𞤐𞤘𞤀𞤒𞤓𞥅𞤔𞤋 𞤊𞤌𞤚𞥆𞤋⹁ 𞤘𞤌𞥅𞤍𞥆𞤋 𞤀𞥄𞤚𞤋⹁ 𞤘𞤌𞥅𞤍𞥆𞤋 𞤖𞤀𞥄𞤕𞤋

𞤊𞤭𞤶𞤮 𞤯𞤭𞤯𞤢𞤩𞤮 𞤲𞤺𞤮𞤲 𞤸𞤢𞤲𞤳𞤭 𞤱𞤢𞤯𞤭 𞤸𞤢𞤳𞥆𞤵𞤲’𞤣𞤫 𞤐𞤺𞤢𞤴𞤵𞥅𞤶𞤭 𞤅𞤉𞤐𞤘𞤀𞤂 𞤯𞤭𞤲 𞤫 𞤯𞤭𞥅 𞤯𞤭 𞤑𞤢𞤥𞤢𞤪𞤵𞤲. 𞤐𞤣𞤫 𞤯𞤭 𞤧𞤫𞥅𞤣𞤢𞤴𞤲𞤮𞥅 𞤳𞤢 𞤬𞤭𞤶𞤭𞤪𞤣𞤫 𞤒𞤢𞥄𞤥𞤵𞤧𞤮𞤳𞤮𞤪𞤮 𞤸𞤢𞤪𞤭 𞤯𞤭 𞤑𞤢𞤥𞤢𞤪𞤵𞤲 𞤯𞤭𞤲 𞤱𞤮𞤲𞤼𞤭𞥅 𞤥𞤵𞥅𞤧𞤵𞥅𞤶𞤭.

𞤑𞤢 𞤸𞤮𞤶𞤮𞤥𞤢𞥄𞤪𞤫 𞥑𞥖⹁ 𞤆𞤀𞤆 𞤅𞤀𞥄𞤈 𞤬𞤫𞤰𞥆𞤭𞤲𞤢𞤲𞤭 𞤋𞤅𞤃𞤀𞥄𞤒𞤋𞥅𞤂𞤀 𞤅𞤀𞥄𞤈 𞤥𞤵𞤤𞥆𞤫𞤪𞤫 𞤲𞤣𞤫𞤲⹁ 𞤮 𞤲𞤢𞥄𞤣𞤢𞤲𞤭 𞤅𞤫𞤲𞤫𞤺𞤢𞤤 𞤑𞤵𞥅𞤤𞤢𞤤 𞤢𞤪𞤢𞤲𞤢𞤤 𞤲𞤺𞤢𞤤. 𞤀𞤣𞤮 𞤳𞤵𞥅𞤤𞤢𞤤 𞤲𞤺𞤢𞤤⹁ 𞤸𞤢𞤪𞤭 𞤳𞤭𞤨𞥆𞤮𞤤 𞤳𞤢𞤤𞤢 𞤸𞤫𞤩𞤭𞥅 𞤧𞤮𞤩𞥆𞤭𞥅𞤪𞤫 𞤲𞤣𞤫 𞤪𞤭𞤥𞤢𞥄𞤤𞤭 𞤳𞤵𞥅𞤤𞤢𞤤.

𞤑𞤮 𞤸𞤮𞥅𞤪𞤫 𞥑 – 𞥐⹁ 𞤩𞤫 𞤧𞤫𞥅𞤪𞤼𞤭 𞤳𞤢 𞤼𞤢𞤴𞤪𞤫.

