𞤀𞤖𞤃𞤀𞤁𞤓 𞤔𞤀𞤂𞥆𞤌 𞤐𞤀𞥄𞤁𞤋 𞤖𞤓𞥅𞤂𞤉𞤈𞤉 𞤃𞤀𞤑𞥆𞤌 𞤀𞤈𞤀𞤐𞤉𞤈𞤉 𞤐𞤁𞤉𞤐

𞤀𞤸𞤥𞤢𞤣𞤵 𞤔𞤢𞤤𞥆𞤮⹁ 𞤧𞤵𞤳𞤢 𞤤𞤢𞤼𞤮𞥅𞤱𞤮 𞤥𞤵𞤤𞥆𞤫𞤪𞤫 𞤥𞤮 𞤃𞤢𞤲𞤷𞤫𞤧𞤼𞤫𞤪 𞤒𞤵𞤲𞤢𞤴𞤼𞤫𞤣 𞤧𞤮𞥅𞤣𞤭𞤪𞤭 𞤣𞤵𞤦𞤵𞤲𞤫 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤣𞤮𞤤𞤢 ($𞥕𞥐 𞤥𞤭𞤤𞤭𞤴𞤮𞤲) 𞤲𞤢𞥄𞤣𞤢𞤲𞤭𞥅 𞤩𞤫 𞤸𞤵𞥅𞤤𞤫𞤪𞤫 𞤥𞤢𞤳𞥆𞤮 𞤢𞤪𞤢𞤲𞤫𞤪𞤫 𞤲𞤣𞤫𞤲. 𞤑𞤮 𞤸𞤮𞥅𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤮 𞤲𞤢𞥄𞤣𞤭𞤪𞤭 𞤲𞤣𞤫. 𞤖𞤢𞤪𞤭 𞤮𞤥𞤮 𞤲𞤢𞥄𞤣𞤢𞥄 𞤤𞤮𞤲𞤼𞤮 𞤀𞤲𞤼𞤮𞤲𞤭𞥅 𞤃𞤢𞤪𞤧𞤭𞤴𞤢𞤤 𞤸𞤢𞤴 𞤼𞤭𞤥𞥆𞤢𞥄𞤤𞤭 𞤸𞤮𞤶𞤮𞤥𞤫 𞤼𞤢𞤼𞤭. 𞤑𞤮 𞤳𞤢 𞤸𞤮𞤶𞤮𞤥𞤫𞤪𞤫 𞤷𞤢𞤨𞥆𞤢𞤲𞤯𞤫 𞤲𞤢𞤴𞤭 𞤫 𞤶𞤫𞥅𞤯𞤭𞤯𞤢𞤩𞤫𞤪𞤫 𞤮 𞤲𞤢𞥄𞤣𞤢𞥄. 𞤖𞤵𞥅𞤤𞤫𞤪𞤫 𞤥𞤢𞤳𞥆𞤮 𞤲𞤣𞤫𞤲 𞤢𞤪𞤭 𞤳𞤢 𞤸𞤮𞤶𞤮𞤥𞤫 𞤷𞤢𞤨𞥆𞤢𞤲𞤯𞤫 𞤶𞤮𞤱𞤭 𞤯𞤫𞤲 𞤼𞤭𞤥𞥆𞤢𞤼𞤢 𞤯𞤮𞤲.
𞤍𞤵𞤥 𞤳𞤮 𞤸𞤢𞤲𞤣𞤫 𞤫 𞤲𞤢𞥄𞤧𞤢𞥄𞤲𞤣𞤫⹁ 𞥑𞥑 𞤐𞤦𞤮𞥅𞤴𞤮 𞥒𞥐𞥒𞥑 𞤱𞤢𞤯𞤭 𞤳𞤢 𞤬𞤭𞤶𞤭𞤪𞤣𞤫 𞤃𞤢𞤲-𞤒𞤵𞤲𞤢𞤴𞤼𞤫𞤣. 𞤖𞤢𞤪𞤭 𞤫𞤩𞤫 𞤬𞤭𞤶𞤵𞤣𞤫 𞤤𞤭𞤣𞥆𞤵 𞤃𞤭𞤤𞤢𞤲 𞤬𞤭𞥅 𞤬𞤮𞥅𞤤𞤮𞤼𞤭𞤪𞤮 𞤉𞤪𞤮𞥅𞤨𞤢𞥄 𞤲𞤺𞤮𞤲. 𞤑𞤮𞤲𞤮 𞤃𞤭𞤤𞤢𞤲 𞤭𞤼𞥆𞤵𞤼𞤵𞤲𞤮 𞤸𞤵𞥅𞤤𞤫𞤪𞤫 𞤲𞤣𞤫𞤲. 𞤂𞤢𞤼𞤮 𞤲𞤺𞤮𞤲 𞤧𞤢𞤳𞥆𞤭𞤼𞤮𞤪𞤭 𞤧𞤫𞤲𞤺𞤮 𞤳𞤢𞤤𞤢 𞤸𞤵𞥅𞤤𞤫𞤪𞤫 𞤱𞤮𞥅𞤼𞤫𞤪𞤫.
𞤀𞤸𞤥𞤢𞤣𞤵 𞤔𞤢𞤤𞥆𞤮 𞤳𞤮 𞤣𞤵𞥅𞤩𞤭 𞥑𞥘 (𞤧𞤢𞤨𞥆𞤮-𞤫-𞤶𞤫𞥅𞤼𞤢𞤼𞤭) 𞤥𞤢𞤪𞤭. 𞤑𞤮 𞤀𞤼𞤢𞤤𞤢𞤲𞤼𞤢⹁ 𞤋𞤼𞤢𞤤𞤭 𞤮 𞤬𞤭𞤶𞤢𞤲𞤢𞤴𞤲𞤮𞥅 𞤢𞤣𞤮 𞤃𞤢𞤲-𞤒𞤵𞤲𞤢𞤴𞤼𞤫𞤣 𞤧𞤮𞥅𞤣𞤵𞤣𞤫 𞤥𞤮. 𞤑𞤮 𞤑𞤮𞤼𞤣𞤭𞤾𞤢𞥄𞤪 𞤱𞤮𞤲𞤭 𞤭𞤱𞤣𞤭 𞤥𞤢𞤳𞥆𞤮 𞤲𞤣𞤭𞤲. 𞤑𞤮 𞤲𞤣𞤫 𞤮 𞤸𞤫𞤩𞤵𞤲𞤮𞥅 𞤣𞤵𞥅𞤩𞤭 𞤧𞤢𞤨𞥆𞤮 𞤳𞤢𞤲𞤳𞤮 𞤫 𞤥𞤢𞤱𞤲𞤢𞥄𞤲 𞤥𞤢𞤳𞥆𞤮⹁ 𞤩𞤫 𞤲𞤢𞤩𞤢𞥄 𞤋𞤼𞤢𞤤𞤭. 𞤖𞤢𞤪𞤭 𞤳𞤮 𞤀𞤸𞤥𞤢𞤣𞤵 𞤚𞤢𞤪𞤢𞤱𞤮𞤪𞤫 𞤮 𞤢𞤲𞤣𞤭𞤪𞤢𞤲𞤮𞥅 𞤧𞤢𞤦𞤵 𞤺𞤮𞤪𞤳𞤮 𞤱𞤫𞥅𞤪𞤲𞤵𞤲𞤮𞥅𞤯𞤮 𞤩𞤫 𞤮𞤲. 𞤑𞤮 𞤫 𞤅𞤭𞤤𞤼𞤮 𞥒𞥐𞥒𞥐⹁ 𞤮 𞤰𞤫𞤼𞥆𞤭𞤼𞤭 𞤔𞤢𞤤𞥆𞤮⹁ 𞤴𞤫𞤼𞥆𞤮𞥅𞤪𞤫 𞤥𞤢𞤱𞤩𞤫 𞤥𞤢𞤳𞥆𞤮 𞤲𞤣𞤫𞤲.

