𞤐𞤔𞤓𞤇𞥆𞤓𞤁𞤋 𞤘𞤉𞤐𞤍𞤉 𞤊𞤌𞤚𞥆𞤓𞤍𞤉 𞤒𞤀𞤂𞤚𞤋𞤐𞤋𞥅 𞤑𞤀𞤒𞤁𞤋 𞤖𞤌𞥅𞤈𞤉 𞤐𞤄𞤀𞤈𞤂𞤉 𞤍𞤉𞤐 𞤃𞤓𞤈𞤀

𞤉 𞤃𞤢𞤱𞤲𞤣𞤫⹁ 𞤻𞤢𞤤𞤲𞤣𞤫 𞥑𞥒 𞤅𞤫𞥅𞤯𞤼𞤮 𞥒𞥐𞥒𞥓⹁ 𞤧𞤢𞤤𞤲𞤣𞤵 𞤸𞤭𞤤𞤲𞤭𞥅𞤲𞤣𞤵 𞤬𞤭𞥅 𞤖𞤢𞤳𞥆𞤫𞥅𞤶𞤭 𞤐𞤫𞤯𞥆𞤢𞤲𞤳𞤫 𞤳𞤢 𞤐𞤶𞤵𞤩𞥆𞤵𞤣𞤭 𞤘𞤫𞤲𞤯𞤫 𞤊𞤮𞤼𞥆𞤵𞤯𞤫 (UNO/ONU)⹁ 𞤴𞤢𞤤𞤼𞤭𞤲𞤭𞥅 𞤳𞤢𞤴𞤣𞤭𞥅𞤪𞤭 𞤴𞤮𞤱𞤭𞤼𞤭𞥅𞤲𞤣𞤭 𞤫 𞤲𞤦𞤢𞤪𞤤𞤫 𞤱𞤢𞤯𞤵𞤲𞤮𞥅𞤯𞤫 𞤯𞤫𞤲 𞤪𞤮𞤱𞤢𞤲𞤭 𞤫 𞤐𞤦𞤮𞥅𞤴𞤮 𞤫 𞤱𞤵𞤪𞤮 𞤱𞤭𞤴𞤫𞤼𞤫𞥅𞤲𞤺𞤮 𞤃𞤵𞤪𞤢⹁ 𞤲𞤣𞤫𞤪 𞤤𞤫𞤴𞤣𞤭 𞤃𞤢𞤤𞤭.

𞤉 𞤲𞤣𞤫𞤪 𞤲𞤣𞤭𞥅 𞤳𞤢𞤴𞤣𞤭𞥅𞤪𞤭⹁ 𞤢𞤲𞤼𞤵𞤩𞤫 𞤐𞤶𞤵𞤩𞥆𞤵𞤣𞤭 𞤲𞤣𞤭𞤲 𞤸𞤮𞤤𞥆𞤭 𞤱𞤮𞤲𞤣𞤫𞤥𞤢 𞤳𞤮 𞤧𞤮𞥅𞤪𞤭𞥅𞤩𞤫 𞤃𞤢𞤤𞤭 𞤩𞤫𞤲 𞤳𞤢𞤻𞤵𞤲 𞤫 𞤧𞤮𞥅𞤪𞤭𞥅𞤩𞤫 𞤶𞤢𞤲𞤢𞤲𞤩𞤫 𞤱𞤮𞤲𞤭 𞤳𞤮 𞤬𞤢𞤱𞤭𞥅 𞤱𞤢𞤪𞤵𞤺𞤮𞤤 𞤩𞤵𞤪𞤭 𞤴𞤭𞤥𞤩𞤫 𞥕𞥐𞥐⹁ 𞤲𞤣𞤫 𞤩𞤫 𞤴𞤢𞤲𞤵𞤲𞤮𞥅 𞤫 𞤲𞤺𞤮𞥅 𞤸𞤮𞤯𞤮 𞤱𞤭𞤴𞤫𞤼𞤫𞥅𞤲𞤺𞤮 𞤃𞤵𞤪𞤢 𞤶𞤫𞤴𞤢𞥄𞤲𞤺𞤮 𞤫 𞤳𞤵𞤪𞤵𞤲𞤱𞤮𞤤 𞤔𞤉𞤐𞤉 𞤲𞤺𞤮𞤤.

