𞤆𞤫𞤤𞥆𞤫𞤼 𞤘𞤭𞤲𞤫 𞤳𞤮 𞤤𞤫𞤴𞤣𞤭 𞤲𞤣𞤭 𞤲𞤢𞤲𞤣𞤮 𞤥𞤵𞥅𞤯𞤵𞤲 𞤯𞤵𞥅𞤯𞤢𞥄 𞤲𞤮𞤳𞥆𞤵 𞤳𞤢𞤤𞤢 𞤳𞤢 𞤲𞤣𞤢𞥄𞤪𞤭𞤪𞤢𞥄⁏ 𞤤𞤫𞤴𞤣𞤭 𞤳𞤢 𞤤𞤵𞤪𞥆𞤫 𞤸𞤢𞥄𞤤𞤣𞤭 𞤬𞤮𞤼𞥆𞤭.
𞤊𞤭𞥅 𞤳𞤢𞤤𞤢 𞤤𞤫𞤴𞤣𞤭 𞤲𞤣𞤭𞤲 𞤲𞤮 𞤴𞤫𞤯𞤢𞥄 𞤲𞤺𞤢𞤤𞤵𞥅𞤶𞤭 𞤸𞤢𞥄 𞤳𞤢 𞤼𞤢𞤱𞤼𞤢𞤼𞤢 𞤲𞤣𞤭 𞤭𞤲𞥆𞤢𞥄𞤥𞤢 𞤧𞤭𞤳𞤢𞤲𞤣𞤢𞤤 𞤲𞤶𞤢𞤤𞥆𞤫⹁ 𞤳𞤮 𞤤𞤫𞤴𞤣𞤭 𞤤𞤭𞤥𞤼𞤫𞤼𞤫𞥅𞤲𞤣𞤭 𞤫 𞤤𞤫𞤴𞤯𞤫 𞤩𞤵𞤪𞤵𞤯𞤫 𞤫 𞤼𞤢𞤥𞤨𞤵𞤣𞤫 𞤯𞤫𞤲 𞤸𞤮𞥅𞤪𞤫 𞤲𞤣𞤫𞥅 𞤼𞤵𞤤𞤩𞤫𞤪𞤫 𞤯𞤮𞤮. 𞤘𞤭𞤲𞤫⹁ 𞤳𞤮 𞤤𞤫𞤴𞤣𞤭 𞤳𞤢𞤣𞤭 𞤳𞤢 𞤧𞤢𞤪𞤼𞤭𞥅𞤶𞤭 𞤲𞤫𞤯𞥆𞤢𞥄𞤳𞤵 𞤯𞤭𞤲 𞤶𞤵𞤲𞥆𞤭𞤼𞤢𞥄. 𞤂𞤫𞤴𞤣𞤭 𞤳𞤢 𞤦𞤮𞤲𞤩𞤫 𞤱𞤢𞤷𞥆𞤫𞤼𞤫𞥅⹁ 𞤥𞤮𞤰𞥆𞤵𞤩𞤫 𞤶𞤢𞤤𞤳𞤭𞤼𞤫𞥅.
𞤃𞤮 𞤤𞤵𞤺𞥆𞤭𞤲𞤭𞥅 𞤥𞤭𞥅𞤶𞤮⹁ 𞤮𞤲𞤼𞤭𞤺𞤭 𞤱𞤢𞥄𞤱𞤢𞤼𞤢𞥄 𞤪𞤮𞤲𞤳𞤵𞤣𞤫 𞤤𞤢𞤲𞤣𞤭𞤼𞤢𞥄𞤣𞤫 𞤧𞤭 𞤼𞤢𞤱𞤭𞥅 𞤘𞤭𞤲𞤫 𞤱𞤮𞤲𞤢𞥄 𞤤𞤫𞤴𞤣𞤭 𞤳𞤢 𞤩𞤢𞤽𞤼𞤮𞤼𞤮𞥅 𞤼𞤢𞤲 𞤴𞤭𞤥𞤳𞤮𞤴 𞤱𞤢𞥄𞤧𞤵𞤳𞤮𞤴 𞤲𞤣𞤭𞤥𞤵. 𞤒𞤭𞤥𞤳𞤮𞤴 𞤺𞤫𞤪𞤢𞤴𞤳𞤮𞤴 𞤺𞤫𞤪𞤣𞤫𞤼𞤫𞥅𞤯𞤫 𞤬𞤮𞤨 𞤬𞤭𞥅 𞤲𞤮 𞤳𞤮𞤴 𞤰𞤫𞤤𞥆𞤭𞤼𞤮𞤪𞤢 𞤸𞤮𞥅𞤪𞤫 𞤣𞤢𞤱𞤪𞤮 𞤥𞤵𞤪𞤢𞥄𞤯𞤭 𞤤𞤫𞤴𞤣𞤭 𞤲𞤣𞤭𞤲.
