𞤅𞤌𞥅𞤈𞤋𞥅𞤇𞤉 𞤃𞤀𞤂𞤋 𞤇𞤉𞤐 𞤊𞤀𞤇𞥆𞤋𞤐𞤋𞥅 𞤅𞤓𞤇𞤌 𞤐𞤘𞤌𞤐

𞤔𞤢𞥄𞤺𞤮𞤪𞤢𞤤 𞤧𞤮𞥅𞤪𞤭 𞤃𞤢𞤤𞤭 𞤲𞤺𞤢𞤤⹁ 𞤸𞤮𞤤𞥆𞤭𞤼𞤭𞥅 𞤱𞤮𞤲𞤣𞤫𞤥𞤢 𞤲𞤺𞤢𞤤 𞤣𞤭𞤪𞤲𞤼𞤭𞤲𞤢𞤴 (𞤬𞤢𞤩𞥆𞤭𞤲𞤢𞤴) 𞤧𞤵𞤩𞤲𞤺𞤮 𞤬𞤭𞥅 𞤸𞤮𞥅𞤪𞤢𞥄𞤳𞤵 𞤧𞤢𞥄𞤼𞤭𞤲𞤢𞤲𞤮𞥅𞤲𞤺𞤮 𞤫 𞤕𞤮𞤤𞤼𞤮 𞥒𞥐𞥒𞥔 𞤬𞤭𞥅 𞤢𞤪𞤼𞤭𞤪𞤺𞤮𞤤 𞤸𞤮𞥅𞤪𞤫𞥅𞤩𞤫 𞤲𞤦𞤫𞤯𞥆𞤵𞤩𞤫 𞤩𞤫𞤲 𞤳𞤢 𞤤𞤢𞥄𞤥𞤵 𞤸𞤮𞥅𞤪𞤫 𞤲𞤣𞤭𞥅 𞤺𞤫𞤲𞤣𞤭 𞤖𞤭𞥅𞤪𞤲𞤢 𞤀𞤬𞤪𞤭𞤳⹁ 𞤲𞤣𞤭 𞤸𞤢𞤩𞤪𞤫 𞤱𞤮𞤲𞤭 𞤫 𞤥𞤵𞤵𞤲.

𞤅𞤵𞤩𞤲𞤺𞤮 𞤲𞤺𞤮 𞤶𞤢𞤸𞤫 𞤯𞤭𞤯𞤭 – 𞤧𞤢𞥄𞤼𞤭𞤲𞤢𞤲𞤮𞥅𞤲𞤺𞤮 𞤳𞤢 𞤢𞤪𞤢𞤲𞤵𞤲 𞤻𞤢𞤤𞤲𞤣𞤫 𞥔 𞤫 𞥑𞥘 𞤕𞤮𞤤𞤼𞤮 – 𞤣𞤭𞤪𞤼𞤭𞤲𞤼𞤫 𞤧𞤫𞥅𞤯𞤢 𞤧𞤢𞤦𞤵 𞤷𞤢𞤯𞤫𞥅𞤤𞤫 𞤻𞤫𞥅𞤻𞤼𞤢𞤤. 𞤑𞤮 𞤯𞤵𞤥 𞤀𞤦𞤣𞤵𞤤𞥆𞤢𞥄𞤸𞤭 𞤃𞤢𞤴𞤺𞤢⹁ 𞤴𞤮𞤼𞥆𞤭𞤲𞤮𞥅𞤱𞤮 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤⹁ 𞤴𞤫𞥅𞤼𞤭𞥅 𞤸𞤫𞤧𞤤𞤮𞥅𞤩𞤫 𞤩𞤫𞤲.