𞤑𞤮 𞤪𞤮𞤱𞤢𞤲𞤭 𞤻𞤢𞤤𞤲𞤣𞤫 𞥒𞥗 𞤐𞤄𞤮𞥅𞤴𞤮⹁ 𞤯𞤫𞥅 𞤲𞤦𞤢𞤪𞤤𞤫 𞤬𞤵𞤯𞥆𞤭 𞤸𞤢𞤪𞤭 𞤶𞤫𞤸𞤪𞤫 𞤲𞤣𞤫𞤲 𞤲𞤮 𞤸𞤫𞥅𞤱𞤭 𞤼𞤫𞤬 𞤴𞤭𞤥𞤩𞤫. 𞤑𞤮 𞤲𞤣𞤫𞤲 𞤻𞤢𞤤𞤲𞤣𞤫 𞤫 𞤢𞤤𞤢𞤼 (𞤪𞤫𞤬𞤦𞤭𞤪𞥆𞤫) 𞤱𞤮𞤲𞤭 𞤤𞤵𞥅𞤥𞤮 𞤃𞤵𞤪𞤢 𞤲𞤺𞤮𞤲.

𞤊𞤭𞥅 𞤳𞤢𞤤𞤢 𞤩𞤫 𞤩𞤢𞤲𞤺𞤭𞤲𞤢𞥄𞤤𞤭 𞤫 𞤲𞤣𞤫𞤪 𞤳𞤢𞤴𞤲𞤣𞤭𞥅𞤪𞤭 𞤲𞤣𞤭𞤲⹁ 𞤸𞤮𞤤 𞤱𞤮𞤲𞤭 𞤩𞤫𞤲 𞤶𞤢𞤲𞤢𞤲𞤩𞤫 𞤼𞤢𞤱𞤢𞤲𞤮𞥅𞤩𞤫 𞤫 𞤯𞤫𞤲 𞤲𞤦𞤢𞤪𞤤𞤫⹁ 𞤲𞤮 𞤼𞤵𞥅𞤥𞤢𞥄 𞤱𞤮𞤲𞤣𞤫𞤥𞤢 𞤳𞤮 𞤪𞤵𞤧𞤳𞤭𞥅𞤩𞤫 𞤩𞤫𞤲 𞤶𞤮𞥅𞤨𞤢𞥄. 𞤏𞤵𞤪𞤭𞤲 𞤤𞤢𞥄𞤥𞤵 𞤃𞤢𞤤𞤭 𞤲𞤺𞤵𞤲 𞤫 𞤲𞤺𞤵 𞤈𞤮𞥅𞤧𞤭𞤴𞤢 𞤲𞤺𞤵𞤲 𞤹𞤭𞤪𞥆𞤭𞤼𞤭𞤲𞤮𞤳𞤫 𞤸𞤵𞥅𞤱𞤮𞤲𞥋𞤣𞤭𞤪𞤢𞤤 𞤸𞤢𞤳𞥆𞤵𞤲𞥋𞤣𞤫 𞤥𞤢𞤩𞥆𞤫.