𞤐𞤣𞤫 𞤺𞤢𞤴𞤲𞤵𞤩𞤫 𞤺𞤮𞥅𞤼𞤯𞤵𞤲 𞤸𞤢𞥄𞤲𞤢𞥄𞤩𞤫 𞤻𞤫𞤥𞤼𞤭𞤲𞤫𞥅𞤣𞤫 𞤲𞤮 𞤥𞤢𞤲𞤼𞤫𞥅 𞤘𞤭𞤲𞤫⹁ 𞤲𞤮 𞤬𞤢𞤥𞤯𞤭 𞤳𞤢 𞤼𞤢𞤱𞤲𞤮𞤪𞤼𞤫𞤲 𞤴𞤭𞤥𞤩𞤫 𞤩𞤫 𞤼𞤢𞤱𞤭 𞤳𞤮 𞤧𞤢𞤦𞤵 𞤢𞤪𞤣𞤭𞤲𞤺𞤮𞤤 𞤥𞤢𞤩𞥆𞤫 𞤸𞤢𞤳𞥆𞤭𞤤⹁ 𞤣𞤵𞥅𞤥𞤢𞤺𞤮𞤤 𞤫 𞤺𞤮𞤤𞥆𞤫⹁ 𞤴𞤮𞤲𞤣𞤭𞤲𞤢𞥄𞤪𞤫 𞤫 𞤱𞤢𞤳𞥆𞤭𞤤𞤢𞥄𞤪𞤫⹁ 𞤩𞤫 𞤺𞤫𞤪𞤣𞤭𞤪𞤭 𞤸𞤢𞥄 𞤩𞤫 𞤧𞤮𞤪𞤼𞤭𞥅 𞤫 𞤼𞤢𞤥𞤨𞤫𞤪𞤫 𞤲𞤣𞤫 𞤩𞤫 𞤧𞤭𞤳𞥆𞤢𞤲𞤮𞥅𞤳𞤢 𞤩𞤫 𞤴𞤢𞤤𞤼𞤢𞤴𞤲𞤮 𞤫 𞤥𞤵𞥅𞤯𞤵𞤲. 𞤙𞤫𞤥𞤼𞤭𞤲𞤼𞤫𞥅𞤩𞤫 𞤩𞤫𞤲 𞤳𞤢 𞤥𞤫𞤫𞤲⹁ 𞤳𞤮 𞤴𞤭𞤥𞤩𞤫 𞤰𞤫𞤤𞥆𞤭𞤼𞤮𞤪𞤩𞤫 𞤸𞤮𞥅𞤪𞤫 𞤤𞤫𞤴𞤣𞤭 𞤲𞤣𞤭𞤲 𞤧𞤢𞤦𞤵 𞤦𞤮𞤲𞤳𞤭 𞤫 𞤲𞤮𞥅𞤲𞤫𞥅𞤶𞤭 𞤥𞤵𞤵𞤲 𞤬𞤮𞤨⹁ 𞤴𞤭𞥅𞤤𞤼𞤵𞤺𞤮𞤤 𞤨𞤢𞤯𞤫⹁ 𞤲𞤦𞤢𞤼𞤵𞤤𞤢𞤴𞤢𞥄𞤺𞤢𞤤⹁ 𞤲𞤢𞥄𞤬𞤭𞤹𞤢𞥄𞤳𞤵⹁ 𞤰𞤮𞤴𞤪𞤫𞥅𞤶𞤭 𞤩𞤵𞤪𞤵𞤯𞤭 𞤢𞤻𞥆𞤭𞤲𞤢𞥄𞤣𞤫. 𞤑𞤢 𞤪𞤢𞤩𞥆𞤭𞤲𞤯𞤭𞤲𞤺𞤮𞤤⹁ 𞤳𞤮 𞤱𞤵𞤴𞤩𞤫 𞤩𞤫𞤲 𞤫 𞤶𞤢𞤥𞤬𞤮𞤼𞤮𞥅𞤩𞤫 𞤩𞤫𞤲 𞤫 𞤲𞤣𞤫𞤪 𞤲𞤣𞤭𞥅 𞤸𞤢𞤱𞤼𞤢𞥄𞤲𞤣𞤭 𞤱𞤮𞤲𞤭 𞤳𞤮 𞤸𞤢𞤤𞤮𞤪𞤭 𞤳𞤮 𞤬𞤮𞤱 𞤶𞤫𞤴𞤭 𞤳𞤮𞤲. 