞤭 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲. 𞤐𞤣𞤫 𞤼𞤢𞤱𞤵𞤲𞤮𞥅 𞤲𞤮𞤲 𞤃𞤢𞤳𞤭 𞤅𞤢𞤤 𞤱𞤢𞤴𞤤𞤵𞤲𞤮 𞤁𞤮𞤧𞤼𞤫𞤪𞤫 𞤲𞤣𞤫𞤲 𞤩𞤢𞥄𞤱𞤮 𞤮 𞤤𞤢𞥄𞤥𞤢𞥄𞤣𞤫⹁ 𞤸𞤢𞤨𞥆𞤵 𞤥𞤢𞤳𞥆𞤮 𞤲𞤺𞤵 𞤮 𞤱𞤮𞤲𞤵𞤲𞤮𞥅 𞤫 𞤥𞤵𞥅𞤲 𞤲𞤺𞤵𞤲 𞤦𞤮𞤳𞥆𞤢𞥄 𞤸𞤢𞤲𞤣𞤫 𞤳𞤢𞤣𞤭. 𞤖𞤢𞤪𞤭 𞤫 𞤢𞥄𞤲𞤣𞤢𞥄𞤪𞤫 𞤥𞤢𞥄𞤳𞤮 𞤫 𞤱𞤢𞤴𞤤𞤵𞤺𞤮𞤤 𞤣𞤮𞤧𞤼𞤫𞤪𞤫 𞤲𞤣𞤫𞤲⹁ 𞤳𞤮 𞤸𞤵𞥅𞤩𞤲𞤵𞤺𞤮𞤤 𞤬𞤮𞤣𞤮𞥅𞤪𞤫 𞤪𞤢𞥄𞤩𞥆𞤭𞤲𞤯𞤭𞤲𞤺𞤮𞤤 𞤸𞤢𞤨𞥆𞤵 𞤲𞤺𞤵𞤲⹁ 𞤢𞤪𞤼𞤭𞤪𞤢 𞤲𞤺𞤵 𞤳𞤢 𞤣𞤵𞥅𞤩𞤭 𞤶𞤮𞥅𞤱𞤭.
𞤐𞤣𞤫 𞤼𞤢𞤱𞤵𞤲𞤮𞥅 𞤴𞤭𞤥𞤩𞤫 𞤯𞤵𞥅𞤯𞤵𞤩𞤫 𞤲𞤮 𞤧𞤮𞤺𞤭𞤼𞤮𞤪𞤲𞤮𞥅 𞤥𞤮 𞤬𞤢𞥄𞤤𞤫𞤺𞤮𞤤 𞤸𞤢𞤨𞥆𞤵 𞤼𞤢𞤼𞤢𞤩𞤵⹁ 𞤴𞤭𞤥𞤩𞤫 𞤨𞤫𞤤𞥆𞤫 𞤤𞤭𞤣𞥆𞤭𞥅𞤯𞤫 𞤥𞤮 𞤯𞤫𞤲 𞤬𞤵𞤯𞥆𞤭 𞤽𞤫𞥅𞤪𞤭𞤲𞤢𞤲𞤣𞤫 𞤥𞤮. 𞤑𞤮 𞤓𞤧𞤥𞤢𞥄𞤲 𞤅𞤮𞤲𞤳𞤮 𞤢𞤪𞤣𞤭𞤲𞤮𞥅 𞤤𞤭𞤣𞥆𞤵 𞤲𞤺𞤵𞤲. 𞤐𞤮 𞤼𞤢𞤱𞤢𞥄 𞤳𞤮 𞤮 𞤧𞤭𞤳𞥆𞤭𞤼𞤮𞤪𞤢𞤲𞤮𞥅 𞤬𞤢𞥄𞤤𞤫𞤺𞤮𞤤 𞤸𞤢𞤨𞥆𞤵 𞤼𞤢𞤼𞤢𞤩𞤵⹁ 𞤲𞤫𞥅𞤩𞤲𞤭𞤼𞤢𞥄𞤪𞤫 𞤥𞤢𞤳𞥆𞤮 𞤢𞤲𞤣𞤭𞤲𞤺𞤮𞤤 𞤴𞤭𞤥𞤩𞤫 𞤩𞤫𞤲 𞤱𞤮𞤲𞤣𞤫𞤥𞤢 𞤮 𞤣𞤢𞤪𞤮𞤼𞤢𞥄𞤳𞤮.