𞤌 𞤱𞤭𞤴𞤭⹁ 𞤲𞤮 𞤼𞤢𞤱𞤢𞥄 𞤫 𞤯𞤭𞤲 𞤧𞤢𞤦𞤢𞤦𞤵𞥅𞤶𞤭 𞤷𞤢𞤯𞤫𞥅𞤤𞤫 𞤴𞤮𞤱𞤭𞤼𞤭𞥅𞤯𞤫 𞤫 𞤻𞤭𞥅𞤩𞤲𞤵𞤺𞤮𞤤 𞤣𞤮𞤧𞤼𞤫𞤪𞤫 𞤸𞤫𞤧𞤪𞤫 𞤲𞤣𞤫𞤲 𞤸𞤭𞤳𞥆𞤢⹁ 𞤳𞤢𞤻𞤵𞤲 𞤫 𞤧𞤢𞥄𞤼𞤵𞤺𞤮𞤤 𞤤𞤭𞤥𞤼𞤮𞤤 𞤧𞤵𞤩𞤮𞤼𞤮𞥅𞤩𞤫 𞤩𞤫𞤲.

𞤌 𞤬𞤭𞤼𞤭 𞤳𞤢𞤣𞤭 𞤨𞤮𞥅𞤯𞤮𞤼𞤭𞤪𞤢𞤤 𞤫 𞤋𞤣𞤫𞤥𞤭𞤴𞤢⹁ 𞤴𞤵𞤩𞥆𞤫𞤪𞤫 𞤊𞤢𞤪𞤢𞤲𞤧𞤭 𞤲𞤣𞤫 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤 𞤱𞤭𞤴𞤭 𞤲𞤮 𞤼𞤢𞤱𞤢𞥄 𞤫 𞤱𞤭𞤲𞤣𞤭𞤼𞤮 𞤲𞤺𞤮𞤲.

𞤃𞤢𞤴𞤺𞤢 𞤱𞤭𞤴𞤭: “𞤙𞤢𞤤𞤢𞥄𞤯𞤫 𞤳𞤫𞤧𞤫 𞤬𞤭𞥅 𞤧𞤵𞤩𞤲𞤺𞤮 𞤸𞤮𞥅𞤪𞤢𞥄𞤳𞤵 𞤲𞤺𞤵𞤲 𞤸𞤮𞤤𞥆𞤭𞤼𞤮𞤴𞤼𞤫 𞤴𞤫𞥅𞤧𞤮.”

𞤅𞤮𞥅𞤪𞤭𞥅𞤩𞤫 𞤢𞤪𞤣𞤭𞥅𞤩𞤫 𞤃𞤢𞤤𞤭 𞤩𞤫𞤲 𞤬𞤮𞤣𞤵𞤲𞤮 𞤤𞤢𞥄𞤼𞤭𞤲𞤺𞤮𞤤 𞤧𞤵𞤩𞤲𞤺𞤮 𞤲𞤺𞤮𞤲 𞤫 𞤕𞤮𞤤𞤼𞤮 𞤩𞤢𞥄𞤱𞤮 𞤲𞤣𞤫 𞤁𞤫𞤐𞤘𞤖𞤀 𞤩𞤭𞤰𞤵𞤲𞤮𞥅 𞤩𞤫. 𞤍𞤵𞤥 𞤱𞤮𞤲𞤭 𞤧𞤢𞤦𞤵 𞤸𞤢𞥄 𞤪𞤮𞤱𞤢𞤲𞤭 𞤫 𞤑𞤮𞤪𞤧𞤮⹁ 𞤣𞤫𞤲𞤼𞤢𞤤 𞤦𞤢𞤽𞥆𞤫𞤴𞤢𞤲𞤳𞤮𞤱𞤢𞤤 𞤲𞤺𞤢𞤤 𞤭𞤼𞥆𞤭 𞤶𞤵𞤳𞥆𞤫 𞤲𞤺𞤫𞤴𞤲𞤺𞤵𞤴𞤢𞤲𞤳𞤫 𞤫 𞤲𞤺𞤢𞤤𞤵𞤲𞤳𞤫 𞤸𞤮𞥅𞤪𞤫 𞤃𞤢𞤤𞤭.