𞤇𞤫 𞤸𞤵𞥅𞤱𞤼𞤮𞤪𞤢 𞤳𞤮 𞤩𞤫 𞤸𞤫𞤩𞤭 𞤫 𞤯𞤫𞥅 𞤺𞤮𞤤𞥆𞤫 𞤥𞤢𞤩𞥆𞤫 𞤦𞤮𞤲𞤯𞤫⹁ 𞤬𞤭𞥅 𞤧𞤮𞥅𞤣𞤢𞤲𞤺𞤮𞤤 𞤸𞤮𞥅𞤪𞤫 𞤥𞤢𞤩𞥆𞤫 𞤲𞤦𞤢𞥄𞤣𞤭 𞤸𞤫𞤴𞤪𞤭⹁ 𞤫 𞤥𞤮𞤰𞥆𞤭𞤲𞤺𞤮𞤤 𞤧𞤭𞤬𞤢𞥄𞤶𞤭 𞤫 𞤥𞤢𞤲𞤼𞤭 𞤬𞤫𞤬𞤭𞤲𞥋𞤣𞤢𞥄𞤯𞤭.
𞤉 𞤪𞤫𞤲𞤣𞤮 𞤻𞤭𞥅𞤩𞤭𞤪𞤲𞤺𞤮 𞤲𞤵𞤲𞤯𞤢𞤤⹁ 𞤭𞤻𞥆𞤭𞤲𞤺𞤮 𞤴𞤭𞤥𞤩𞤫 𞤩𞤫 𞤢𞤤𞤢𞥄 𞤲𞤣𞤭𞤥𞤵⹁ 𞤸𞤢𞤪𞤢𞤴𞤲𞤮 𞤧𞤭𞤬𞤢 𞤩𞤫𞥅 𞤬𞤮𞤨 𞤸𞤢𞤱𞤳𞤢𞤲𞤮𞥅𞤥𞤢 𞤳𞤢 𞤲𞤢𞤥𞤢𞤪𞤯𞤫 𞤚𞤢𞥄𞤪𞤭𞥅𞤳𞤢. 𞤅𞤭𞤳𞥆𞤫 𞤱𞤮𞥅 𞤢𞤤𞤢𞥄⹁ 𞤯𞤵𞤥 𞤲𞤮 𞤼𞤢𞤱𞤢𞥄 𞤫 𞤳𞤮 𞤨𞤮𞤪𞤯𞤭𞤲𞤭 𞤀𞤤𞤬𞤢𞥄 𞤑𞤮𞤲𞤣𞤫 𞤫 𞤬𞤢𞥄𞤤𞤫 𞤥𞤢𞤳𞥆𞤮 𞤥𞤮 𞤮 𞤩𞤢𞤲𞤺𞤭𞤲𞥆𞤮 𞤤𞤢𞥄𞤦𞤭 𞤦𞤵𞤴 𞤬𞤭𞥅 𞤱𞤢𞤴𞤤𞤵𞤺𞤮𞤤 𞤘𞤭𞤲𞤫 𞤧𞤫𞤲𞤣𞤢 𞤲𞤣𞤭 𞤫 𞤴𞤵𞤩𞥆𞤮𞥅𞤣𞤭 𞤃𞤢𞥄𞤬𞤭𞤴𞤢 𞤸𞤵𞥅𞤩𞤵𞤼𞤵𞤲𞤮𞥅𞤲𞤣𞤭 𞤂𞤢𞤲𞤧𞤢𞤲𞤢 𞤑𞤮𞤲𞤼𞤫. 𞤉 𞤸𞤭𞤲𞤤𞤫 𞤳𞤮 𞤲𞤣𞤭𞤲 𞤲𞤶𞤵𞤩𞥆𞤵𞤣𞤭 𞤮 𞤬𞤢𞥄𞤥𞤭𞤲𞤳𞤭𞤲𞤭𞤲𞤮𞥅 𞤮𞤥𞤮 𞤸𞤢𞤩𞤵𞤣𞤫 𞤫 𞤲𞤣𞤫𞤪 𞤣𞤵𞥅𞤩𞤭 𞤸𞤫𞥅𞤱𞤵𞤯𞤭. 