𞤐𞤣𞤫 𞤱𞤮𞤲𞤵𞤲𞤮𞥅 𞤮 𞤲𞤫𞥅𞤩𞤲𞤭𞤳𞤫 𞤬𞤮𞤼𞤢⹁ 𞤫 𞤸𞤭𞤲𞤮 𞤤𞤫 𞤧𞤵𞤩𞤮 𞤲𞤺𞤮𞤲 𞤳𞤮 𞤫 𞤕𞤮𞤤𞤼𞤮 𞥒𞥐𞥒𞥔 𞤧𞤢𞥄𞤼𞤭𞤲𞤢𞥄⹁ 𞤫 𞤬𞤭𞥅 𞤳𞤢𞤣𞤭 𞤱𞤮𞤼𞤢 𞤤𞤵𞤪𞥆𞤫 𞤫 𞤱𞤫𞤲𞤶𞤫 𞤯𞤵𞥅𞤯𞤵 𞤸𞤢𞤳𞥆𞤵𞤲𞥋𞤣𞤫 𞤴𞤭𞤥𞤩𞤫 𞤣𞤫𞤲𞤼𞤢𞤤 𞤄𞤫𞤲𞥆𞤮 𞤲𞤺𞤢𞤤⹁ 𞤃𞤢𞤳𞤭 𞤅𞤢𞤤 𞤼𞤮𞤪𞤢𞥄 𞤴𞤮 𞤮 𞤼𞤮𞤯𞥆𞤮 𞤤𞤮𞤲𞤼𞤮 𞤥𞤢𞤳𞥆𞤮.
𞤄𞤢𞤯𞤼𞤢𞤲𞤫 𞤼𞤮𞤯𞥆𞤢𞤺𞤮𞤤 𞤀𞤸𞤥𞤢𞤣𞤵 𞤄𞤢𞥄⹁ 𞤴𞤮𞤺𞤢 𞤫 𞤳𞤮𞥅𞤸𞤮𞥅𞤩𞤫 𞤬𞤫𞤣𞥆𞤫 𞤃𞤢𞤳𞤭 𞤅𞤢𞤤 𞤲𞤣𞤫𞤲 𞤬𞤵𞤯𞥆𞤭𞤳𞤫 𞤸𞤮𞤤𞥆𞤵𞤣𞤫 𞤩𞤫 𞤱𞤫𞤤𞤼𞤮𞤪𞤢𞥄. 𞤐𞤮 𞤼𞤢𞤱𞤢𞥄 𞤫 𞤩𞤫𞤲⹁ 𞤀𞤤𞤭𞥅 𞤐𞤺𞤵𞤴 𞤐𞤔𞤢𞤴⹁ 𞤶𞤢𞥄𞤺𞤮𞤪𞤢𞥄𞤯𞤮 𞤮𞤲 𞤳𞤢 𞤣𞤫𞤥𞤢𞤤. 𞤌 𞤴𞤢𞤤𞤼𞤭𞥅 𞤫 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤 𞤸𞤮𞤤𞥆𞤵𞤺𞤮𞤤 𞤮 𞤼𞤢𞤱𞤼𞤢𞤼𞤢𞥄 𞤀𞤸𞤥𞤢𞤣𞤵 𞤄𞤢𞥄. 𞤐𞤮 𞤼𞤢𞤥𞤰𞤭𞤲𞤢𞥄 𞤳𞤢 𞤱𞤮𞥅𞤼𞤩𞤫 𞤺𞤮𞥅 𞤳𞤢𞤣𞤭 𞤻𞤫𞤥𞤦𞤢 𞤀𞤤𞤭𞥅 𞤐𞤺𞤵𞥅𞤴 𞤐𞤶𞤢𞤴 𞤼𞤫𞤲𞤼𞤭𞤲𞤭𞥅 𞤸𞤢𞤳𞤵𞤲𞥋𞤣𞤫 𞤩𞤫𞥅 𞤴𞤫𞤤𞤭𞤲𞤮𞥅𞤩𞤫 𞤼𞤮𞤯𞥆𞤫𞥅𞤣𞤫.