𞤘𞤭𞤤𞤢 𞤸𞤢𞤩𞤪𞤫 𞤲𞤣𞤫𞤲 𞤬𞤵𞤯𞥆𞤭 𞤃𞤢𞤤𞤭⹁ 𞤸𞤢𞤪𞤭 𞤱𞤢 𞤯𞤫𞥅 𞤲𞤦𞤢𞤪𞤤𞤫 𞤱𞤢𞤯𞤢𞥄𞤤𞤭. 𞤐𞤮 𞤼𞤢𞤱𞤢𞥄 𞤫 𞤩𞤫𞥅 𞥕𞥐𞥐 𞤱𞤢𞤪𞤢𞥄𞤩𞤫⹁ 𞤪𞤫𞤱𞤩𞤫 𞤲𞤮𞥅𞤺𞤢𞤴𞤮 𞤳𞤢𞤻𞤵𞤲 𞤫 𞤬𞤢𞤴𞤩𞤫 𞤲𞤶𞤫𞥅𞤯𞤭𞤯𞤮. 𞤉 𞤸𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤧𞤮𞥅𞤪𞤭𞥅𞤩𞤫 𞤩𞤫𞤲 𞤤𞤫𞤼𞥆𞤵𞤲𞤮 𞤲𞤢𞤲𞤺𞤢𞥄𞤩𞤫 𞤩𞤫𞤲. 𞤏𞤢𞤯𞤼𞤭 𞤯𞤮𞤲 𞤳𞤢𞤣𞤭⹁ 𞤩𞤫 𞤴𞤢𞤲𞤭 𞤫 𞤪𞤫𞤱𞤩𞤫 𞤷𞤢𞤨𞥆𞤢𞤲𞤯𞤫 𞤶𞤫𞥅𞤺𞤮𞤮⹁ 𞤩𞤫 𞤰𞤫𞥅𞤩𞤭 (𞤣𞤮𞥅𞤤𞤭) 𞤩𞤫. 𞤐𞤮 𞤼𞤢𞤱𞤢𞥄 𞤫 𞤩𞤫𞤲 𞤶𞤭𞤱𞤮𞤴 𞤳𞤮𞤴 𞤬𞤢𞤪𞤦𞤢𞥄𞤤𞤭.

𞤉 𞤴𞤭𞤢𞤲𞤣𞤫 𞤢𞤲𞤼𞤵𞤩𞤫 𞤩𞤫𞤲 𞤐𞤓𞤩𞥆𞤵𞤣𞤭 𞤲𞤣𞤭𞤲⹁ 𞤳𞤮 𞤧𞤮𞥅𞤪𞤭𞥅𞤩𞤫 𞤸𞤵𞤪𞤥𞤢𞥄𞤩𞤫 𞤱𞤢𞥄𞤧𞤵𞤩𞤫 𞤴𞤵𞤪𞤥𞤫𞥅𞤲𞤣𞤫 𞤴𞤢𞤲𞤭 𞤫 𞤃𞤵𞤪𞤢. 𞤏𞤮𞤲𞤢𞥄 𞤫 𞤻𞤢𞤤𞤢𞥄𞤲𞤣𞤫 𞤱𞤮𞥅𞤼𞤫𞤪𞤫⹁ 𞤱𞤢𞤪𞤢𞥄𞤩𞤫 𞤩𞤫𞤲 𞤬𞤮𞤨 𞤬𞤫𞤤𞥆𞤢𞥄.

𞤙𞤢𞤤𞤲𞤣𞤫 𞤩𞤫 𞤴𞤢𞤲𞤭 𞤫 𞤤𞤵𞥅𞤥𞤮 𞤲𞤺𞤮𞤲⹁ 𞤳𞤮 𞤷𞤢𞤨𞥆𞤢𞤲𞤯𞤫 𞤩𞤫 𞤱𞤢𞤪𞤭. 𞤑𞤮 𞤫 𞤲𞤣𞤫𞤪 𞤦𞤢𞥄𞤤𞤯𞤫 𞤸𞤭𞤳𞥆𞤭𞥅𞤯𞤫 𞤯𞤫𞤲 𞤩𞤫 𞤱𞤢𞤪𞤭 𞤼𞤫𞥅𞤥𞤫𞤯𞥆𞤫 𞤸𞤫𞤣𞥆𞤭𞥅𞤩𞤫 𞤩𞤫𞤲.