𞤒𞤮 𞤲𞤣𞤭𞤲 𞤲𞤶𞤵𞤩𞥆𞤵𞤣𞤭 𞤬𞤫𞤱𞤲𞤣𞤮 𞤳𞤢 𞤲𞤣𞤭 𞤬𞤫𞤱𞤲𞤣𞤭𞥅 𞤯𞤮𞤲 𞤸𞤢𞤲𞤣𞤫⹁ 𞤳𞤮 𞤥𞤢𞥄𞤲𞤣𞤫 𞤲𞤣𞤫 𞤢𞤤𞤣𞤢𞥄 𞤫 𞤧𞤭𞤳𞥆𞤫 𞤪𞤮𞤲𞤳𞤵𞤺𞤮𞤤 𞤥𞤢𞤳𞥆𞤮 𞤱𞤢𞤯𞤵𞤣𞤫 𞤘𞤭𞤲𞤫 𞤤𞤫𞤴𞤣𞤭 𞤳𞤢 𞤥𞤮𞤰𞥆𞤫𞤪𞤫 𞤣𞤢𞤥𞤦𞤭𞤲𞤭 𞤩𞤵𞤪𞤭 𞤮𞥅𞤻𞤢𞥄𞤪𞤫.
𞤒𞤢𞤤𞥆𞤭 𞤲𞤮 𞤱𞤮𞥅𞤣𞤭 𞤳𞤮 𞤩𞤵𞤪𞤭 𞤸𞤫𞤪𞤧𞤭𞤲𞤢𞤲𞤢𞥄𞤣𞤫 𞤘𞤭𞤲𞤫𞤲𞤢𞥄𞤩𞤫 𞤩𞤫𞤲⹁ 𞤲𞤣𞤫 𞤼𞤢𞤱𞤢𞤼𞤢 𞤳𞤮 𞤨𞤫𞤽𞤢𞤴𞤲𞤮𞥅𞤩𞤫 𞤷𞤮𞤲𞤫 𞤣𞤮𞤪𞤮𞥅𞤺𞤵 𞤩𞤫𞤲 𞤫 𞤱𞤵𞤴𞤩𞤫 𞤩𞤫𞤲 𞤱𞤮𞤲𞤭 𞤱𞤢𞥄𞤱𞤵𞤣𞤫 𞤱𞤢𞤴𞤤𞤭𞤼𞤢𞥄𞤣𞤫 𞤸𞤢𞥄 𞤩𞤭𞤧𞤮𞥅 𞤫 𞤶𞤮𞤲𞤯𞤫 𞤼𞤮𞥅𞤱𞤵𞤯𞤫 𞤤𞤢𞥄𞤥𞤵 𞤲𞤺𞤵𞤲. 𞤀 𞤱𞤭𞤢𞤴𞤥𞤢 𞤲𞤣𞤭𞥅 𞤤𞤫𞤴𞤣𞤭 𞤳𞤮 𞤸𞤮𞤣𞥆𞤭𞤪𞤢𞤲𞤢𞥄𞤲𞤣𞤭 𞤤𞤢𞥄𞤼𞤢𞤺𞤮𞤤 𞤧𞤢𞤺𞤮 𞤷𞤮𞥅𞤱𞤮𞤣𞤢𞤴𞤩𞤫 𞤦𞤮𞤲𞤩𞤫 𞤳𞤮 𞤧𞤭𞥅𞤩𞤮𞥅 𞤲𞤣𞤭 𞤲𞤣𞤭 𞤱𞤢𞤲𞤮 𞤤𞤫𞥅𞤥𞤵𞤲𞥆𞤫𞥅𞤪𞤫 𞤴𞤭𞤤𞤼𞤮𞥅 𞤱𞤭𞤢𞥄 𞤱𞤮𞤲𞤣𞤫𞤥𞤢 𞤳𞤮 𞤦𞤢𞤪𞤳𞤭 𞤳𞤭 𞤀𞤤𞤤𞤢 𞤥𞤢𞤤𞥆𞤢 𞤳𞤭 𞤥𞤢𞤱𞤩𞤫 𞤱𞤢𞤯𞤢𞤲𞤭 𞤩𞤫. 𞤅𞤭 𞤳𞤮 𞤫 𞤪𞤫𞤲𞤣𞤮 𞤺𞤮𞥅 𞤲𞤵𞤲⹁ 𞤩𞤫 𞤧𞤵𞥅𞤯𞤢𞤴𞤲𞤮 𞤺𞤭𞤼𞤫 𞤥𞤢𞤩𞥆𞤫 𞤸𞤢𞤳𞥆𞤫𞤪𞤫𞤲 𞤸𞤫𞤪𞤧𞤢 𞤫 𞤬𞤫𞤤𞤮𞥅𞤪𞤫 𞤧𞤢𞤦𞤵 𞤲𞤮𞤳𞥆𞤵 𞤳𞤢 𞤻𞤢𞥄𞤱𞤮𞥅𞤶𞤫 𞤺𞤫𞤲𞤣𞤭 𞤯𞤫𞤲 𞤱𞤢𞤯𞤢𞤴𞤲𞤮𞥅 𞤩𞤫. 