𞤀𞤸𞤥𞤢𞤣𞤵 𞤄𞤢𞥄 𞤲𞤮 𞤥𞤢𞤪𞤭 𞤣𞤵𞥅𞤩𞤭 𞥖𞥒. 𞤌 𞤶𞤭𞤦𞤭𞤲𞤢𞥄𞤥𞤢 𞤁𞤢𞤳𞤢𞤪⹁ 𞤤𞤢𞥄𞤥𞤮𞤪𞤣𞤫 𞤅𞤫𞤲𞤫𞤺𞤢𞤤 𞤲𞤣𞤫𞤲⹁ 𞤻𞤢𞤤𞤲𞤣𞤫 𞥑𞥗 𞤁𞤵𞥅𞤶𞤮 𞥑𞥙𞥖𞥑. 𞤑𞤮 𞤪𞤮𞤱𞤢𞤲𞤭⹁ 𞤻𞤢𞤤𞤲𞤣𞤫 𞥑𞥗 𞤅𞤭𞤤𞤼𞤮 𞥒𞥐𞥒𞥒⹁ 𞤃𞤢𞤳𞤭 𞤅𞤢𞤤 𞤼𞤮𞤯𞥆𞤭𞥅 𞤥𞤮 𞤢𞤪𞤣𞤢𞤺𞤮𞤤 𞤶𞤢𞥄𞤺𞤮𞤪𞤢𞤤 𞤅𞤫𞤲𞤫𞤺𞤢𞤤 𞤲𞤺𞤢𞤤 𞤩𞤢𞥄𞤱𞤮 𞤮 𞤸𞤫𞤩𞤵𞤣𞤫 𞤶𞤵𞤤𞥆𞤫𞤪𞤫 𞤳𞤢 𞤧𞤢𞤪𞤭𞤪𞤣𞤵 𞤘𞤫𞤲𞤣𞤭𞤴𞤢𞤲𞤳𞤮𞥅𞤪𞤵 𞤅𞤫𞤲𞤫𞤺𞤢𞤤 𞤷𞤢𞤺𞥆𞤢𞤤 𞤧𞤵𞤩𞤮 𞤬𞤭𞥅 𞤧𞤢𞤪𞤮𞥅𞤩𞤫 𞤩𞤫𞤲 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥒. 𞤸𞤢𞤳𞥆𞤵𞤲𞥋𞤣𞤫 𞥒𞥐𞥑𞥙 𞤫 𞥒𞥐𞥒𞥐⹁ 𞤳𞤮 𞤳𞤢𞤲𞤳𞤮 𞤤𞤢𞥄𞤼𞤭𞤲𞤮𞥅 𞤶𞤢𞥄𞤺𞤮𞥅𞤱𞤮 𞤥𞤵𞤪𞤢𞥄𞤯𞤭 𞤶𞤢𞤲𞤢𞤲𞤭 𞤯𞤭𞤲. 𞤀𞤣𞤮 𞤯𞤵𞤥 𞤳𞤢𞤣𞤭⹁ 𞤲𞤣𞤫𞤪 𞤣𞤵𞥅𞤩𞤭 𞤶𞤫𞥅𞤺𞤮𞤮⹁ 𞤺𞤭𞤦𞤭 𞥒𞥐𞥑𞥓 𞤬𞤢𞥄 𞥒𞥐𞥑𞥙⹁ 𞤳𞤮 𞤳𞤢𞤲𞤳𞤮 𞤸𞤮𞥅𞤤𞤮𞤪𞤢𞤲𞤮𞥅 𞤳𞤢 𞤬𞤢𞤺𞥆𞤵𞤣𞤵 𞤫 𞤳𞤢 𞤶𞤢𞤱𞤤𞤫.
62 thoughts on “𞤑𞤌 𞤀𞤖𞤃𞤀𞤁𞤓 𞤄𞤀𞥄 𞤃𞤀𞤑𞤋 𞤅𞤀𞤂 𞤚𞤌𞤍𞥆𞤋𞥅”
𞤌𞤲 𞤶𞤢𞥄𞤪𞤢𞥄𞤥𞤢