𞤇𞤢𞤴𞤼𞤭 𞤩𞤫 𞤪𞤵𞤼𞥆𞤭𞤳𞤫⹁ 𞤲𞤺𞤢𞤴𞤵𞥅𞤶𞤭 𞤑𞤢𞤥𞤢𞤪𞤵𞤲 𞤯𞤭𞤲 𞤧𞤮𞤲𞤶𞤵𞤲𞤮 𞤅𞤫𞤲𞤫𞤺𞤢𞤤 𞤳𞤮 𞤼𞤭𞥅𞤯𞤭 𞤸𞤢𞥄 𞤤𞤢𞤳𞥆𞤫𞤪𞤫 𞤰𞤢𞥄𞤪𞤢𞤲𞤭 𞤐𞤺𞤢𞤴𞤵𞥅𞤶𞤭 𞤚𞤫𞤪𞤢𞤲𞤺𞤢 𞤯𞤭𞤲. 𞤊𞤭𞥅 𞤳𞤢𞤤𞤢 𞤸𞤢𞤪𞤭 𞤑𞤢𞤥𞤢𞤪𞤵𞤲 𞤲𞤮 𞤶𞤮𞤶𞥆𞤭 𞤳𞤢 𞤬𞤭𞤶𞤮⹁ 𞤳𞤢 𞤸𞤮𞤶𞤮𞤲𞤢𞥄𞤪𞤫 𞥗𞥑⹁ 𞤖𞤀𞤄𞤋𞥅𞤄 𞤔𞤀𞤂𞥆𞤌 𞤯𞤭𞤯𞤥𞤭𞤼𞤢𞤲𞤭 𞤅𞤫𞤲𞤫𞤺𞤢𞤤 𞤧𞤢𞤦𞤵 𞤪𞤮𞤼𞥆𞤢𞤲𞤣𞤫 𞤋𞤅𞤃𞤀𞥄𞤒𞤋𞥅𞤂𞤀 𞤅𞤀𞥄𞤈. 𞤏𞤮𞤲𞤭 𞥒-𞥐.

𞤑𞤢𞤥𞤢𞤪𞤵𞤲 𞤫𞤼𞤭𞥅 𞤸𞤢𞥄 𞤲𞤮 𞤭𞤼𞥆𞤭𞤪𞤢 𞤯𞤫𞥅 𞤳𞤵𞥅𞤤𞤫. 𞤇𞤫 𞤣𞤢𞤻𞤵𞤣𞤫 𞤱𞤮𞥅 𞤤𞤢𞥄𞤱𞤮𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥘𞥒 𞤩𞤢𞥄𞤱𞤮 𞤫𞤤𞤼𞤮𞥅𞤱𞤮 𞤅𞤫𞤲𞤫𞤺𞤢𞤤 𞤮𞤲 𞤴𞤢𞤤𞤼𞤭𞤲𞤣𞤫 𞤋𞤅𞤃𞤀𞥄𞤒𞤋𞥅𞤂𞤀 𞤅𞤀𞥄𞤈 𞤫 𞤖𞤀𞤄𞤋𞥅𞤄 𞤔𞤀𞤂𞥆𞤌⹁ 𞤳𞤵𞥅𞤤𞤭𞤲𞤢𞤲𞤩𞤫 𞤅𞤫𞤲𞤫𞤺𞤢𞤤 𞤩𞤫𞤲 𞤯𞤭𞤯𞤮. 𞤑𞤮 𞤮𞤲𞤼𞤵𞤥𞤢 𞤟𞤀𞤐 𞤟𞤀𞤈𞤑 𞤑𞤀𞤅𞤚𞤉𞤂𞤉𞤚𞤌⹁ 𞤱𞤵𞤪𞤼𞤢𞤲𞤭 𞤐𞤺𞤢𞤴𞤵𞥅𞤶𞤭 𞤑𞤢𞤥𞤢𞤪𞤵𞤲 𞤯𞤭𞤲 𞤳𞤵𞥅𞤤𞤢𞤤 𞤺𞤮𞥅𞤼𞤢𞤤 𞤳𞤢 𞤸𞤮𞤶𞤮𞤥𞤢𞥄𞤪𞤫 𞥘𞥒.

𞤖𞤮𞤶𞤮𞤥𞤢𞥄𞤶𞤫 𞤲𞤢𞤴𞤭 𞤫 𞤲𞤣𞤫𞤪 𞤣𞤢𞤪𞤮𞤪𞤯𞤫 𞤯𞤫𞤲⹁ 𞤑𞤀𞤃𞤀𞤈𞤓𞤐 𞤣𞤮𞤭 𞤬𞤫𞤨𞥆𞤵𞤣𞤫 𞤅𞤫𞤲𞤫𞤺𞤢𞤤 𞤲𞤣𞤫 𞤟𞤌𞤈𞤟 𞤑𞤉𞤜𞤉𞤐 𞤐𞤑𞤓𞤁𞤓 𞤦𞤮𞥅𞤼𞤭 𞤥𞤵𞤤𞥆𞤫𞤪𞤫 𞤲𞤣𞤫𞤲⹁ 𞤳𞤮𞤲𞤮 𞤲𞤣𞤫 𞤱𞤮𞥅𞤨𞤭𞤪𞤭 𞤸𞤵𞥅𞤤𞤭𞤪𞤣𞤫 𞤉𞤁𞤓𞤏𞤀𞤈 𞤃𞤉𞤐𞤁𞤋 𞤲𞤣𞤫𞤲 𞤧𞤫𞥅𞤯𞤢 𞤲𞤭𞥅 𞤳𞤢 𞤦𞤢𞤲𞤽𞤫 𞤲𞤢𞤲𞤮.