𞤂𞤭𞤣𞥆𞤵 𞤥𞤭𞥅𞤶𞤮 𞤥𞤢𞤩𞥆𞤫⹁ 𞤢𞤤𞤢𞥄 𞤲𞤫𞤯𞥆𞤮 𞤲𞤵𞤲𞤯𞤵𞤯𞤮 𞤸𞤢𞤴 𞤺𞤮𞥅𞤼𞤮 𞤥𞤭𞥅𞤤𞤫𞤼𞤫𞥅𞤯𞤮 𞤦𞤮𞤲𞤢-𞤶𞤭𞤳𞥆𞤵𞥅𞤶𞤮 𞤥𞤮 𞤢𞤤𞥆𞤢 𞤲𞤣𞤭𞤥𞤵.
𞤑𞤮𞤲𞤮 𞤲𞤮𞤲⹁ 𞤯𞤵𞤲 𞤯𞤮𞥅 𞤬𞤮𞤨 𞤲𞤮 𞤧𞤮𞤳𞤤𞤭𞤲𞤭 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤤𞤢𞤲𞤣𞤮𞤲𞥋𞤣𞤭𞤪𞤣𞤫 𞤳𞤮 𞤩𞤫 𞤬𞤢𞥄𞤤𞤢𞤲𞤢𞥄 𞤸𞤮𞥅𞤪𞤫 𞤥𞤢𞤩𞥆𞤫 𞤫 𞤳𞤮 𞤩𞤫 𞤬𞤢𞥄𞤤𞤢 𞤪𞤮𞤲𞤭𞤲𞤣𞤫 𞤺𞤫𞤯𞤢𞤤𞤩𞤫 𞤥𞤢𞤩𞥆𞤫 𞤫 𞤼𞤢𞥄𞤲𞤭𞤪𞤢𞥄𞤩𞤫 𞤥𞤢𞤩𞥆𞤫 𞤩𞤫𞤲. 𞤂𞤫𞤴𞤣𞤭⹁ 𞤳𞤢 𞤥𞤮𞤲𞤭 𞤳𞤢𞤤𞤢 𞤱𞤢𞥄𞤱𞤭 𞤭𞤥𞥆𞤢𞥄𞤣𞤫 𞤼𞤢𞥄𞤪𞤢𞤲𞤢 𞤸𞤮𞥅𞤪𞤫 𞤥𞤵𞤵𞤲 𞤥𞤫𞥅𞤼𞤫𞤤𞤮𞤤 𞤤𞤢𞤱𞤤𞤢𞥄𞤳𞤵⹁ 𞤲𞤣𞤭𞤲 𞤤𞤫𞤴𞤣𞤭 𞤱𞤮𞤯𞥆𞤭𞤼𞤮𞤼𞤮 𞤲𞤮 𞤸𞤵𞤤𞤩𞤭𞤲𞤮𞤪𞤭 𞤫 𞤪𞤫𞤲𞤣𞤮 𞤻𞤭𞥅𞤩𞤭𞤪𞤲𞤺𞤮 𞤧𞤢𞤪𞤼𞤭𞥅𞤶𞤭 𞤲𞤫𞤯𞥆𞤢𞥄𞤳𞤵⹁ 𞤸𞤮𞥅𞤪𞤫 𞤯𞤵𞤥 𞤳𞤢𞤣𞤭 𞤲𞤣𞤭 𞤧𞤫𞤩𞤭𞤲𞤼𞤭𞤲𞤢𞤴 𞤺𞤭𞤪𞤫 𞤢𞤪𞤢𞤴𞤯𞤫 𞤯𞤫𞤲.