𞤅𞤮𞥅𞤪𞤭𞥅𞤩𞤫 𞤩𞤫𞤲 𞤲𞤢𞥄𞤼𞤭 𞤳𞤢𞤣𞤭 𞤫 𞤧𞤵𞥅𞤣𞤵 𞤳𞤢𞤤𞤢⹁ 𞤩𞤫 𞤱𞤭𞤯𞤭𞥅⹁ 𞤩𞤫 𞤤𞤭𞤻𞤭⹁ 𞤩𞤫 𞤴𞤢𞤤𞤼𞤭𞤲𞤭𞥅 𞤧𞤵𞥅𞤯𞤭𞥅𞤩𞤫 𞤩𞤫𞤲 𞤬𞤮𞤨. 𞤇𞤢𞥄𞤱𞤼𞤭 𞤯𞤵𞤲⹁ 𞤦𞤭𞤥𞤦𞤭 𞤲𞤣𞤫𞤲 𞤻𞤢𞤤𞤲𞤣𞤫⹁ 𞤩𞤫 𞤴𞤢𞤥𞤭𞤪𞤭 𞤢𞤤𞤥𞤢𞥄𞤥𞤭𞥅𞤶𞤮 𞤮𞤲 𞤫𞤱𞤲𞤮𞤪𞤺𞤮𞤤 𞤸𞤮𞥅𞤤𞤮 𞤲𞤺𞤮𞤲 𞤴𞤮 𞤳𞤢𞤤𞤢 𞤧𞤵𞥅𞤯𞤭𞥅𞤯𞤮 𞤴𞤢𞤤𞤼𞤵 𞤶𞤮𞤺𞤲𞤭𞤼𞤢 𞤸𞤮𞥅𞤪𞤫 𞤥𞤵𞤵𞤲.

𞤇𞤢𞥄𞤱𞤼𞤭 𞤯𞤵𞤥⹁ 𞤩𞤫 𞤥𞤮𞥅𞤩𞤭𞤲𞥋𞤣𞤭𞤪𞤭 𞤱𞤮𞤪𞤩𞤫 𞤩𞤫𞤲 𞤬𞤮𞤨. 𞤑𞤢𞤤𞤢 𞤶𞤵𞥅𞤼𞤢-𞤱𞤢𞥄𞤪𞤫𞥅𞤶𞤮⹁ 𞤥𞤢𞥄 𞤪𞤢𞥄𞤩𞥆𞤭𞤯𞤢-𞤼𞤵𞥅𞤦𞤢𞥄𞤶𞤮 𞤱𞤢𞤯𞤢𞥄 𞤬𞤫𞥅𞤪𞤫. 𞤇𞤫 𞤸𞤢𞤩𞥆𞤭𞤲𞥋𞤣𞤭𞤪𞤭 𞤶𞤵𞥅𞤯𞤫 𞤥𞤢𞤩𞥆𞤫 𞤯𞤫𞤲 𞤩𞤢𞥄𞤱𞤮⹁ 𞤩𞤫 𞤲𞤢𞤩𞤭 𞤩𞤫 𞤩𞤫 𞤬𞤫𞤤𞥆𞤮𞤴𞤭. 𞤇𞤫 𞤤𞤭𞤩𞤵 𞤬𞤵𞤪𞤫𞥅𞤶𞤭 𞤯𞤭𞤲 𞤫 𞤲𞤣𞤫𞤪 𞤺𞤮𞥅𞤤𞤮𞤤 𞤩𞤫 𞤧𞤵𞤥𞤲𞤭. 𞤑𞤮 𞤲𞤮𞤲 𞤩𞤫 𞤱𞤢𞤯𞤭𞤪𞤭 𞤻𞤢𞤤𞤲𞤣𞤫 𞤦𞤫𞥅 𞤻𞤢𞤤𞤲𞤣𞤫.

𞤖𞤮𞥅𞤪𞤫 𞤯𞤵𞤥 𞤳𞤢𞤣𞤭⹁ 𞤩𞤫 𞤲𞤢𞥄𞤼𞤭𞥅 𞤫 𞤷𞤵𞥅𞤯𞤭 𞤯𞤭𞤲⹁ 𞤩𞤫 𞤴𞤫𞥅𞤦𞤭𞥅 𞤻𞤢𞥄𞤥𞤤𞤭 𞤯𞤭𞤲 𞤬𞤮𞤨⹁ 𞤩𞤫 𞤧𞤵𞤥𞤲𞤭 𞤨𞤵𞤼𞥆𞤢𞤤𞥆𞤭𞤶𞤭 (𞤥𞤮𞤼𞤮𞥅𞤶𞤭) 𞤯𞤭𞤲 𞤫 𞤢𞥄𞤤𞤢𞥄𞤶𞤭 𞤺𞤮𞤤𞥆𞤭𞤪𞤯𞤭 𞤯𞤭𞤲 𞤬𞤮𞤨.