𞤍𞤫𞤲 𞤶𞤵𞤳𞥆𞤫 𞤳𞤮 𞤫 𞤅𞤭𞥅𞤤𞤮 𞥒𞥐𞥒𞥒 𞤸𞤢𞤨𞥆𞤢𞤲𞤮𞥅 𞤲𞤣𞤫 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤱𞤮𞤲𞤭𞤪𞤲𞤮𞥅 𞤫 𞤼𞤢𞤧𞤳𞤢𞤺𞤮𞤤 𞤲𞤮 𞤩𞤫 𞤤𞤵𞤼𞥆𞤭𞤪𞤢 𞤫 𞤤𞤢𞥄𞤥𞤵 𞤲𞤺𞤵𞤲 𞤬𞤮𞤼𞤣𞤫 𞤣𞤵𞥅𞤩𞤭 𞤶𞤮𞤱𞤭.

𞤖𞤭𞤳𞥆𞤢 𞤻𞤢𞤤𞤲𞤣𞤫 𞥑𞥘 𞤑𞤮𞤪𞤧𞤮⹁ 𞤥𞤢𞤤𞤭𞤲𞤢𞥄𞤩𞤫 𞤩𞤫𞤲 𞤧𞤵𞤩𞤭𞤲𞤢𞤲𞤮 𞤫 𞤼𞤫𞤬𞤲𞤺𞤮 𞤬𞤢𞤩𞥆𞤭𞤼𞤢𞤲𞤮𞥅𞤲𞤺𞤮 𞤤𞤫𞤦𞥆𞤭 𞤯𞤵𞥅𞤯𞤵𞤯𞤭 𞤧𞤢𞤪𞤭𞤲𞤺𞤮 𞤣𞤮𞤧𞤼𞤫𞤪𞤫 𞤸𞤫𞤧𞤪𞤫⹁ 𞤲𞤣𞤫 𞤤𞤭𞤣𞥆𞤭𞥅𞤩𞤫 𞤩𞤫𞤲 𞤱𞤭𞤴𞤭 𞤲𞤮 𞤶𞤮𞤺𞤲𞤭 𞤸𞤮𞥅𞤪𞤫𞥅𞤶𞤮 𞤤𞤢𞥄𞤥𞤵 𞤲𞤺𞤵𞤲 𞤦𞤢𞥄𞤱𞤯𞤫 𞤼𞤭𞥅𞤯𞤵𞤯𞤫. 𞤑𞤮𞤲𞤮 𞤶𞤢𞥄𞤺𞤮𞤪𞤢𞤤 𞤲𞤺𞤢𞤤 𞤱𞤭𞤴𞤭 𞤳𞤮 𞤯𞤵𞤥 𞤵𞤣𞥆𞤭𞤼𞤢𞤼𞤢 𞤤𞤢𞥄𞤱𞤮𞤤 𞤬𞤭𞥅 𞤷𞤵𞤩𞤤𞤫 𞤯𞤫𞤲 𞤳𞤢𞤻𞤵𞤲 𞤫 𞤪𞤵𞤼𞥆𞤢𞤺𞤮𞤤 𞤫 𞤤𞤢𞥄𞤥𞤵 𞤲𞤦𞤫𞤯𞥆𞤵𞤲𞤺𞤵.

𞤅𞤭𞤳𞥆𞤫 𞤱𞤮𞥅 𞤢𞤤𞤢𞥄 𞤱𞤮𞤲𞤣𞤫𞤥𞤢 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤱𞤮𞥅𞤱𞤼𞤭𞥅 𞤤𞤢𞥄𞤥𞤵 𞤲𞤺𞤵𞤲. 𞤇𞤫 𞤣𞤵𞤽𞤢𞥄𞤳𞤭 𞤯𞤢𞤷𞥆𞤵𞤣𞤫 𞤲𞤺𞤵 𞤲𞤮 𞤴𞤢𞥄𞤱𞤭𞤪𞤭.