𞤅𞤫𞥅𞤳𞤵 𞤑𞤵𞤲𞤣𞤵𞤲𞤮𞥅
Sekou Koundouno
𞤖𞤢𞤤𞤬𞤭𞤲𞤢𞥄𞤯𞤮 𞤆𞤫𞤸𞤫 𞤫 𞤫𞤩𞥆𞤮𞥅𞤶𞤫 𞤳𞤢 FNDC
𞤊𞤢𞤪𞤢𞤲𞤧𞤫𞥅𞤪𞤫 Francais
La Guinée est assurément un pays singulier à tout point de vue ; un pays de tous les paradoxes. Dotée d’immenses ressources naturelles au point d’être qualifiée de scandale géologique mais citée parmi les pays les plus pauvres de la planète, la Guinée est aussi le pays de l’inversion de toutes les valeurs ; un pays où des voyous sont portés aux nues et des hommes vertueux voués aux gémonies.
À bien y réfléchir, l’on est amené à se poser l’inévitable question de savoir si la société guinéenne n’est pas un terreau fertile pour l’émergence et la promotion d’individus de petite vertu et qui, péché suprême, parviennent à se hisser haut pour gérer des affaires publiques. Lorsqu’on parle de modèle de réussite en Guinée, on parle rarement des personnes qui sont arrivées à sortir d’un quotidien peu enviable auquel elles semblaient être condamnées à perpétuité et ce, à force d’imagination, de travail, d’abnégation, d’efforts personnels. Les modèles sont ceux qui, par la délinquance sous toutes les formes, le larbinisme tous genres , les courbettes, la compromission et les intrigues les plus abjectes réussissent à accéder au bien public ; en somme les voleurs, les escrocs de la République qui font main basse sur ce qui appartient à tous et s’emploient, en usant du fruit de leur sale besogne, à “s’acheter” une image, se forger une légende et une réputation surfaites. Dans une société qui défend des valeurs et abhorre les individus sans scrupules, certains seraient déjà dans les poubelles de l’Histoire. C’est sans doute l’une des causes de l’échec de Alpha Condé dans sa volonté plusieurs fois affirmée de réformer la Guinée en la débarrassant de ce système mafieux qui entourait le Général Lansana Conté. Or, c’est ce système qu’il prétendait combattre pendant ses longues années de combat politique comme il l’a toujours déclaré. La présence de ce même système à ce niveau constitue indubitablement la preuve de son échec à faire de la Guinée un pays où la vertu prend le dessus sur le vice.
D’anciens trafiquants de drogue, des bandits à cols blancs qui parviennent à se recycler en se glissant dans les hautes sphères de l’administration publique, quoi de plus humiliant pour les Guinéens. C’est à croire que le destin de ce pays est d’être et de demeurer à la merci de copains et coquins qui le sucent comme une orange et qui expliquent cette anomalie par des bénédictions qu’ils auraient reçues de Dieu ou de leurs parents. Dans une autre société, de tels individus auraient tout simplement couvert les leurs de honte et d’opprobre à cause de la place qui leur est faite par les lois de la République. Et contrairement à l’idée qu’ils se font, aucun honnête homme ne peut éprouver la moindre jalousie ou envie vis-à-vis d’un délinquant, d’un homme dont le niveau de moralité est égal à zéro.
Mais toutes ces situations posent encore une fois la nécessité pour les Guinéens de s’interroger sur ce qu’ils veulent pour eux-mêmes et souhaitent léguer à leurs enfants et petits-enfants. Un pays où n’importe qui peut s’octroyer le titre d’homme d’État s’éloigne totalement et dangereusement d’une société fondée sur des valeurs et compromet les générations futures.
SEKOU KOUNDOUNO RESPONSABLE DES STRATÉGIES ET PLANIFICATION DU FNDC
𞤐𞤀𞤐𞤁𞤌𞤂𞥆𞤀
𞤐𞤮 𞤢𞥄𞤲𞤮𞤲𞤭 𞤸𞤢𞥄 𞤳𞤢 𞤧𞤭𞤬𞤢𞤼𞤢𞥄𞤳𞤮 𞤯𞤭𞤲.