Amad DialloMan United𞤢𞤸𞤥𞤢𞤣𞤵 𞤶𞤢𞤤𞥆𞤮

2 thoughts on “𞤀𞤖𞤃𞤀𞤁𞤓 𞤔𞤀𞤂𞥆𞤌 𞤐𞤀𞥄𞤁𞤋 𞤖𞤓𞥅𞤂𞤉𞤈𞤉 𞤃𞤀𞤑𞥆𞤌 𞤀𞤈𞤀𞤐𞤉𞤈𞤉 𞤐𞤁𞤉𞤐”

  2. 𞤒𞤮 𞤘𞤫𞤲𞤮 𞤅𞤫𞥅𞤲𞤭𞥅𞤯𞤮 𞤚𞤮𞥅𞤱𞤵𞤯𞤮 𞤌𞤲 𞤫 𞤐𞤫𞤤𞤢𞥄𞤯𞤮 𞤥𞤢𞤳𞥆𞤮(𞤃𞤮 𞤶𞤢𞤥 𞤫 𞤳𞤭𞤧𞤢𞤤 𞤱𞤮𞤲𞤭 𞤫 𞤥𞤵𞥅𞤯𞤵𞤲)⹁ 𞤒𞤮 𞤩𞤫𞤴𞤣𞤢𞤲 𞤱𞤮 𞤨𞤮𞥅𞤤𞤺𞤢𞤤 𞤫 𞤥𞤢𞤤𞤢𞤤 𞤫 𞤷𞤫𞤤𞥆𞤢𞤤! 𞤀𞥄𞤥𞤭𞥅𞤲 !

    عد

𞤀𞤷𞥆𞤵 𞤃𞤢𞥄𞤼𞤭𞤲𞤮𞤤

𞤌𞤲 𞤶𞤢𞥄𞤪𞤢𞥄𞤥𞤢