𞤐𞤮 𞤼𞤢𞤥𞤰𞤭𞤲𞤢𞥄 𞤳𞤢 𞤐𞤶𞤵𞤩𞥆𞤵𞤣𞤭 𞤘𞤫𞤲𞤯𞤫 𞤊𞤮𞤼𞥆𞤵𞤯𞤫 𞤯𞤫𞤲 𞤬𞤫𞤰𞥆𞤭𞤲𞤢 𞤳𞤢𞤴𞤣𞤭𞥅𞤪𞤭 𞤴𞤭𞤢𞤲𞤣𞤫 𞤥𞤢𞤩𞥆𞤫 𞤲𞤣𞤫𞤲 𞤳𞤢 𞤙𞤢𞥄𞤱𞤭𞤪𞤣𞤵 𞤏𞤭𞤲𞤣𞤫𞤪𞤫𞤴𞤢𞤲𞤳𞤫𞥅𞤪𞤵 𞤄𞤮𞤲𞥆𞤫𞤪𞤫𞥅𞤶𞤭. 𞤍𞤵𞤥 𞤲𞤮 𞤥𞤢𞥄𞤨𞤭𞤲𞤭 𞤤𞤢𞥄𞤥𞤩𞤫 𞤃𞤢𞤤𞤭 𞤩𞤫𞤲.

𞤂𞤢𞥄𞤥𞤵 𞤃𞤢𞤤𞤭 𞤲𞤺𞤵𞤲 𞤲𞤮𞤲⹁ 𞤴𞤫𞤣𞥆𞤭𞥅 𞤯𞤫𞥅 𞤨𞤢𞤱𞤫 𞤸𞤢𞤨𞥆𞤢𞥄𞤯𞤫 𞤸𞤮𞥅𞤪𞤫 𞤧𞤮𞥅𞤪𞤭𞥅𞤩𞤫 𞤩𞤫𞤲. 𞤉 𞤱𞤭𞤴𞤭 𞤥𞤢𞤺𞥆𞤵⹁ 𞤳𞤮 𞤸𞤵𞤤𞤦𞤮𞥅𞤩𞤫 (𞤼𞤫𞤪𞤮𞤪𞤭𞤧𞤩𞤫) 𞤼𞤢𞤲 𞤱𞤮𞤲𞤭 𞤳𞤮 𞤩𞤫 𞤱𞤢𞤪𞤭 𞤫 𞤲𞤣𞤫𞤪 𞤲𞤺𞤮𞤲 𞤸𞤮𞤯𞤮.

𞤑𞤮𞤲𞤮 𞤲𞤮𞤲 𞤤𞤢𞥄𞤥𞤵 𞤃𞤢𞤤𞤭 𞤲𞤺𞤵𞤲 𞤲𞤮 𞤸𞤢𞥄𞤲𞤢𞥄 𞤤𞤢𞤲𞤣𞤫𞥅𞤣𞤫⹁ 𞤸𞤮𞤤 𞤲𞤮 𞤬𞤫𞤼𞥆𞤭𞤲𞤭𞤯𞤮 𞤤𞤮𞥅𞤱𞤢𞤲𞤯𞤫 𞤫 𞤲𞤣𞤫𞤪 𞤤𞤵𞥅𞤥𞤮 𞤧𞤫𞤲𞤣𞤭𞤲𞥋𞤣𞤭𞤪𞤭𞤪𞤼𞤢 𞤸𞤢𞤳𞥆𞤵𞤲𞥋𞤣𞤫 𞤱𞤮𞤲𞤢𞥄𞤩𞤫 𞤱𞤢𞤪𞤫𞥅𞤣𞤫 𞤩𞤫𞤲؟