𞤖𞤮𞤶𞤮𞤥𞤢𞥄𞤪𞤫 𞤱𞤮𞥅𞤼𞤫𞤪𞤫 𞤩𞤢𞥄𞤱𞤮 𞤯𞤵𞤲⹁ 𞤅𞤀𞥄𞤔𞤌 𞤃𞤀𞥄𞤐𞤉 𞤼𞤢𞤦𞤭𞤲𞤼𞤭𞤲𞤭𞤪𞤭 𞤤𞤵𞤥𞤦𞤢𞤤 𞤅𞤉𞤐𞤉𞤘𞤀𞤂 𞤲𞤺𞤢𞤤 𞤲𞤢𞥄𞤣𞤵𞤺𞤮𞤤 𞤳𞤵𞥅𞤤𞤢𞤤 𞤼𞤢𞤼𞤢𞤩𞤢𞤤 𞤲𞤺𞤢𞤤.

𞤑𞤮 𞤲𞤺𞤢𞥄𞤤 𞤳𞤵𞥅𞤤𞤢𞤤 𞤱𞤮𞤲𞤭 𞤢𞤪𞤢𞤲𞤢𞤤 𞤅𞤀𞥄𞤔𞤌 𞤃𞤀𞥄𞤐𞤉 𞤲𞤺𞤢𞤤 𞤺𞤭𞤤𞤢 𞤬𞤮𞥅𞤤𞤮𞤼𞤭𞤪𞤮 𞤲𞤺𞤮𞤲 𞤬𞤵𞤯𞥆𞤭𞥅 𞤸𞤭𞤳𞥆𞤢.

𞤅𞤫𞤲𞤫𞤺𞤢𞤤 𞤳𞤢𞤣𞤭 𞤤𞤵𞤥𞤦𞤭𞥅 𞤬𞤭𞥅 𞤶𞤫𞥅𞤼𞤢𞤼𞤢𞤩𞤢𞤤 𞤲𞤺𞤢𞤤. 𞤑𞤮 𞤳𞤢𞤥𞤩𞤫 𞤰𞤫𞤤𞥆𞤭𞤼𞤭𞥅 𞤸𞤮𞥅𞤪𞤫 𞤣𞤫𞤲𞤼𞤢𞤤 𞤥𞤢𞤩𞥆𞤫 𞤲𞤺𞤢𞤤.

𞤐𞤺𞤢𞤴𞤵𞥅𞤶𞤭 𞤑𞤀𞤃𞤀𞤈𞤓𞤐 𞤯𞤭𞤲 𞤧𞤫𞤩𞤭𞤼𞤭𞤳𞤫. 𞤑𞤮 𞤦𞤫𞥅 𞤯𞤭 𞤨𞤭𞤴𞤭𞤪𞤢 𞤔𞤢𞤸𞤫 𞤘𞤀𞤃𞤄𞤋𞤒𞤀 𞤯𞤫𞤲 𞤳𞤵𞥅𞤤𞤫 𞤦𞤵𞤴 𞤫 𞤃𞤢𞤱𞤦𞤢𞥄𞤪𞤫 𞤻𞤢𞤤𞤲𞤣𞤫 𞥒𞥓 𞤅𞤭𞥅𞤤𞤮⹁ 𞤧𞤭 𞤯𞤭 𞤼𞤢𞤥𞤰𞤭𞤲𞤮𞥅 𞤤𞤵𞤥𞤦𞤵𞤺𞤮𞤤.

𞤒𞤮𞤼𞥆𞤭𞤲𞤢𞤲𞤣𞤫 𞤀𞤴𞥃𞤢 𞤅𞤮𞥅